لن اذهب الى اوروبا (( انا في اضراب ))

[thorpe]

السلام عليكم

لا تستغربوا فانا افكر بجدية في هذا الموضوع

تبعوني ضرك تفهموا
البارحة قبل نومي جبت 5 تاع الصباح وانا نحسب


قلت لو ان التاشيرة اتتني وبقات الا خطوة الذهاب باش نحقق حلمي

بديت نحسب

فرضا قد وصلت الى هنالك ماذا ساحتاج ؟؟

اهم الاشياء التي يجب ان اوفرها هي السكن والعمل


طيب وجدت عمل

كما تعرفون هناك عامل عادي عندو 1500 يورو ما يقارب 20 مليون

ما تتخلعوش جايكم فالحسابات وسترون انها لا تساوي شيء

ايا الحمد لله وجدنا عمل شريف ب1500 يورو شهريا

ارخص شقة سيكون سعر ايجارها 400 يورو هاذي فيها غرفة وحمام فقط
يعني ما يقارب 5 ملاين بعملتنا
طيب

لو اني استقل الميترو كل يوم الى العمل سعر الميترو بــ2 يورو يعني تقريبا 200 دج * 30 يوم = 6000 دج
واذا ضربناها في 2 يعني ذهاب واياب سنجد انو النقل وحدو سوف اخصص له 12000 دج يعني مليون وميتين


اوكي تدخل الى المقهى سعر كوب من القهوة يختلف حسب كيفية الشرب
يعني تقولو كونتوار ولا على الاريكة
اذا كنت ستشرب القوة وانت واقف على الكونتوار يسكون سعرها 1.5 يورو يعني تقريبا 150 دج واذا كنت جالس تكون ب 200 دج

طيب قهوة وحدة كل يوم ستخصص لها ايضا 6000 دج شهريا


يعني ما بين الايجار والنقل والمقهى لحد الان نصرف 50000 +1200+6000 = 68000 دج يعني ست ملاين وثمان مائة الف سنتيم
الله اكبر وليت وليد وازير انا

اوكي تبعوني

لو انك تمتلك تلفاز في شقتك حتى لو انك لا تشاهد شيء عليك غرامة سنوية تقدر بحوالي 17000 دج
17000/12= تقريبا 1416 دج شهريا

اوكي زد عليها الكهرباء والغاز والماء والنيت ما بين هذه الاربع نفرض انني اصرف شهريا 250 يورو يعني تقريبا 30000 دج

اوكي
وكما تعرفون هناك الاشهار ياثر على الانسان بكل رهيب وايضا يستطيع المواطن شراء ما يريد من على النيت
ونفرض اني متحكم بنفسي من هاته الجهة حيث اني اقتني قميص وسروال وشامبو ومعجون اسنان والجال وقارورة عطر
ونفرض ان كل هاته الامور سيكون سعرها 200 يورو يعني حوالي 25000 دج


اوكي
نزيد على هذا اشتراك الموبايل هناك عندك 30 يورو شهريا تدفعها ونزيدولها 10 يورو للحلاق كل اسبوعين يعني 20 يورو فالشهر
والمجموع 50 يورو يعني تقريبا 6000 دج


تعالو الان لنحاسب انفسنا

قلنا قبل قليل انه
ما بين الايجار والنقل والمقهى لحد الان نصرف 50000 +1200+6000 = 68000 دج يعني ست ملاين وثمان مائة الف سنتيم

اوكي سنحسب كل الامور بالدينار

68000 +1416 +30000 + 25000 + 6000 = 130416 دج

عارفين شحال ؟؟
13 مليون و 41 الف و 6 فرنك تشهد من فوق
:1::1::1::1:

وليد جينيرال انا ؟؟؟:d:d


هذا بلا كثير من لامور كما تعرفون ان الانسان في الغربة سيحس بالضجر سيذهب للتجوال او لبعض المنتجعات او او او
وكما تعرفون ان هناك الضرائب هي بترول الدولة

يعني كل عام عندك ضريبة تدفعها

ودون ان نحسب الاكل وغسيل الملابس وووووووو

يعني يا اخواني الحسبة تطلع حتى الى 15 مليون ببساطة



هذا كله اذا ذهبت ووجدت عمل ب 1500 يورو شهريا

وانا لم احول سعر اليورو الدقيق حيث ان اليوم 10 يورو = 1400 دج او 1450دج
:d:d حسبت بالناقص وتخلعت :d:d

ولهذا لا اريد الدهاب حتى يزيدولي فالشهرية
:1::1::1::1::1:

من الان انا في اضراب

:1::1::1:

[*مصطفى*]

السلام عليكم

خاوتك راهم يتقشفو ويزوجو الأرو بالدرو
الي شاطر شاطر هنا ولا لهيك
الشء الوحيد (( الحرقة)) شر اضطر اليها الشباب وهي تحتاج الى حلول
بارك الله فيك

[ryyyma]

أواه يا خويا حسين راك غالط في حساباتك
لي راحو دارو لافار
و انت اقعد طلع في الحسابات
http://djelfa.info/vb/images/smilies/1.gif
كانو زمان يقولو يا الرايح وين مسافر تروح تعيا و تولي
مي أنا نقول
يا الرايح اللي مسافر روح بالاك تولي
http://djelfa.info/vb/images/smilies/1.gif

[مصرية من الجزائر]

البلد دي أحسن من غيرها:cool:

[شهد حنان]

والله انا وليت نحسب معاك

ريح غير هنا برك خير ليك

وليحسب يشيطلو

[جسور المحبة]

يا اخي حسين راك ماحكيتش على قضية تسوية الوضعية ولازمك تتزوج يعني اطلب زهرك في وش طيح وكيما راه الغاشي يتزوجو بالمسيحيات يعني خرجنا من مشكل طحنا فلي اكبر من وهو مشكل الدين اما اذا كان كتزوجها غير على اساس الاوراق وكل شهر يعطيلها الدراهم راه زواج مصلحة والحكم نتاعو باين يعني المشكل ما تحلش

[جسور المحبة]

وكلامك فيما يخص الغلاء هوما اغلى منا وحنا الدولة راهي دعم في الاسعار و انا عندي بزاف من العايلة في الخارج وما يشروش من تم يخلو دراهمهم وكي يجو هنا يشرو لحوايج

[ولد الميلود]

السلام عليكم
يقول المثل الشعبي الجزائري، لا أدري إن كان صحيح أم لا : " الخَدْمَ مْعَ النْصَارَا وَلا الْقْعَادْ خْصَارَا " أنصح من لم يجد عمل في الجزائر أن يجول العالم ربما رزقه هنالك.

[BAROUD]

ياااااااااااااااااااااااااااااااااااااااااااربي سهلي و نعطيلها

قولوا امييين

!!!

[رابحي نـائل]

أشكرك على الموضوع
طيب لنقل الفيزا والتأشيرة سهلة المنال ولنتفق معك فيما قلته بأن المعيشة صعبة جدا وراء الضفاف الاخرى ولندعم إظرابك
هناك شيئ دائم يحيرني كلنا نسمع بالحرقة خاصة الشباب يا هل ترى ما السر في في هذه الحرقة
حتى وإن كانت جميع الرفاهية هناك أعتقد بل أقطع جازما بأن الرفاهية الحقيقية منبعها هذا الوطن العزيز
تقبل مرورنا
http://www3.0zz0.com/2011/12/18/16/511773426.jpg

[راجي الصّمدِ]

السلام عليكم ورحمة الله وبركاته
أخطيك خويا حسين
أتمنى لك ما أتمنى لنفسي إن شاء الله
نريح في بلادي نبيع الحشيش والمعدنوس
وناكل كسرة سخونة من يد الوالدة الكريمة
ونصبر ونحتسب حتى يفرج ربّي

ربي يوفقك أخي الحبيب

[أحلام سرمدية]

وعليكم السلام
ههههه
سبحان من يغير ولا يتغير
ههه
فيف بلادنا خويا
ديما ديما حضن لميمة ما يبدلوهش دراهم الدنيا
عموما بحكم بعض افراد العائلة الموجودة بالخارج ووعلى الرغم خدامين من بكري
دوما يبقى غلاء المعيشة هناك احدى اعتى ظروف التكيفوالتاقلم باوروبا خاصة
وعلى الرغم ان الحالة لا تختلف عنا نحن هنا
الا اننا نجد نوعا من الرحمة في القلوب
تبقى التراص والتكاثف حتى ولو كان قليل الظهور غير انه موجود دوما
ويبقى بعض الحق في البترول يمنح وان كان بطرق مخفية وبالقطرة هه
وياخويا بلادي ما نفرطش فيها لوكان بكنوز الدنيا
وفي الختام نقول
ربي يزيدلك في الشهرية وتحقق حلمك وتروح لاوروبا ويكون اضرابك ناجح باذن الرحمان
بارك الله فيك
مشكور

[عطر الملكة]

ريح هنا خويا حسين بلادك تحتاجك

قالك الخبز و الما و الراس في السما

و قالوا ناس زمان

البراني كي البيت مالو ساس عند اهلوا فضة و عند الناس نحاس

[فـَوضويّــة ..,]

تُصدِّق حُسينْ ..
كلَّما قرأتُ لك موضوعًا أقولْ : { و الله يا نْتَا }
بِحُسنِ قصدٍ طبعًا :)

[سفيان القاسمي]

ما تنساش خويا حسين لا لقيت بلاصة أدِّينِي معاك
هههـــــــــــــــــــهههه
أنا نفضل نموت في بلادي عزيز ولا نموت عند البَرَّانِي ذليل

هذي قناعتي

بالتوفيق للكل

[عطر الملكة]

ما تنساش خويا حسين لا لقيت بلاصة أدِّينِي معاك
هههـــــــــــــــــــهههه
أنا نفضل نموت في بلادي عزيز ولا نموت عند البَرَّانِي ذليل

هذي قناعتي

بالتوفيق للكل

هذو هوما اولاد الجزائر نتاع الصح
الله يحفظكم

[سفيان القاسمي]

هذو هوما اولاد الجزائر نتاع الصح
الله يحفظكم

الله يجازيك أختي عطر الملكة كل الخير
كذاك أنتن بنات الجزائر والعَمْرِيَاتْ نتاع الصح


ربي يوفقنا لما فيه الخير

[djfr]

السلام عليكم

لا تستغربوا فانا افكر بجدية في هذا الموضوع

تبعوني ضرك تفهموا
البارحة قبل نومي جبت 5 تاع الصباح وانا نحسب


قلت لو ان التاشيرة اتتني وبقات الا خطوة الذهاب باش نحقق حلمي

بديت نحسب

فرضا قد وصلت الى هنالك ماذا ساحتاج ؟؟

اهم الاشياء التي يجب ان اوفرها هي السكن والعمل


طيب وجدت عمل

كما تعرفون هناك عامل عادي عندو 1500 يورو ما يقارب 20 مليون

ما تتخلعوش جايكم فالحسابات وسترون انها لا تساوي شيء

ايا الحمد لله وجدنا عمل شريف ب1500 يورو شهريا

ارخص شقة سيكون سعر ايجارها 400 يورو هاذي فيها غرفة وحمام فقط
يعني ما يقارب 5 ملاين بعملتنا
طيب

لو اني استقل الميترو كل يوم الى العمل سعر الميترو بــ2 يورو يعني تقريبا 200 دج * 30 يوم = 6000 دج
واذا ضربناها في 2 يعني ذهاب واياب سنجد انو النقل وحدو سوف اخصص له 12000 دج يعني مليون وميتين


اوكي تدخل الى المقهى سعر كوب من القهوة يختلف حسب كيفية الشرب
يعني تقولو كونتوار ولا على الاريكة
اذا كنت ستشرب القوة وانت واقف على الكونتوار يسكون سعرها 1.5 يورو يعني تقريبا 150 دج واذا كنت جالس تكون ب 200 دج

طيب قهوة وحدة كل يوم ستخصص لها ايضا 6000 دج شهريا


يعني ما بين الايجار والنقل والمقهى لحد الان نصرف 50000 +1200+6000 = 68000 دج يعني ست ملاين وثمان مائة الف سنتيم
الله اكبر وليت وليد وازير انا

اوكي تبعوني

لو انك تمتلك تلفاز في شقتك حتى لو انك لا تشاهد شيء عليك غرامة سنوية تقدر بحوالي 17000 دج
17000/12= تقريبا 1416 دج شهريا

اوكي زد عليها الكهرباء والغاز والماء والنيت ما بين هذه الاربع نفرض انني اصرف شهريا 250 يورو يعني تقريبا 30000 دج

اوكي
وكما تعرفون هناك الاشهار ياثر على الانسان بكل رهيب وايضا يستطيع المواطن شراء ما يريد من على النيت
ونفرض اني متحكم بنفسي من هاته الجهة حيث اني اقتني قميص وسروال وشامبو ومعجون اسنان والجال وقارورة عطر
ونفرض ان كل هاته الامور سيكون سعرها 200 يورو يعني حوالي 25000 دج


اوكي
نزيد على هذا اشتراك الموبايل هناك عندك 30 يورو شهريا تدفعها ونزيدولها 10 يورو للحلاق كل اسبوعين يعني 20 يورو فالشهر
والمجموع 50 يورو يعني تقريبا 6000 دج


تعالو الان لنحاسب انفسنا

قلنا قبل قليل انه
ما بين الايجار والنقل والمقهى لحد الان نصرف 50000 +1200+6000 = 68000 دج يعني ست ملاين وثمان مائة الف سنتيم

اوكي سنحسب كل الامور بالدينار

68000 +1416 +30000 + 25000 + 6000 = 130416 دج

عارفين شحال ؟؟
13 مليون و 41 الف و 6 فرنك تشهد من فوق
:1::1::1::1:

وليد جينيرال انا ؟؟؟:d:d


هذا بلا كثير من لامور كما تعرفون ان الانسان في الغربة سيحس بالضجر سيذهب للتجوال او لبعض المنتجعات او او او
وكما تعرفون ان هناك الضرائب هي بترول الدولة

يعني كل عام عندك ضريبة تدفعها

ودون ان نحسب الاكل وغسيل الملابس وووووووو

يعني يا اخواني الحسبة تطلع حتى الى 15 مليون ببساطة



هذا كله اذا ذهبت ووجدت عمل ب 1500 يورو شهريا

وانا لم احول سعر اليورو الدقيق حيث ان اليوم 10 يورو = 1400 دج او 1450دج
:d:d حسبت بالناقص وتخلعت :d:d

ولهذا لا اريد الدهاب حتى يزيدولي فالشهرية
:1::1::1::1::1:

من الان انا في اضراب

:1::1::1:



كلامك كل صح فصح .عندي اخي راه يعاني في الغربة

[thorpe]

السلام عليكم

خاوتك راهم يتقشفو ويزوجو الأرو بالدرو
الي شاطر شاطر هنا ولا لهيك
الشء الوحيد (( الحرقة)) شر اضطر اليها الشباب وهي تحتاج الى حلول
بارك الله فيك

وعليكم السلام

اهلا بك خونا مصطفى

يا ولدي والله راني نخمم سيريو
تتقشف هنا نورمال
البارح ليل كلو وانا نحكي مع صاحبي راه ف باريس
ماكانش واحد كان يكره القعدة هنا كيما هو
هو سهلو ربي وطلع وكاين واحد اخر راه الان معاي في ***** صاحبي وجاري وقرا معاي
تعرف ياو كي يوليو يحكيو يحبس راسك
بصح والله غير حاب نروح برك كون يزيونا فالشهرية ما يهمنيش مانيش رايح طول نروح ندير الباكي ونجي
بصح على حساب الشوفة تروح تطيش الباكيات وصحتك وتجي
:1::1::1:
جاززاك الله كل خير
:1::1::1:

[thorpe]

أواه يا خويا حسين راك غالط في حساباتك
لي راحو دارو لافار
و انت اقعد طلع في الحسابات
http://djelfa.info/vb/images/smilies/1.gif
كانو زمان يقولو يا الرايح وين مسافر تروح تعيا و تولي
مي أنا نقول
يا الرايح اللي مسافر روح بالاك تولي
http://djelfa.info/vb/images/smilies/1.gif



يا ريمة الي دارو ليزافير داروهم بالدراسات العليا يعني الي عندهم ماستر ودكتورا ووو

راني نحكي على الديبلومات تاع لهيه تاع هنا ما يخلعونيش ههه

ان شاء الله نروحو ونديرو طلة استطلاعي اذا عجبني الحال الي تزيدو تشوفوه واذا ما عجبنيش لمزيا عندي الكارطا الخضرا تذطبق على 7 طراف ههههه تقول ورقة تاع ارشي تاكت :1::1::1::1:
جازاك الله كل خير
:1::1::1::1:

[thorpe]

البلد دي أحسن من غيرها:cool:




كانت احسن من غيرها اليوم غيرها احسن منها
طلعا ليس في جميع المجالات انما في الحكم
لا اقصد بوتفليقة بوتفليقة لا يحكم
اقصد اصحاب البطون
:1::1::1::1:

[عُضو مُحترم]

اواه يا الحسين

راك خدعتني و انا كنت نقول

نروحو مع بعض كيبك

و نتقاسمو الهم و الغربة




خدعتني خلاص

[thorpe]

والله انا وليت نحسب معاك

ريح غير هنا برك خير ليك

وليحسب يشيطلو


:1::1:
شهد حنااااان
سلام عليكم
عاش من شافك يا اختي
ههه
احسبي اليوم تتكوداي
ياو ريحنا 24 سنة هنا وش درنا ؟
انا راني قلت بلي لهيه صعابت ثاني
وعليه ما هو الحل ؟
برك ما تقوليليش هنا هو الحل ههه
:1::1::1::1:

[thorpe]

يا اخي حسين راك ماحكيتش على قضية تسوية الوضعية ولازمك تتزوج يعني اطلب زهرك في وش طيح وكيما راه الغاشي يتزوجو بالمسيحيات يعني خرجنا من مشكل طحنا فلي اكبر من وهو مشكل الدين اما اذا كان كتزوجها غير على اساس الاوراق وكل شهر يعطيلها الدراهم راه زواج مصلحة والحكم نتاعو باين يعني المشكل ما تحلش

سلام عليكم
اهلا بييك جسور المحبة
يا وخيتي انا راني نحكي على الطريقة القانونية
انامانيش مريض نروح نحرق
يعني كي نيورح نروح مسوية الوضعية ولا ما نروحش خير
اما بخصوص الزواج لثم هذاامر مفروغ منه نديرها وربي كبير هههه
:1::1::1:
مي نرجع هنا ندير بروجيات
هذا اذا نجح اضرابي وزادو فالشهريات
:1::1::1:

[thorpe]

وكلامك فيما يخص الغلاء هوما اغلى منا وحنا الدولة راهي دعم في الاسعار و انا عندي بزاف من العايلة في الخارج وما يشروش من تم يخلو دراهمهم وكي يجو هنا يشرو لحوايج

السلام عليكم مرة اخرى
تعجبني مداخلاتك وديما حاضرة زوج مرات والله انت فووووووووووووور :19::19::19:
اما بخصوص الامر الي تكلمتي فيه هنا نقولك وي عندك لحق
مي ماكانش منها كياش الجزائر تدير كيما هاكض والدول المتطورة تغفل على هاكض امور
اللهاعلم وعليها انا حبيت نروح نستطلع بنفسي خير ههه
:1::1::1:
جازاك الله كل خير
:1::1::1::1:

[thorpe]

السلام عليكم
يقول المثل الشعبي الجزائري، لا أدري إن كان صحيح أم لا : " الخَدْمَ مْعَ النْصَارَا وَلا الْقْعَادْ خْصَارَا " أنصح من لم يجد عمل في الجزائر أن يجول العالم ربما رزقه هنالك.

وعليكم السلام
اهلا بيك اخي ولد الميلود
مقولتك جد رائعة
وانا كنت نقول كارطون في روما ولا قعدة فالحومة
لكنواللله كل مرة نكبر نديكوفري امور اخرى
جازاك الله كل خير طلتك بهية جدا يا الباهي
:1::1::1::1::1:

[thorpe]

ياااااااااااااااااااااااااااااااااااااااااااربي سهلي و نعطيلها

قولوا امييين

!!!

آآآآآآآآآآآآآآآآآآآآآآآآمين يا رب
على الاقل باش نهار نجي تديبانيني ب 5 ملاين الي يبقاولك هههه
جازاك الله كل خير وربي يحفظك
:1::1::1::1::1::1:

[thorpe]

أشكرك على الموضوع
طيب لنقل الفيزا والتأشيرة سهلة المنال ولنتفق معك فيما قلته بأن المعيشة صعبة جدا وراء الضفاف الاخرى ولندعم إظرابك
هناك شيئ دائم يحيرني كلنا نسمع بالحرقة خاصة الشباب يا هل ترى ما السر في في هذه الحرقة
حتى وإن كانت جميع الرفاهية هناك أعتقد بل أقطع جازما بأن الرفاهية الحقيقية منبعها هذا الوطن العزيز
تقبل مرورنا
http://www3.0zz0.com/2011/12/18/16/511773426.jpg


السلام عليكم
اهلا بيك رابحي خونا

يا اخي الحبيب الناس بكواغطها وبالديبلومات وراهم يشكيو
خلي يا واحد حارق واله راه يسوفري مسكين
انا ضد الحرقة انا مع الذهاب بطرق شرعية
وراني لحد الساعة مازالني نخمم يا ولدي صعابت صح والله
:1::1::1:
جازاك اللله كل خير
ياو نبيعو شوي خرفان من هاذوك ونعطيوها واش رايك ؟
:1::1::1::1:

[thorpe]

السلام عليكم ورحمة الله وبركاته
أخطيك خويا حسين
أتمنى لك ما أتمنى لنفسي إن شاء الله
نريح في بلادي نبيع الحشيش والمعدنوس
وناكل كسرة سخونة من يد الوالدة الكريمة
ونصبر ونحتسب حتى يفرج ربّي

ربي يوفقك أخي الحبيب


وعليكم السلام اهلا بيك خويا جلبيب

ربي يحفظك على النصيحة والله علابالي من قلبك
يا راجل مازالني معاك ما تخافش فيقورتي ما عجبتهمش واقيلا ههههه
مي لميمة ماشي دايمة وكسرتها يجي يوم وتروح لازمك تدير حل باش تجيب شريكة لعمر الي توكلك الكسرة سخونة ثاني
وعلى حسب الشوفة كون العبد يبقا يخدم هنا طول عمرو ما يتزوج ما يقدر يعيش وحدو
جازاك الله كل خير
:1::1::1::1::1:

[thorpe]

وعليكم السلام
ههههه
سبحان من يغير ولا يتغير
ههه
فيف بلادنا خويا
ديما ديما حضن لميمة ما يبدلوهش دراهم الدنيا
عموما بحكم بعض افراد العائلة الموجودة بالخارج ووعلى الرغم خدامين من بكري
دوما يبقى غلاء المعيشة هناك احدى اعتى ظروف التكيفوالتاقلم باوروبا خاصة
وعلى الرغم ان الحالة لا تختلف عنا نحن هنا
الا اننا نجد نوعا من الرحمة في القلوب
تبقى التراص والتكاثف حتى ولو كان قليل الظهور غير انه موجود دوما
ويبقى بعض الحق في البترول يمنح وان كان بطرق مخفية وبالقطرة هه
وياخويا بلادي ما نفرطش فيها لوكان بكنوز الدنيا
وفي الختام نقول
ربي يزيدلك في الشهرية وتحقق حلمك وتروح لاوروبا ويكون اضرابك ناجح باذن الرحمان
بارك الله فيك
مشكور

وعليكم السلام
ههه هاهي جات نور الي تفهم كلامي بالمقلوب ديما
يا بنتي انا ما قلتش بطلت قلت انا نفكر بجدية في ترك حكاية الرحيل
وزيد ما قلتش بلادي ما تصلحش قلت بلي الشهرية هنا ما تكفيش ههه
مازالك مونغولية ما تفهمي ردودي ؟ هههههه
امازحك نووووووور
ربي يحفظك كلامك كلو صواب وجازاك الله كل خير
ادعينا معاك
:1::1::1::1::1:

[thorpe]

ريح هنا خويا حسين بلادك تحتاجك

قالك الخبز و الما و الراس في السما

و قالوا ناس زمان

البراني كي البيت مالو ساس عند اهلوا فضة و عند الناس نحاس



السلام عليكم
اهلا بيك عطر ملوكة راني نسايس علابالي نارفو ههه
:1::1:
يا اختي 24 سنة وانا هنا وش دارت بيا بلادي ؟
كيفاش هذا تحتاجني ؟
ههه
ما نقاجيش انا كونك هانية اذا تحتاجني على الخدمة العسكرية غير ينساوني
اما بخصوص الغربة تبقى غربة ويبقى الانسان فيها غريب حتى لو شاب راسو ثم
لكن ما الحل الانجع
صح رحمة ربي كاينة بصح على حسب الشوفة العبد مارايح يدير لا دار لا دوار حسب مارانا نمشيو
:1::1::1::1::1::1:

[thorpe]

تُصدِّق حُسينْ ..
كلَّما قرأتُ لك موضوعًا أقولْ : { و الله يا نْتَا }
بِحُسنِ قصدٍ طبعًا :)




ههه راني موسوس من الدرجة الاولى علابالك يا اختي فوضوية
ولهذا وجب عليك التوضيح كيفاه هاذي والله يا انتا ؟
:1::1::1:
جازاك الله كل خير ونحن في الانتظار
:1::1::1::1:

[thorpe]

ما تنساش خويا حسين لا لقيت بلاصة أدِّينِي معاك
هههـــــــــــــــــــهههه
أنا نفضل نموت في بلادي عزيز ولا نموت عند البَرَّانِي ذليل

هذي قناعتي

بالتوفيق للكل

عندي باسينة وفونتيلاتور تجي تحرق معاي جيب فونتي لاتور برك الباسينا كبيرة الي جبتها هههههه

صح بلادنا نوارة ونحبها انا مي الي فسدوها راك عارف ولا ما نحكي
:1::1::1::1:
جازاك الله كل خير
:1::1::1:

[thorpe]

هذو هوما اولاد الجزائر نتاع الصح
الله يحفظكم

حب يقول حنا كيفا ه ؟


لالا يا عطر الي فالغربة رجال ثاني وبالاك وطنيتهم اكثر من وطنيتنا
لكن الظروف حتمت عليهم يخرجو
راه يشقا ويجيب فالدراهم لبلادو وولاد بلادو
شحال من واحد خلص عمرو فالغربة وجاب دراهمو قاع خدمهم هنا
بارك الله فيك سترك ربي ما سمعكش مغترب ههه
:1::1::1::1:

[thorpe]

الله يجازيك أختي عطر الملكة كل الخير
كذاك أنتن بنات الجزائر والعَمْرِيَاتْ نتاع الصح


ربي يوفقنا لما فيه الخير


:19::19::19::19::19::19:


جازاكم الله كل خير
:1::1::1::1::1::1:

[thorpe]

كلامك كل صح فصح .عندي اخي راه يعاني في الغربة


السلام عليكم
اهلا بيك خويا
راني عارف بلي ديما انا عندي الحق

ههه
ربي يحفظك ويحفظ خوك الي فالغربة
قولو يصبر برك وراه يفرج ربي عليه
على الاقل لثم يدي حقو حتى واذا لمعيشة صعيبة
:1::1::1::1::1::1:

[thorpe]

اواه يا الحسين

راك خدعتني و انا كنت نقول

نروحو مع بعض كيبك

و نتقاسمو الهم و الغربة




خدعتني خلاص

السلام عليكم
اهلا ايها الفتى
ههه يا راجل حسبتك ضرك تفهمني
راني كنت نبعد فالعين برك ونقص فالقيل والقال علينا اش ما يسمروش ههه

والله يا خويا ماشي كيستيو درت عليك انت بفمك قلتلي كي نروحو لثم ما نعرفك ما تعرفني هاو كيفاش مالا ؟
وهي الحقيقة لثم دراعك الي يعطيك وانا ما نتقلقش منك والله
:1::1::1::1:
ما تجيش تطلبني برك نسلفلك :1::1::1:

[عطر الملكة]

السلام عليكم
اهلا بيك عطر ملوكة راني نسايس علابالي نارفو ههه
:1::1:
يا اختي 24 سنة وانا هنا وش دارت بيا بلادي ؟
كيفاش هذا تحتاجني ؟
ههه
ما نقاجيش انا كونك هانية اذا تحتاجني على الخدمة العسكرية غير ينساوني
اما بخصوص الغربة تبقى غربة ويبقى الانسان فيها غريب حتى لو شاب راسو ثم
لكن ما الحل الانجع
صح رحمة ربي كاينة بصح على حسب الشوفة العبد مارايح يدير لا دار لا دوار حسب مارانا نمشيو
:1::1::1::1::1::1:

يا طفل راني نارفووو في الصواب
ياك التمرميد فيها فيها اتمرمد في بلادك
بلاد الناس تجيب الهم و التعاسة قالوها ناس راحو قبلك صح دارو الدراهم و حسنو وضعهم لكن خسرو اشياء اهم
عموما واش نقول
اللي فيها الخير ربي يسهلك فيها هذا احسن القول

[thorpe]

يا طفل راني نارفووو في الصواب
ياك التمرميد فيها فيها اتمرمد في بلادك
بلاد الناس تجيب الهم و التعاسة قالوها ناس راحو قبلك صح دارو الدراهم و حسنو وضعهم لكن خسرو اشياء اهم
عموما واش نقول
اللي فيها الخير ربي يسهلك فيها هذا احسن القول

انا راني نشوف بلي الي يروح وجهو ينور ههه
وينا تعاسة هاذي؟
صح التمرميد فيها
بصح نتمرمد في بلادي يعطوني مليون ونص
ونتمرمد فالغربة يعطوني 20 مليون
بصح خارجة كيف كيف بالمصاريف عليها راني اضراب كونيزيدو فالشهرية رايح نعطيها ونرجع لعقليتي تاع بكري فيف المانيا ههه
:1::1::1::1:
بارك الله فيك اختي عطر ملوكة :1::1::1::1:

[أحلام سرمدية]

وعليكم السلام
ههه هاهي جات نور الي تفهم كلامي بالمقلوب ديما
يا بنتي انا ما قلتش بطلت قلت انا نفكر بجدية في ترك حكاية الرحيل
وزيد ما قلتش بلادي ما تصلحش قلت بلي الشهرية هنا ما تكفيش ههه
مازالك مونغولية ما تفهمي ردودي ؟ هههههه
امازحك نووووووور
ربي يحفظك كلامك كلو صواب وجازاك الله كل خير
ادعينا معاك
:1::1::1::1::1:

الله يبارك عليك وانت تاني عمرك لا فهمت ردي ههه
ان شاء الله يزيدولك في الشهرية بالاك نهارها تسافر وتفهم ردي مليح هههه :1:

[imi02i]

السـلامـ عليكمـ ورحمـة الله وبركـاتـه

نتمنى نداءك يوصل لسـاركوزي في أقرب وقت

وأنا علابالي مش رآح يخيبلكـ ظنكـ

....

[فـَوضويّــة ..,]

ههه راني موسوس من الدرجة الاولى علابالك يا اختي فوضوية
ولهذا وجب عليك التوضيح كيفاه هاذي والله يا انتا ؟
:1::1::1:
جازاك الله كل خير ونحن في الانتظار
:1::1::1::1:

لا داعي للتوسْويسْ حُسيـنْ .. قد قلت لك قصدي طيّبْ :)
أمَّا الفهم فأتركه لحدسك ^^

[djfr]

السلام عليكم
اهلا بيك خويا
راني عارف بلي ديما انا عندي الحق

ههه
ربي يحفظك ويحفظ خوك الي فالغربة
قولو يصبر برك وراه يفرج ربي عليه
على الاقل لثم يدي حقو حتى واذا لمعيشة صعيبة
:1::1::1::1::1::1:

شكراااااااااااااااااااا لك

[هدى الجنة]

السلام عليكم
أحيي جميع المشاركين بالموضوع تحية مسائية عطرة أما بعد :

بالاك خويا منين تروح نت ليتغونجي تشعل ثورة لثم ويأثر فيهم كلامك . هههه



بصح قولي علاش تخلي خدمة التّبْياش فبلادك , وتروح تخدم خدمة الميزيرية والخدمة لي ترخس لعباد فبلاد الناس ,لوكان كل واحد يخمم هكا لالجيري شكون يقعد فيها ؟ غير كمل فالاضراب .....

والمثل يقول "وطني وطني ولا الحرير والقطني" وخلي المثل يحكي .


صدقني خويا مايحس بالجمرة غير لي قاساتو .وماتحس بالغربة حتى تعيش فيها , ونهار تروح وتولي توقف مع كلامي ,ومايخلعوكش ليزيميقري لي يهبطو للبلاد صحاب الحطّة والطومبيلات الله الله ,تلقاه طول العام وهو يزير فالسنتورة ويتقشف باش يلحق مع روحو.

وناس بكري قالو "قطران بلادي ولا عسل البلدان"

[roy najma]

لي يحسب وحدو يشيطلو و اللي يحسب مع الناس يخصو
سلاااااااااام أماااااااااااان

[أمآآآآني البنفسج]

علاش علاش غير روح :1:

[الامل بالله]

ههههههههه

يا حسين ريح في بلادك خيييير

[ANWAR 11]

ناس بكري يقولو : اللي يحسب وحدو تشيطلو

اللي فيها الخير ربي يجيبها ان شاء الله

[pro24]

اخي تقدر تعيش رجل واين تحب في الجزائر في اوربا في امريكا في النيجر الانسان اذا كان عايش بمبادىء نظن عيش واين يحب هنا في الجزائر تلقى صعوبات وحقرة بزاف تخرج للخارج ماشيء رايح نقلك تلاقها جنة بصح هم في التعامل راهم خير منا وتقدرش تدير مقارنة .في الاوربا غادي تخدم الاراق راك تعيش برنس
المشكل صاحبي يقعوا فيه الكل هو عمل مقارنة في الدراهم
اخي 1500اورو غادي ما دير والو بيها راح تعيشك قدقد
في الغربة غادي تتوحش والديك وتسمع الاذان برك بصح خير من بلدان عربية بزاف
شكرااااااااااااااااااااااا

[zinousoft]

لمذا الذين ذهبو يقولك و الله خلاص و مبقاش و مفيهاش و كلش غالي
بينما يعودون للجزائر بالسيارات الفاخرة و يشترون الاراضي و المقاهي و المحلات و و و و و
------------------
اعطيك مثال تهضر مع مقاول جزائري يقولك
صايي انا كرهت الحرفة هدي و الله مافيهاش راحت بكري و الله ولينا على قد الحال
و الله رانا قراب من لخسارة ف المشاريع اللخرة
لكن بعد مدة يبع الـ 406 و يشري توارج يشري 2 قهاوي طرف ارض و زوج شقق f4
------------------------
هذه عقلية الجزائري حافظ الميم

[Lam!ne]

يا اخي حساباتك غالطة

لو كلامك صحيح كانو جميع المهاجرين رجعوا لبلادهم