سؤال حول الفلسفة.....

[nor4ever]

السلام عليكم و رحمة الله و بركاته،
كيف أحوالكم أخوتي؟
أنا راني حاصلة بكل معنى الكلمة في مادة الفلسفة،
الى حد الان مالقيتش طريقة فعالة مع هذه المادة
سمعت بلي في اخر العام ان شاء الله يعطويونا مقالات مقترحة وحدة منهم تجي في الباكالوريا
كاينة منها صح؟
وأيضا أريد من كل عضو أن يعطيني طريقته في دراسة هذه المادة ان أمكن،
مع العلم أنني علمية،
وشكرا مسبقا
بالتوفيق للجميع
.....

[نبض قلبك]

matklkich rouhk sah kayn makalt motwaka3a whda menhom tih felbac concentri maa chikha f classe c ts w tmarni ala kitabat lmakalat

[Nour el houda93]

تعتمد على الحفظ والفهم معا وانصحك اختي بمرجع السامي لانو مستحيل تنجحي في هادي المادة بلا مراجع.........هدا رايي بالتوفيق اختي

[oussama.w]

سلام عليكم

انا ثاني اختي علمي كيفك وكانوو صحابي لفوتوو العام لات الباك يخلعوني بيها وراك ما تدي غير 3 و 4

انا محطيتلهاش بال خلاص وكنت نقراها هواية ومكنتش نحضر الدروس في القسم غير الايام لتمد فيه النقاط المهمة و النهار لتمد فيه نمودج للمقالة


وفي الفرض عطونا مقالة و بعدها اسئلة .. قريت المقالة وجاوبت على الاسئلة وفي الاخير ديت 10 واعلى نقطة في القسم 12

وفي الاختبار مقريتهاش خلاص لخطراكشش كان عندي ليلتها ليكور رياضيات ومنقدر نفرط فيه لخطراكش مداير في مجموعة خاصة وكرجعت للدار على 9.30 تع الليل راجعت حاجة واحدة ولا تقدري تقولي حفظتها وهي الفرق بين السؤال العلمي والسؤال الفلسفي و في الاختبار ممدولناش الفرق ما بين السؤال العلمي والفلسفي مدولنا الفرق ما بين المشكلة والاشكالية وانا مكنتش عارف فيها والووو رحت للموضوع الثاني لفيه مقالة تحكي على المنطق التقليدي و خيرتووو , الكلمات المهمين بينتهم بالمركوور وبديت نكتب في المقالة : المقدمة + راي كاتب النص + الحج التي استعملها كاتب النص + رايك الشخصي والنقد + الخاتمة وفي 45 دقية كملت خرجت اول واحد في القسم



ويوم التصحيح في رايك شحال ديت ؟؟؟؟ ديت 13 واعلى نقطة في القسم 14 داها واحد معاود الباك وخير الفرق مابين المشكل والاشكالية

الفائدة من كلامي ختي متخلعيش روووحك الفلسفة راهي مادة عادية ...جربي طريقتي تع الماركووور ولا كاين طريقة اخرى وهي جربي تولي تكتبي المقالات وعطيها للاستاد نتاعكم يصلحهالك وهكا توليلك الفلسفة سهلة

واسمحيلي على الاطالة

[آناء الليل]

يا خاوتي يالوكان تحتمع كل مشاكلكم في الفلسفة ما تجيش كيما تاعي لكلاسا تعنا تدمولو عليها ربعة اساتذة و الخامس الفصل الثاني و حنا ما وال ما خطينا حتا خطوة فذي المادة

[oussama.w]

ربي معاكم اختي

[rouki]

السلام عليكم الاخت
انا تاني علمية كيفي كيفك و كنت خايفة من الفلسفة بويسكو ختي الكبيرة كي جوزت الباك دات تبالي 7 ماديباستهاش و جاتني خلعة منها
+ لي نسقسيه يقولي بلي الفلسفة هي لي خلاتني و انا الحق تع ربي خلعت منها
نهار الفرض راجعت شوي و عطاتلنا استاذة سؤال و الله معلابالي على واه
جاوبت عليه و درت مقالة جدلية حضرتها في الدار جاني نفس السؤال جاوبت و ساعدني حقا اقوال الفلاسفة
كي تكثري منها تدي علامة افضل و ديت 15 اعلى علامة
و في الامتحان ملقيتلهاش وقت بويسكو عندي ليكور و كي تلاقيت بصحباتي و لي يقراو معايا لقيتهم كامل حافضين مقالات
و لي حفضوها جاتهم على المنطق الصوري
و انا درت الموضوع الاول هل الفلسفة عبث فكري؟
و خرجت بعد نص ساعة محاولتش مامبا في الاوساخ
و ديت افضل علامة تاني 15
و نقولك تساعدك مقالات استاذة هنا حاطتهم و كي نلقاهم نحطهملك درك
و متخلعيش + لازمك تكونسونتري مع بروف في الكلاسة برك

[rouki]

روحي لمواضيع المشرفة تبالي هي استاذة فلسفة
عندها مقالات روعة
http://www.djelfa.info/vb/member.php?u=64341

[nor4ever]

شكرا جزيلا للجميع على الرد،
أنا عييت نتبع مع الأستاذة بصح المشكل ماتعرفش كيفاه توصل الفكرة للتلميذ،
ومابغيتش نودر وقتي فيها و نحفظها،
علا بيها راني نحوس على طريقة أخرى مانتعبش فيها و ماتديليش الوقت!!!

....

[rouki]

عنك و على ليكور

[nor4ever]

عنك و على ليكور
ياخويا ليكور ياربي للمواد العلمية،
ماكانش الوقت،
هذا هو المشكل،

.....

[fadi3]

المنهجية المنهجية
هي الاساس
حاولي اتقان منهجية كتابة مقالة وتحليل نص
وفهم افكار الاساسية للدروس
وستتحصلين على نقطة جيدة ان شاء الله
انا العام الماضي كنت اقرا المقالات واستخرج الافكار الاساسية وحفظت منهجية كتابة مقالة
وتحصلت على 15
وماانصحك به بالاضافة لما قمت به انا هو ان تتمرني على كتابة المقالات
اذا واجهتك صعوبة ضعي الكراس امامك والمقالات التي لها علاقة بالموضوع
استخرجي الافكار ثم استعمليها لكتابة مقالتك
والاشخاص الذين كانوا يتمرنون على كتابة المقالات تحصلوا على 16 17