عاونوني الله يحفظكم

[مشكلتي]

السلام عليكم و رحمة الله
يا خاوتي رح نعرض عليكم مشكلتي و نتمنى نصيب بينكم اللي يساعفني بالحل وادا ماقدرش يدعيلي
انا شاب عمري 24 سنة ادرس حقوق " محاماة "
مشكلتي مع وحد الطفلة راني معاها من 4 سنين و شوي ليسونسيال الطفلة هادي منين عرفتها و هي توقف معايا فالشدة قبل الفرح عاقلة و متربية و اللي يهمني نحبها و تحبني. بطلت قرايا العام اللي فات ماداتش الباك و من داك الوقت و هوما يخطبو فيها واحد موري واحد ماعلاباليش انا اللي ماعنديش زهر ولا غير هي اللي طفلة فالدنيا ؟ البارح قاتلي كرهت و انا نستنى فيك و امي قاتلي مانزيدش نشوفك معاه و الناس و الجيران كاع يحكو عليا و خويا حاب يزوجني لفلان 4 سنين و انا صابرة بزايد يزيني عندك 3 ايام يوم تفكر فيه بيان و يوم تحكي مع والديك و يوم يا تجي تحكي مع بابا يا تخيرلي واحد من اللي خطبوني نقبل بيه
دوك انا حكيت مع بابا قاللي شوف "اتخرج , اخدم , اكري دار تعيش فيها , جيبلي 10 ملاين تاع المهر و انا نخطبلك و نديرلك العرس من عندي غير هكدا ماكاش "
قتلو انا مازال مانتخرج و منين نجيب الدراهم راني غير مصروفي بالسيف قاللي الله يسهل عليك
رحت عند امي قتلها غير احكي مع ام الطفلة هادي قاتلي تحب باباك يقتلني انا مانحصلش فلة في رقبتي و نخليها معلقة الله يسهل عليك
رحت لخويا قاللي نعطيك 12 مليون معليش مي باش نحكي مع لا فامي تاع الطفلة هادي مانقدرش الله يسهل علييك
قلت للطفلة هادي الله غالب هاو واش قالو قاتلي جبت 4 سنين و انت تلعب بيا و حرام عليك و شوف وين وصلتني ولوكان سمعت كلمة امي و.....
مالقيت كيفاه ندير علابالي كل شيء بالمكتوب بصح والله حاب حل اخر وواحد ما يقوللي البنات بزاف الله يحفظكم راني غير الجملة هادي كرهتها :(
و زيد على هادي قلت نعيطلها نحكي بالاك يهديها ربي قاتلي مابقاش ندخل فالحرامات الباب تاع الدار تعرفو و لوكان نتزوج مانسمحلكش لا دنيا ولا اخرة

يعني انا رجعت من الحرامات:confused:
+
سمعت وحد الناس هكدا يقول مهنة المحاماة غير راها حرام و ماقتنعتش واش قولكم ؟ هذا السؤال توجه به الى أهل العلم مباشرة ولا أنصح أن تبحث فيه في الأنترنت (فارس الجزائري)
نتمنى تعاونوني

[anas-an]

يا خويا راها عندها الحق الطفلة علاه ماتحكيش انت بعد مع خوها ولا باباها يكون احسن

الله يجعلها ليك

[abdel02]

السلام عليكم...اخي راهي شوية باحرتلك ولم تجد من يملي عليك طريق المستقبل...
-انت طالب جامعي وفي سن 24...الزواج بالنسبة ليك على الاقل على 3 سنوات...والبنت لن تصبر..
-البنت لا ترغب في الصبر كثيرا لانها ماكثة في البيت ولو انها ربحت الباك وراهي في الجامعة انت تبدى تقلق فيها وهي تقلك اصبر حتى نكمل قرايتي..
-الزواج بالكريدي نقص في الرجولة..وماذا بعد الزواج ...هل ستصبر معك ايام الفقر والحاجة...
-البنت تضغط عليك وانت لا تهمها...بل يهمها مستقبلها...

[أبو معاذ محمد رضا]

أخي لا يجوز لك الخروج مع هذه البنت لأنها أجنبية عنك وأنت بفعلك هذا معرّض للوقوع في الفاحشة التي تغضب الرب عز وجل في أي لحظة بل لا يجوز لك حتى النظر إليها إذا صادفتها في الشارع لأنك مأمور بغض البصر وتساهلك في هذه الأحكام الشرعية هو الذي تركك تتعلق بها وتبقى مصرا على الزواج بها رغم أن ظروفك المعيشية والأسرية لا تسمح لك بذلك في الوقت الحاضر
نصيحتي أن تبتعد كل البعد عنها ولكي تنساها لا تدع مجالا للفراغ القاتل المدمر بل املأ وقتك بما هو نافع من قراءة للقرآن مطالعة الكتب ممارسة الرياضة زيارة الأصدقاء ...إلخ ونصيحة أخرى تجنب أيضا الأماكن التي تذكرك بها مثل المرور ببيتها أو موضعا تعودتما الجلوس فيه ولا تنس أن تدعو الله تعالى أن يثبتك ويجعل لك مخرجا.
حفظك الله من كل مكروه وعجل بالتفريج عنك.

[ريحان الجزائر]

السلام عليكم و رحمة الله و بركاته
نصيحتي لك أخي أن تذهب و تتكلم مع والد البنت لأنه سوف يكون الأكثر تفهما و لو رأيت أن هذا الأمر صعب عليك فاذهب إلى أخيها و صارحه بالأمر بأني أريد الزواج بأختك و لكن مازلت أدرس يعني كيما نقولو حنا نحط عليها اليد باش واحد ما يتقدم يعرفوها مخطوبة و إذا قالت تتفضل للبيت ماعليك غير تقول ليماك تهدر مع والدك أو أخوك الكبير أو عمك أو خالك أو أي شخص يقرب من الوالد حتى يفهموا بأنك تريد هذه الفتاة و تريدها كزوجة لأنه كما قالت لك هي كفاني من لحرام ماشي أنت لي حرام هي قصدت العلاقة ألي بينكم صح هي علاقة حب لكن إسلامنا يمنع الاختلاط و العلاقات الغير شرعية و هي تريدك حلالا كما تريدها أنت فاعزم و توكل على الله و اذهب هذا إن كنت تريدها حقا زوجة لك و حتى تعلم هي أنك على الأقل قمت بخطوة و برهنت لها أنك حقا تحبها و تريدها و الله يكتب لي فيه الخير

[احمد النمس]

لا يحمل الله نفسا الا وسعها
شوف زيد احكي معاها وقوللها حتى نتخرج ونخدم مازالكم صغار
وزيد احكي مع باباك يخطبهالك وماشي شرط تتزوجو دوكا كي تبني روحك وتتخرج وتخدم تتزوجو
وادا كان ماقدروش والطفلة مقلقة ماعندك مادير
سمحلي نقولك البروبلام ماشي فيها ولا في والديها
البروبلام في الاهل نتاعك مافيها والو لوكان يخطبوهالك والزواج مازال

[khado586]

أخي لا يجوز لك الخروج مع هذه البنت لأنها أجنبية عنك وأنت بفعلك هذا معرّض للوقوع في الفاحشة التي تغضب الرب عز وجل في أي لحظة بل لا يجوز لك حتى النظر إليها إذا صادفتها في الشارع لأنك مأمور بغض البصر وتساهلك في هذه الأحكام الشرعية هو الذي تركك تتعلق بها وتبقى مصرا على الزواج بها رغم أن ظروفك المعيشية والأسرية لا تسمح لك بذلك في الوقت الحاضر
نصيحتي أن تبتعد كل البعد عنها ولكي تنساها لا تدع مجالا للفراغ القاتل المدمر بل املأ وقتك بما هو نافع من قراءة للقرآن مطالعة الكتب ممارسة الرياضة زيارة الأصدقاء ...إلخ ونصيحة أخرى تجنب أيضا الأماكن التي تذكرك بها مثل المرور ببيتها أو موضعا تعوتما الجلوس فيه ولا تنس أن تدعو الله تعالى أن يثبتك ويجعل لك مخرجا.
حفظك الله من كل مكروه وعجل بالتفريج عنك.
yansaha!!!!!!!!!!!!!!!!!houwa habha bah yansaha sayad niytou bayna!!!!whadja s3iba bah yansaha

[أبو معاذ محمد رضا]

yansaha!!!!!!!!!!!!!!!!!houwa habha bah yansaha sayad niytou bayna!!!!whadja s3iba bah yansaha
"إنه من كيدكن إن كيدكن عظيم"

[- بصمة خير -]

انت غالط و هي تاني

انت تعلق طفلة فيك و انت ماكش خدام
و هي تبع فيك برك تحوس على راجل برك و الدليل واش راهي تقولك دوركا
كيفاه كانت معاك و انت المستقبل تاعك ماهوش باين

في حالتك اخطيها و خليها تعيش حياتها و انت عيش حياتك

ربي يوفق و صلو عليه

[blackTears]

خويا كون النهار الأول لي درت هذا الحساب
المهم الملامة متفيدش الآن المهم أن نجد الحل لك و لها
حاول تهدر مع خوها و لا باباها و حاول تخدم أي حاجة لم بيها شوي دراهم
حط إيدك عليها لوكان عامين الناس هكدا دير
و إذا مافاد والو أعرف بلي راه المكتوب و أنت لي عليك درتو

[mamia20]

السلام عليكم ياخي انت مازلت تدرس و امامك مستقبل زاهر اذهب و تحدث مع والدها او اخوهاو اشرح له الوضع و ان كانت تحبك سوف تصبر لان في هذا الوقت كل شيئ صعيب خاصة بعد التخرج و استعن بالله ان يوفقك في الدراسة و النجاح في حياتك

[sara2012]

لوكان تحبك درك تصبر
+
في بالي راها تزير عليك برك ربي يكملكم

[hamzagolf6]

بالتوفيق ,,,,,

[**مياس تسنيم**]

حاول تضغط على اهلك يروحوا يقولوا غ كلمة والعرس مازال يعني المهم تكونوا مخطوبين

[khado586]

"إنه من كيدكن إن كيدكن عظيم"
astaghfirou lah al3adhim!!lah wach rak tchouf fia khoya mahdartch m3ak whada rai iban matkoulich hagda

[Amino03]

مشكل كبير والله
شوف خويآ ، نتآ مآرآكش تطلب في المستحيل ولا حاجة حرام
ومامشيتش مع الطرق الملتويـة
نتا رحت لباباك ويماك وقصدت لحلال
اضغط عليهم وفهمهم بلي راك تطلب في الحلال مآكش تطلب في المستحيل
البنت راهي في سن زواج وهذا أمر صعيب جدا وخاصة أنها في البيت
لوكان جات غير تقرا برك تقدر تصبرلك
هي قادرة تصبرلك وتقبل بيك غير نتا
راهي تقول هكذا لأنها فقدت الثقة فيك للأسف الشديد :(
حاول تحكي معاها وفهمها بالعقل
وزيد احكي مع الوالدة الكريمة ربي يخليهالك هي مفتاح لحل هذا المشكل
ربي معاك وربي يخليكم لبعض إن شاء الله
وماتنساش تعرضنآ في عرسك مع اللي حبيتها
ههه ربي يوفقك إن شاء الله .

[جيهان13091991]

ana fi rayi roh ahdar m3a babaha goulou ana 3ajbatni bantkom w 7ab nokhtabha pluto nmad 3liha lkalma w achra7lo lwad3 ta3ak bali rak ta9ra wagrib tkamal w twali avocat w chouf trah m3ah balak ya9bal haka bach rak sur bali wahad mayji youkhtabha sama rahi lik w ida ma9balch nta lsl wafit bwa3dak w tbaynalha bali makach tatmaskhar biha w mal3abtach biha kima dgoul hiya w ana 7art fiha bayantha mazalat sghir ya rabi 19 ans wala 20 ans za3ma ta9dar tathamal lmas2ouliya ta3 dar w hiya ay khafat chwiya 3la hasb choufa khafat tatmaskhar biha labnat tfout 2 wala 3 ans 3la la relation ta3ha thab yji youkhtabha , ana natmanalkom lahna w kima ngoulou mart had mayadiha wahad

[خولة لبابة]

أخي لا يجوز لك الخروج مع هذه البنت لأنها أجنبية عنك وأنت بفعلك هذا معرّض للوقوع في الفاحشة التي تغضب الرب عز وجل في أي لحظة بل لا يجوز لك حتى النظر إليها إذا صادفتها في الشارع لأنك مأمور بغض البصر وتساهلك في هذه الأحكام الشرعية هو الذي تركك تتعلق بها وتبقى مصرا على الزواج بها رغم أن ظروفك المعيشية والأسرية لا تسمح لك بذلك في الوقت الحاضر
نصيحتي أن تبتعد كل البعد عنها ولكي تنساها لا تدع مجالا للفراغ القاتل المدمر بل املأ وقتك بما هو نافع من قراءة للقرآن مطالعة الكتب ممارسة الرياضة زيارة الأصدقاء ...إلخ ونصيحة أخرى تجنب أيضا الأماكن التي تذكرك بها مثل المرور ببيتها أو موضعا تعودتما الجلوس فيه ولا تنس أن تدعو الله تعالى أن يثبتك ويجعل لك مخرجا.
حفظك الله من كل مكروه وعجل بالتفريج عنك.
انت عندك الحق يا اخي في هذه المقولة .......لكن لماذا نمر بمشاعر نجهل اسبابها؟؟؟؟؟؟؟؟

[nilly]

البنت هاذي غير خطيك منها وهي مراهيش مقلقة على مستقبل نتاعك بل مقلقة على مستقبل نتاعها كيما قال الاخ عادل بلاك خايفة مراحش تتزوج على هاذي تضغط فيك باه تتزوجها حتى لوكان بالكريدي نقولك نصيحة غير خليها وتهلا في قرايتك ومبعد كي تتخرج خدم على روحك وتجمع دراهم ومبعد فكر فزواج واكيد راح تنسى طفلة هاذي وراح تتلقى مع طفلة لتحبك صح وتديروا مع بعض مستقبلكم
اما مهنة المحاماة فلا انصحك بها ليس لانها حرام لانني لاارى فيها الحرام فالانسان المعتدل المستقيم لن يقع في الحرام مهما اكان سببا لكن اقول لك هذا الاني ارى معظم المتخرجين من المحاماة معندهمش حتى زبون واحد واشكون ليروح عند واحد مبتدئ دركا ناس كامل تروح للمحاميين القدماء لعندهم شهرة وشكرا

[امة الله نور]

كاينة حاجة لازم تامن بيها
وهي المكتوب الا ربي راه كاتبلكم تعيشوا مع بعض حتى واحد ما يوقف في طريقكم