ماذا افعل لا وقت معي ولا حل ...

[مشكلتي]

السلام عليكم و رحمة الله و بركاته
صباح الخير على الجميع
صراحة البارح مارقدتش خلاص سوفريت و انا نحوس على الحل ماصبتوش ..مابقالي غير ربي سبحانو و انتوما بسكو حكايتي مانقدر نحكيها حنى لواحد لا فامي ولا صحا ,اسمحولي نطول عليكم شوي و عاونوني يعاونكم ربي +اسمحولي نحكي بالدارجة باش نوصللكم
انا راجل عندي 27 سنة مدرس رياضيات فالثانوية متزوج من حوالي 4 اشهر زوجوني لافامي من وحدة مانعرفهاش ليسونسيال بنت صاحب بابا لانتيم و قالك متربية و عاقلة وطبيبة... بعد شهر و نص من الخطبة تزوجت من قبل حكيت معها مرتين و لا ثلاثة بانتلي غامضة و كل مرة تحب تقول حاجة وماتقدرش.؟؟؟ ليسونسيال نهار عرسي بعد قاتلي الطفلة هادي راهي فقدت عذريتها كي كان عندها 15 سنة و ماهيش تلزمني بحتى شي شوكيت انا راسي حبس قاتلي اديني نروح ..شفني باباها و خوها ناس ملاح وشفتني هي بعد قتلها اقعدي شهرين و مبعد كل واحد يروح لحالو قاتلي ماعليش .فالاول كرهتها ماتتصوروش شحال و احتقرتها هي في شمبرا و انا في شمبرا و مكاش خلاص هدرة بيناتنا فاتت السمانة الاولى و الثانية وليت نلاحظها هكا كل ماندخل نصيبها تصلي .تقرى القرأن مرات تبكي الدار ديما نظيفة مالgري تروح تخدم بصح ديما العشا كاين ملابسي و حوايجي ديما نظاف مرتبين جامي رجعت للدار و مالقيتهاش تما صدقوني نشوف فيها مرأة مثالية حتى من الاولاد الصغار تاع الجيران ديما نرجع نلقاهم في داري تلعب معاهم و يحبوها بزاف خلاص تعاونني فالخدمة تصححلي الاوراق تاع الاولاد كي مرضت مارقدتش دقيقة مالقري انا كي مرضت مافيباليش حتى صبت الدواء فالخزانة و زيد فالاول تبان عادي مي ذركا نشوف فيها اية فالجمال؟ ..بديت بشوي نميل ليها و نحبها بالبزاف مي الله غالب مانفدر لا نحكي معاها و لا حتى نشوف معاها و هي كيف فاتو شهرين قاتلي كيفاه ؟ قتلها زيدي شهر باه مايبداوش الناس يحكيو و انا صراحة مابغيتهاش تروح المهم هي ماقدرتش تسامح روحها رانا فالشهر تقريبا الرابع عيطت لباباها و خوها قاتلي نحكيلهم ماحبيتش نكون ثقل عليك اكثر ليسونسيال جاو و حكاتلهم و انا حاظر مسكينة ظربوها و اهانوها و ماقدروش يشوفو حتى معايا مين حشمو مني و انا مالقيت كيفاه نعمل وقفت مشوكي ؟؟ المهم تأسفلي باباها و قالها غدوة نجي نوصلك "اليوم يعني " بغيت نقولو لالا راني نحبها و ماقدرتش صراحة خايف نندم مبعد وانا والله ما بغيتها تروح بصح درك روطار ؟؟+راني لذرك ماحكيتش معاها نورمال و ماقعدتش معاها خايف مايتخرجش كيما فبالي ؟؟
واش ندير راه مابقاش في يدي وقت و ماكاش حل ؟؟عاونوني راها حياتي تضيع ....
و السلام عليكم

[فارس الجزائري]

وعليكم السلام ورحمة الله
يا أخي من ستر مؤمن ستره الله يوم القيامة ومن خلال كلامك الزوجة صالحة وهي لا تفرض عليك نفسها بالبقاء
فلك أن تمسك ويكون لك الأجر الكبير عند الله ولك أن تسرح مع كتمان الأمر وجزاك الله على ذلك
وأنا أعرف شخصا تزوج فتاة من الحانة (موطن الفساد خمر ونساء ) وهي الآن يظرب بها المثل في الأخلاق والصلاح
تصور بعد ما كانوا يقولون عنها....... الآن هي ست البنات بما تقوم به من أعمال وطاعات لله
استخر الله وتوكل
بالتوفيق إن شاء الله

[anoire-bec]

تمسك بزوجتك اذا كنت تحبها ولا تبالي برأي غيرك فيها
وفقك الله

[samssou]

يااخي كما قال لك الاخ فارس من ستر مؤمنا ستره الله يوم القيامة انا نقولك مادامها انسانة صالحة ومتقية لله فتمسك بها اخي وعفا الله عما سلف علابالي ماش حاجة ساهله بصح انظر فيها الى الاشياء التي اسرتك وارجعها الى بيتك وربي يدوم المحبة بينكما اخي ويرزقكما الذرية الصالحة ولا تنسى ان الله هو المستعان .

[free_voice]

السلام عليكم

قضيتك أخي الكريم تحدد مصيرك و حياتك . و هي قضية لا تحتمل المزايدة و لا يمكن أن تربطها بتفكير أحد آخر

غيرك . تكمن الاجــــــــــــــــابة في داخلك مهما تشتت أفكارك مهما شعرت بالضغط أنت الوحيد سيد قرارك .

يمكن أن تسأل نفسك ماذا كنت تتمنى قبل أن تتزوج أن تكون زوجتك ؟

وهل كل فتاة عذراء يمكن أن تصبح في يوم زوجة صالحة ؟

وهل مشاعرك تجاهها مشاعر حب أو مشاعر شفقة واحساس بالذنب ؟

بغض النظر عن مشكلها فهل ترى فيها زوجة صالحة تفهمك كما تريد؟

هل تستحق فرصة أخرى ؟

و تذكر أنك أنت من يحدد قرارك لا التقاليد و لا الاعراف و لا حتى شيء آخر .

[نيروز الجزائرية]

استرها اخي ربي يسترك استرخا اخي ربي يجازيك الخير
لو كانت فيها الحيلة لوكان ما قالتش لباباها واخوها ولوكان ما طلبتش منك الرجوع
اتكلم معاها وخذ منها عهد ان تكون نعم الزوجة
استخير واتوكل على ربي

[- بصمة خير -]

ربي يكون معاك و يفرج همك

نصيحتي ليك خليها عندك و استر عليها و لكن مازيدش تهدر على الموضوع هذا خخخخخخخخلاص لانو تولي مذلة

و لكن قبل ما تقرر ترجعها صلي الاستخارة و اذا كان فيه خير ربي يكملك ان شاء الله

نعرف قصة مرة واحد تزوج بوحدة ماهيش عذراء و ستر عليها و الله دار الزمان و الله هي اللي ستر عليه في قصة كان ممكن يروح فيها خخلاص

ربي يوفق

[hamzagolf6]

خو انا صغير بزاف على هاذ المشكال نتمنى لك تتسقم امورك وربي يهنيك

[عُضو مُحترم]

اكمل حياتك معها و ربي يجازيك

[نجمة ساطعة]

يكفي انها صارحاتك و لم تخدعك .... 15 سنة صغيرة كانت مراهقة ربما تم التغرير بها
بما انها تابت .... شوف اعتبر تكملة زواجك معاها تجربة .... اعطيها فرصة اذا شفت
ان هذه الفتاة بقيت كما هي عليه كيما حبيت تصرافتها راح تححبها كزوجة
احتسب هذا لله و ربي صدقني راح يسترك يوم العرض يوم لا ينفع لا مال و لا بنون

[أبو صهيب ناصر السنة]

السلام عليكم




أنت تقول أنك تخشى أن لا تكون كما ظهر لك (يعني تخاف أن تكون تمثيلية و هذا وارد)..أخي أنت لن تخسر شيئاً لو أمسكتها .. ففراقها بيدك في أي وقت ..أعطها فرصة أو بالأحرى أعطي نفسك فرصة إن كنت تريد أجر سترها حتى تتأكد من صدق توبتها .. والله سيأجرك على صدق نيتك . لكن أنصحك بأمرين
1- تأكد أنك نفسياً ستتأقلم مع الوضع وتسامح
2- لا تمسكها وتعاملها من منطلق الشفقة أو من باب أنك صاحب الجميل والفضل عليها أبد الدهر ..


أخيراً تذكر كم من ذنب أذنبته أنت من الكبائر ستره الله عليك ربما أكبر من ذنبها الذي اقتضت حكمة الله أن يبقى أثره ... ولا تنسى رباً حكيماً أمرك أن تلجأ إليه في الشدائد بالدعاء والاستخارة

.

[khado586]

golalha bli thabha wsayi matkhalihach trouh manak

[فاطمة_26]

استرها ربي يسترك هي غلطة غلطة نتاع الصغر نورمالمو ما تتحاسبش عليها وتخيل ربي سبحانه اللي خلق قاع هاد الدنيا يسامح وحنا العباد نتاعو ما نسامحوش استرها وخليها في دارك رايح ما تنساهالكش ما تخليهاش تروح لدارهم باين بلي يديرو فيها حاجة ولا يكرهولها حياتها قكن اخي السبب في سعادة انسانة لا تعاستها ووفقك الله

[نورالهدى**]

كل بني آدم خطاء




ربي سبحانه يعفو ويسامح

ونحن لما لا ؟؟؟

[اريج16]

اخي انت من شهدت للفتات بحس الخلق وغيرها من الصفات الجميلة التي يتمنها كل رجل فلماذا تضيع هذه الجوهرة الثمينة من بين يديك لقد تابت ونتى بديت تميللها اخي هي زوجتك فلا تفرط فيها وتركها في عصمتك واحول ان تتقرب منها فهي زوجتك حلالك
ويبقى الامر في الاخير لك

[ليلى الجزائرية1]

السلام عليكم
اْخي الكريم
حسب رأيي ،،أعتقد انه لو فقط تعطي زوجتك فرصة من اجل الحديث وتوضيح الأمور الخفية ،،خاصة وانك تحس بأنك لا تريدها ان ترحل وتترككك
واتمنى ان يسعدكما الله ويعوضكما خيرا

[lyna2007]

أخي الكريم تمسك بزوجتك أحسن من أن تبقى بقية حياتك تعيس .
لابد أن تصارحها وتقول لها أنك سامحتها
ولابد أن تعترف لها انك تريدها وترغب في بقائها وأذكر لها المحاسن التي جعلتك تعفوا عنها .
ولا أرى أي احراج في مصارحتك لها برغبتك فيها .

[nasma belle]

في الاول والاخير انت صاحب القرار .ولكن حينما ذكرت انك طيلة فترة الاربع اشهر لم تلاحظ عليها تقصير بل بالعكس استطاعت ان تلفت انتباهك او بالاحرى بدات تدخل الى قلبك وتلاحظ فيها كل ما هو جميل ولكن خطأك الوحيد انه كانت لك فرصة اربعة اشهر كان بامكانك مناقشتها و محلاولة الاستفسار ولكن الان الامر خرج عن يدك الان الاهل اصبحو على دراية بما كان مخفى عنهم طيلة سنوات وستكون حياتها جحيم اكثر مما كانت عليه سابقا لانها كانت تعيش بينها وبين نفسها جحيم وتعذيب الضمير حاول اخي الكريم اصلاح ما يمكن اصلاحه وان استطعت ان تغفر لها وتبدا من جديد ابدا ولكن لا تحاول اذلالها او الشفقة عليها كن صادق مع نفسك اولا وقبل كل شيء.واكيد العفو من شيم المكارم . (وتذكر دائما او التمس لها العذر ان غلطها كان في سن صغير في سن عدم الادراك)

[عُضو مُحترم]

التمس لاخيك سبعين عذرا

فإن لم تجد

فقل لعلّ له عذرا لا اعلمُه

[وهاب 76]

لا حول و لا قوة إلا بالله العلي العظيم .
أنت سيد القرار ... ربي يوفقك إلى ما يحبه و يرضاه

[moi*]

استرها يسترها ربي عليك دنيا واخرة

[nesrina10]

أخي قصتك أدمعت عيناي لا أدري لماذا ولكن عندما قرأت عبارة انها تصلي وتقرء القرآن ثم بعث الله حبها في قلبك دمعت عيناي أتعلم أن الدعاء سلاح المؤمن وأن الله يستجيب من الذين يصدقون النية والدعاء
أنا أحس انها نادمة وتائبة والله يتوب على افاعل الكبائر وهو العزيز الجبار فكيف بالانسان الضعيف
أنا احس من منطلق اني امرءة واتحدث بما يمكن أن تتحدث به امرءة لكن احساسك كرجل وتقبلك للأمر بيدك
اذا كنت تريد ثواب الاخرة وستر الله عليك فسترها فواضح انها لا تريد التلاعب كيف وهي طبيبة الادرى بانه يمكن تضليل هذا الامر عن طريق العمليات .....الخ كانت تستطيع فعل ذلك لكنها صادقة
كانت تستطيع الكذب على والدها وأخوها لكنها خلوقة
كانت تستطيق ان تحتم نفسك عليها لكنها لم تفعل ....
أخي اعلم ان هناك الكثيرات من العذروات ولكن لا شرف لهن فهناك عذرية الجسد وعذرية الاخلاق والفاهم يفهم
استرها ان احببتها بصدق وانظر اليها كباب من أبواب الخير والجنة ان شاء الله
فان لم تستطع فاتركها ولا تزد همها
فرج الله عنك وعنها وستر الله عليكما
اما نصيحتي الاخيرة فتوضأ وصلي ركعتين واستخر الله ولن يخيبك الله
عسى ان تكرهو شيئا ويجعل الله فيه خيرا كثيرا
والتائب من الذنب كمن لا ذنب له
وفقك الله

[مريم الصابرة]

السلام عليكم خويا ربي يجازيك على أخلاقك وعلى الرجولة نتاعك ننصحك كيما قالوا الأعضاء قبلي خليها ومتضيعهاش مسكينة تزيد تعيش مذلولة ومطلفة على غلطة ممكن بزاف ما عندهاش ذنب فيها سامحها وإسترها وباين كي تهتم بيك وبدارك أكبر دليل راهي حابة دير دار وعايلة ومع الوفت رايحين تنساو الحكاية كلها إسترها ربي يسترك فالآخرة وقولنا الجديد ننتظروك ربي يوفقكم في زوج

[رزان.]

مادام رأيت أن البنت مناسبة علاه ما تسترهاش فمن ستر مؤمنا ستره الله يوم القيامة و أنت قد قمت بالخطوة الأولى يوم العرس طبعا و أبقيتها معك مدة طويلة و حسب قولك البنت من البداية كانت حاسة بالذنب "من قبل حكيت معها مرتين و لا ثلاثة بانتلي غامضة و كل مرة تحب تقول حاجة وماتقدرش.؟؟؟ " لكن قبل كل شيء أنصحك بالإستخارة و ربي يجيب الي فيه الخير كما أتمنى أن يتقبل الله توبتها آميــــن

[maiar]

السلام عليكم




أنت تقول أنك تخشى أن لا تكون كما ظهر لك (يعني تخاف أن تكون تمثيلية و هذا وارد)..أخي أنت لن تخسر شيئاً لو أمسكتها .. ففراقها بيدك في أي وقت ..أعطها فرصة أو بالأحرى أعطي نفسك فرصة إن كنت تريد أجر سترها حتى تتأكد من صدق توبتها .. والله سيأجرك على صدق نيتك . لكن أنصحك بأمرين
1- تأكد أنك نفسياً ستتأقلم مع الوضع وتسامح
2- لا تمسكها وتعاملها من منطلق الشفقة أو من باب أنك صاحب الجميل والفضل عليها أبد الدهر ..


أخيراً تذكر كم من ذنب أذنبته أنت من الكبائر ستره الله عليك ربما أكبر من ذنبها الذي اقتضت حكمة الله أن يبقى أثره ... ولا تنسى رباً حكيماً أمرك أن تلجأ إليه في الشدائد بالدعاء والاستخارة

.


اخي الاخوة بارك الله فيهم كفاو و وفاو و انا نضم راي ليهم و نقولك خليها و استر عليها و ربي يوفق ان شاء الله

و اقرى الرد هذا مليح سيرتو لي بالاحمر يكفي انها قالت لابوها و اخوها و نالت الضرب و الله المراة هذه غلطت و تابت و

و اعترفت لابوها و اخوها و هذا ليس بالامر الهين كانت قادرة تتتفارقو بلاما تفضح روحا

[- بصمة خير -]

الاغلبية رايهم تستر عليها و هذا الشي مليح

و لكن ماتساش صلاة الاستخارة و الشي اللي يجيبو ربي ماتندمش عليه

ربي يوفق

[صُبح الأندلس]

يا أخي إن الله يغفر الذنوب جميعا و يقبل التوبة و هو أحق أن يغضب على عبده الذي عصاه فكيف لا نعفو على من تاب و أناب و كلنا معرضون للخطأ ؟
حسب كلامك فهي امرأة مثالية فلا تضيعها ، ثم هي على الأقل أخبرتك و كان بإمكانها التحايل معك و ما أكثر الطرق لتظهر لك العفيفة النظيفة
لا أقول لك استرها فقد علم أهلها على كل حال و السر إذا جاوز اثنين ما عاد سرا و لكن أمسكها فلا تدري أين الخير ؟ و رُبّ مخطئ تائب خير عند الله من المرائين أمام الناس العاصين الله في الخلوات
ملاحظة : عذرا للأعضاء فقد هممت بغلق الموضوع لأنه استوفى الردود ثم قلت لعل كلمة تكون سببا في هداية النفوس و انشراحها و جلب الخير

[samssou]

اخي الكريم والله كلنا ذوي راي واحد صلي الاستخارة وارجعها اخي واستر عليها ربي يستر عليها والله باينة انسانة طيبة ربي يهنيكم اخي

[samssou]

[quote=* اعـتماد *;8269669]يا أخي إن الله يغفر الذنوب جميعا و يقبل التوبة و هو أحق أن يغضب على عبده الذي عصاه فكيف لا نعفو على من تاب و أناب و كلنا معرضون للخطأ ؟

حسب كلامك فهي امرأة مثالية فلا تضيعها ، ثم هي على الأقل أخبرتك و كان بإمكانها التحايل معك و ما أكثر الطرق لتظهر لك العفيفة النظيفة
لا أقول لك استرها فقد علم أهلها على كل حال و السر إذا جاوز اثنين ما عاد سرا و لكن أمسكها فلا تدري أين الخير ؟ و رُبّ مخطئ تائب خير عند الله من المرائين أمام الناس العاصين الله في الخلوات
ملاحظة : عذرا للأعضاء فقد هممت بغلق الموضوع لأنه استوفى الردود ثم قلت لعل كلمة تكون سببا في هداية النفوس و انشراحها و جلب الخير

شكرا اخي والله انك والاعضاء ان شاء الله كفينا ووفينا وان شاء الله ياخذ هذا الرجل بارائنا ويرتاح باله امين يارب

[lolati]

وانا اقرأ مشكلتك تذكرت قصة واقعية تكلم عنها الدكتور النابلسي في حديثه عن اسم الله الستار

كانت قصة مشابهة لقصتك

بل افضع منها تخيل شخص تزوج فتاة فوجدها حاملا برأيك هل طلقها ؟؟ ابدااا

بل سترها وعفا عنها وقال ستبقين معي الى وضع الحمل ثم نرى كيف نخفي هذه الحادثة

بعد مرور شهور وعندما حان وقت الولادة اخذها وولدت بدون علم احد ثم حمل الطفل ووضعه امام باب المسجد

عند صلاة الفجر وبعد مجيء المصلين تفاجأوا بالطفل فبدأت التساؤلات والاستفهامات وقدم هو فتساءل ماذا هناك قيل له هنا جنين

فقال انا سأتكفل به فشكروه ودعوا له بالجنان فاحضر الطفل الى امه واستمر معها في حياة زوجية ملؤها السعادة

وارجو ان تكون القصة الواقعية سببا في ستر هاته الفتاة العفيفة ...موفق اخي

[اميرة زندل]

السلام عليكم اخي الكريم لا يسعني الا ان اقول لك انار الله دربك ببصيرة تهديك لما هو في صلاح دنياك واخرتك
واظن ان الاخوة استوفوا كل الكلام ......لا تتركها تذهب ولن تندم ان شاء الله وأرجوا ان يكون هذا حبا وليس شفقة

[الفرحة معكم]

السلام عليكم اخي في الله امسك عليك زوجك اخي استرها وبقى معها اعطها فرصة تانية ااكد لك انها لن تنسى لك هدا المعروف طول حياتها ستكون نعمة الزوجة ان الله يغفر لمن تاب فما بالك نحن الفقراء الى الله .............استحلفك بالله ان تمنحها فرصة اخرى و احتسب الاجر ينور الله قبرك

[على الاسلام غيورة]

اتمنى من كل قلبي انك ادركت ما في هذه السطور من معاني الرحمة والستر والفرحة التي تدخلها الى قلبها فوالله الاعضاء جزاهم الله خيرا قالو كل ما يقال واكثر منه بعد
تمسك بها ولا تدعها تذهب فهي امتحان من الله لك فاكرمها يكرمك الله واحسن اليها يحسن الله لك
اتمنى لكما حياة سعيدة

[الشلفاوية]

كانت قادرة تخدعك بالطرق الطبية المعروفة ولا تصنع كذبة بصح هي صارحتاك من الاول وزيد كانت صغيرة 15 سنة ومراهقة..بلاك تابت توبة نصوحة خير من بزاف ناس وزيد كاين اللي اداو بنات نورمال اومبعد خدعوهم وفضحوهم...الغلطة اللي ادرتها انك خبرت اهلها المهم مازال الوقت استخير ربي واذا كان فيها خير ليك رجعها وتفاهمو على حياة جديدة ونسيان الماضي...صعيبة باش تصارحها بمشاعرك وانتوما ماتهدروش مع بعضاكم شهور بصح اتكل على ربي وبلعقل كل شي يجوز...وماتنساش تخبرنا واش صرا معاك...ربي يسهل

[النجمة القطبية]

لا حول ولا قوة الا بالله
الانسان مينكرش انها اخطات لان المفروض تصارحك من البداية قبل ان تقع الفاس فى الراس
لكن الان وقد حصل ما حصل
واش نقولك انت فقط من بيده تقدير الامور
اولا اسمع منها كل التفاصيل شئ مهم تبداو حياتكم بالصراحة
وثانيا صلى صلاة الاستخارة مرة واثنين وثلاث الله سبحانه وتعالى بيده كل شئ
وممبعد يبقى امامك واحد من امرين اما ان تسترها وتفوز بالاجر وشوف عظمة الاجر من الله سبحانه وتعالى ان يسترك الله يوم القيامة والله لو كنت مكانك لتمنيت هذا الاجر
او ان تفترقا بالمعروف وهذا حقك ايضا
وفى كل الاحوال لا يسعنى سوى الدعاء وتمنياتى لك بالتوفيق

[عبدالله 25]

يا اخي استرها يسترك ربي يوم القيامة

[janino]

حكايتك مؤثرة فعلا و نصيحتى ليك كيما اجمعوا كامل الناس الى ردوا استرها بما انك ما شفت منها غير الخير وربى يجلزيك و يعوضك و يرزقك الدرية الصالحة اكثر من الاستغفار تهدا نفسك و استخر الله يا اخى تستريح اكثر موفق و ربى يفرج عليكم فى زوج

[الذهبي77]

قال الله تعالى ( فأولئك يبدل الله سيئاتهم حسنات وكان الله غفوراً رحيماً)

قال صلى الله عليه وسلم :-
( قال الله عز وجل : أنا عند ظن عبدي بي وأنا معه حيث يذكرني ؛ والله
أفرح بتوبة عبده من أحدكم يجد ضالته بالفلاة ومن تقرب إلىّ شبراً تقربت
إليه ذراعاً ؛ ومن تقرب إلىّ ذراعاًتقربت باعاً ؛ وإذا أقبل إلى يمشي
أقبلت إليه أهرول ) رواه مسلم 4/ 2104
قال صلى الله عليه وسلم :-
( التائب من الذنب كمن لاذنب له ) رواه ابن ماجه صحيح الجامع 3008

[dali rami]

استرها يسترك الله هي تابت وهذا دليل على انها تريد غفران ذنبها اخي الدنيا فانية وحاول نسيان الماضي واعتبرها زوجتك الذي كنت تحلم بها تربح هادي خير من جيك وحدة بنت حرام

[نورة مروان]

العفو عند المقدرة من شيم الكبار لاتدعها تدهب و استرها ربي ان شاء الله يسترك دنيا واخرة

[AKIS]

لماذا يا أخي لماذا .
هي أخطأت و ندمت وتابت و أنت لم تراعي كل ذلك ، لم تراعي الأشهر الثلاثة التي قضتها معك وكانت خير زوجة.
توكل على الله و أرجع زوجتك للمنزل وفرج همها و كربتها .
و لكن تكلم معها بحديث صريح بينك وبينها حتى تطمئن نفسك .

[BAROUD]

الشدة في ربي

[loulou88]

بارك الله للجميع الذين ردوا قبلي اخي الكريم لا تضيعها فسوف تؤجر على سترك لها ........انت من كلامك الضاهر انك انسان تقي ومحافظ استر عليها
قصتك مؤثرة جدا

[ياربي اني راضية]

زوجتك جوهرة ثمينة فلا تدعها لانني اضنها عانت كثيرا لصمتها وانت قلت اخي الكريم كانت حابة تقلك كلام ومقدرتش وراهي تابت لربي وربي بعثهالك باه تسترها و تعوضلها معاناة السنين

[محمد مولاي]

اخي الكريم استر زوجتك ...
وسيسترك الله في دنياك وآخرتك
الزوجة اعترفت لك في الايام الاولى ...
خذ بنصيحة الاعضاء والله يعوض عليك وان شاء الله تعيش في هناء
والله يرزقك بذرية صالحة

[sara2012]

قصتك اغرب من الخيال ....
يبدو انك تحب زوجتك استر زوجتك اخي
ربي يهنيكم و يرزقكم بالذرية الصالحة

[fifi180]

استرها ربي يسترك

[aviare]

السلام عليكم و رحمة الله و بركاته

صباح الخير على الجميع
صراحة البارح مارقدتش خلاص سوفريت و انا نحوس على الحل ماصبتوش ..مابقالي غير ربي سبحانو و انتوما بسكو حكايتي مانقدر نحكيها حنى لواحد لا فامي ولا صحا ,اسمحولي نطول عليكم شوي و عاونوني يعاونكم ربي +اسمحولي نحكي بالدارجة باش نوصللكم
انا راجل عندي 27 سنة مدرس رياضيات فالثانوية متزوج من حوالي 4 اشهر زوجوني لافامي من وحدة مانعرفهاش ليسونسيال بنت صاحب بابا لانتيم و قالك متربية و عاقلة وطبيبة... بعد شهر و نص من الخطبة تزوجت من قبل حكيت معها مرتين و لا ثلاثة بانتلي غامضة و كل مرة تحب تقول حاجة وماتقدرش.؟؟؟ ليسونسيال نهار عرسي بعد قاتلي الطفلة هادي راهي فقدت عذريتها كي كان عندها 15 سنة و ماهيش تلزمني بحتى شي شوكيت انا راسي حبس قاتلي اديني نروح ..شفني باباها و خوها ناس ملاح وشفتني هي بعد قتلها اقعدي شهرين و مبعد كل واحد يروح لحالو قاتلي ماعليش .فالاول كرهتها ماتتصوروش شحال و احتقرتها هي في شمبرا و انا في شمبرا و مكاش خلاص هدرة بيناتنا فاتت السمانة الاولى و الثانية وليت نلاحظها هكا كل ماندخل نصيبها تصلي .تقرى القرأن مرات تبكي الدار ديما نظيفة مالgري تروح تخدم بصح ديما العشا كاين ملابسي و حوايجي ديما نظاف مرتبين جامي رجعت للدار و مالقيتهاش تما صدقوني نشوف فيها مرأة مثالية حتى من الاولاد الصغار تاع الجيران ديما نرجع نلقاهم في داري تلعب معاهم و يحبوها بزاف خلاص تعاونني فالخدمة تصححلي الاوراق تاع الاولاد كي مرضت مارقدتش دقيقة مالقري انا كي مرضت مافيباليش حتى صبت الدواء فالخزانة و زيد فالاول تبان عادي مي ذركا نشوف فيها اية فالجمال؟ ..بديت بشوي نميل ليها و نحبها بالبزاف مي الله غالب مانفدر لا نحكي معاها و لا حتى نشوف معاها و هي كيف فاتو شهرين قاتلي كيفاه ؟ قتلها زيدي شهر باه مايبداوش الناس يحكيو و انا صراحة مابغيتهاش تروح المهم هي ماقدرتش تسامح روحها رانا فالشهر تقريبا الرابع عيطت لباباها و خوها قاتلي نحكيلهم ماحبيتش نكون ثقل عليك اكثر ليسونسيال جاو و حكاتلهم و انا حاظر مسكينة ظربوها و اهانوها و ماقدروش يشوفو حتى معايا مين حشمو مني و انا مالقيت كيفاه نعمل وقفت مشوكي ؟؟ المهم تأسفلي باباها و قالها غدوة نجي نوصلك "اليوم يعني " بغيت نقولو لالا راني نحبها و ماقدرتش صراحة خايف نندم مبعد وانا والله ما بغيتها تروح بصح درك روطار ؟؟+راني لذرك ماحكيتش معاها نورمال و ماقعدتش معاها خايف مايتخرجش كيما فبالي ؟؟
واش ندير راه مابقاش في يدي وقت و ماكاش حل ؟؟عاونوني راها حياتي تضيع ....

و السلام عليكم


اصدقك القول يا اخي بذكرك للفتاة بتلك الاخلاقو المواصفات لو كنت مكانك فوالله لن اتركها صحيح هي ربما اخطات في صغرها لكنها اعترفت و اقرت و هذا ان دل فانما يدل على نضج الفتاة و عفتها ضف الى ذلك اقول لك و اجزم ان الفتاة ان ارادت ان تخدعك و لا تقول لك انها فاقدة للعذرية طبعا لن تعرف ذلك قليل جدا من يفقهون في مثل هاته الامور يا اخي ان الله يغفر الذنوب الا ان لا يشرك به فهي تابت الى الله و سيغفر لها خطاها اسالك الن تسامحها و قد غفر لها ربها . يا اخي ارجعها الى بيتك فاني اراها نعم الزوجة.

[معاذ1]

يا اخي انظر للكم الهائل من الردود على مشكلتك والكل يدعوا منك ان تتمسك بتلك الزوجة

لأنها اعترفت لك وتلك فترة مراهقة اكثرنا مر بها والله وهده اعلم بالسرائر ومادام انها تابت

ورأيت فيها تلك الزوجة الصالحة وارتحت لها وبدأت تميل لك فما عليك يأخي الا ان تسترها

وتذكر من ستر مسلما ستره الله في الدنيا والاخرة كيف وهي زوجتك الان ...

[السحابة]

كل الناس تخطأوخير الخطاؤون التوابون استرها يسترك ربي ومادام لقيت كل اغراضك في وقتها وحاس انك بحاجة ليها في حياتك كامراة تقوم بواجباتها نحو زوجها رغم انكم مقصرين من جانب أخر وانت الله يكون في عونك صدمتك كانت أقوى وربما تطلقها وتتزوج غيرها لا تقوم بواجباتك كما ينبغي المهم هذه دنيا وأجرك اذا سترتها عند الله ورح تلقى معاها الخير والرزق بأذن الله لا تنسى تقولنا واش درت الله يوفقك يا رب وحاول تصلي صلاة الاستخارة

[HILARI 67]

كل بني ادم خطاء و خير الخطائين التوابون
اخي مادام زوجتك غلطة غلطة و مبعد تابت و اصلحت استرها و خليها عندك و اذا كانت تتظاهر اجلا ام عاجلا رايحة تتكشف و ربي راهو علابالو واش في نيتها و ربما هذا اختبار ليك ففكر مليح و ربي يرزقك القرار الصائب

[ريحان الجزائر]

السلام عليكم و رحمة الله و بركاته
أخي الفاضل أحببت قبل إعطاء رأي أن اضع لك هذه القصة حتى تعرف أنك لست الرجل الأول و لا الأخير في هذه الدنيا من عاش هذه اللحظات و هي كالأتي :

السلام عليكم ورحمة الله وبركاته

رأى إمام المسجد ان فلان من الناس من أهل الجنه ، ولم يكن الشخص ذا زيادة في العمل ..

أمسكه الامام وقال له رأيت في المنام أنك من أهل الجنه فماذا تعمل؟؟؟؟

رفض الشخص إخباره ، لكن مع إصرار إمام المسجد ، وافق الشخص بشرط ان لايذكر اسمه وانه لن يقول هذه القصة إلا للفائدة فقط يرجو بها عفو الله..

يقول: تزوجت وأخذت عروسي فاذا بها حامل في الشهر الثاني أو الثالث طبعا من شخص اخر.... فسترت عليها وأخفيتها عن أهلي وأهلها لكي لا يعرفوا من أمرها شيئا فتفتضح المسكينه ! فمنعت أن يزورها أو أن تزور أحدا .. حتى جاءت ساعة الوضع فأحضرت لها امرأة لتساعدها في الوضع.

ثم اخذت الطفل ووضعته عند باب المسجد.. وكانت الساعه حينها الثالثة أو الثانية فجرا ، وعندما أذن الفجر خرجت الى المسجد وإذا بالناس ملتمين على الطفل وعرفت منهم الخبر ، فقلت للناس انا أكفل هذا الطفل اليتيم وأشهد عليه الناس وأخذه إلى بيته ... وعند خروج زوجته من النفاس أحضر شيخ وشهود من غير مدينته وعقد له قرآنه من زوجته من جديد ... يقول وهي الآن زوجتي وأم عيالي ولا أحد يعرف بهذا الشيء من سنوات عديدة. ..

سبحان الله يؤتي الحكمه لمن يشاء

أرجوا أن أكون قد أوصلت فكرتي فأنت يا أخي قد ابتلاك الله بهذه المرأة ليرى كيف ستكون معاملتك معها و تركك عشت معها أربعة أشهر حتى تعلم صدق نيتها و بين لك أنها عفيفة طاهرة معك و تحفظك و تصلي و تقرأ القرآن و البيت نظيف و الكل يشهد بحبها و لم تشأ أن تكسر كلمت لما قلت لها أمكثي عندي شهرين ثم ننظر في أمرنا و هي التي بادرت لما وصلت شهرين اقول لك أنك أخطأت عندما تركتها تبوح بسرها لوالدها و أخوها مع أنها كتمته عليهما و أرادت أن تبوح به لك أنت زوجها راجية و طالبة من الله أن تتفهمها و تتقبلها أنا لا ألومك أخي لأن الراجل الجزائري دائما عندوا النيف كيما يقولو و حاط روحوا ما يغلطش و لي يغلط معاه يخلص أنا أقدر موقفك لأنك تفاجأت و أي واحد في مكانك يتفاجأ المهم نصيحتي لك أخي الفاضل أنك تصلي لله و تستخيره في هذه المسكينة لأني أعلم أن مجتمعنا هذا قاسي جدا و غير متفهم و ربما سوف تعاني مع أهلها خاصة أبوها الذي هو صديق والدك فلا تترك الأمور تتعقد أكثر من ما هو عليه و استرها أخي و انا متأكدة أنها بإذن الله سوف تكون لك نعم الزوجة خاصة و أن الله قد بعث حبها في قلبك فلا تتعجل باتخاذ القرار الذي ربما سوف تندم عليه واعلم أنها ربما ستكون سبب دخولك الجنة , صلي لله و استخر و داوم على الإستغفار و سوف تجد الحل بإذن الله و الله المستعان ...
تقبل مروري أخي و اعلم أن كل بني آدم خطاء و خير الخطاؤون التوابون

[سهام1]

يا اخي استرها و سوف يعوظك الله خيرا فيها

[حسينة 36]

السلام عليكم اخي

حقيقة كل الاعضاء والعضوات ما شاء الله وفاو وكفاو بنصائحهم وردودهم

والله ادمعت عيناي واقشعر بدني من قصتك هي فعلا مؤلمة لرجل في اول يوم زواج

لكن حاول ان تضع نفسك مكانها من ترضى لنفسها الذل والعار خاصة في هكذا يوم هي طبيبة وكانت قادرة تجري عملية وتخفي الامر وينجح لكنها نادمة وتابت لخالقها وصارحتك انت وحدك وتقبلت وتفهمت رغبتك بتركها ومع ذلك كانت نعمة الزوجة بالرغم من احتقارك لها

صدقني انا كامراة اصعب شيء علينا هو احتقار الرجل الذي نحبه لنا حتى على اتفه الاسباب فما بالك اذا تعلق الامر بالشرف والاخلاق

انت اخطأت لما اغلقت باب الحوار معها كانت امامك الفرصة للجلوس معها ومسايرتها ومعرفة الاسباب والضروف والدوافع خاصة انها كانت السباقة بالصراحة وزادت اخبرت اهلها امامك تصور هاذا الشعور وهذه الجراة من اين جاءت وكيف استطاعت

انت تقول انك تميل اليها ولا تريدها ان تذهب اتبع شعورك بعد الاستخارة من الله عز وجل وتمسك بها واجلس معها وتكلما وصارحا بعضكما البعض وافتح لها المجال واعطيها فرصة تحكي بطلاقة وبحرية دون خوف حسسها بالامان اكيد راح تزيد تكتشف منها اشياء اخرى اعظم واجمل

اخي المراة كائن ضعيف اجلس معها احتضنها بقوة ودعها تبكي وتحكي ما تشعر به وما تحس به من ندم ومن عذاب الضمير واقلبا الصفحات السوداء وابدأ صفحة جديدة

عنوانها الحب والتفاهم والود والاخلاص والاحترام

خذها في رحلة وحدكما واجلسا وتحدثا كانكما تتعارفا لاول مرة واكيد باذن الله راح تتغير نضراتك لها وهي راح ترتاح وتزيد تبينلك اخلاقها اكثر

حاول ان تتفاهم مع اهلها بان يكتمو الامر وان يعاملوها عادي امام بقية الافراد حتى لا تكبر الحكاية وتنتشر

لان من ستر مؤمن ستره الله

هذا اختبار من الله عز وجل ربما ليختبر ايمانك وقدرتك على العفو والمسامحة والستر بالرغم من انه من حقك ان تتزوج بمن تحب وان تختار ما يناسبك

اتمنى ان تكون اخذت القرار الصائب

وان شاء الله ربي يفك كربتك ونسمع منك اخبار طيبة

[خولة لبابة]

كما قال لك الاخوة الكرام من ستر مؤمنا ستره الله يا اخي نصيحتي لك ان تسترها فلربما خطيئة سن شباب و مراهقة ......و لربما....لكن شفتها تصلي و تقرا القران و لهاذا اقول لك كاخت صغيرة ماذا تنتظر ارجع زوجتك اليك .......فلن تجد مثلها ..فكم من امراة عذراء سودت حياة الرجال .....و حتى العائلة.....و هذه تظهر لي بنت ما شاء الله فيها استرها ربي يسترك ........و انا متاكدة راح تعيش معاها حياة ماشاء الله ...اذا دار الزمان اذا احيانا الله اتمنى بعد 5 او 6 سنوات ترجع لي بالجواب عن هذه المراة الصالحة و تقص علينا كيف ربت ذريتك على الايمان و الدعاء .......لا تفرط فيها ...............و الله اعلم.
.

[saladin_dz]

يا اخي ابتلاك الله بما لا تشتهي الانفس راك تقول بلي زوجة صالحة .....1 راك تقول تاع دار......2 راك تقول حبيتها .....3

وراني نقولك ربي بلاك بهاذا الامر ......4

يا اخي استرها وربي يسترك يوم القيامة وتستمر الحياة ماكانش لي غلطش وما يغلطش في هاذ الدنيا سيدنا آدم عليه السلام وغلط أخطأ ربي قالو ما تقربش للشجرة

وماتاكولش منها مي هو قرب وكلا يبينلك انو ماكانش لي ماش معصوم من الخطأ غلطي وصرات ان شاء الله ما تتكرر مادامها على ذمتك

الشيئ الثاني قبل كل شي استخر الى الله لعلى وعسى انو يبينلك ربي شي حاجة وان شاء الله تبان انسا اللي فات وعيش الحاضر هاذي الدنيا فانيا ويبقى

وجه ربك دو الجلال والاكرام ........

اتصل بيها رجعها لبيتك انسا اللي فات وربي معاك وربي يعطيك اجر الدنيا والاخرة

نصيحتي لك اخي الفاصل ربي ابتلاك بشيئ من الدنيا فالقبل البلية انه الله ما احبك الا لانه ابتلاك والقرار الاول والاخير هو ليك اخي الكريم

بالتوفيق ونستنى ردك ولو طمني عيلك اخي والله رالني كي خوك نخمم فيك كي خويا وربي معاك استرها سيترك الله يوم القيامة خمم للدنيا متخممش للناس او

هدرتهم وان شاء الله ما تندمش عليها ربي معاك وبالتوفيق

[صُبح الأندلس]

السلام عليكم و رحمة الله و بركاته
صباح الخير على الجميع
صراحة البارح مارقدتش خلاص سوفريت و انا نحوس على الحل ماصبتوش ..مابقالي غير ربي سبحانو و انتوما بسكو حكايتي مانقدر نحكيها حنى لواحد لا فامي ولا صحا ,اسمحولي نطول عليكم شوي و عاونوني يعاونكم ربي +اسمحولي نحكي بالدارجة باش نوصللكم
انا راجل عندي 27 سنة مدرس رياضيات فالثانوية متزوج من حوالي 4 اشهر زوجوني لافامي من وحدة مانعرفهاش ليسونسيال بنت صاحب بابا لانتيم و قالك متربية و عاقلة وطبيبة... بعد شهر و نص من الخطبة تزوجت من قبل حكيت معها مرتين و لا ثلاثة بانتلي غامضة و كل مرة تحب تقول حاجة وماتقدرش.؟؟؟ ليسونسيال نهار عرسي بعد قاتلي الطفلة هادي راهي فقدت عذريتها كي كان عندها 15 سنة و ماهيش تلزمني بحتى شي شوكيت انا راسي حبس قاتلي اديني نروح ..شفني باباها و خوها ناس ملاح وشفتني هي بعد قتلها اقعدي شهرين و مبعد كل واحد يروح لحالو قاتلي ماعليش .فالاول كرهتها ماتتصوروش شحال و احتقرتها هي في شمبرا و انا في شمبرا و مكاش خلاص هدرة بيناتنا فاتت السمانة الاولى و الثانية وليت نلاحظها هكا كل ماندخل نصيبها تصلي .تقرى القرأن مرات تبكي الدار ديما نظيفة مالgري تروح تخدم بصح ديما العشا كاين ملابسي و حوايجي ديما نظاف مرتبين جامي رجعت للدار و مالقيتهاش تما صدقوني نشوف فيها مرأة مثالية حتى من الاولاد الصغار تاع الجيران ديما نرجع نلقاهم في داري تلعب معاهم و يحبوها بزاف خلاص تعاونني فالخدمة تصححلي الاوراق تاع الاولاد كي مرضت مارقدتش دقيقة مالقري انا كي مرضت مافيباليش حتى صبت الدواء فالخزانة و زيد فالاول تبان عادي مي ذركا نشوف فيها اية فالجمال؟ ..بديت بشوي نميل ليها و نحبها بالبزاف مي الله غالب مانفدر لا نحكي معاها و لا حتى نشوف معاها و هي كيف فاتو شهرين قاتلي كيفاه ؟ قتلها زيدي شهر باه مايبداوش الناس يحكيو و انا صراحة مابغيتهاش تروح المهم هي ماقدرتش تسامح روحها رانا فالشهر تقريبا الرابع عيطت لباباها و خوها قاتلي نحكيلهم ماحبيتش نكون ثقل عليك اكثر ليسونسيال جاو و حكاتلهم و انا حاظر مسكينة ظربوها و اهانوها و ماقدروش يشوفو حتى معايا مين حشمو مني و انا مالقيت كيفاه نعمل وقفت مشوكي ؟؟ المهم تأسفلي باباها و قالها غدوة نجي نوصلك "اليوم يعني " بغيت نقولو لالا راني نحبها و ماقدرتش صراحة خايف نندم مبعد وانا والله ما بغيتها تروح بصح درك روطار ؟؟+راني لذرك ماحكيتش معاها نورمال و ماقعدتش معاها خايف مايتخرجش كيما فبالي ؟؟
واش ندير راه مابقاش في يدي وقت و ماكاش حل ؟؟عاونوني راها حياتي تضيع ....
و السلام عليكم

يا صاحب الموضوع قد نصح الإخوة فاستنصح ، و الموضوع أخذ كفايته من الردود و إن أردت المزيد افتح موضوعا آخر ، و لعلنا نسمع عنك ما يفرح