مشاهدة النسخة كاملة : الى كل من لديه كرامة *الاغواط*
djo laghouat
2011-12-28, 19:09
السلام عليكم اخواني اخواتي اساتذتنا الكرام
لكل من لديه كرامة
لقد لاحظنا منذ تاريخ 15/11/2011 ان مصلحة الاجور الخاصة بمديرية التربية لولاية الاغواط وهي تمارس علينا سياسات متعددة بداية من ان المدير ليس لديه التفويض ثم ان اللجنة المكلفة في متوسطة البابطين تسهر ليل نهار ثم ان جميع الملفات سويت وهي تنتظر الامضاء من الامين العام ثم عند مجيء وزير التربية يقومون بسياسة خبيثة و هي الاعيب لا اكثر و لا اقل ان اللجنة تعمل على تسوية جميع الملفات بما فيها اجور الادماج و هذا على لسان المدعو *بتقة *ثم قبيل ايام تم دفع اجور التعاقد من 1/1/2011 الى 28/3/2011 ولكن فقط الى اساتذة الثانوي و الادهى و الامر ان بعض اساتذة الثانوي لم يتقاضوا
اجور هذه الاشهر ؟؟؟؟!!!!!!!!
فاين نحن اخواني الاساتذة ؟؟؟
اين هي الكرامة ؟؟؟
هل اصبحنا نتكلم عن حقوقنا و كاننا نطلب المستحيل ؟؟؟
انا اطلب من الاساتذة الكرام الذين يغارون على كرامتهم وانا اظن فيكم الخير ان تقاطعو الدخول الى الموسم الثاني ونقوم باحتجاج يوم الاثنين 02/01/2012 لان سكوتكم يزيدهم تماطلا وتكاسلا على تسوية ملفاتنا ...........فما ضاع حق وراءه مطالب
djo laghouat
2011-12-28, 21:27
سيحكم التاريخ يوما ما أنكم ساكتون عن الحق و اذكركم ان التخاذل لا يشرف مطلقا
أين انتم يا 800 أستاذ مدمج بولاية الاغواط ؟؟؟؟؟؟؟؟؟
لم نجدكم يوم 15/11/2011 أمام مقر مديرية التربية لولاية الاغواط
صراحة موتكم خير من حياتكم أترضون بهذا الوضع بدون أجور من ديسمبر 2010 ؟؟؟؟؟؟؟؟؟
زياد طارق
2011-12-28, 22:12
يا خويا هدي روحك ومعامن راك تهدر هاذو غاشي ذلاله واذا قعدت تبع فيهم راك تنظم ليهم والدليل راهم مهمش خالصين و رايحين للتكوين مش منكر والله ربي يهديهم انا ننصح خويا ماتتسنا حتى حاجة من حتى واحد ..
djo laghouat
2011-12-29, 15:14
الى المرة الالف يواصل اشباه رجال الاكاديمي يكذبو و الاساتذة مغيبون و كانهم في غنى عن اجورهم فحسبنا الله و نعم الوكيل
aouissi02
2011-12-29, 16:20
لم افهم شيئا اين الاساتذة في الاغواط
gladiator2010
2011-12-29, 16:40
نفس الشئ عندنا ف الجلفة كتبت موضوع بخصوصو الاجور قعد واحد يتمسخر بيا مع العلم اننني اسبوعيا فالاكاديمية رانا ولينا ع الحديدة لا عيد كيما الناس و لا رمضان كيما خلق الله ربي يفرج علينا
يخوي احمد ربي اللي راك تسال دراهم انا راني ليسانس انجليزية من 2005 الادماج ومصحليش.
djo laghouat
2011-12-29, 19:01
يا اختي ربي نشاله يلحقك و تحققي الادماج اما حنا رانا هنا نطالبو بحقوقنا رانا صحاب عايلة و وما قدرناش خافو ربي فينا يا ناس
زياد طارق
2011-12-29, 21:54
اخر الاخبار الملفات راها مازالت في الاكاديمية ولم ترسل الى المراقب المالي كما ادعو
ديرو حسابكم بلي الخلصة لجوان بالصحة والعافية يا وجوه المزيرية
djo laghouat
2011-12-29, 22:08
اذا كان هذا الخبر صحيح يا خويا
انا نقولكم اذا راكم رجال صح نتلاقاو نهار الاثنين في لاكاذيبي هذيك ونقاطعو الدخول هذي اذان مازال كاين اساتذة يغارو على كرامتهم
زياد طارق
2011-12-29, 22:15
تعرف واش لدمرنا الانثى دير حسابك بلي راها شاغلة اكثر من70 بالمئة وكي نقول الانثى يعني راه عاجبها الحال ومش سايلة على الدراهم اما اذا عولتو على الاحتجاج فيكون امام مقر الوزارة والسلام عليكم ولي قال كلمة الحق ما قال عيب
djo laghouat
2011-12-29, 22:37
نحن نتكلم عن حقوقنا و الذي يريد الكلام هنا يجب ان يتكلم عن حقوقه لا اكثر ولا اقل
نريد الاحتجاج يوم الاثنين عند باب الاكاديمي و الحاضر يبلغ الغايب كونو في الموعد 02/01/2012 على الساعة الثامنة صباحا
ملاحظة للاخ طارق
انا مانيش معاك في كلامك الأول لأنه كابن الي عندو اخته تدرس ومعانا في المنتدى دع الخلق للخالق
زياد طارق
2011-12-29, 22:53
انا راني مقلق برك انا واحد من الناس تحرقت في ذيك الاكاديمي حتى ولا يقولولي غير انت لي راك دير في المشاكل قاع الاساتذة صابرين والراي لي نقوللك نتفاهمو ونرحة لبن بوزيد شخصيا ونهدرو معاه
ريحانة الجنة44
2011-12-30, 09:43
]السلام عليكم اخي الكريم
انا معلملة ابتدائي من ولاية الاغواط
ربحت في 2010 احتياط
و اللاسبوع هذا درنا تكوين في متقنة عمر دهينةكامل اساتذة الولاية
و رحنا للاكاديمية و طالبنا الاجر قالونا الاسبوع القادم يدخل راتب المعلمين الناجحين فقط و ليس الاحتياط (الاحتياط قالونا حتي في جوان)
و اذا ما دخلش الراتب الاسبوع المقبل للناجحين و الاحتياط
رانا رايحين نديرو احتجاج امام المديرية يوم الثلاثاء الاسبوع لي وراه10/01/2012
و اتمنى انوا المعلمين يكونوا عند كلمتهم
اما بالنسبة لي كانوا استخلاف و دمجوهم كامل ما هدروش عليهمو حتي اقصاوهم من التكوينو قالولهم بالحرف الواحد تنوما من بعدما راكومش معنيين بهذا التكوين
وشكرا
djo laghouat
2011-12-30, 11:34
السلام وعليكم و جمعة مباركة
يا خاوتي قتلكم ما تدخلوش نهار الاثنين و نروحو للاكاديمي باش نفضحوهم ناس راها تمشي غير بالقوة ونتكلمو مع النقابات ونتفاهمو ندخلو في اضراب مفتوح والله غير كرهنا من الهدرة كونو نهار واحد برك عند كلمتكم راهم مادامهم شايفينكم ساكتين و الله ماراح يلهاو بينا
شوفو ناس العاصمة و عنابة كاملين خلصو حتى جيرانا صحاب الجلفة الابطال و خلصوهم وين رانا يا ناس خافو ربي هذي راها حقوقكم
انا نحب هذه المرة نلقا كامل الاساتذة يرحم والديكم ..........................................حسبي الله و نعم الوكيل
djo laghouat
2011-12-30, 11:39
]السلام عليكم اخي الكريم
انا معلملة ابتدائي من ولاية الاغواط
ربحت في 2010 احتياط
و اللاسبوع هذا درنا تكوين في متقنة عمر دهينةكامل اساتذة الولاية
و رحنا للاكاديمية و طالبنا الاجر قالونا الاسبوع القادم يدخل راتب المعلمين الناجحين فقط و ليس الاحتياط (الاحتياط قالونا حتي في جوان)
و اذا ما دخلش الراتب الاسبوع المقبل للناجحين و الاحتياط
رانا رايحين نديرو احتجاج امام المديرية يوم الثلاثاء الاسبوع لي وراه10/01/2012
و اتمنى انوا المعلمين يكونوا عند كلمتهم
اما بالنسبة لي كانوا استخلاف و دمجوهم كامل ما هدروش عليهمو حتي اقصاوهم من التكوينو قالولهم بالحرف الواحد تنوما من بعدما راكومش معنيين بهذا التكوين
وشكرا
كذب في كذب اختي صدقيني والغلطة فيكم ياخي الناس قالولكم قاطعو التكوين انا شخصيا و الله ما رحت على خاطر يكونو رواحم و من بعد يكونونا
السلام عليكم أما بعد فقد أخبرنا النايلي اليوم أن أجور مدمجي المتوسط ذهبت الى المراقب المالي
vBulletin® v3.8.10 Release Candidate 2, Copyright ©2000-2025, TranZ by Almuhajir