هل تشترين الكسكس ام تصنعينه

[الشاوي الحر]

اخواتي الفضليات لاحظت في الآونة الأخيرة وبعد أن اصبح الكسكس يباع في المحلات الكثير من النساء استغنو عن صناعة الكسكس يعني ماعادوش يفتلوه كيما بكري...بل اصبحن يشترينه من المحلات وبهذا يوفرن التعب
فهل انت منهن

[دموع الحيــاة]

صحيح بأنّ الكسكس الذي يباع دائما موجود ببيتنا بكمـّيـّات كبيرة نوعا ما ولكن : أحيانا نأكل الذي يباع وأحيانا أخرى المصنوع في البيت ::: يعنتي في المناسبات وحضور الضـّيوف فإنـّنا نطبخ المصنوع بالبيت وعندما نكون نحن وفقط فإنّنا نطبخ الذي يباع .
وأمـّا المصنوع في البيت ، فمرّة في العام نقوم نحن وأمـّي بالفتل ، صحيح بأنـّه متعب نوعا ما ولكن أمـّي تريدنا أن لا ننسى الكيفيـّة وأن لا نعتمد فقط على الذي يباع .
Bonne continuation

[الشاوي الحر]

شكرا على ردكي واين الباقيالاحظ ان هناك اشخاصا صوتو لكنهم لم يشاركونا بأرائهم

[النيلية]

السلام عليكم

نحن ايضا نقوم بعمل الكسكس في البيت والوالدة متعها الله بالصحة هي من تقوم بصنعه وبكميات كبيرة نحتفظ بها لاستخدامها بين

الحين والآخر

[intissarat]

السلام عليكم ورحمة الله وبركاته

:dj_17: في الواقع أنا لاأحبذ فكرة شراء بعض الأطعمة التقليدية والتي أستطيع صنعها ولذا لا أستعمل إلا الكسكسي المعد في البيت
شكرا على الاستطلاع

[الشاوي الحر]

السلام عليكم

نحن ايضا نقوم بعمل الكسكس في البيت والوالدة متعها الله بالصحة هي من تقوم بصنعه وبكميات كبيرة نحتفظ بها لاستخدامها بين

الحين والآخر
كسكس في مصر:confused::confused::confused:

[جوهر الماس]

لا بالطبع تصنعه ماما ربي يخليها

لانه اللي يتباع مناش عارفينه وين ناشرينه

وزيد الطعام تاع الدار احسن وانا عمري ما كليت الطعام اللي يتباع

[الشاوي الحر]

لا بالطبع تصنعه ماما ربي يخليها

لانه اللي يتباع مناش عارفينه وين ناشرينه

وزيد الطعام تاع الدار احسن وانا عمري ما كليت الطعام اللي يتباع
تقولين أن امكي من يصنعه فإلى متى ستبقى ماما تصنعه

[روان 1]

السلام عليكم
أحنا نخدموه في الدار ماما هي الي تصنعوا وأحنا نعاونوها

[تغرينية]

الكسكس المصنوع في الدار ماكانش زيوا ايجي خفيف على المعده وفي طيابو يكون مظمون انا نفتل لزوجي واولادي وكانت اول طبخا علمتهالي امي هي كيفاش نفتلوا ونطيبوا الله يطولنا في عمرها قولوا امين.

[الشاوي الحر]

الكسكس المصنوع في الدار ماكانش زيوا ايجي خفيف على المعده وفي طيابو يكون مظمون انا نفتل لزوجي واولادي وكانت اول طبخا علمتهالي امي هي كيفاش نفتلوا ونطيبوا الله يطولنا في عمرها قولوا امين.

ربي يحفظ جميع امهاتكم

[الشاوي الحر]

الكسكس المصنوع في الدار ماكانش زيوا ايجي خفيف على المعده وفي طيابو يكون مظمون انا نفتل لزوجي واولادي وكانت اول طبخا علمتهالي امي هي كيفاش نفتلوا ونطيبوا الله يطولنا في عمرها قولوا امين.
آمين يارب يحفظ جميع الأمهات

[النيلية]

كسكس في مصر:confused::confused::confused:

السلام عليكم

نعم هناك كسكسي في مصر ونصنع منه اطباق مختلفة منها الحلو ومنها بالشوربة او الصوص ومع البط المحمر

[~ تــــــــــيمـــــاء ~]

نحن في بيتنا نقوم بصنع الكسكس مرة في العام يعني ( عولة العام ) بحيث نتعاون في فتله انا و أمي و أخواتي .

[سلمى نور]

قولوا الصراحة يالي تشروا الكسكس ( وأنا منهم)
ههههههههههه

[اميرة اليالي البيضاء]

جزاك الله خيرا

في الحقيقة نحن نصنع الكسكس وبكمية كبيرة جدا

شكراااااااااااا

[mascara]

في الحقيقة نحن في اثنين مرة نشتري مرة نصنع

[المكتشفة]

انا ليساتني صغيرة لها الشغلة لهيك امي يلي بتفتل ولانو يما تخدم كمان برات البيت اذا خلاص الكسكس ولا سكسو كيما نقولولو او كمان لانو احنا قبائل ناكلو ه بزاف

[الشاوي الحر]

انا ليساتني صغيرة لها الشغلة لهيك امي يلي بتفتل ولانو يما تخدم كمان برات البيت اذا خلاص الكسكس ولا سكسو كيما نقولولو او كمان لانو احنا قبائل ناكلو ه بزاف
بس يا اختي انت مو سورية او لبنانية انت قبايلية

[بنت الإسلام]

نحن نشتريه في بيتنا لأنه يوفر الجهد والمال راك عارف شحال يدير قنطار سميد ولا لا وزيد معاه شكارة فرينة
نروح نشري 10 كغ كسكس مشري أفضل

[ساكورا]

في الحقيقة لم يسبق لنا ان تناولنا الكسكس المشري
فامي حفظها الله هي التي تصنعه بكلتا يديها وان بالنسبة لي هو الذ من الكسكس المشري

[mimi.algeria]

حنا ناكلو البربوشة{ الكسكسي تقولو نتوما} تاع الدار..نفتلوا مرة ولا زوج في العام, ماما تفتل و حنا نعاونوها..ماشي مانديرو والو مي نحاولو نفتلو..البربوشة صعيبة لراك تحسب فيها ساهلة, خاصة الرقيقة..و الأمهات ديما يحبوها قدقد, علا بيها يديروها هوما, و تلقا الأغلبية كيما هك...المهم البربوشة لا استغناء عنها, و إذا استلزم الأمر نشريها..
واش نحب نقلك تاني...راك تشوف فالغلا تاع السلعة, مانعرف وين رايحة الحالة, المهم الدقيق غالي و ماجاوره, ماجاوره هو كي تحب دير التويزة مثلا يعني تلم النسا و تفتل خاصة الللي يفتل البربوشة للعام, يستقاملك ماعلاباليش بشحال, أضف إلى ذلك أنو ماكانش غير البربوشة في الدنيا, الأولاد يقراو, اللبسة, الماكلة, الطبيب.....الخ..يعني أنا مانستغناش على البربوشة تاع الدار, لاخاطر لا تعوض مي في وقتنا الحالي تاع الشرا خير إذا استلزم الأمر, الحالة ماراهيش رايحة تحبس هنا, على حساب الشوفة الغلا راهو مادي الطريق و ماحبش ينقص شوي فالفيتاس ولا يحبس, مانلومش اللي يشريوها, المهم كل واحد راهو عالم باللي يخرج عليه..
موضوعك مليح بزاف, يعطيك الصح..

[yasminemed]

,موضوع هايل... نحن الأم ترفض شراءالكسكس نهائيا. حنا عاداتنا نفتلو الكسكس وخاصة أن الكسكس المصنوع أفضل من الذي يباع

[الشاوي الحر]

حنا ناكلو البربوشة{ الكسكسي تقولو نتوما} تاع الدار..نفتلوا مرة ولا زوج في العام, ماما تفتل و حنا نعاونوها..ماشي مانديرو والو مي نحاولو نفتلو..البربوشة صعيبة لراك تحسب فيها ساهلة, خاصة الرقيقة..و الأمهات ديما يحبوها قدقد, علا بيها يديروها هوما, و تلقا الأغلبية كيما هك...المهم البربوشة لا استغناء عنها, و إذا استلزم الأمر نشريها..
واش نحب نقلك تاني...راك تشوف فالغلا تاع السلعة, مانعرف وين رايحة الحالة, المهم الدقيق غالي و ماجاوره, ماجاوره هو كي تحب دير التويزة مثلا يعني تلم النسا و تفتل خاصة الللي يفتل البربوشة للعام, يستقاملك ماعلاباليش بشحال, أضف إلى ذلك أنو ماكانش غير البربوشة في الدنيا, الأولاد يقراو, اللبسة, الماكلة, الطبيب.....الخ..يعني أنا مانستغناش على البربوشة تاع الدار, لاخاطر لا تعوض مي في وقتنا الحالي تاع الشرا خير إذا استلزم الأمر, الحالة ماراهيش رايحة تحبس هنا, على حساب الشوفة الغلا راهو مادي الطريق و ماحبش ينقص شوي فالفيتاس ولا يحبس, مانلومش اللي يشريوها, المهم كل واحد راهو عالم باللي يخرج عليه..
موضوعك مليح بزاف, يعطيك الصح..
اختي شكرا على هذا الرد المؤثر ولكننا هنا في الاوراس لا نسمي الكسكس كسكسا وانما نسميه بربوشة مثلكم

[المكتشفة]

ايوة بعرف ها شيء منيح في الحقيقة ما عجبتنيش اللهجة تع ليجون الجزائريين

[الشاوي الحر]

ايوة بعرف ها شيء منيح في الحقيقة ما عجبتنيش اللهجة تع ليجون الجزائريين
قولي للسوريين يعطوك بلادهم

[أم البنات]

:1:بصراحححححححححححة
أنا ماعنديش الوقت باش نفتل..مع الخدمة:d
الكسكس يتباع و مليح وعلاش نقلق روحي....;)

[أميرة سوف]

السلام عليكم لا أنا ولا أمي نصنعوا الكسكس .-لماذا ؟؟؟؟؟؟؟؟؟؟؟؟؟؟؟؟؟؟؟؟
لأن لأن الجاهز أوفر للوقت ولتعب وخاصتا في وقتنا هذا لأنو وقت السرعة والتطور ولكن لامانع أن نتعلم صنع الكسكس في الدار فأنا متعلة كيفية صنعه وأيضا حلب الشاة والمنسج وغيرها لأني غير معارضة في التعلم وخاصة التقاليد ولكن الوقت والتطور يطلب علينا ذلك -لأن في زمان مكانش النات ونبقوا مدة فيها وأحنا في المنتدى كيف زمان ههههههههههههههههه

[المتألقة]

أنا نعرف نفتل الكسكس لكن لما راه موجود اللي يتباع راني نشري

الصراحة راحة

[dahi]

ليس هناك ا فضل من كسكس البيت فهو خفيف كما قالت الاخت اما كسكس المباع فهو ثقيل على المعدة ويصيب القولون بالغازات انا اضن ان من تشتري الكسكس ليست شاطرة مهما جاءت بالاعدار نحن في الاوراس لا يوجد بيت لا يصنعه اما منلاتصنعه فهي خائبة

[ام ايمان16]

نحن في بيتنا نقوم بصنع الكسكس مرة في العام يعني ( عولة العام

[douniazed]

انا نعطي لجارتي شكارة تفتلها لي نخلصها

[ماما رنا]

السلام عليكم انا والله اشتريه لانه ماعاد عندي صحه واولادي ماهم فضين بس يالا يعرفو يطبخوه

[*سيرتا *]

انا لا اجيد حتى الفتل و لا والدتي نحن نشتريه من المحلات....

[*سيرتا *]

ليس هناك ا فضل من كسكس البيت فهو خفيف كما قالت الاخت اما كسكس المباع فهو ثقيل على المعدة ويصيب القولون بالغازات انا اضن ان من تشتري الكسكس ليست شاطرة مهما جاءت بالاعدار نحن في الاوراس لا يوجد بيت لا يصنعه اما منلاتصنعه فهي خائبة
واش من شطارة راكي تحكي عليها..المراة العاملة و خاصة المتزوجة و التي لها اولاد ان استطعت افعلي لها رزنامة حيث يكون فيها الاعتناء بالمنزل الاطفال الزوج بتزينها لزوجها بالعمل خارج البيت بالفتيل بالشخشوخة ...الخ

[جيجلية]

صنع الكسكسي متعب جدا

في السابق كنا نتعاون بين الجيران والأهل اللي تحب تفتل تعرض احبابها يعاونوها واديرلهوم الغداء

واليوم كل وحدة لاتية بروحها

أنا نعرف نفتل الكسكسي لكن مخلفاته بعد الفتل صعبة أوجاع في الظهر والرجلين واليدين ...................ياما لهذا قررت أن أشتريه جاهزا من الآن فصاعدا

[توتة اميرة]

هنا نشروه ماما صح تعرف تففتل بصح ماتحبش تكسر راسها

[موسى2207]

اخي العزيز احنا مازانا في التقليدي كل مانجو نطيبو بربوشة نحط القصعة ونفتل
اذا كانت بريوشة الفول اليابس نديرها خشينة
اذا كانت نتاع الحم نديرها رقيقة
هكذا يحب زوجي انا ادخل في بعض الاحيان باسم زوجي
لا نشتري نهائيا من السوق والمفتولة للعولة نستعملها غير فترة نفاسي لانني لا استطيع ان افتل

[وردة بجاية]

نحن نصنعه في البيت.......نقوم بحفظه للحاجة......فأمي أبدا لا تحب كسكس الذي يباع......

[حواء الجزائر]

والله انا مع الالاولاد والعمل لكنى احضره فى البيت لان زوجى يعشق اكله وان احتجت اشتريه ولكن اكله وانا مش مرتاحة باى يد تفتل كيفاش تجفف فى اى ضروف تخزن ونندم لكن للضرورة احكام حتى فتيله مشى ساهل وانا اقوم بالعملية وحدى مى واخواتى بعاد جدا .

['' أمة الرحمن '']

اخواتي الفضليات لاحظت في الآونة الأخيرة وبعد أن اصبح الكسكس يباع في المحلات الكثير من النساء استغنو عن صناعة الكسكس يعني ماعادوش يفتلوه كيما بكري...بل اصبحن يشترينه من المحلات وبهذا يوفرن التعب
فهل انت منهن

انا اصنعه في البيت

[layansandi]

احنا نشروه كنا من قبل نفتلوه وبعده توفر المشري وزيديها جاء كسكس عمر بن عمر هايل يوفرلك ماكانش تعب ودقيق وفرينة و الغاز تفرات ونحترم الي تفتلو بصح عندنا شري بطلنا الفتيل بكري كي يكون جايك واحد تعودي تخمي وش يفتلك والآن مع الكسكس المشري روعة رغم كاين يفتلو انتاع عام وكاين يكرهوا يفتلو وين حبو يديروا عشاهم كسكس هذا رأيي

[أمال2008]

في زوج ماما ديرو وتخبيه وكي يفض ساعات تضظر تشري
سلااااااام

[وئام الروح42]

حنا في دارنا نفتلوه بصح كي نروح لدار راجلي بربي انشاء الله نشريه
انا كي نشوف الغربال قليبي ادور
التزرزيق الدار تتمرمد انشروا هنا لالا بدلوا بلاصتوا بلاك الماء اقيسوا بلاك الغبار بلاكيالذراري الصغار
كيما تقولي ماما كاين كسكس ماما

[fatma81]

حنا نفتلو البربوشة ما نشروهاش
اصلا الوالد وخوتي ما يحبوش الي تتباع يحبو المفتولة جديدة ونتاع الدار

[سَلْسَبِيّلْ]

اكل قالوماما ونتوما شوفو الزوخ مانحبوش 99 بالمئة اصبحو يشريوه حنا نهدرو على الجيل الجديد ولاه ماماتنا يتبعونا الى بيت ازواجنا اسكمحولي على ردي اضنه قاسي لكن الحقيقة تقال ولنا بنفسي نشري المصنوع كسكس الطاوس لان لاخر يجينا غالي

[noussaiba2007]

لالا حنا نفتلوه فالدار وجامي ناكلوا الذي يباع هكذا تربينا .......................

[سَلْسَبِيّلْ]

القليل اختي وانا اتحدى اي واحدة

[وئام الروح42]

بنات واش تتعلموا مليح تعلموا تفتلوا راه مليح ليكم

[رقية 24]

امي تفتل

لان الكسكس اللي يتباع ماشي بنين

سلااااااااااااااااااااااااااااااااااام

[سوسو الطموحة]

انا متزوجة واتعلمت فتيل الكسكسي في بيت الزوجية حبيت انا نتعلمو.....لكن نفتلو لما نلقى المساعدة لانه يحب الماعونة ....ونشريه من عند مراة تاع ثقة يعني تفتلو على جالي ...لما يكون جيبي معمر....مرة 10كغ....مرة..25كغ...لكن اللي تفتلو في البيت احسن راكي رايحة توفري دراهمك لحاجة واحدة اخرى

[ضوء القـمر]

الله يحفظ الوالدة هي التي تقول بفتله بمعنى عولة العام وأنا أتمنى من كل قلبي تعلمه

[ام ظافر]

انا عن نفسي نشتري فقط كسكس بن عمر راني وحيدة وعندي رضيع ما نلقاش كيفاه نفتل

[nabila.ha]

احنا تاني نشروه غير في الاعراس او مناسبات كبيرة عندنا نساء يفتلوه و نشروه من عندهم

[أم القادة]

أنا عن نفسي نغربل ونفتل وما دمت صحيحة لا أبخل زوجي وأولادي مع قدرتي على شرائه ولكن لاأرضى إلا بخدمة يدي
لكن هناك من لاتستطيع الفتيل لأسباب صحية أولكبر السن أو غيرها من الأسباب ولكل واحدة ظروفها وكذا نظرتها الخاصة للفتيل ويبقى الكسكسي الجاهز له فوائده فكثير من العائلات اتخذت الفتيل مهنة لتحسين الظروف الاجتماعية
وشكرا

[ROUMISA]

في المناسبات والاعراس نفتل
اما في باقي الايام فأشتري لانني وحيدة وعندي الصغار :19:

[souna02]

سلام حنا عندنا عييييييييييييييييييييييييييب الكسكس المشري انا شخصيا في دارنا ولا مرة شريناه و محال باش نشروه

[مطيعة الله]

نقوم بعمل الكسكس في البيت والوالدة متعها الله بالصحة هي من تقوم بصنعه

[bluemoon]

انا عاملة نشري الكسكسي لخاطر ماعنديش الوقت و تحضير الكسكسي بالبيت ليس معيار تقاس عليه المراة الفحلة كما يقالة....واش خصو كسكسي السوق يا الشاوي الحرة

[ملكة البربر]

انا تعملهولي يما وساعات نشريه

[رحيق الايمان]

مهما كان كسكسي البرة مليح مايجيش كي تاع الدار والي تقولي ناقص تعب بالعكس تاع الدار سهل التحضير اما تاع البرة يدي الوقت قبل مانحطوه يفور انا الحمد لله نكسكس بيدي سواء كان كسكس او بركوكش مع اني خدامة في الصيف مع الوالدة ربي يخليهالي نديرو العولة

[حميدة فرح]

انا مثلا اشتري الكسكس من المحل ولخطرش مانعرفش نفتل لكن لو كنت نعرف نفتل اكيد نستغنى عن كسكس المحلات

[ملك اريج]

انا نستعمل بربوشة بن عمر وماما ثاني مانفتلوش لفتيل صعيب بزاف معا اني شاوية حرة

[نسيبة 2009]

جامي نشروه ولا يفتلوهنا الناسحنا نفتلوه 2مرات في العام في الربيع والخريف

[برنسيس الأوراس]

السلام عليكم ورحمة الله وبركاته
ياخي احنا دايما الكسكسي نتاع الدار مانبدلوهش ابدا
نفتلوه دايما مرات نفتلوه مرتين في العام
واول حاجة تعلمتها كانت الكسكسي
وانا نمووووووووووت عليه
مشكوووووور اخي

[salimata]

انا نصنعو في الدار باسكو ماما علمتني في العطلة تاع 3 اشهر والحمد لله راني نفتلو كيفها بالضبط

وشكرا لك اختي الكريمة

[natacabell]

ana tani nachrih manakdabch

[*بشرى الأُنس*]

ma mere est enseignante au primaire (arabe(elle le roule ,elle meme chaque vendredi nou l;achetons jamais et pendant les vacances elle fait de grandes quantites elle dit tjrs que lecousc est notr patrimoine on doit le preserver

[omseheil]

احنا في دارنا انحبو الكسكس طازج يعنى نفتلوه كل مرة نحبو انطيبوه يجي بنين اما الكسكس الجاهز و المعد في المنزل نخليوه للاحتياط والكسكس جامي نشريوه
مشي خدمة خلاص الا للمرة الي مشغولة بزاف قصدى تخدم في برا و شكرا علي الموضوع

[zemima]

والله عمل البيت لا يضاهى . أكيد نعملو في البيت أطيب بكثير .

[dahi]

اه على الشوية الحرة التى تشترى الكسكس اسمحي لي بكل روح رياضية انك خائبة مستحيل ان تكون هناك شاوية لا تعرف فتل ابربوشة لانه اول شئ نتعلمه مهما كانت درجة العلم التي نحملها هو كيفية فتل البربوشة لا ادري مادا حصل واله بربوشة الدار خفيفة على بربوشة برا لان هدة الاخيرة تملا الامعاء بالغازات اضف الى هدا عدم فتل البربوشة يؤدى الى القضاء على عادة التويزة وعلى التضامن والمساعدة نحن في الصيف نفتل لبعضنا البعض الكل يشارك ويساعد

[ابتغي الجنة]

هاداك واش خصني مازال غير لفتيل مافتلتش
جامي ومانعرفش نفتل وعمري مانتعلم نفتل مانحبش لفتيل
تعلمت الطبخ الحلوة الخياطة الكروشي البرودي ...........................الخ غير لفتيل لي ماتعلمتوش كانت يما تفتل كي كانت بصحتها بصح دوكة خلاص رانا نشرو كسكس سيم متوسط هاااااااااااايل

[ام احمد الغالي]

انا نستعمل كسكسي السفينة ولا ماما ولا سيم رقيق يجيبوهولي من دزاير في الغربة قليل لنلقوه وكي منلقاش تاع الدزاير نجيب الوردة البيضاء تاع تونس

[dahi]

يا من تبتغي الجنة معدرة اختي العزيزة ان كنت قلت شىء اغضبك فقط كنت استغرب من انه هناك شاوية لا تعرف كيف تفتل ليس عيبا ان تتعلمي الفتل هناك مثل يقول اتعلم واترك لا ندري مادا يخبء لنا الزمان هناك ايضا من تقول انا ليس لدي وقت لكي افتل وهل الفتل كل يوم انه مرة في العام ومع الاهل والجيران مع الاسف الشديد جاءت الالة وحولت النساء الى روبوات لا يفعلن شئ

[فضيلة 22]

:mh31:انا نستعمل غير كسكس نتاع الدار وحنا فى منطقتنا البنت الى متعرفش دير تفتل كسكس وخبز دار وبزاف صوالح نتاع دار مهيش مراة نتاع دار

[أماني الجزائر]

نشريه ما نفتلش

[ninafret]

انا نشريه .....لكن من عند وحدة من اقاربنا تفتلو في البيت وتبيع للناس...وصراحة هي انسانة شاطرة ونظيفة

[أم محمد علي]

نشتري الكسكس

[knovel]

شكرا لك على هذه المشاركة

[رقة زمان]

انا في الحقيقه نفتل الكسكس بصح داري صغيره بزاف ومعنديش وين ننشرو
مرات نفتله عند ماما ومرات نشريه....نتاع الشري يجي مرات خفيف وشباب

[fatisousou]

السلام عليكم
بالصراحة اناكنت نفتل في دارنا او بعد الزواج لكن الان بما انني مريضة من العمود الفقري نشريه من عند وحدة المراة فاميلتي حقيقة نضيفة وطعامها هايل مع تحياتي للجميع :mh31:

[RAMIA]

انا في الحقيقة في دارنا ديما نفتلو يوميا ونطيبوه لانو ماعدناش وين نيبسوه اما الان انا صارلي 3 شهور متزوجة مازلت مفتلتش راني نشري مرة على مرة

[imanebedd]

انا اشتري الكسكس نوع عمر بن عمر يجي مليح

[tatadamizour]

انا ما نكذبش عليكم عمري مافتلت الكسكس كل عام كي نجي للبلاد نوصي عجوزتي تقول لواحد المراة مات زوجها تفتل للناس بالدراهم توجدلي شكارة تاع 10كغ و تكفيني للعام

[salssabil_2011]

ana na3raf naftal basah nahab machri ya3jbni khir nmen ta3 dar yji khfif khasa amer ben amer for

[(( هبة الرحمن ))]

خاصني غير نحط القصعة ونفتل والغربال والتعب ياخي عمر بن عمر أفضل من 100 مرا ....
كاين كسكس سبيسيال لازم يتخدم في البيت وأمي شاطرة فيه هو كسكس مفتول بالحشايش نستعملوه كعلاج ........( خاص بالنساء ).
أما الأمور الأخرى الحمد لله كل شي نخدمه بيدي

[raghado]

انا نصنعو في الدار خاطر راجلي مايحبش نتاع الحانوت مايقدرلوش

[samia2012]

السسلام عليكم يااخوات انا من لول كنت نستعمل تاع الحانوت لكن منين تعلمت نفتل الطعام عدت نفضل تاع الدار لانك تحكمي فية وخاصة كي تبخي الطعام وهذا راي وننتضر نقاشكم,,,,,,,,,,,,,,,,,,,,,,,,,,,,,,,,,,

[om tayeb]

Ana nafatlo m'a mama ravi ykhaiha

[رودينة19]

السلام عليكم ، والله غير الأشياء التقليدية المصنوعة خارج المنزل ما يكون طعمها كيما تصنعيها في الدار ، الله غالب كنت نفتل الطعام بيدي بصح درك مع الخدمة وتربية الأطفال ما رانيش انلحق بسيف نشروا الجاهز وشكرا

[ام عز الدين]

نشريه للاسف

حبيت نتعلموا مي اميمتي بعيدة عليا باه نتعلم منها والوقت الي تبدا تفتل فيه مانكونش حاضرة ؟؟؟؟؟؟؟ ربي يخليهالي عمرها ماتشريه تصنعوا بيديها

[sabine 1988]

يا اختي عدنا نشروه الله غالب الصحة مكانش

[وفاء2015]

انا الوالدة دايما تقولي الكسكس همة لوكان ايعود بالماء والله كل صيفة نفتل قنطار ظبعا بالمعاونة مع الوالدة واحواتي نجيبوا فيه يومين من الفجر حتى الليل صراحة متعب جدا هو يخلاصلي وانا تقبضني الخلعةوش يفتلو

[اسماء لبنى]

انا نشريه وعمري ما فتلتو وعمري ما راح نفتلو مادام موجود في السوق واللي يعرف يطيبو يجي لذيذ.

[manar7]

كنت نفتل لاكن الان اصبحت مريضة ولا استطيع فتله للذا نحن نفتلو ه عند امراة من الا قارب نثق بها ونشتري ايضا اللذي يباع في بعض الاحيان