ظاهرة عجيبة في مجتمعنا

[جسور المحبة]

السلام عليكم يا اعضاء المنتدى في الحقيقة لقتت انتباهي ظاهرة وهي انه نحن الجزائريون نغير من لهجتنا واصبحنا نتكلم بلهجات المشرق العربي وخاصة السورية والخليجية واذا لاحظتم حتى في بعض الردود تجد بعض الكلمات التي تنطق بنفسها وعلى سبيل المثال تجد كلمة: بس, كيفكم , يسلمو, وغيرها كثير . متى صرنا نحن الجزائريون نخجل بلهجتنا ونتبع لهجات غيرنا؟ ثم لماذا لا يتكلم الغير لهجتنا؟ اليس من الاولى ان نتكلم الفصحى عوض ان نتبع لهجات الغير؟ وانا على يقين بان لهجتنا جميلة وكل من سمعها تعجبه
وفي الاخير انا لست هنا للتجريح اوربما ينظر الي البعض نظرة سوء فأنا احترم كل اعضاء المنتدى واحترم ردودهم
ونظرا لكوني جزائرية اهتم باصولي وثقافتي, وارجوا منكم التفاعل وشكرا

[happy barby]

شكرا اختي على الموضوع وجزاك الله خيرا

[جسور المحبة]

ممكن تقوليلنا اختي ما هو موقفك؟

[الباديسي]

ربي يحفظك ويعطيك الصحة والهناء............وجزاك الله خيرا

[جسور المحبة]

اذا ممكن يا اخواني تعطولنا موقفكم ازاء هذه الظاهرة؟ ام انني انا فقط اضخم الامور؟

[الباديسي]

في الحقيقة هذه الظاهرة موجودة وكنت اظن ان الراد خليجي لانني بصراحة مستبعد ان الجزائريين يردون هكذا ولك الحق في ملاحظاتك
شكرا

[سآجدْ للهْ]

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||


انا في الحقيقة جامي رديت بالخليجي ولا الاماراتي ..اصلاا ما نعرفش نهدر بيهم هههه
----
بالتوفيقــــ

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

[جسور المحبة]

انا مرانيش نقول انو ما نتعلموهاش ولا انني عنصرية بصح لهجتنا لهجتنا ما تتبدلش والله غير يغيظني الحال لما نشوفهم حاكمين في هدرتهم غير حنا نبدلو ولو انك لاحظت في المسابقات و غيرها التي تكون على الستوى العربي ويكون فيها عدة جنسيات عربية ومن بينها الجزائرية تلاحظ ان الجزايريين يتكلموا كيفهم وليه ليه يغيرو الهدرة, اما اذا كان علا جال ما يفهموناش يا سيدي نتكلموا فصحى والسلام

[جسور المحبة]

على حساب الردود القليلة نظن ما عجبكمش الموضوع ؟

[عطر الملكة]

تعرفي المشكل وين
لا على مستوى الفضائيات قدرنا نفرضوا لهجتنا لانو الله غالب لا فن عندنا لا فضائيات ترفع الراس لا ناس في المستوى الاعلام يلعب دور كبير في نشر اللهجة و اكبر دليل اللهجة المصرية الكل يفهمها اللهجة السورية نفس الشي حتى اللهجة الخليجية وصلتنا متأخرة لكن قدروا بفرضوها و لينا نفهموها شويا رغم صعوبتها
اما احنا الجزائريين حتى على مستوى الانترنت يجوا ناس يقلك اهدر بالفصحى مع احترامي للعربية الفصحى ما عندي حتى مشكل المشكل انو ما لقينا كيفاش نوصولوا لهجتنا مفروضة علينا القيود و ين ما نروحوا
كيفاش حبيتي غيرنا يفهم لهجتنا كيفاش رايح يفهم اصلا و احنا على مستوى 48 ولاية كل واحد كيفاش يهدر احنا نفسنا حاصلين في لهجتنا
روحي للمنتديات المصرية و الخليجية و السورية تلقي الناس نورمال تحكي لهجتها و تكتب مواضيع بلهجتها و بالعكس يفتخروا بلهجتهم و لو كان تحكي معهم بغير لهجتهم يولي يتمسخر عليك و يقلك جيبلي مترجم ما فهمتش لهجتك و ممكن كامل ما يقيمكش اذا ما حكيتيش معاه بلهجتو
اما احنا الجزائريين خلي البير بغطاه

[جسور المحبة]

لا على مستوى الفضائيات قدرنا نفرضوا لهجتنا لانو الله غالب لا فن عندنا لا فضائيات ترفع الراس لا ناس في المستوى الاعلام يلعب دور كبير في نشر اللهجة و اكبر دليل اللهجة المصرية الكل يفهمها اللهجة السورية نفس الشي حتى اللهجة الخليجية وصلتنا متأخرة لكن قدروا بفرضوها و لينا نفهموها شويا رغم صعوبتها

يا اختي عندك حق في هذي بصح المشكل لنو في مندياتنا المحلية تلقايهم يهدرو بلهجات عربية اخرى وعلاه؟
على سبيل المثال حصة ستار اكاديمي وووووووووغيرها رغم انني ضدها تماما واعتبرها مفسدة لكن مثال فقط تصيبي الجزايريين يتكلمو بالصرية وغيرها انا شخصيا نفضل اني نحكي بلهجتي ونحاول نختار كلمات مفهومة ولي ما فهمش نترجم بالفصحى اما انني نقلب هدرتي 180 درجة ؟؟؟؟؟؟؟؟؟؟؟؟؟؟ ما عرفتش وين راهي الهوية الجزائرية

[عطر الملكة]

لا على مستوى الفضائيات قدرنا نفرضوا لهجتنا لانو الله غالب لا فن عندنا لا فضائيات ترفع الراس لا ناس في المستوى الاعلام يلعب دور كبير في نشر اللهجة و اكبر دليل اللهجة المصرية الكل يفهمها اللهجة السورية نفس الشي حتى اللهجة الخليجية وصلتنا متأخرة لكن قدروا بفرضوها و لينا نفهموها شويا رغم صعوبتها

يا اختي عندك حق في هذي بصح المشكل لنو في مندياتنا المحلية تلقايهم يهدرو بلهجات عربية اخرى وعلاه؟
على سبيل المثال حصة ستار اكاديمي وووووووووغيرها رغم انني ضدها تماما واعتبرها مفسدة لكن مثال فقط تصيبي الجزايريين يتكلمو بالصرية وغيرها انا شخصيا نفضل اني نحكي بلهجتي ونحاول نختار كلمات مفهومة ولي ما فهمش نترجم بالفصحى اما انني نقلب هدرتي 180 درجة ؟؟؟؟؟؟؟؟؟؟؟؟؟؟ ما عرفتش وين راهي الهوية الجزائرية

ايه راني معاك في هذوك البرامج المغاربة يهدروا لهجتهم و التوانسة يهدروا لهجتهم الا احنا الجزائريين دائما عندنا عقدة ما نيش ضد نهدر بلهجة اخرى بالعكس نهدر كامل اللهجات و نحترمها كل البلدان العربية خير و بركة و الحمد لله هذ تنوع في ثقافة البلدان العربية لكن نحير في الجزائريين حتى على مستوى اتصال لما يجي جزائري يتصل ببرنامج معين تلقايه يهدر بتردد و شغل مش واثق في روحوا و يعطي فرصة للآخرين باش يحرجوه
نعطيك مثال
على مستوى المنتديات مثلا
المفروض لما ندخل منتدى سوري او مصري مثلا و يفرض عليا اللهجة نتاعوا انا نفس الشي في المنتديات الجزائرية نفرض عليه عدم التكلم بلهجته اذا ما قدرش يهدر بلهجتنا يهدر بالفصحى
لكن باش يفرض عليا لهجتوا في منتدياتهم و في منتدياتنا هذا امر مرفوض

[بنت الحجاج]

ما يستدعي للقلق حقًا هو تخلينا عن لُـغتنا ( العربية )

أما اللهجة !!

فلا أراها بتلك الأهمية

بل انني أرى أنه لا بأس بأن يغيّر الشخص لهجته

الى اللهجة التي تفهمها الجماعة

و إن كان الاولى التحدث بالفصحى .

[جسور المحبة]

والادهى والامر يا اختي انو في منتديات جزائرية ولات لامود تاع اللهجة المشرقية يعني جزايريين في بعضاهم يبدلو لهجتهم ما فهمت والو؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[محمد جديدي التبسي]

معك حق أختي الفاضلة

هذه مشكلة في عصرنا وكأن الجزائري يحشم من لهجتو ويتذرع بأن الآخرين لا يفهمون لهجتنا والحل قد ذكرته

فالأولى بنا أن نتكلم اللغة العربية لغتنا التي نعتز بها

بارك الله فيك على الموضوع

[جسور المحبة]

شكرا على المرور العطر اختي بنت الحجاج
تخلينا عن اللغة العربية حدث ولا حرج
اما عن تكلمنا بلهجة غيرنا سياخدون عنا نظرة استحقار واننا امعة ومعقدين من انفسنا

[عطر الملكة]

والادهى والامر يا اختي انو في منتديات جزائرية ولات لامود تاع اللهجة المشرقية يعني جزايريين في بعضاهم يبدلو لهجتهم ما فهمت والو؟؟؟؟؟؟؟؟؟؟؟؟؟؟؟؟؟؟؟؟؟؟؟؟

احيانا احب استعمالها خروجا من الروتين و تغييرا للاجواء مع الصديقات طبعا
خاصة اللهجة السورية كثير حلوة و مهضومة

:1::1::1::1::1::1::1:

[جسور المحبة]

شكرا اخي محمد على المرور وكلامك لا غبار عليه وصائب

[جسور المحبة]

معليش نوافقك الراي انها مهضومة ولكن علاه ما نحكوش مرة بالوهرانية ومرة بالعنابية ومرة بالعاصمية ومرة الجلفاوية او الغرداوية والله غير لهجاتنا هايلة وكامل حلوة
واذا تقولولي ما نفهموش وصعاب راه المنتدى مليء باشخاص من مختلف ربوع الوطن وكل واحد يبين لهجتو ونشجعو البضاعة المحلية
وعلاه حتى ننتقصو من رواحنا؟

[عطر الملكة]

انا بالنسبالي تعجبني لهجة الشرق الجزائري حنينة لدرجة مش طبيعية
و بشكل عام كل شي في الشرق الجزائري يعجبني حتى الطبيعة هناك جنة و الله جنة
نتمنى اتقان لهجتهم بالنسبة للغرب ما نعرف علاش نحب ناس تلمسان نتمنى نزور هذ الولاية كل شي فيها مبهر حتى تقاليدهم و الحطة نتاعهم وخاصة انها تقاليد قريبة بزاف من المروك
ناس نتاع حطة ربي يقدرني و نزورها

[اماني 92]

ايه يااختي واش تحبي هذا مجتمعنا .حنا لبساكرة تجي وحدة عاصمية حذانا يعودو يبدلو .يروح لتونس يجي برشا ومعلباليش كلي سمانة نساتو في عمرو والله نحير

[جسور المحبة]

علابالك يا اختي والله غير تقولي طليتي وش في قلبي انا تاني نحب الشرق ونحب تلمسان نموت عليها وخاصة كي عادت قريبة للمروك وانا نحبها سبحان الله

[جسور المحبة]

بصح اختي اماني لبساكرة لهجتهم هوما هوما مهما تغيرو راني خالطتهم ونعرفهم

[بنت الحجاج]

شكرا على المرور العطر اختي بنت الحجاج
تخلينا عن اللغة العربية حدث ولا حرج
اما عن تكلمنا بلهجة غيرنا سياخدون عنا نظرة استحقار واننا امعة ومعقدين من انفسنا


ليست هذه الأمور التي تُقيّم بها الأمم

بل العلم ، الأخلاقْ ...

أما قضية الاحتقار

فأنا اتحداك أن تجدي لي شخصا خلوقا ذا قدرٍ من العلم

غيّر لهجته

أو حتى لغته

و احتُقرَ !!



بل العكس تماما

ستجدين أن الكل يحترمه .

[عادل95]

موضوع رائع بارك الله فيك

[جسور المحبة]

شكرا على مرورك اخ عادل

[abdu99]

السلام عليكم يا اعضاء المنتدى في الحقيقة لقتت انتباهي ظاهرة وهي انه نحن الجزائريون نغير من لهجتنا واصبحنا نتكلم بلهجات المشرق العربي وخاصة السورية والخليجية واذا لاحظتم حتى في بعض الردود تجد بعض الكلمات التي تنطق بنفسها وعلى سبيل المثال تجد كلمة: بس, كيفكم , يسلمو, وغيرها كثير . متى صرنا نحن الجزائريون نخجل بلهجتنا ونتبع لهجات غيرنا؟ ثم لماذا لا يتكلم الغير لهجتنا؟ اليس من الاولى ان نتكلم الفصحى عوض ان نتبع لهجات الغير؟ وانا على يقين بان لهجتنا جميلة وكل من سمعها تعجبه
وفي الاخير انا لست هنا للتجريح اوربما ينظر الي البعض نظرة سوء فأنا احترم كل اعضاء المنتدى واحترم ردودهم
ونظرا لكوني جزائرية اهتم باصولي وثقافتي, وارجوا منكم التفاعل وشكرا

االسلام عليكم ورحمة الله
اختي الكريمه
اللهجة الجزائرية عن نفسي اشعر بجمالها واريد ان اتعلمها واحب قراءة المواضيع باللهجة الجزائرية
وليس ذلك تنكرا للهجتي السودانيه فأنا اعتز بها ويصبح الموضوع شخصي حسب رأي وليس تنقيصا
ثم لاتنسي العالم اصبح قرية وبدأت اللهجات تتقارب في العالم العربي
اما اللغة العربية صحيح هي الاجمل ويجب المحافظة عليها من اللعات الاجنبية وليس اللهجات
فمثلا في مدينة جدة تجدي هناك لهجة مختلفه خليط من السعودية وغير السعودية
طرحك جيد ويستحق المناقشة لازالة الفهم
لك التحية والتقدير

[أمآآآآني البنفسج]

لا بأس اختي الكريمة

عن نفسي أستعمل أحيانا بعض الجمل المصرية أو التونسية

لكن في ردودي على أشقائنا المصريين و التونسيين من باب الدعابة ..

و الحمد لله لم ينقص ذلك من احترامي شيئا بل على العكس

يحبونني كثيرا ..

ليس معناه أنني أتخلى عن لهجتي الجزائرية و لكن منين داك نضحك معاهم بلغتهم

و عادي .. قدري على العين و الراس ..

و الموقف حدث معي اليوم فقط منذ حوالي ساعة

أخ مصري هنا .. لعبتها فاهمة زعمة .. قلت له قدع يا أحمد

و تشوفي شحال ضحك و قالي يا عزو .. جدع ماشي قدع :1: