نصيحة لكم

[amina moon]

اولا السلام عليكم اتمنى لكم عاما دراسيا مكللا بالنجاح انشاء الله :19::19: انا مررت بهذه المرحلة مرحلة البكالوريا وكنت في شعبة العلوم التجريبية ولقد تحصلت على البكالوريا مرتين لذلك لا تجهدو انفسكم في التفكير هل انجح ام لا لكن فكرو في كيف تقسمون وقتكم للدراسة و المراجعة بدون ان تنسو ان تستريحو صحيح يقولون ان شعبة العلميين صعبة لكن لا تتوقفوا عند هذا الكلام لازم تتجاوزو هذا الكلام لانو اذا كنتم محضرين وخاصة الثقة في النفس والتوكل عللى الله .
وانا في الخدمة ان احتجتم اي مساعدة في المراجعة او الشرح.

[تسنيم الجنة سوسن]

شكرا لك كثيرا

[djalil tlemceni]

اختي كم كان معدلك في المرتين؟؟؟ و شكرا جزيلاااا

[amina moon]

لا شكر على واجب اصدقائي

[amina moon]

البكالوريا الاولى 13.40
البكالوريا الثانية 14.67

[amina moon]

اريد فقط ان اسئلكم هل باب التسجيل للبكالوريا اغلق فانا اريد ان اعيد البكالوريا للمرة 3 الحقيقة كل ما ادخل هذا الموقع اتذكر حلاوه البكالوريا صدقوني كل شئ سهل ان كنتم مثابرين و جديين بالتوفيق للجميع
انا انتظر الاجابة

[amina moon]

اين الرد
من فضلكم جاوبوني

[سنفونية أنثى]

الســـــــــــــــــلام عليكم

أختي ممكن تقوليلي كيف كنتي تقسمي وقتك بين الماود العلمية والادبية

أنا طول النهار ادرس اتعب كثيرا خصوصا من الجانب النفسي

محبطة خاصة هذه الأيـــــــــــــــــــــام

[سنفونية أنثى]

بخصوص التسجيل للبكالوريا انتهى
لكني سمعت ان الموقع سيفتح في مارس للذين فاتهم التسجيل والله اعلم

[amina moon]

شكرا جزيييييييلا

[amina moon]

شوفي اختي انا كنت ندرس صبح مثلا من 8الى 11 علوم ثم استراحة من 13 الى 16 تاريخ وحدو
مثلا العلوم و الفيزياء جابلي ربي متسحقش مجهودات كبيرة عليك فقط التركيز و حلي التمارين قد متقدري و انصحك قومي بحل البكالوريات السابقة
المواد الادبية متهبليش روحك نهار كامل حفيظة لانو مواضيع الاختبار النهائي واحد فهامة و الاخر حفيظة
لكن ركزي قد متقدري واستوعبي ما قراتي و متحفظيش بلا ما فهمتي كي تفهمي هذاك هو الصح ربي ينجحك اذا مفهمتيش شئ نفهمك راني معاك اختي

[سنفونية أنثى]

شكرا أختي احاول قدر المستطاع متقلقش وان شاء اله يحلو الموقع وجوزيه معانا

مرسي اختي

[amina moon]

انشاء الله متقلقيش روحك او متخميش بزاف انتي ديري الي عليك و الباقي على ربي

[سهومةج]

السلام عليكم
أنا سؤالي كي عاودتي الباك كنتي تقراي فالجامعة ولا بلوكيتي العام
أنا نقرى انجليزية وراني نعاود فالباك حابة طب
بلييييييز عاونيني كيفاه كنتي تقراي
وهل راكي تقراي زوج حوايج فالجامعة وهل هذا ممكن
وشكرررررررررررا

[amina moon]

نعم كي عاودت الباك كنت نقرا فالجامعة
صح صعيب شوية بصح لازم الاراده او متفشليش لانو عندك حلم حابة تلحقي ليه
انا منكدبش عليك كنت متمكنة في الفيزياء و العلوم الطبيعية حتى المواد الادبية كنت ضعيفة شوية فالرياضيات و الانجليزية كنت نكثف الدراسة عليهم
وكيما قلت سابقا المواد الادبية مساءا والعلمية صبح
انا في الخدمة كاش سؤال متحشميش مني ok

[Hex.Work]

الله يبارك
بالإرادة يستطيع الانسان فعل اي شيئ

[amina moon]

بالارادة نحقق المعجزات و نتجاوز المصاعب و نحن جزائريون عندنا الهمة

[اعبللة اسحاق]

ماشاء الله عليك اختى والله كلامك رفع من معناوياتى وعزيمتى وانا ايضا مثلك انى اعيد الباك
ووفقنا الله لما نحب ويرضاه سبحانه
يــــــــــــارب بالك 2012
نتوسل اليك يارب

[amina moon]

الله يسلمك اخي ربي يجازيك كل خير و انشاء الله تنال مرادك و تنجح و نفرحو بيكم

[أمينة1994]

مشكورة أختي على النصائح

ربي يوفقك

[mido-43]

السلام عليكم ..انا بلوكيت العام وبربي ان شاء هدا العام خير على لي فات .....
شكون لي بلوكا كيما انا ...

[amina moon]

لا شكر على واجب اخي لازم كل واحد منا يعرف شئ يعلموا الثاني ( الدين نصيحة)

[amina moon]

اخي لانك بلوكيت العام لازم تكثف مجهوداتك باش تفرحنا باذن الله

[سهومةج]

مشكورة أختي على نصائحك
لكن معليش نتعبك معايا شويا عندي شوي أسئلة لأنو هاذ العام راني خايفة أكثر من العام الماضي
المهم وكتاه بديتي تحفظي المواد الأدبية الاجتماعيات وال فلسفة والعلوم الاسلامية
أنا المواد العلمية ماعنديش فيهم مشكل يعني إلى حد الآن فالرياضيات كملت الحساب التكاملي فالعلوم كملت التحولات الطاقوية وفالفيزياء كملت الوحدة4
بلييييييييييييز أختي كاش نصائح عاونيني والله راني مخلوعة ميتة
وسؤال آخر هل راكي تقراي زوج حوايج فالجامعة وهل هذا ممكن لأنو كامل يقولولي ممنوع
ومشكوووووووووووووووووووورة

[amina moon]

سلام ياك قلنا مكانش الخوف الباك امتحان كيما اي امتحان اخر فقط لازملو التحضير الجيد و التركيز خاصة فالقسم يعني لازم ذاكرة قوية لانو المواد الادبية كثيرة لكن مثلا فالشريعة دروس المتعلقة من هدي السنة على حسب ما اذكر مثل الهبة علاقة الاباء بالابنا الوقف هذه الدروس سهلة من المفروض كلنا نعرفوهم واصلا فالباك يعطيلك الحديث و تجاوبي منو عالاسئلة
التاريخ و الجغرافيا حاولي تفهمي اكثر حتى المصطلحات الي هبلوكم نهار كامل تجرو بالمطويات تحفظو و اخر شئ تنساو لكن اذا فهمتي واش قريتي انت بنفسك تقدري تقدمي تعريف لاي مصطلح و التواريخ لازم شوية حفيظة واذا نسيتي تاريخ واحد ما طحتش سما
الفلسفة مادة ندرسوها لاول مرة ركزي فقط و اعرفي طرق المقالات الجدلية و الاستقصاء ياك هكذا و انصحكم جميعا فالباك اكتب مقاله احسن من تحليل النص
المواد العلمية لا تسرعي كثيرا راجعي او عاودي قد ما تقدري
و اخيرا نقلك الخوف ما رح ينفعك بوالو بالعكس يحبطلك المعنويات و ينقصلك القدرة على التركيز
بالتوفيق