مشكلة مع اخوتي

[مشكلتي]

السلام عليكم
انا فتاة عمري 17 سنة ادرس سنة ثانية ثانوي مشكلتي مع اخوتي
عندي 4 اخوة ذكور "25 سنة ,23 سنة ,20 سنة و الاصغر 18 سنة " و انا
خاوتي كاع يكرهوني و انا في الدار خدامة عليهم ديما يحقروني مايخلونيش نتفرج فالتيفي ولا مانلمسش الميكرو كي يكونو فالدار زيد على هكدا كل واحد يرجع للدار في وقت و يحب ياكل وحدو و يرقد في شمبرا وحدو و يحبو ديما حوايجهم واجدين ولوكان تنقص حاجة يقتلوني. امي مريضة و ماتقدرش عليهم وكي تدافع عليا يقولولها ماعندك مادخلك و خويا معايا فالثانوية مايخلينيش نحكي لامع طفلة ولا طفل مالقري هو ديما فلاكور مع صاحبتو الصباح لازم يوصلني و كي نخرج نعدي عليه واحد مايحكي معايا ولا يوقف معايا راني منبوذة اكل على جال انا اختو فالصيف ينزلوني نرقد وحدي فالصالو و هما يحكو شمبرا كل واحد وحدو فالشتا يبرد الجو يطلعوني لفوق و يرقدوو فالصالو على جال السخانة و كي نقولهم علاه يقولولي ارقدي فالكوزينة ولا ماعجبكش الحال الباب يخرج مايخلونيش نصاحب حتى وحدة كي نحب نخرج لازم نشاورهم في 4 و امي الخامسة و لازم يوصلني واحد فيهم و يقعدو يتقابضو "وصلها انت ...لالا وصلها انت...مانيش قاعد وصولوها انتوما " كي مانلقى حد يوصلني يقولولي مالا اقعدي ماتروحيش و ديما مايخلونيش نلبس واش نحب بابا يخدم فالكويت و مايروحش بزاف و
ديما يقابضهم بصح ماشي حل
مرة عطيت لواحد يقرى معايا كتاب تاعو فلاكور شاقني رجعت للدار ضربني للموت و كي جا خويا الاخر قالو علاه قالو تحكي مع الذكورة قالو راهي ليك اقتلها
موالفة فالمتوسط نجيب 18 كي طلعت للثانوية صعيبة شوي جبت 17 اللي يدخل يضربني يقولي تتبعي فالبنات الخاسرات ذرك نبطلوك
و يزيدو يقولولي صدق رسول الله في قوله "كل شقراء خبيثة " و يقولو لأمي عندك 4 ذكروة علاه زدتيلنا الهم هاذي ..و يقولولي علابالك بللي البلوندا راهم حركى
كرهت منهم والله ماني قادرة نتحملهم اكثر خصوصا زوج الصغار مانقدرش نخدم عليهم في 4 ماتتصوروش كل واحد يخلي الشمبرا تاعو الصباح كارثة مانجي ننظفها حتى نطيح و ديما روطار على القراية على جالهم

[صُبح الأندلس]

مع أن الإسلام كفل للمرأة حقوقها إلا أن الكثيرين لا يزالون يضطهدونها أزواجا و آباء و إخوانا
و مازاد الطين بلة غياب الأب ففي غيابه يجد الذكور مجالا واسعا ليستقووا على النساء ، سبحان الله و عندما يتزوجون يخدمون نساءهم !!!
ثم لم الكذب على رسول الله عليه الصلاة و السلام فهو لم يقل هذا الحديث أبدا "كل شقراء خبيثة "
الله يفرج عليك يا أختي لا نملك لك سوى الدعاء

[sara2012]

انا ايضا البنت الوحيدة لكن ابي لا يترك لاخوتي مجالا ليظلموني بل بالعكس
الله يكون في عونك اختي

[محمد جديدي التبسي]

والله أمر محزن جدا ومؤسف غاية الأسف

ما عليك إلا بالدعاء

ما لقيت ما نقول عندك الحق بالصح ما لازمش تكرهي خاوتك هوما من لحمك ودمك صح ظالمينك بالصح ادعي ربي يهديهم

ادعي ربي واصبري وربي يوفقك أختي

[مشكاة الهدى]

لا حول والاقوة الا بالله
والله يا اختي عجز لساني عن النطق
نحن بشر نعجز اكيد
لكن سبحانه عز وجل رحمته واسعة لا تياسي ولا تقنطي
انصحك بالاكثار من الدعاء وقراءة القران وقابلي اساءة اخوتك بالحسنة وان لم تكوني محجبة انصحك عزيزتي بارتدائه
ادعو الله ان يفرج كربك ويزيل عنك همك

[soussou_saida]

rabi inchallah yekoune me3ak
rabi yekaderek
inchallah rabi yehdihom

[نسائم الهدى]

واش نقولك يا اختي ؟
الحق
راكي وجعتيلي قلبي
صح أنا خاوتي الكل رجال وأنا البنت الوحيدة في الدار ولوكان ليهم الهوا والشمس وما يشوفونيش مي موش كيما خاوتك لأنهم
قبل ما يشروا ليهم التيفي شراوه ليا قبل
وقبل ما يجيبوا ليهم نوميريك جابوهلي ليا قبل
ونهار جا الكمبيوتر للدار للمرّة الأولى خدمت بيه
وصح شغلهم بزااااااااااااااااف وكل واحد عندوا فراشوا وحدوا وماكلتوا وحدوا وحوايجهم كنت باش نغسلهم نضرب نص نهار كااااامل ودي فوا نغسل مواعن العشا بعد نص الليل
مي كومام ما يظلمونيش وما يحقرونيش وعمرهم ما يقولوش لماما وعلاش جبتيها بالعكس يحبوني لدرجة أني نكره حبهم
يعني هنا حبيت نقولك بأنوا الشغل وخوفهم عليك موش مشكل خلاص لأنه من المفروض أن كل الإخوة يكونوا هكذا ولكن لدي ملاحظة
حبيبي محمد رسول الله صل الله عليه وسلم لم يقل هذا الكلام الذي يقوله إخوَتك لأنه على ما أعتقد فزوجه أمي وأم المؤمنين عائشة رضي الله كانت شقراء وكان رسول الله صل الله عليه وسلم يناديها (الحميراء)لأن وجهها كان أبيض ويحمرُّ من الحر
فهل كان يسبّ زوجه ويدعوها بالخبيثة؟
لا حول ولا قوة إلا بالله
نقولك اختي أدعوا الله لك ليرزقك بزوج ينقذك من هؤولاء البشر ويعوضك كل يوم ولحظة مما عشته معهم عاجلا غير آجل وقبل مرور عام وحتى قبل أن تتمي دراستك
لأنك لو انتظرت حتى تتمي دراستك وتتوظفين فسوف ينتظرونك عند باب البريد المركزي ليأخذوا منك راتبك الشهري على رأي خالتي
كان الله في عونك عزيزتي
والله مثل هذه القصص تجعلني أشكر الله على النعم التي أعيش فيها
كان الله في عونك وهدى إخوتك وحنّن قلوبهم عليك يااااااااااااااا رب
سلااااااااااااااااااااام

[kamel76]

ما عليك إلا الصبر و الدعاء ,كل انسان لديه هم و مشكل و أنت هذا هو همك و مشكلتك فاصبري و أكثري من الدعاء عسى أن يفرج الله عنك

["زينب"]

السلام عليكم أختي
لا أدري بما أنصحك
لأن المشكل وصل للضرب, ملازمش تسكتي على الضرب قادر يقتلوك هادو لوكان يسمعو أي حاجة عليك و لو غير صحيحة
أنا ننصحك كل ما يضربوك تخبري الوالد تاعك إلا يخافو منو ميعودوش, و المرأة سلاحها البكاء بكي قدامهم كي يحقروك بلاك تغيضيهم
الله يستر شفيتيني بزاف

[اللؤلؤة مريم]

يا أختي كان الله في عونك و الله قصتك أثرت في كثيرا !صحيح أن همك كبير لكن لا تنسي أن الله سبحانه وتعالى هو الكبير فمشكلتك بالنسبة لك ليس لها حل و خلاص إستسلمتي و ...و !لكن لا تنسي أن الخالق القادر لا يصعب عليه شيئ و هو ينتظر سؤالك و دعائك فلا تستسلمي عليك بالدعاء لإخوانك بالهداية ربي قادر على هدايتهم

[بركات ايمان]

اصبري حتى يفرج ربي عليك ان شاء الله كاين بزاف لي فاتو على هاذي المرحلة و الحمد لله و ديري في بالك هاذ الشي ليعملوه لصلاحك برك يجي اليوم اللي تقعدي تتفكري فيه و تكوني حرة ماكانش لي يهدر معاك

[ام ايمان16]

الله يفرج عليك اختي ويرزقك من حيث لاتحتسبي

[amina21000]

إن اللة يمهل ولا يهمل

قال شاعر:

رأيت أناسا يكرهون بناتهم
وفي هن نساء صوالح
تمر الأيام وتعثر بالفتى
فلا يمللنه نوادب ونوائح

[fifi180]

والله ربي يكون في عونك عزيزتي هدا واش نقولك وندعيلك ربي ان شاء الله ربي يفرج عليك و يهديهم و ضرك تشوفي كيفاش ربي يخرجلك حقك هادو لي لاعبها دكتاتور على خواتاتو تلقايه زربية عند مرتو ربي ينجحك

[فتاة مسلمة]

ربي يكون معاك اختي، وربي يهدي اخوتك

اختي اكثري من الدعاء والتضرع لله عز وجل
ربي يهديهم

[khado586]

ربي يكون فالعون يا الحنونة انا تاني طفلة وحدة وعندي 2 خاوتي صح هما يخافو عليا بزاف وكما قلتي شغلهم ما يخلاصششششششششششش مي و الله غير حنااااااانن عليا بزاف نحبهم بزاااف............................................ .....rabi m3ak

[khado586]

نقولك اختي أدعوا الله لك ليرزقك بزوج ينقذك من هؤولاء البشر ويعوضك كل يوم ولحظة مما عشته معهم عاجلا غير آجل وقبل مرور عام وحتى قبل أن تتمي دراستك
لأنك لو انتظرت حتى تتمي دراستك وتتوظفين فسوف ينتظرونك عند باب البريد المركزي ليأخذوا منك راتبك الشهري على رأي خالتي
wachnou hadi lhadra tafla mazalha sghira 3a zwadj khti anashiha bdoaa machi bzwadj ......wanti chkoun 9alak rah ya9ablo

[نجمة ساطعة]

والله يا اختي ربي يفرج عليك يا رب ساعات نقول الحمد لله عندنا خو واحد
و ديما نقولو لماما تمنينا لو جات بنت ....

[moi*]

السلام عليكم

لم اتخيل انه لازال يوجد اشخاص يتعاملون مع اختهم بهذه الطريقة

ماذا سنقول غير الله يهديهم

وانت اختي ما عليك الا بالصلاة والدعاء وتجنبي كل ما يثير غضبهم ونرفزتهم

واصبري ان الله مع الصابرين

وان شاء الله سيعوض الله صبرك خيرا


جمعة مباركة

[نسائم الهدى]

نقولك اختي أدعوا الله لك ليرزقك بزوج ينقذك من هؤولاء البشر ويعوضك كل يوم ولحظة مما عشته معهم عاجلا غير آجل وقبل مرور عام وحتى قبل أن تتمي دراستك
لأنك لو انتظرت حتى تتمي دراستك وتتوظفين فسوف ينتظرونك عند باب البريد المركزي ليأخذوا منك راتبك الشهري على رأي خالتي
wachnou hadi lhadra tafla mazalha sghira 3a zwadj khti anashiha bdoaa machi bzwadj ......wanti chkoun 9alak rah ya9ablo
في عمرها 17 سنة وفي القانون الجزائري بعد عام تقدر تعقد
وما تقوليليش مازالها ضغيرة
تزوج صغيرة وتعيش مع شريك حياتها في الحلال ويرضى عليها ربي سبحانه وتعالى وتكون مهنية وبالها مرتاح
خير من ما تلجأ للعلاقات الغير شرعية أو الدخول في قصص غرامية تدفع ثمنها من حياتها ولا تجني منها سوى غضب الله
وهذا ما يكون في الأغلب نتيجة الحرمان العاطفي الذي تعاني منه من تعيش في ضروف كالتي تعيشها الأخت
ولو تمعنت في دعائي جيدا لوجدت بأنه في صالحها كما أنها ليست صغيرة حسنا؟
سلاااااااااااااااااااما

[أسـماء]

اختي صراحة هاذو هوما الرجال وعندهمك الحق يخافور عليك ونحييهم بالمناسبة هاذو ل 4 رجال رجال رجال وعندهم الحق

[ريكا ايموا]

اختي صراحة هاذو هوما الرجال وعندهمك الحق يخافور عليك ونحييهم بالمناسبة هاذو ل 4 رجال رجال رجال وعندهم الحق

نورمالموا كاع ما تقولهاش هادي وبنت راهي حزينة جداا وحالتها متعجبش وتزيدي نتي تقولي هاك
نتي عندك قلب ولا حجرة ,,,???!!!!!!!

[ريكا ايموا]

هادي هي
حلال عليك وحرام عليا
حب حلال على ولد وحرام على بنت
c' sa
هادو هي عقلية نتاااااع
العــــــــــــــــــــــــــــربببببببببب

[مُشآكسَه~]

السلام عليكم

كان الله في عونك أخيه

لديّ أخٌ وحيد

أشبه مايكون بإخوتك الأربعة