هل من مجيب حول هذا التناقض ؟

[فيصل لعلامي]

السلام عليكم اخواني ارجوا ان توضصحجوا لي هذا الخلط ؟
جاءتني لوردابال الثالثة فتاخرت حوال شهرين او ثلاثة خرج قانون اعفاء من توقف عن الدراسة قبل 2009 ؟فوضعت ملف فتم قبول الملف واعطوني استدعاء لغاية 23 نوفمبر باش نهز المعفي ؟
تخيلوا وانا في هذه الحالة في 13 نوفمبر خرجلي بيي دو روشارش ؟فهمونا يا ارحم والديكم ؟
المهم رحت ليهم اليوم قاللك جاء مدير جديد تاع خدمة وطنيو قاللك ماتعطوهاش لمن لم يلبي لوردبابا الثالثة مع اني قبل ملفي قبل ما يخرجلي البيي دو روشارش ؟
المهم اعطاولي ورقة نروح لقسنطينة على اساس اني اقترفت عصياااااااااان ؟
فبارك الله فيكم بم تنصحوني في هذه الحالة ؟
ماذا افعل بالضبط وهل اخذ معي ملف كفالة مثلا او ما شابه فهمونا ماجورين
وجاوبوني هل يعتبر من لم يلتحق بعد صدور الامر بالتحاق عاصيا بمجرد عدم التحاقه ام انه يحسب من العصاة بداية من صدور بيي دو روشارش ؟

[moham630]

السلام عليكم اخواني ارجوا ان توضصحجوا لي هذا الخلط ؟
جاءتني لوردابال الثالثة فتاخرت حوال شهرين او ثلاثة خرج قانون اعفاء من توقف عن الدراسة قبل 2009 ؟فوضعت ملف فتم قبول الملف واعطوني استدعاء لغاية 23 نوفمبر باش نهز المعفي ؟
تخيلوا وانا في هذه الحالة في 13 نوفمبر خرجلي بيي دو روشارش ؟فهمونا يا ارحم والديكم ؟
المهم رحت ليهم اليوم قاللك جاء مدير جديد تاع خدمة وطنيو قاللك ماتعطوهاش لمن لم يلبي لوردبابا الثالثة مع اني قبل ملفي قبل ما يخرجلي البيي دو روشارش ؟
المهم اعطاولي ورقة نروح لقسنطينة على اساس اني اقترفت عصياااااااااان ؟
فبارك الله فيكم بم تنصحوني في هذه الحالة ؟
ماذا افعل بالضبط وهل اخذ معي ملف كفالة مثلا او ما شابه فهمونا ماجورين
وجاوبوني هل يعتبر من لم يلتحق بعد صدور الامر بالتحاق عاصيا بمجرد عدم التحاقه ام انه يحسب من العصاة بداية من صدور بيي دو روشارش ؟


لا تخف يا اخي سوف تذهب الى المحكمة العسكرية

للناحية العسكرية الخامسة بقسنطينة و احرص ان

تاخذ معك كل الملفات او اي وثيقة مهما كان نوعها

المهم لكي تدافع بها عن نفسك .

عند الدخول الى المحكمة تتوجه مباشرة الى مكتب

الامن اين تمر على السكانير ثم يتم تفتيشك و التحقق

من هويتك ، بعدها يحولونك الى مكتب التنظيم اين

تسحب منك وثائقك

التعريفية و جهازك النقال و يسألونك عن سبب مجيئك

فقل انك عاصي بعدها تعطى لك شارة بها رقم و يتم

تحويلك الى قاعة الانتظار .

بعد حلول دورك تدخل الى مكتب امناء الضبط اين
تجلس امام احدهم و يبدا بكتابة المحضر : الاسم اللقب

اسم الوالدين العنوان ...الخ

ثم سبب عصيانك تقوم بإخراج ملف الكفالة و تخبره

عن ظروفك العائلية الصعبة ( اكثر من الشكاوى )

بعدها يقوم الأمين بخبرته بتلخيص كل ما ذكرته و

يطلب منك التوقيع و

البصمات و ياخذ منك ملف الكفالة و الوثائق التي

قدمتها( علما انهم يأخذون الوثائق الاصلية ) تم تعود

الى قاعة الانتظار و بعد مدة من الزمن يعطونك

استدعاء للمثول امام المحكمة

العسكرية و يخلون سبيلك و تعود الى منزلك .

إياك و التأخر يوم المحاكمة و سوف تقوم بنفس اجرات
الامن عند الدخول و لا تنسى الاستدعاء بعدها تدخل

صالة المحكمة مع العصاة ثم يدخلون العسكر الذين

سيعرضون للمحاكمة

، عادة ما يبدأ القاضي بكم حيث يقوم رئيس امناء

الضبط او نائبه بمناداتكم فتنهض و تقول حاضر فينطق

القاضي : الحكم بعد المداولة ( اي ان القاضي سيكتفي

بتقرير امين الضبط

و الوثائق التي قدمتها )

بعد نهاية كل الملفات يرفع القاضي الجلسة للمداولة و

بعد 45 دقيقة تقريبا يرفع الجلسة مجددا للنطق

بالإحكام ، حين تسمع اسمك قف و قل حاضر و اسمع

الحكم .

عادة الحكم يكون بالبراءة او سقوط الدعوى بالتقادم و

نادرا ما تكون بالحبس مع وقف التنفيذ .

بعد رفع الجلسة تعود الى قاعة الانتظار و تنتظر مدة

طويلة لكي يعطونك نسخة من الحكم غير النهائي و

يخبرونك بالعودة بعد 08 ايام لاخذ حكم نهائي البعض

سيتم اطلاق سراحهم

و البعض منهم سيتم احالتكم على مركز الخدمة التي

تتبعونها من اجل اعطائكم بطاقات الاعفاء او او امر

الالتحاق بوحدتكم لتادية واجب الخدمة الوطنية على

حسب ما امر به القضاء .

و بالتوفيـــــــــــــــــــــق ان شاء الله

[h4ni]

لا تخف يا اخي سوف تذهب الى المحكمة العسكرية

للناحية العسكرية الخامسة بقسنطينة و احرص ان

تاخذ معك كل الملفات او اي وثيقة مهما كان نوعها

المهم لكي تدافع بها عن نفسك .

عند الدخول الى المحكمة تتوجه مباشرة الى مكتب

الامن اين تمر على السكانير ثم يتم تفتيشك و التحقق

من هويتك ، بعدها يحولونك الى مكتب التنظيم اين

تسحب منك وثائقك

التعريفية و جهازك النقال و يسألونك عن سبب مجيئك

فقل انك عاصي بعدها تعطى لك شارة بها رقم و يتم

تحويلك الى قاعة الانتظار .

بعد حلول دورك تدخل الى مكتب امناء الضبط اين
تجلس امام احدهم و يبدا بكتابة المحضر : الاسم اللقب

اسم الوالدين العنوان ...الخ

ثم سبب عصيانك تقوم بإخراج ملف الكفالة و تخبره

عن ظروفك العائلية الصعبة ( اكثر من الشكاوى )

بعدها يقوم الأمين بخبرته بتلخيص كل ما ذكرته و

يطلب منك التوقيع و

البصمات و ياخذ منك ملف الكفالة و الوثائق التي

قدمتها( علما انهم يأخذون الوثائق الاصلية ) تم تعود

الى قاعة الانتظار و بعد مدة من الزمن يعطونك

استدعاء للمثول امام المحكمة

العسكرية و يخلون سبيلك و تعود الى منزلك .

إياك و التأخر يوم المحاكمة و سوف تقوم بنفس اجرات
الامن عند الدخول و لا تنسى الاستدعاء بعدها تدخل

صالة المحكمة مع العصاة ثم يدخلون العسكر الذين

سيعرضون للمحاكمة

، عادة ما يبدأ القاضي بكم حيث يقوم رئيس امناء

الضبط او نائبه بمناداتكم فتنهض و تقول حاضر فينطق

القاضي : الحكم بعد المداولة ( اي ان القاضي سيكتفي

بتقرير امين الضبط

و الوثائق التي قدمتها )

بعد نهاية كل الملفات يرفع القاضي الجلسة للمداولة و

بعد 45 دقيقة تقريبا يرفع الجلسة مجددا للنطق

بالإحكام ، حين تسمع اسمك قف و قل حاضر و اسمع

الحكم .

عادة الحكم يكون بالبراءة او سقوط الدعوى بالتقادم و

نادرا ما تكون بالحبس مع وقف التنفيذ .

بعد رفع الجلسة تعود الى قاعة الانتظار و تنتظر مدة

طويلة لكي يعطونك نسخة من الحكم غير النهائي و

يخبرونك بالعودة بعد 08 ايام لاخذ حكم نهائي البعض

سيتم اطلاق سراحهم

و البعض منهم سيتم احالتكم على مركز الخدمة التي

تتبعونها من اجل اعطائكم بطاقات الاعفاء او او امر

الالتحاق بوحدتكم لتادية واجب الخدمة الوطنية على

حسب ما امر به القضاء .

و بالتوفيـــــــــــــــــــــق ان شاء الله


شكرا محمد على كل هذه التوضيحات
بالنسبة لاستدعاء المثول أمام المحكمة هل المدة تكون طويلة , يعني تاريخ الاستدعاء هل يكون بعيد؟

[moham630]

شكرا محمد على كل هذه التوضيحات
بالنسبة لاستدعاء المثول أمام المحكمة هل المدة تكون طويلة , يعني تاريخ الاستدعاء هل يكون بعيد؟

على حسب برمجة الجلسات وعدد القضايا فمثلا محكمة الناحية العسكرية الثانية ن ع 2 بوهران تبرمج جلستين في الاسبوع ككل المحاكم يومي

الاثنين و الاربعاء .

لكن عادة الاستدعاء يكون في اقل من شهر على اكثر تقدير .

[moham630]

انصح كل عاص و كل فار من الخدمة او الجيش الالتحاق بالمحكمة العسكرية لتسوية وضعياتهم و العيش بسلام بعيدا عن الملاحقات و المشاكل .

[فيصل لعلامي]

بارك الله فيكم اخانا الفاضل وجزاك الله خيرا واحسن اليك في الدنيا والاخرة على هذهع التوضيحات واسمحلي ببعض الاستفسارات
اولا انا الان اعطوني الرسالة لاخذها معي للمحكمة العسكرية ليس فيها اي تاريخ بمعنى اذهب متى شئت ؟على كل قررت اذهب الاحد القادم ان شاء الله ؟فما تنصحني بما انه لا يوجد تاريخ محدد؟لانك قلت لا تتخلف عن تاريخ المحاكمة ؟ام ان قصدك بعد ذهابي سيحيلونني على تاريخ اخر؟
ثانيا هل ساقيم معهم اياما اذا استدعى الامر ام ان هذه الاجراءات تكون في يوم واحد
ثالثا قلت يعد ما اكثر الشكاوى واخذ ملف سيمنحون البراءة السؤال الا يقومون باي تحقيق ومثلا لو نفرض الوثائق غير كافية او رفضوا احد الوثائق هل يطلبون مني اعادتها ؟ يعني يعطوني مهلة ام لا
وثالثا قلت ربما يحيلوننا الى مركز الخدمة لاستدعائنا ؟طيب في هذا الحالة لو نفرض انهم استدعوننا ؟الا يمكن ان نطالب بطوننا داخلين تحت القاون الذي يعفي من انهى دراسته قبل 2009 ؟
ارجوا التوضيح اكثر اخانا بارك الله فيك وبالضبط متى تنصحني ان اذهب باااااارك الله فيكم ونفع بك

[فيصل لعلامي]

واسمحلي ارجع لملف الكفالة انا كنت عملته من قبل حين كنت في عقود ما قبل التشغيل عندها عملت شهادة عمل وكشف الراتب عادي؟
لكن الان لا امارس عملا حكوميا او رسميا بمعنى ما ذا افعل ؟ما اخذ مكان شهادة العمل ؟اذا قبلوا مني شهادة عمل اليومية التي تستخرج من البلدية ؟فمن اين اتي لهم بكشف راتب؟ام انه لا يطلب حينها ؟

[فيصل لعلامي]

وبالنسبة للشهادة الطبية للوالدين انذاك عملتها في مركز طبي عمومي وكانت مقبولة انذاك لكن اسمع انو الان لا ؟ فهنا اسال هل اخذ نفس تلك الشهادات طبعا من ماي عملتها ؟

[moham630]

بارك الله فيكم اخانا الفاضل وجزاك الله خيرا واحسن اليك في الدنيا والاخرة على هذهع التوضيحات واسمحلي ببعض الاستفسارات
اولا انا الان اعطوني الرسالة لاخذها معي للمحكمة العسكرية ليس فيها اي تاريخ بمعنى اذهب متى شئت ؟على كل قررت اذهب الاحد القادم ان شاء الله ؟فما تنصحني بما انه لا يوجد تاريخ محدد؟لانك قلت لا تتخلف عن تاريخ المحاكمة ؟ام ان قصدك بعد ذهابي سيحيلونني على تاريخ اخر؟
ثانيا هل ساقيم معهم اياما اذا استدعى الامر ام ان هذه الاجراءات تكون في يوم واحد
ثالثا قلت يعد ما اكثر الشكاوى واخذ ملف سيمنحون البراءة السؤال الا يقومون باي تحقيق ومثلا لو نفرض الوثائق غير كافية او رفضوا احد الوثائق هل يطلبون مني اعادتها ؟ يعني يعطوني مهلة ام لا
وثالثا قلت ربما يحيلوننا الى مركز الخدمة لاستدعائنا ؟طيب في هذا الحالة لو نفرض انهم استدعوننا ؟الا يمكن ان نطالب بطوننا داخلين تحت القاون الذي يعفي من انهى دراسته قبل 2009 ؟
ارجوا التوضيح اكثر اخانا بارك الله فيك وبالضبط متى تنصحني ان اذهب باااااارك الله فيكم ونفع بك

اولا صحيح ان الاستدعاء صحيح ليس فيه تاريخ لكن اخذر ان لم تتلتحق بالمحكمة في غضون شهر سوف ياتيك استدعاء ثاني و بعد شهر اخر

الاستدعاء الثالث و الاخير وهنا يصدر امر تعميم البحث اي ( نشرة بحث وطنية ) و سيتم الحكم عليك غيابيا بخمس 05 سنوات حبس نافذ و

تنشر في صحيفة سوابقك العدلية رقم 03 .و هنا تتعقد امورك اكثر لانك سوف تقوم بمعارضة الحكم الغيابي اي الاستئناف وهنا يمكن للقاضي

الحكم عليك بشهرين موقوفة النفاذ و تصبح من اصحاب السوابق و يليها فيما بعد الجري وراء رد الاعتبار ....الخ

[moham630]

ثانيا انصحك بعدم الذهاب ايام اجراء جلسات المحاكمة لان المحكمة تعج بالفوضى و امناء الضبط يكونون ملتهين باصدار الاحكام و غيرها اي ان لديهم ضغط عمل

في ايام الامحاكمة اذن انصحك بالاستفسار عن ايام الجلسات في المحكمة و تجنبب الذهاب فيها و على ما اعتقد انها الاثنين و الاربعاء .

[moham630]

ثالثا كما قلت لك لن تعرض على المحكمة مباشرة بعد و صولك وانما تعرض على احد كتاب الضبط للتحقيق معك عن اسباب عصيانك وتوقع و تبصم على محضر التحقيق و من بعد ت\يعطى لك استدعاء للمثول امام القاضي في يوم اخر او بعد اسبوع ....

[moham630]

لا تقيم معهم يا اخي فانت لا تزال مدني و حتى ان لم يحن دورك للتحقيق مع امين الضبط يقال لك ارجع غدا

[moham630]

كاتب الضبط اثناء التحقيق ياخذ منك كل الوثائق التي تقدمها و يفحصها و يتاكد ان كانت اصلية ويضعها مع ملفك و ترسل فيما بعد الى قاضي التحقيق للمعاينة قبل

موعد المحاكمة .

ولا تعقد المسالة لان مجرد رو تين و شكليات و المحاكمة سوف تكون على شكل مسرحية

[moham630]

بعد المرافعة ينطق القاضي بالحكم فقط اي براءة ( ان شاء الله ) و لكن في الملف المرسل فيما بعد الى مركز خدمتك يدون ملاحظة وهي بمثابة امر و اما ان تكون :

اعطاءه عفو ( اي بطاقة الاعفاء ) او اعطاءه سورسي او تحويله مباشرة الى مركز التدريب اي اعطاءك اوردبال .

[moham630]

لو وجد القاضي من خلال ملفك انك تستحق العفو سوف يكتب ملاحظة بذلك من اجل هذا قلت لك ان تكثر من الوثائق و الشكاوي و ان وجدت اي تقرير طبي او تقرير من طبيب نفساني بان حالتك النفسية صعبة فضعه مع الملف المهم اكثر من الوثائق .

[moham630]

اذا اعطاك القاضي العفو فستاخه سواء اكنت انهيت الدراسة قبل 2009 او حتي 2011 قراره لا نقاش فيه و عادة ما يكون بالاعفاء .

[moham630]

واسمحلي ارجع لملف الكفالة انا كنت عملته من قبل حين كنت في عقود ما قبل التشغيل عندها عملت شهادة عمل وكشف الراتب عادي؟
لكن الان لا امارس عملا حكوميا او رسميا بمعنى ما ذا افعل ؟ما اخذ مكان شهادة العمل ؟اذا قبلوا مني شهادة عمل اليومية التي تستخرج من البلدية ؟فمن اين اتي لهم بكشف راتب؟ام انه لا يطلب حينها ؟

اعطهم اي و ثيقة تثبت انك تعمل حاليا و قل انك المعيل الوحيد للعائلة و ان راتب ابوك قليل جدا او معدوم المهم سلك روحك .

[moham630]

هم لا يهمهم كشف الراتب او غيره لكن ان تقدم و ثائق مقنعة

[moham630]

و بالتوفيــــــــــــــــــــــــــق ان شاء الله اخي فيصل و تذكر انك ستضحك طويلا بعد نهاية هذه الاوقات العصيبة بالنسبة لك و ستعرف ان كل شئ في بلادنا

خرطـــــــــــي حتى و ان تعلق الامر بالقضاء العسكري .

[moham630]

وبالنسبة للشهادة الطبية للوالدين انذاك عملتها في مركز طبي عمومي وكانت مقبولة انذاك لكن اسمع انو الان لا ؟ فهنا اسال هل اخذ نفس تلك الشهادات طبعا من ماي عملتها ؟

نعم فيصل انصحك باخذها وتذكر ان ذلك اسمه مركز الخدمة الوطنية و ما انت ذاهب اليه هو محكمة عسكرية و المحكمة تاخذ باي و ثيقة سواء قديمة او جديدة من مركز عمومي او خاص المهم اكثر من الوثائق للدفاع اكثر عن نفسك .
و الله المستعان

[saber bba]

الاخ moham630 بارك الله فيك اخي على هذه المعلومات القيمة لانني قد اكون من العصاة وبعد قراءة ردودك طلعلي المورال
وعندك الحق بلاد خرطي واضحوكات يعني حاب تقول تقدر بلسانك تفريها

[h4ni]

اولا صحيح ان الاستدعاء صحيح ليس فيه تاريخ لكن اخذر ان لم تتلتحق بالمحكمة في غضون شهر سوف ياتيك استدعاء ثاني و بعد شهر اخر

الاستدعاء الثالث و الاخير وهنا يصدر امر تعميم البحث اي ( نشرة بحث وطنية ) و سيتم الحكم عليك غيابيا بخمس 05 سنوات حبس نافذ و




السلام أخي
هل انت متأكد من هذه الامور؟ هل نصبح محل بحث فقط بعد الاستدعاء ال3
تسلمت الاستدعاء الاول منذ أيام, و بما انني مقيم في ولاية و مولود في أخرى من الصعب علي اعادة تكوين ملف الكفالة دون السفر يوميا, و هذا ما اتجنب فعله خوفا من الوقوف في ايدي الدرك
فهل تضن انه بامكاني التنقل هذه الايام؟
سلام و شكرا على كل هذه التوضيحات

[moham630]

السلام أخي
هل انت متأكد من هذه الامور؟ هل نصبح محل بحث فقط بعد الاستدعاء ال3
تسلمت الاستدعاء الاول منذ أيام, و بما انني مقيم في ولاية و مولود في أخرى من الصعب علي اعادة تكوين ملف الكفالة دون السفر يوميا, و هذا ما اتجنب فعله خوفا من الوقوف في ايدي الدرك
فهل تضن انه بامكاني التنقل هذه الايام؟
سلام و شكرا على كل هذه التوضيحات

عد الاستدعاء الثالث يصدر في حقك نشرة بحث وطنية اي ان كل الدرك عبر التراب الوطني يبحثون عنك اما بعد الاول فالدرك الوطني لمحل

اقامتك فقط هو من يبحث عنك

[moham630]

ولا داعي لتبذير المال بتوكيل محامي لانكم ستلحظون انه لن يتكلم ابدا و لن يدافع عنكم اصلا لانها مجرد محاكمة شكلية انتم وحدكم قادرين تفريوها و الله المستعان

ازدموا وما تخافوش و اعرفوا واش تمدوا دواسا و اعرفوا تهدرو

و بالتوفيق ان شاء الله

[h4ni]

عد الاستدعاء الثالث يصدر في حقك نشرة بحث وطنية اي ان كل الدرك عبر التراب الوطني يبحثون عنك اما بعد الاول فالدرك الوطني لمحل

اقامتك فقط هو من يبحث عنك

يعني كيف كيف :mad:
زادو دارو باراج فيكس عند الخرجة من الطريق السيار :D
ربي يسلكها على خير و شكرا أخي على الاضاحات

[moham630]

تنقل و الحذر مطلوب في كل الاحتمالات لان اداراتنا ما فيهاش الامان قادر راهم خرجولك الاستدعاء الثالث و انت ما علابالكش

[h4ni]

عد الاستدعاء الثالث يصدر في حقك نشرة بحث وطنية اي ان كل الدرك عبر التراب الوطني يبحثون عنك اما بعد الاول فالدرك الوطني لمحل

اقامتك فقط هو من يبحث عنك

نزيد نسقسيك
الاستدعاء الثاني و الثالث يجيبوه الدرك؟
هل لديك معلومات حول قانون 30 سنة؟ ان كان سيبقا او لا

[فيصل لعلامي]

جزاك الله خيرا اخانا الفاضل ان شاء الله تفرا
بالنسبة لبعض الوثائق كشهادة بطالة للوالدين وشهادة انفصال تاع الاخ تاعي عندهم قريب عام ما زال عشرة ايام يلحقوا عام ؟هلتكون مقبولة ؟يعني باه مانعاودهاش؟
واحيطك علما اخي ان اخا لي اخذها كذلك كفيل عائلة هههه لكن من قديييييم وفعلا هو منفصل عنا اليوم ؟ بهذا الاحتمال واش رايك ؟

[moham630]

نزيد نسقسيك
الاستدعاء الثاني و الثالث يجيبوه الدرك؟
هل لديك معلومات حول قانون 30 سنة؟ ان كان سيبقا او لا

الاستدعائين الثاني و الثالث ايجيبوهم الدرك في ظرف مغلق و فيه ختم المحكمة العسكري وهي ورقة حمراء صغيرة و فيها ختم و

امضاء نائب

الوكيل العسكري للجمهورية .

قانون 30سنة مازال مطبقا في المحكمة العسكرية اي ان الشخص العاصي اذا كان سنه 30 سنة فما فوق تعطى له بطاقة الاعفاء او

توماتيكيا .

[moham630]

جزاك الله خيرا اخانا الفاضل ان شاء الله تفرا
بالنسبة لبعض الوثائق كشهادة بطالة للوالدين وشهادة انفصال تاع الاخ تاعي عندهم قريب عام ما زال عشرة ايام يلحقوا عام ؟هلتكون مقبولة ؟يعني باه مانعاودهاش؟
واحيطك علما اخي ان اخا لي اخذها كذلك كفيل عائلة هههه لكن من قديييييم وفعلا هو منفصل عنا اليوم ؟ بهذا الاحتمال واش رايك ؟

اخي فيصل الوثائق مقبولة و احرص ان تذهب هذه الايام و شهادة الانفصال تكفي انك الوكيل على العائلة بوجود شهادة عائلية و الله صدقني




ان كل شئ خرطي ازدم برك .

[h4ni]

الاستدعائين الثاني و الثالث ايجيبوهم الدرك في ظرف مغلق و فيه ختم المحكمة العسكري وهي ورقة حمراء صغيرة و فيها ختم و

امضاء نائب

الوكيل العسكري للجمهورية .

قانون 30سنة مازال مطبقا في المحكمة العسكرية اي ان الشخص العاصي اذا كان سنه 30 سنة فما فوق تعطى له بطاقة الاعفاء او

توماتيكيا .

شكرا خويا
سؤال أخير
ما دور وكيل الجمهورية العسكري في كل هذا

[moham630]

في المحكمة العسكرية هنالك و كيل جمهورية واحد و هو برتبة عقيد و معهه 04 او 05 مساعدين برتب مختلفة كل و احد مكلف بنوع معين من القضايا و في محاكمة

العاصين يحضر نائب الوكيل العسكري المكلف بقضايا الفرار من الجيش و الخدمة .

ان كنت تعرف او لا فذلك لن يغير من الموضوع شيئا لكن طبيعة مهامه هو تمثيل الحق العام ( اي حق وزارة الدفاع )اي في كل الحالات سيكون ضدك و المحكمة

العسكرية مثل المدنية هنالك وكيل جمهورية و قاضي تحقيق و رئيس المحكمة و محامي المحكمة الذي سيتولى الدفاع عن الذين لم يوكلوا محامي .

و اعلم ان رئيس المحكمة الذي نفسه سيراس الجلسة هو مدني و ليس عسكري في كل المحاكم العسكرية و هو بالطبع سيكون متفهما لوضعكم .

[moham630]

اثناء الحاكمة ستدخلون قبل هيئة المحكمة و سيحضر الحراس لاجلاسكم واعطائكم التعليمات الازمة بعدها تدخل الهيئة و هي مكونة من :

رئيس المحكمة ، نائب الوكيل ، 03 محلفين من القوات البحرية ، الجوية و البرية ، ورئيس امناء الضبط و محامي الدفاع

[moham630]

وان اردت الاطلاع اكثر فابحث عن كتاب : قانون القضاء العسكري للاستاذ بالعروسي احمد التيجاني .

لكن اياك ان تخاف فهذا القانون يبدو صارما جدا و قد تغير نظرتك بتسليم نفسك الى المحكمة و اعلم جيدا ان معظم هذه القوانين اصبح لا يؤخذ بها لان الجزائر الغت

قانون الطوارئ .....الخ

[h4ni]

شكرا جزيلا أخي

[aziz2tenes]

السلام عليكم , اخي محمد ما هي الحالات التي تمنح فيها اعفاء من الخدمة

هناك صديق عنده شهادة تاجيل تنتهي في 31/12/2011 تخرج من الجامعة هذه السنة و هو لا يعمل حاليا و ابوه متوفى و

هو الاصغر في العائلة وله شقيقان متزوجان احدهما تحصل على اعفاء بكفالة فهل يمكن له ان يتحصل على اعفاء بكفالة او

بشيء اخر علما انه جاتو لوردبال واحدة و لم يجتز الفحص الطبي

[moham630]

السلام عليكم , اخي محمد ما هي الحالات التي تمنح فيها اعفاء من الخدمة

هناك صديق عنده شهادة تاجيل تنتهي في 31/12/2011 تخرج من الجامعة هذه السنة و هو لا يعمل حاليا و ابوه متوفى و

هو الاصغر في العائلة وله شقيقان متزوجان احدهما تحصل على اعفاء بكفالة فهل يمكن له ان يتحصل على اعفاء بكفالة او

بشيء اخر علما انه جاتو لوردبال واحدة و لم يجتز الفحص الطبي
انصح صديقك بتحضير ملف كفالة ثاني في اسرع و قت و التوجه به الى مركز الخدمة الوطنية وهنا سيكون امام حالتين :

اما ان يعطى له تاجيل ثاني
و اما ان يتحصل على و ضعية قانونية اتجاه الخدمة الوطنية الى اشعار اخر لاعطائه الاعفاء .

المهم ان يذهب قبل انتهاء التاجيل اي قبل 31/12

[moham630]

و صدقني ان مركز الخدمة ليس فيه معايير ثابتة و موحدة ومدروسة و انما هي دراسات تقريبا عشوائية للحالات و تدخل فيها عدة عوامل مثل فائض او عدم وجود

مركز تدريب ....الخ احيانا تجد شخصين لهما نفس الحالة الاول اعفي من الخدمة و الثاني اعطوه اوردبال .

بعبارة سهلة تستطيع القول ان المؤسسة العسكرية بصفة عامة : الداب راكب مولاه

[aziz2tenes]

انصح صديقك بتحضير ملف كفالة ثاني في اسرع و قت و التوجه به الى مركز الخدمة الوطنية وهنا سيكون امام حالتين :

اما ان يعطى له تاجيل ثاني
و اما ان يتحصل على و ضعية قانونية اتجاه الخدمة الوطنية الى اشعار اخر لاعطائه الاعفاء .

المهم ان يذهب قبل انتهاء التاجيل اي قبل 31/12


1- اخي الكريم هل يمكن لفردين من عائلة واحدة التحصل على اعفاء بكفالة خاصة و ان هذا الصديق لم يجتز الفحص الطبي

2- ماذا سيحدث لو تاخر في الذهاب بملف الكفالة الى مركز الخدمة بعد 31/12

3- هل يمكن له التحصل على تاجيل اخر باعطائهم لشهادة الديبلوم

[khiro08]

أخي محمد الذي سلم نفسه للمحكمة العسكرية وأراد تأدية الخدمة الوطنية كعاصي

هل بعد ما يخرج من الخدمة العسكرية يوسخولوا شهادة السوابق العدلية نتاعوا ولا لا

[moham630]

أخي محمد الذي سلم نفسه للمحكمة العسكرية وأراد تأدية الخدمة الوطنية كعاصي

هل بعد ما يخرج من الخدمة العسكرية يوسخولوا شهادة السوابق العدلية نتاعوا ولا لا

ان وصله الاستدعاء الثالث و لم يحضر الى المحكمة فسيحكم عليه غيابيا ب05 شنوات نافذ و ستكتب في شهادة سوابقه العدلية رقم 03 و بعد

القبض عليه او تسليم نفسه الى المحكمة سيعارض الحكم وسيحكم عليه بالحبس غير النافذ وهنا ستكتب في صحيفة سوابقه العدلية رقم 02 و

يجري كثيرا لنزع الحكم الغيابي من الصحيفة رقم 03 لانه احيانا ينسى العاملين بالمحكمة العسكرية ارسال شهادة الغاء الحكم الغيابي الى النائب

العام لمجلس قضاء و لاية المعني و هنا يصبح المعني في دوامة جري من اجل تصفية الصحيفة رقم 03 .


اما الذي سلم نفسه للمحكمة مباشرة بعد الاستدعاء الاول ففي غالب الاحيان يحكم عليه بالبراءة مع الاعفاء ( ان فاق 30سنة ) او تادية الخدمة و

هنا تبقى صحيفته صافية و لا غبار فيها .

[moham630]

1- اخي الكريم هل يمكن لفردين من عائلة واحدة التحصل على اعفاء بكفالة خاصة و ان هذا الصديق لم يجتز الفحص الطبي

2- ماذا سيحدث لو تاخر في الذهاب بملف الكفالة الى مركز الخدمة بعد 31/12

3- هل يمكن له التحصل على تاجيل اخر باعطائهم لشهادة الديبلوم

يحدث هذا في حالة ان كان الاخ الاول حين قام بالكفالة اخوه كان لا يزال قاصرا اما وهما بالغين فالكفالة العائلية لاحدهما فقط ،لان اي

تحقيق بسيط سيكشف ذلك وبما اننا في الجزائر و في الادارة العسكرية فهنالك احتمال 50% بعدم كشف ذلك لان الملفات كثيرة و احيانا

التحقيقات

لا تجري بدقة .

لو تاخر عن دفع الملف فيعتبر في و ضعية تسمح لمركز الخدمة بارسال لوردبال له اي انه قادر على تادية الخدمة .

الدبلوم لا يعفي اي شخص من تادية الخدمة !!!! و انما الدراسة هي من تاجل له ذلك لكن ان اراد ان يستفيد من اعفاء خاص لحاملى الدبلوم قبل

سنوات معينة عليه ان لا يزاول اي دراسة .

[كتالوني86]

السلام عليكم ورحمة الله وبركاته
خويا كان عندي استدعاء ومن بعد جبت سورسي ومن بعد جاني استدعاء عاودت جبت سورسي ومن بعد
بديت نخدم في دوسي نتاع ضحايا الارهاب وكان خويا دايها بنفس الطريقة مع انه شرطي الان قالولي ماتقدرش تديها
درك يخرجلي بي رشارش ولا استدعاء عادي مع اني متخرج سنة 2010 وكان خرج بيي روشارش وين محكمة العسكرية لي نروح ليها مع علم انا من الشلف

[h4ni]

السلام عليكم ورحمة الله وبركاته
خويا كان عندي استدعاء ومن بعد جبت سورسي ومن بعد جاني استدعاء عاودت جبت سورسي ومن بعد
بديت نخدم في دوسي نتاع ضحايا الارهاب وكان خويا دايها بنفس الطريقة مع انه شرطي الان قالولي ماتقدرش تديها
درك يخرجلي بي رشارش ولا استدعاء عادي مع اني متخرج سنة 2010 وكان خرج بيي روشارش وين محكمة العسكرية لي نروح ليها مع علم انا من الشلف

لالا درك يخرجلك استدعاء ثالث مع أمر بالالتحاق
كون ما تروحش موراها يخرجلك بيي روشارش

[كتالوني86]

نقدر نستفاد من الاعفاء نتاع حريجي 2010

[h4ni]

نقدر نستفاد من الاعفاء نتاع حريجي 2010

اذا جاك أمر بالالتحاق ما تستفادش

[كتالوني86]

وشحال يقعد ويخر بيي رشارش اذا ملبيتش سموحلي علي اكثار

[h4ni]

وشحال يقعد ويخر بيي رشارش اذا ملبيتش سموحلي علي اكثار

بين 6 اشهر و عام

[كتالوني86]

شكرا لكم وان شاء الله قاع ندوها

[ندرومة49]

h4ni
ممكن أتكلم معك عبر الفيس بوك أنا صفحتي

الميلود زياني

[h4ni]

h4ni
ممكن أتكلم معك عبر الفيس بوك أنا صفحتي

الميلود زياني

السلام أخي
راني زدتك

[فيصل لعلامي]

اسمحولي نزيد نسقسي الاخ محمد لانس شفت كلامكم على شخصين بكفالة فهموني مليح ؟
انا عندي اخ جابها كفالى عائلية لكن لما جابها انا كنت قاااااصر وزيد هو الان انفصل عنا وخدمتلو شهادة انفصال يعني نقدري ندير كفالة عادي ؟؟؟

[h4ni]

اسمحولي نزيد نسقسي الاخ محمد لانس شفت كلامكم على شخصين بكفالة فهموني مليح ؟
انا عندي اخ جابها كفالى عائلية لكن لما جابها انا كنت قاااااصر وزيد هو الان انفصل عنا وخدمتلو شهادة انفصال يعني نقدري ندير كفالة عادي ؟؟؟

وي تقدر
خدمتلو شهادة انفصال أو تصريح شرفي بالانفصال؟ .

[فيصل لعلامي]

بوركت نعم خدكتلو شهادة انفصال بشهود في البلدية عادي

[كتالوني86]

السلام عليكم ورحمة الله وبركاته
خاوتي انا مادفعتش ديبلوم مع اني من خريجي 2010
من قبل كنت كملت قرايتي وجاني استدعاء مكتوب فيه تقني سامي في التسيير وانا تقني سامي في التسويق
مع اني لم ادفع الديبلوم نقدرلا ندفع الجيبلوم باه ندي سورسي

[h4ni]

السلام عليكم ورحمة الله وبركاته
خاوتي انا مادفعتش ديبلوم مع اني من خريجي 2010
من قبل كنت كملت قرايتي وجاني استدعاء مكتوب فيه تقني سامي في التسيير وانا تقني سامي في التسويق
مع اني لم ادفع الديبلوم نقدرلا ندفع الجيبلوم باه ندي سورسي
تقدر تدفعو مي تدي سورسي يخلاص في مارس

[moham630]

السلام عيكم يا شباب كيف الصحة

[h4ni]

السلام عيكم يا شباب كيف الصحة

و عليك السلام و رحمة الله و بركاته
الحمد لله وانت كيف حالتك؟

[moham630]

بخير و الحمد لله

[smith.mehdi]

شكرا...........

[xaide12]

السلام عليكم .... يا خاوتي اريد مساعدة من ذو خبرة او تجربة .
انا متخرج 2009.....سمعت بالقانون تاع 2009/2008 ..رحت قبلو عليا و مدولي استدعاء ... كي رجعت بعد شهرين في نوفمبر قالولي معندكش الحق ... عندك استدعاء في مارس 2010 ..... معلش فمناها .... (lمع العلم ني ما استلمت حتى اوردابيل و ما وصلتني حتى اوردابيل ) .
رجعت اليوم ..بعد ما سمعت بلي راهم سامحونا تاع 2009 حتى كون عنك اوردابيل .
قالولي راك انسومي .. ارجع بعد 20 يوم بش تروح تشارع في المحكمة العسكرية .

يا جماعت الخير ... ما هو الدوسي الي نديه معايا للمحكمة باش ندي العفو .......

مع العلم انو مادرتش الفحص . و انا عامل مقبل التشغيل و اخي قتلوا يعقد عن قريب .......

هل من مساعدة جزاكم الله خيرا .

[فيصل لعلامي]

السلام عليكم نعم اخي هاك تشوف اللعب انا في مثل حالتك اعطاولي الاستدعاء واذا به فجاة خرجلي بيي دو روشارش ؟؟ قاللك جاء مدير جديد بطل؟
مي يظهرلي حسب ما قلته انت راه ماشي كما انا لاني انا جاوني 3 اوردابال ومارحتش اسما انسومي عاصي ولذا قاللك القانون ما يحكمكش مي انت راك تقول ماجاتك حتى اورد ابال ؟ وكفاه امالا انسومي ؟ قوللهم بلي مما استلمت حتى اوردابال ؟ لانو عند استلامك تمضي عليها
عموما كاين هنا اخ يعاونك مليح هو محمد اما انا فذهبت للمحكمة العسكرية قبل يومين برك واخذت معي ملف كفالة ؟ نعم خذ معك ملف كفالة تحسبا لاي امر لكن قبل ذلك قللهم انك لست عاص ولم تستلم اي اوردابال ؟ وروح للمحكمة العسكرية في اقرب وقت احسن ربي يفرج ان شاء الله

[h4ni]

اوردابال ؟ لانو عند استلامك تمضي عليها
عموما كاين هنا اخ يعاونك مليح هو محمد اما انا فذهبت للمحكمة العسكرية قبل يومين برك واخذت معي ملف كفالة
السلام
واش قالولك في المحكمة؟

[moham630]

الاخ فيصل لعلامي ارجوا ان تتواصل معي في اقرب وقت لمعرفة نتيجة ذهابك الى المحكمة العسكرية وان كان هنالك تحقيق من طرف الدرك ام لا و لطمانة جميع

اخواننا العاصين بان الامور سهلة لتعجيل تسوية وضعياتهم اتجاه هذه القضية .

[xaide12]

السلام عليكم ...
يا خويا الحكاية راهي رحت دفعت زعما 2009 ..... قالولي انت راك معندكش الحق راهو عندك اوردابيل في مارس ...
رحت لجادرميا تاع الكرتي .. قالولي احنا لي مدينالهم مدينالهم .. لي موصلاتوش راهي رجعت عندهم ...
رجت للعسكر ... قلتلهم وش سرا مع الجادرميا .. قالولي هنا معندنا ما دخلنا هدي راهي خدمتهم ...........................

بعد سمعت في شهر هذا بلي سامحوا 2009 صح .... عاودت الرجعت ... قالولي انت راك انسومي و ارواح بعد 20 يوم نعطوك بريا باش تروح تشارع بيها ......

و الحل يا جماعة الخير ....


هل ممكن كي نروح انشارع في المحكمة ايديرو التحقيق .. و يلقوني ما استلمتش صح لي اوردابيل .. يعطوني الاعفاء مع جماعة 2009 ..
بالمناسبة ..انا راني والد في 1984 .... تسمة 27 سنة .
كاش حل يا وجوه الخير ???

[smith.mehdi]

بالتوفيق للجميع.....

[houssam_setif]

بالتوفيق للجميع.....

[saber bba]

حسام خويا واش راك داير فيها رانا على الهوا سوا

[xaide12]

نرجوا من الاخ فيصل لعلامي ... التواصل معنا .

و لا .. لاقدر الله ادوك تعقب يا فيصل خويا ???

انا راني نفس حالتك انت ... و نستنى فيك انت واش درت فيها ????

[فيصل لعلامي]

هههههههههه ربي يستر لا راني هنا اسمحولي لم انتبه انكم تعلقون؟
نعم رحت مباشرة لم يسالني لم عصيت ولا اي شيئ ؟ قاللي مباشرة واش جبت معاك ؟ قلتلو جبت ملف كفالة حكموه اعلي
اعطاولي استدعاء على 3 اشهر قاللولي روح واحنا نبعثوا للدرك تاوعكم يديرو تحقيق نرومال وبالفعل بعثولهم ودرنا التحقيق قبل يومين هذا واش راه صاري لحد الان ههههه

وهنا لمن عنده المعلومات خاصة الاخ محمد يفتيلي في هذا الامر:
في مثل حالتي وانا معي هذا الاستدعاء ؟ وحاب نخدم استخلاف طلبولي الورقة تاع العسكر ؟ وطبعا هذا الاستدعاء لا يقبل ما هوش سورسي استدعاء فقط بل حاولنا معهم قاللك لا يقبل ؟ المهم سؤالي المستعجل هل استطيع اذهب لمركز الخدمة الوطنية واخذ معي هذا الاستدعاء باش يعطوني سورسي نخدم بيه ؟ سؤال عاجل جدا قبل ما يديولي البلاصة هههه لازم غدا اذهب ان شاء الله طبعا اذا جاوبتوني اليوم ههه بارك الله فيكم

[فيصل لعلامي]

والاخ محمد نعم يشرفنا التواصل معك واذا امكن تعطينا رقم هاتفك احسن لانو احيانا نغفل فلا ندخل المنتديات ههههه حتى ننبه بعضنا بالتلفون
ذرك القالي حل كفاش ندير هههه

[saber bba]

الاخ فيصل احكيلنا على الاجواء في المحكمة لاني انا راني رايح نشارع ثم بتهمة العصيان

[فيصل لعلامي]

نعم اخي صابر صبرا فالفرج قريب ان شاء الله ههه
نعم الاجواء تماما كما ذكر لكم الاخ محمد واصلا قبل ذهابي كنت هنا في المنتدى واستفدت من الاخ محمد جزاه الله خيرا
تروح عادي حاول تبكر باه تروح بكري هههه تدخل ويقولولك لاه جيت ؟هههه؟ تقوللهم لاني متهم بالعصيان
تروح تطلع الفوق تلقا الادارة تعطيلهم الرسالة لمدوهالك في سطيف ؟ طبعا ما تحلش الرسالة اديها كما راهي
وتروح لقاعة الانتظار بعد دقائق يجي يعيطلك تدخل يقولك مباشرة واش جبت معاك ؟هههه هنا شوف واش تقول كما قالك محمد اي وثائق وبررلوا بالكلام مع انو انا مهدرناش بزاف حكم الملف اخلاص
وبالمناسبة هل تسمحلي اسال لماذا لا تستطيع تعمل كفالة ؟ ربما تصورك خاطئ؟
وبالمناسبة انا راني برايجي كيفك كما يبدو على اسمك هههه بالتوفيث ان شاء الله
وانا في انتظار الاخ محمد او غيره يفيدنا هل نستطيع نجيبو سورسي نحطوه في ملف الاستخلاف ام لا

[saber bba]

شكرا اخي فيصل
نعم انا برايجي ولا استطيع وضع كفالة لان الوالد يعمل في قطاع الدولة ولي اخ اكبر يعمل ايضا
تقدر تقول راني رايح ليهم فرغان والاسوء الظرف البريدي حلو الشيخ من الخلعة

[فيصل لعلامي]

اما قضية الاخ الاكبر ساهلة تقدر تديرلو شهادة انفصال بلي ما يسكنش معاكم بقى مشكل ابوك يخدم في قطاع الدولة والله ما عندي فكرة
عموما ربي يجيب الخير والخير في ما قدره الله عز وجل والواحد يطمئن كي يعرف ان مسير الامور في النهاية هو الله عز وجل
وكلشي بالمكتوب ما نتقلقوا ما والو احنا نجريو نديروا الاسباب اللي علينا وبعدها لي تصرى خلي تصرى والحمد لله في كل حال

[moham630]

هههههههههه ربي يستر لا راني هنا اسمحولي لم انتبه انكم تعلقون؟
نعم رحت مباشرة لم يسالني لم عصيت ولا اي شيئ ؟ قاللي مباشرة واش جبت معاك ؟ قلتلو جبت ملف كفالة حكموه اعلي
اعطاولي استدعاء على 3 اشهر قاللولي روح واحنا نبعثوا للدرك تاوعكم يديرو تحقيق نرومال وبالفعل بعثولهم ودرنا التحقيق قبل يومين هذا واش راه صاري لحد الان ههههه

وهنا لمن عنده المعلومات خاصة الاخ محمد يفتيلي في هذا الامر:
في مثل حالتي وانا معي هذا الاستدعاء ؟ وحاب نخدم استخلاف طلبولي الورقة تاع العسكر ؟ وطبعا هذا الاستدعاء لا يقبل ما هوش سورسي استدعاء فقط بل حاولنا معهم قاللك لا يقبل ؟ المهم سؤالي المستعجل هل استطيع اذهب لمركز الخدمة الوطنية واخذ معي هذا الاستدعاء باش يعطوني سورسي نخدم بيه ؟ سؤال عاجل جدا قبل ما يديولي البلاصة هههه لازم غدا اذهب ان شاء الله طبعا اذا جاوبتوني اليوم ههه بارك الله فيكم

اهلا بك اخي فيصل : اذهب الى مركز الخدمة وخذ معك الاستدعاء و قل لهم انني مقبل على عمل واريد ان احصل على : وضعية قانونية اتجاه

الخدمة الوطنية .

هنالك احتمال ضعيف قليلا ان يعطوك تاجيل و هو يعتبر و ضعية قانوية اتجاه الخدمة الوطنية .

[moham630]

شكرا اخي فيصل
نعم انا برايجي ولا استطيع وضع كفالة لان الوالد يعمل في قطاع الدولة ولي اخ اكبر يعمل ايضا
تقدر تقول راني رايح ليهم فرغان والاسوء الظرف البريدي حلو الشيخ من الخلعة

خطير جدا :

الظرف البريدي الذي فتحه الوالد حفظه الله موجه الى الوكيل العسكري للجمهورية و هو برتبة عقيد و لديه صلاحيات واسعة اكثر من الوكيل المدني و من المفروض ان عليه تاشيرة مكتوب عليها لا يفتح او واجب الاغلاق انا متاكد بان الظرف سوف يفتحه احد كتاب الضبط او على الاقل نائب الوكيل العسكري للجمهورية المكلف بقضايا الفرار و العصيان مع ذلك سوف يعطيك ملاحضة مع تانيب عن فتحه و لعلمك فقط ان و كيل الجمهورية بامكانه ان يدخلك الحبس المؤقت لحين اجراء التحقيق في قضية خيانة الامانة لكن نادرا ما تحدث .

لا اريد اخافتك لكني انبه الجميع اي البقية بعدم فتح البرقيات

[xaide12]

الحمد لله على سلامتك يا خويا فيصل ... و الله غير خفت عليك و على روحي بعدك ....

يا جماعة الخير ....

الدوسي تاع الكفالة العائلية ( السند الوحيد للاصل )(الام) ..... مالازمش نتلع الكفالة العائلية من البلدية ????

الوالد مجاهد (الله يرحموا ) .. ندي اوراقو معايا .. ممكن اعاونوا ????

بالنسبة لي انا......الاخوة الاكبر متزوجين ..... واحد دار كفالة كي كنت قاصر .. و الاخ الثاني سامحم الرايس .

انا ممكن يعتوني كي ندير الكفالة ( السند الوحيد للاصل ) ???

و اعتوني نموذج على شهادة الانفصال ..... و هل هي قانونية ممكن تعاون ???

و سِِؤال للاخ فيصل كيفاش كان تحقيق الدرك ..... ???

يا الخوا سامحوني على الاسئلة الكثيرة و الله ماني فاهم فيها والو ...
و يرحم والديكم .... و ربي يعطيكم وش تتمنوا



و انا راني غير انتلع في الاوراق ......... و ماني فاهم والو

[xaide12]

الحمد لله على سلامتك يا خويا فيصل ... و الله غير خفت عليك و على روحي بعدك ....

يا جماعة الخير ....

الدوسي تاع الكفالة العائلية ( السند الوحيد للاصل )(الام) ..... مالازمش نتلع الكفالة العائلية من البلدية ????

الوالد مجاهد (الله يرحموا ) .. ندي اوراقو معايا .. ممكن اعاونوا ????

بالنسبة لي انا......الاخوة الاكبر متزوجين ..... واحد دار كفالة كي كنت قاصر .. و الاخ الثاني سامحم الرايس .

انا ممكن يعتوني كي ندير الكفالة ( السند الوحيد للاصل ) ???

و اعتوني نموذج على شهادة الانفصال ..... و هل هي قانونية ممكن تعاون ???

و سِِؤال للاخ فيصل كيفاش كان تحقيق الدرك ..... ???

يا الخوا سامحوني على الاسئلة الكثيرة و الله ماني فاهم فيها والو ...
و يرحم والديكم .... و ربي يعطيكم وش تتمنوا



و انا راني غير انتلع في الاوراق ......... و ماني فاهم والو

[hichame47]

الى الخ فيصل
هل خرجلك بيي دروشارش ولا لا
و لا انت من جماعة الورقة البيضاء ؟ اي امر الالتحاق

[h4ni]

الى الخ فيصل
هل خرجلك بيي دروشارش ولا لا
و لا انت من جماعة الورقة البيضاء ؟ اي امر الالتحاق

الاخ فيصل يعتبر عاصي

[فيصل لعلامي]

السلام عليكم
نعم اخواني الاصل اني من اصحاب الورقة البيضاء امر الالتحاق في مارس ولم التحق لحق الصيف خرج القانون حكمني درت ملفي عادي وقبلوه زعما يعطونا الاعفاء ؟ ومبعد بطلوا اعتبرونا عصاة ؟رغم انو ذاك الوقت مازال ما خرجش الروشارش كي بطلوا خرجوللي الروشارش في نوفمبر هذي هي القصة ايا رحت للمحكمة العسكرية ديت معايا ملف كفالة حموه واعطاولي استدعاء على 3 اشهر باه يديرو تحقيق

الاخ الاسائل نعم دير كل الوثائق المطلوبة راهي باينة روح للبلدية قوللهم يعطوك واش تخرج وخرج كلشي بالدوبل لانو تحط ملف في البلدية تخرج به شهادة كفالة وملف كيفو تديه معاك اضافة الى شهادة الكفالة
نعم شهادة انفصال معتبرة روح برك للبلدية يخدموهالك ادي معاك 3 شهود برك
اوراق الشهداء اديهم معاك ممكن يعاونوك مليح الله اعلم هذي هي

[فيصل لعلامي]

اما انا وصيت واحد سقساهم قاللك منقدروش نعطيوك سورسي هههه امالا ما كانلاه نروح وراحلي بوسط في الابتدائي وبوسط في الثانوي ههه قدر الله وما شاء فعل

[ALIDZ89]

دولة المافيا.

[moham630]

اما انا وصيت واحد سقساهم قاللك منقدروش نعطيوك سورسي هههه امالا ما كانلاه نروح وراحلي بوسط في الابتدائي وبوسط في الثانوي ههه قدر الله وما شاء فعل



الاخ فيصل الى اي محكمة ذهبت ؟؟؟؟ و اي مركز خدمة وطنية تتبع له ؟؟؟؟؟؟؟

[moham630]

شكرا اخي فيصل
نعم انا برايجي ولا استطيع وضع كفالة لان الوالد يعمل في قطاع الدولة ولي اخ اكبر يعمل ايضا
تقدر تقول راني رايح ليهم فرغان والاسوء الظرف البريدي حلو الشيخ من الخلعة


الاخ صابر الى اي محكمة انت متوجه اليها ان كنت ذاهب الى محكمة الناحية العسكرية الثانية بامكاني مساعدتك و توجيهك ؟؟

[h4ni]

الاخ صابر الى اي محكمة انت متوجه اليها ان كنت ذاهب الى محكمة الناحية العسكرية الثانية بامكاني مساعدتك و توجيهك ؟؟

السلام
هو تابع للناحية العسكرية الخامسة (قسنطينة)

[moham630]

اه شكرا اخي هاني الوكيل العسكري للمحكمة العسكرية الدائمة للناحية العسكرية الخامسة هو عقيد من بسكرة و ناس ملاح فلا تقلق كل الامور ستسير بخير .

[lorenzo di nizar]

عن ابن عباس ، عن النبي صلى الله عليه وسلم ، قال : « كلمات الفرج : لا إله إلا الله الحليم الكريم ، لا إله إلا الله العلي العظيم ، لا إله إلا الله رب السماوات السبع ورب العرش الكريم »

[saber bba]

بارك الله فيك خويا محمد وشكرا على المبادرة لن انسى وقفتك معنا
كما قال الاخ هاني الناحية الخامسة ويبدو ان الاخبار غير مطمئنة هناك فهناك شخص ذهب هذه الايام بمثل وضعيتنا فحولوه الى مركز العبوربالتلاغمة
اخشى ان يكون مصيره مثله ويطول البقاء في الترونزيت

[moham630]

تعتبر محكمة وهران احسن محكمة من حيث تخفيف الاحكام لان رئيس المحكمة شخص متواضع جدا و هو من ذات المدينة واسمه السيد : بخاري و لقد ساعد كثيرا

من الناس وفرج عن كثير من المهمومين ندعوا الله ان يحفضه و ان يبارك له في عائلته و ان يفرج همومه كما فعل بالناس .

اما عنك اخي صابر فتفائل و ان شاء الله خيرا و لا تنسى توصية احبائك بالدعاء لك .

[moham630]

ولا تنسى اخي صابر ان مفتاح نجاحك في هذه المهمة هي : وثائقك و لسانك فلا تخف ولا ينعقد لسانك حينما تتكلم مع احد كتاب الضبط كن ثابت الجنان و طليق

اللسان ولا تهب فهو مجرد عريف او رقيب ( تذكر انه مجرد دينصور فقط )

[saber bba]

ان شاء الله اخي محمد
المشكله حسب الذين راحوا لم يتركوا لهم مجالا للكلام
حتى ابن حيينا ذهب هذه الايام للمحكمة وحسب كلامه دارولو لي مينيوط الاغلال وداوه لتلاغمة وقالولو راح نوجهوك لعين مقل تمنراست

[saber bba]

الناحية الخامسة كارثة اخي محمد

[moham630]

هكذا تصبح الناحية الخامجة وليست الخامسة ، اما عن الاغلال فاحيانا افراد من الدرك الوطني ايزيدوا عليها وديرو ليمينوت اما العسكر فما ايديروش هاذ التصرفات .

[moham630]

اخي صابر انت اذا اكثرت من الملفات سوف يضطر رئيس امناء الضبط الى ان يعطيك استدعاء الى قائد الفرقة الاقليمية للدرك الوطني لمدينتك لكي يحقق معك و بهذا ستتجنب اي امر اخر .

[فيصل لعلامي]

السلام عليكم الاخ محمد سالتني الى اي ناحية نحن تابعين ؟ نعم انا ذهبت للمحكمة العسكرية قسنطينة
واليوم وصيت واحد سقساهم في مركز الخدمة الوطنية بسطيف قالولو منقدروش قاللو الامر بينه وبين المحكمة ؟ وعليه بطلت منيش رايح ليهم ؟ وراحلي منصب ابتدائي ومنصب ثانوي ههههه قدر الله وما شاء فعل
واذا تقدروا تمدونا حل اخر اشيروا علينا هههه

[lorenzo di nizar]

السلام عليكم بارك الله فيكم إخوتي يا رب فرج علينا نشآلله ءبارك الله فيك خويا محمد ارجوك هل أوامر الإستدعاء التي خرجتلي قبل م أصرح بدبلومي تحسب ي ملفي

[moham630]

اه الان فهمت من المفروض الا تحسب لكن احيانا لا يكلف العسكريون العاملون بالادارة انفسهم بالبحث عن الارشيف و نظرا لغياب قاعدة بيانات حديثة فانه احيانا

يحسبونها الفوضى تعم مراكز الخدمة احيانا شخص يرسل اليه استدعاء واحد فقط وفي الاستدعاء الثاني يصدرون امرا بالبحث عليه ............الخ .

ان شاء الله ايكون خير .

[فيصل لعلامي]

اوي خويا محمد ؟ امالا مايتحسبوش؟ اصلا انا الاستدعاء الاول جاني وانا في الجامعة قبل ما نصرح باي شيئ وما درت لا فحص لا والو اول مرة بعثولي ارجعته لهم وعملت سورسي؟ لكنه حسب اخي؟ نعم حسب علي

[hichame47]

الى الاخ محمد
انا قالولي يجيك استدعاء تاع محاكمة ف المرسى عبر البريد و راه في 3 اشهر و ما كان والو
درك واش ترايي علي ندير نروح عندهم لمكتب التجنيد لتيارت ولا نقارع ؟؟
و في رايك ندير دوسي تاع كافالة ولا دوس ميديكال خير ؟؟
مع العلم انو اخي الكبير متزوج و منفصل بصح اخذ الاعفاء بكفالة و انا كان عمري اكثر من 18 سنة
بارك الله فيك

[moham630]

الى الاخ محمد
انا قالولي يجيك استدعاء تاع محاكمة ف المرسى عبر البريد و راه في 3 اشهر و ما كان والو
درك واش ترايي علي ندير نروح عندهم لمكتب التجنيد لتيارت ولا نقارع ؟؟
و في رايك ندير دوسي تاع كافالة ولا دوس ميديكال خير ؟؟
مع العلم انو اخي الكبير متزوج و منفصل بصح اخذ الاعفاء بكفالة و انا كان عمري اكثر من 18 سنة
بارك الله فيك
اولا اخبرني من اخبرك بان الاستدعاء سيصلك عن طريق البريد فهو عادة يسلم باليد او يرسل عن طريق الدرك الوطني !!!!!

عليك بالسؤال عن الاستدعاء في الفرقة الاقليمية للدرك الوطني التي تتبع لها و ان لم تجده هناك فعليك الالتحاق بمركز الخدمة الوطنية لاستلامه

باليد ، ديرهم في زوج احسن اما بالنسبة لاخوك فامكانك ايضا ان تقوم بالكفالة مادام هو منفصل .

و بالتوفيق

[hichame47]

اولا اخبرني من اخبرك بان الاستدعاء سيصلك عن طريق البريد فهو عادة يسلم باليد او يرسل عن طريق الدرك الوطني !!!!!

عليك بالسؤال عن الاستدعاء في الفرقة الاقليمية للدرك الوطني التي تتبع لها و ان لم تجده هناك فعليك الالتحاق بمركز الخدمة الوطنية لاستلامه

باليد ، ديرهم في زوج احسن اما بالنسبة لاخوك فامكانك ايضا ان تقوم بالكفالة مادام هو منفصل .

و بالتوفيق


هما لي قالولي روح و منبعد نرسلولك استدعاء عبر البريد و كنا 5 او 6 من الناس
بعد مدة واحد صاحبي سقسا عليها قالو واحد راهو وصلني استدعاء عبر البريد و الصراحة خويا محمد و الله ماني قادر نروح ليهم
و فيما يخص الدوسيات هل فب المحكمة يحكموهم عليا في زوج ولا يخيروني اني ندفع واحد فيهم ؟؟ بارك الله فيك على الردود

[fhkhaled]

الاخ خيرو
السلام عليكم مبروك على الاعفاء
أرجوك ساعدني
هل لعندو أمر بالالتحاق أو ما يروحش لا يستفيد من قوانين الاعفاء ؟
و الله مافهامنا والوا

[messi1237]

السلام عليكم
انا طبيب متخرج في 2010 وضعيتي كانت سليمة مع الخدمة الوطنية (كل عام ندير تاجيل)
في جويلية 2011 جاني امر استدعاء و اللتحاق(لاول مرة)
وجدت ملف كفالة و رحت باه ندفعو لمركز الخدمة قالولي راك عاصي
بعت دوسي لوزارة دفاع قالولي لازم تروح لناحية العسكرية الخامسة بقسنطينة لتسوية الوضعية
ان رايح غدا
ادعولي يا خاوتي

[h4ni]

السلام عليكم
انا طبيب متخرج في 2010 وضعيتي كانت سليمة مع الخدمة الوطنية (كل عام ندير تاجيل)
في جويلية 2011 جاني امر استدعاء و اللتحاق(لاول مرة)
وجدت ملف كفالة و رحت باه ندفعو لمركز الخدمة قالولي راك عاصي
بعت دوسي لوزارة دفاع قالولي لازم تروح لناحية العسكرية الخامسة بقسنطينة لتسوية الوضعية
ان رايح غدا
ادعولي يا خاوتي

ربي يفرج عليك و كي تولي أحكيلنا واش صرا معاك

[moham630]

هما لي قالولي روح و منبعد نرسلولك استدعاء عبر البريد و كنا 5 او 6 من الناس
بعد مدة واحد صاحبي سقسا عليها قالو واحد راهو وصلني استدعاء عبر البريد و الصراحة خويا محمد و الله ماني قادر نروح ليهم
و فيما يخص الدوسيات هل فب المحكمة يحكموهم عليا في زوج ولا يخيروني اني ندفع واحد فيهم ؟؟ بارك الله فيك على الردود

في المحكمة لا تخير و انما تضع كل الملفات التي تراها انت انها و سيلة للدفاع عنك و توضع عند احد كتاب الضبط الذي يقوم بالتحقيق معك

[moham630]

السلام عليكم
انا طبيب متخرج في 2010 وضعيتي كانت سليمة مع الخدمة الوطنية (كل عام ندير تاجيل)
في جويلية 2011 جاني امر استدعاء و اللتحاق(لاول مرة)
وجدت ملف كفالة و رحت باه ندفعو لمركز الخدمة قالولي راك عاصي
بعت دوسي لوزارة دفاع قالولي لازم تروح لناحية العسكرية الخامسة بقسنطينة لتسوية الوضعية
ان رايح غدا
ادعولي يا خاوتي

ربي ايسهلك الامور اميـــــــــــن

[messi1237]

السلام عليكم اني رجعت من قسنطينة و اعطولي استدعاء حضور 16/04/2012 الى غرفة التحقيق بالمحكمة العسكرية

[h4ni]

السلام عليكم اني رجعت من قسنطينة و اعطولي استدعاء حضور 16/04/2012 الى غرفة التحقيق بالمحكمة العسكرية

السلام عليكم
احكيلنا كيف سارت الأمور أخي!!

[messi1237]

و الله نقولو الحمد للله
كيما دخلت لي يسقسيني نقولو حنسوي الوضعية حتى داخلونا لغرفة انتضار واحد 45 د بداو يستدعيو فينا جات دالتي ساكساني سكرتير قالي واش عندك مديتلو دوسي كامل دا 3 ورقات شهادة عائلية شهادة عمل و بيان الاجر مبعد رجعت نسنى حتى طلعونا لفوق لوكيل الجمهورية ...المهم قالي واعلاه ماديرش الخدمة بديت نهدر قوتلو باه نعاون داري و مبعد رجعنا وان كنا واحد 2 ساعة ...و في الاخير مدولي الاستدعاء

[h4ni]

و الله نقولو الحمد للله
كيما دخلت لي يسقسيني نقولو حنسوي الوضعية حتى داخلونا لغرفة انتضار واحد 45 د بداو يستدعيو فينا جات دالتي ساكساني سكرتير قالي واش عندك مديتلو دوسي كامل دا 3 ورقات شهادة عائلية شهادة عمل و بيان الاجر مبعد رجعت نسنى حتى طلعونا لفوق لوكيل الجمهورية ...المهم قالي واعلاه ماديرش الخدمة بديت نهدر قوتلو باه نعاون داري و مبعد رجعنا وان كنا واحد 2 ساعة ...و في الاخير مدولي الاستدعاء

حكمو الدوسي كامل؟
كي سقساق كتب واش كنت تجاوب أو لا؟
انت داير كفالة على الزوجة و الأولاد او على الوالد و الوالدة؟

[messi1237]

قتلك حكمو 3 اوراق فقط
كفالة للوالد و والدة

[messi1237]

ما كتب والو

[j-med]

هل الكفالة على الزوجة ممكنة مع العلم انها تعمل و لكن منفصل عن اهلي في ولاية اخرى ؟

[h4ni]

هل الكفالة على الزوجة ممكنة مع العلم انها تعمل و لكن منفصل عن اهلي في ولاية اخرى ؟

ما نضنش أخي خاصة اذا كانت تعمل

[h4ni]

قتلك حكمو 3 اوراق فقط
كفالة للوالد و والدة

شكرا أخي
نضن انت الكبير في العائلة؟ (الأولاد)

[messi1237]

شكرا أخي
نضن انت الكبير في العائلة؟ (الأولاد)
نعم اخي الكريم

[hichame47]

السلام عليكم
واش الحالة يا الخاوة ؟ كاش جديد
الى الاخ messi1237
ما فهمش هذي تاع استدعاء الى التحقيق في المحكمة
و كي حكمو عليك الدوسي كاتب الضبط واش كان يكب في اقوالك ولا لا ؟؟ربي يفرج على الجميع انشاء الله

[zicocabba]

السلام عليكم
انا متخرج في 2011 مهندس دولة في الاعلام الالي وضعيتي كانت سليمة مع الخدمة الوطنية (كل عام ندير تاجيل) و درت الفحص الطبي
السورسي خلاصلي في 31/12/2011
درت ملف كفالة و رحت باه ندفعو لمركز الخدمة قالولي راه خرجلك الاستدعاء و عليك الذهاب للثكنة المرسل اليها في مارس و ثم حط الكفالة

هل هذا صحيح ,هل الثكنة لها الصلاحية ان تعطيني السورسي تاع الكفالة
بمذا تنصحوني اخوتي و شكرا

[zicocabba]

السلام عليكم
انا متخرج في 2011 مهندس دولة في الاعلام الالي وضعيتي كانت سليمة مع الخدمة الوطنية (كل عام ندير تاجيل) و درت الفحص الطبي
السورسي خلاصلي في 31/12/2011
درت ملف كفالة و رحت باه ندفعو لمركز الخدمة قالولي راه خرجلك الاستدعاء و عليك الذهاب للثكنة المرسل اليها في مارس و ثم حط الكفالة

هل هذا صحيح ,هل الثكنة لها الصلاحية ان تعطيني السورسي تاع الكفالة
بمذا تنصحوني اخوتي و شكرا

[lisace2]

السلام عليكم
انا متخرج في 2011 مهندس دولة في الاعلام الالي وضعيتي كانت سليمة مع الخدمة الوطنية (كل عام ندير تاجيل) و درت الفحص الطبي
السورسي خلاصلي في 31/12/2011
درت ملف كفالة و رحت باه ندفعو لمركز الخدمة قالولي راه خرجلك الاستدعاء و عليك الذهاب للثكنة المرسل اليها في مارس و ثم حط الكفالة

هل هذا صحيح ,هل الثكنة لها الصلاحية ان تعطيني السورسي تاع الكفالة
بمذا تنصحوني اخوتي و شكرا


في الثكنة تحط الملف انتاعك و لكن تتم دراسته الا في وجود فائض اما في حالة عدم وجود فائض لاكفالة لاهم يحزنون الكل يفوت هذا واش صرالي في مدرسة اطارات المشاة سيدي بلعباس
انت وين جاتك الاورد ابال

[makhlouf3061]

انا روحت للمحكمة العسكرية في 10/04/2012 كنت عاصي دفعت ملف تاع الكفالة العائلية ( مشدوش الدوسي كامل تاع الكفالة ) وبعد حوالي 4 ساعات من الاجراءات الادارية ( استدعاء ثم رجوع لقاعة الانتظار ) ثم اعطائي استدعاء للمحكمة العسكرية يوم 10/07/2012 لاصحاب التجربة هل من معلومات حول هدا الاستدعاء وربي يفرج علي الجميع

[h4ni]

انا روحت للمحكمة العسكرية في 10/04/2012 كنت عاصي دفعت ملف تاع الكفالة العائلية ( مشدوش الدوسي كامل تاع الكفالة ) وبعد حوالي 4 ساعات من الاجراءات الادارية ( استدعاء ثم رجوع لقاعة الانتظار ) ثم اعطائي استدعاء للمحكمة العسكرية يوم 10/07/2012 لاصحاب التجربة هل من معلومات حول هدا الاستدعاء وربي يفرج علي الجميع

هذا استدعاء لتاريخ المحاكمة في انتضار ان يردهم تقرير الدرك
اذا كان التقرير فصالحك فسيحكم عليك بالبراءة و يقدم لك ضرف بريدي تسلمه لمركز الخدمة و هنالك تضع ملف الكفالة
اذا لم يكن التقرير فصالحك فاحتمال كبير يهزوك من تما

[ندرومة49]

ريم
السلام عليكم ورحمة الله وبركاته
أخي أود منك مساعدتي إن أمكن ولو بالنصيحة

تخرجت سنة 2010 فجائتني ورقة العسكر كم من مرة اكثر من 2 على ذمتهم أما انا فجائتني2 وحدة لما كنت أدرس وحدة ف سبتمبر 2011
وبعدها بقيت عاما بدون دراسة فجائني استدعاء سبتمبر 2011 لم أذهب
بعد بشهرين نجحت ماستر
ورحت درت سورسي
اعطاولي استدعاء يوم 15 جانفي ثم أخّروه حتى سبتمبر 2012
ولما ذهبت إليهم

قام قائد مركز الخدمة الوطنية بتقطيع ورقة الإستدعاء
وقال لي راك عاصي واذهب للبليدة بشهادة مدرسية جديدة للسنة الثانية ماستر
وراها عادي قال لي

عندما يقول لي لما لم تذهب لما جاءتك ورقة إستدعاء اخدمة الوطنية في سبتمبر2011
كيف أجيبه
أقول له كنت أنتظر في الماستر
ماذا أفعل

وهل أذهب للبليدة بدون استدعاء يعني نروح ليهم ونقول لهم بلي راني عاصي بدون وثيقة

وما هو اليوم لي ممكن نروح لهم فيه

وبارك وبارك الله فيكم

[h4ni]

ريم
السلام عليكم ورحمة الله وبركاته
أخي أود منك مساعدتي إن أمكن ولو بالنصيحة

تخرجت سنة 2010 فجائتني ورقة العسكر كم من مرة اكثر من 2 على ذمتهم أما انا فجائتني2 وحدة لما كنت أدرس وحدة ف سبتمبر 2011
وبعدها بقيت عاما بدون دراسة فجائني استدعاء سبتمبر 2011 لم أذهب
بعد بشهرين نجحت ماستر
ورحت درت سورسي
اعطاولي استدعاء يوم 15 جانفي ثم أخّروه حتى سبتمبر 2012
ولما ذهبت إليهم

قام قائد مركز الخدمة الوطنية بتقطيع ورقة الإستدعاء
وقال لي راك عاصي واذهب للبليدة بشهادة مدرسية جديدة للسنة الثانية ماستر
وراها عادي قال لي

عندما يقول لي لما لم تذهب لما جاءتك ورقة إستدعاء اخدمة الوطنية في سبتمبر2011
كيف أجيبه
أقول له كنت أنتظر في الماستر
ماذا أفعل

وهل أذهب للبليدة بدون استدعاء يعني نروح ليهم ونقول لهم بلي راني عاصي بدون وثيقة

وما هو اليوم لي ممكن نروح لهم فيه

وبارك وبارك الله فيكم

بما انك تقرا أخي فنورمال
روح ليهم في اي يوم تحب
ما يسقسوكش و حتى اذا سقساوك قال كنت نستنا ف نتائج الماستر

[piste4005]

السلامُ عليكُم ..

أطــرح تجربتي لعلّ بعض إخواني يستفيدون مِنهــا :

تخرجت من الجامعة سنة 2011 ، و كان قد وصلني استدعاء للفحص أثناء الدراسة لكني لم أذهب
بعد تخرجي مباشرة جائني استدعاء في شهر جويلية و لم اذهب، في شهر اكتوبر جاء استدعاء آخر معه أمر بالالتحاق و لم أذهب أيضــا ...
وصل شهر أفريل و لم أسوي وضعيني، لي صديق في الدرك أجرى لي بحثا و تبيّن أني غير مطلوب
ذهبت إلى مركز الخدمة بقسنطينة و بعد البحث تبيّن أنه قد صدر في حقى "عصيان" في 28 فيفري 2012

المهم، أعطوني القرار و توجهت للمحكمة العسكرية بقسنطينة، بعد جلوس دام حوالي الساعتين بقاعة الانتظار أعطوني استدعاء
بعد 10 أيام للعودة، بعد انقضاء 10 أيام عدت للمحكمة - وكنت قد حضرت ملف للكفالة بحكم اني الابن الاكبر -
دخلنا مكتب التحقيق، فسألني عن سبب عدم تأديتي لواجب الخدمة الوطنية، فاخبرته بالظروف العائلية، فطلب مني شهادة عائلية + ملف الكفالة على الإخوة + شهادة عمل ثم طلب مني العودة إلى قاعة الانتظار

بعد أكثر من أربع ساعات، أي بعد الظهر وضعونا في صفّ، أدخلوني على السيد الوكيل العسكري للجمهورية
فسالني نفس السؤال، فحكيت له عن وضعيتي ، فقال لي: روح ربي يوفقك إن شاء الله و ربي يسهّل!!

ثم أخبروني باني سأُستدعى من قِبل الدرك الوطني لمنطقتي، و بالفعل تم استدعاء و التحقيق معي بحضور شاهدين من الجيران
في رمضان عدت إليهم - طبقا للاستدعاء- جلسنا حوالي الساعة ثم أدخلونا من جديد إلى مكتب التحقيق، أعطوني ظرفا مغلقا إلى مكتب الخدمة بولاية باتنة و قال لي الموظف بالحرف الواحد: "اديه لباتنة يعطيوك الإعفاء نتاعك"

مُباشرة رحت لمكتب الخدمة في باتنة، أعطيتهم لظرف و انتظرت قليلا، فأعطوني استدعاء لشهر
ثم استدعاء ثاني لشهر، ثم استدعاء ثالث لعشرة أيام، و لما رجعت أعطوني إرجاء لمدة عام كامل، إلى غاية سبتمبر 2013 مع وصل لإيداع ملف سند عائلي، و انا حاليا في وضعية قانونية، لكن لا ادري غن كان سيتم منحي الإعفاء أم لا

وفق الله الجميع لكل خير و جنبهم كل شر

[issamfbm]

عندي صديق لي درس معايايا فالجامعة كي تخرجنا في جوان 2009 راح دفع الديبلوم تاعوا باش يفوت الخدمة الوطنية لكن ما بعثولوش
لوردابال باش يمشي مع دفعة سبتمبر 2009 كي راحلهم لمركز الخدمة الوطنية تاع قسنطينة قالولوا حنا بعثناها و كي يروح للدرك تاعهم يقولولوا ما وصلنا والوا مع العلم ان مقر الدرك مقابل دارهم ، المهم بقا من هذاك الوقت يروح يسقسي عند الدرك ويشوف لاليست لي عندهم
تاع كل دفعة معنية بالالتحاق بالثكنة ماكانش هو فيهم كامل حتى خرج قانون الاعفاء في جوان 2011 كي حضر الملف تاع الاعفاء و راح
لمركز الخدمة الوطنية بعد انتظار ردولوا الملف و قالولو راك روشارشي وحكملو بطاقة التعريف ما بغاش يعطيهالوا لكن صاحبي قالهم ما هزيتش لوردابال قالوا رد عليه العسكري زعما بغى يتأكد من الصدق تاعوا قالوا لوكان نجيبلك لي عطالك لوردابال قالوا صاحبي
جيبوا ....كي شافواه ماهوش خايف ردولوا بطاقة التعريف و قالولوا لازم تروح للمحكمة العسكرية لكن هو ماراحش عندوا اسباب عائلية
نحب نستفسر من الاخوة لي فاتت عليهم كيما هاذ الحالة يوجهونا لحل هاذ المشكلة تاع صاحبي لانو من وقت قالولو راك روشارشي
وهو ماهوش مليح .و بارك الله فيكم