تابع مشكلة مع اختي المراهقة ....!

[مشكلتي]

http://www.djelfa.info/vb/showthread.php?t=799599
السلام عليكم ورحمة الله وبركاته

لقد كثرة المشاكل عندما اقراء مشاكل غيري اشعر اني بخير واشعر اني اهون من غيري
.

لقد اخدت بنصائكم واشكركم وادعوا الله ان يغفر لكم ذنوبكم وان يجعلكم من المتقين الى يوم الدين

ولكن لم ارجعها الى المدرسة ... وسامحتها '( درت بلي راه ما كاين والو ) درت كيما قال لي واحد في المشاركة اشري ليها

هدية العب معااها بوس ليها راسها المهم اخدت بنصائكم الا ان ترجع الى المدرسة فهذا امر مستحيل مستحيل مستحيل مستحيل

المشكلة الان اعذروني لا تقول اني ضعيف شخصية او انه ليس لدي راي ولكن احب ان استشير غيري قبل ان افعل شيئا ولعل البعض يرى انها مشكلة صغيره ولا تحتاج الى الاستشاره ولكن للاسف يا خاوتي انا نشوف فيها كبيرة كبيرة لدرجة كي نفكر فيها راي يحبس

المشكلة انو اختي تغيرت تماما اصبحت تلبس لا تلبس بل انها عارية لباسها فاضح انا اخوها كي نشوفها نقول في قلبي واش بيها لابسة كيما هــك لبسة اعوذ بالله منها تخلي كلش يبان ما حبيتش نهدر معاها وانا راسي راه خشين كلمة زوج نضربها

تكلمت مع أمي ( عمرها 72سنة ) هه قالت لي بيني وبينك ربي اختك وانتا دبر راسك معاها

انا جيت نهدر معاها شفت حتى هدترها تبدلت تتتكلم معي كاني لست موجود كانها تقول لي انا حرة مهما فعلت ضربتني او قتلني انا حرة وندير واش نحب ونلبس واش نحب

نضيف برك لمعلوماتكم 9 بنات وانا راجل 3 مخطوبين العرس راه في الصيف ان شاء الله..... تمنيت نعرضكم تتغدوا عندي ههه

اختي هادي راي هي صغيره فينا حسوا بيا يا خاوتي راه ما عنديش خو

فهمتوني يعني واحد فيكم يحس بيا برك يفهمين لو ثانية ويعطني الحل .... راي تبدلت يا ناس حتى ضرب ما ينفعش

الحل منطقي انا قلت في نفسي الحل الوحيد نزوجها نرتاح

[فارس الجزائري]

وعليكم السلام ورحمة الله تعالى وبركاته
يا أخي عليك بالتقرب منها والدخول في مشاكلها الشخصية من خلال التحاور معها وأهم شيئ إفهمها أنها في سن المراهقة والمستقبل أمامها سيكون زاهرا لو التزمت بدينها وهنا مربط الفرس عليك أن تفهمها أن الالتزام بالدين سيجعلها شخص محترما يركض ورائه الرجال من أجل الزواج بها والظفر بها
عليك إفهمها بالحوار والحوار ثم الحوار أن رأس مالها سمعتها وشرفها وما فعلته أنت معها سببه خوفك على شرفها وسمعتها
أكبر خطأ هو فصلها عن الدراسة خاصة إن كان الأخواة الأخريات قد وصلنا إلى مستوى أفضل منها فهي لن تغفر لك هذا ما حييت لذا أنصحك بإرجاعها مع التقرب منها وتتبع خطواتها دون أن تشعر بذلك
كما أنك قلت أن لك أخواة في مرحلة الزواج أي أنهن كبيرات ولذا عليك أن توكل لهن مسألة الكلام معها والتقرب منها وإحتوائها وجعلها تتقرب من الله أكثر بإرتداء الحجاب عن قناعة والالتزام به
بالتوفيق إن شاء الله

[!?زين الدين?!]

أحسن حل اخي هو ان تصادق أختك ولا تضربها ولا تهينها وعاملها برفق
اجلس معها حاورها علمها امور الدنيا لانها مازالت صغيرة ولا تعرف شيء
اجعل بينك وبين اختك مساحه من الصراحه
احرص على اختك و احرص على مشاعر اختك ايضاً

[feloussa]

علابالك هذا كل من الضرب تاعك يا خويا الضرب أو غير للحيوان أما للعبد الهدرة تفهمو ماكاللاه تضرب شوف النتيجة ولاة انحرفت خلاص و مما زاد الطين بلّة أنك بعد ما ضربتها قريب تقتلها جيت جبتلها هديا الله الله و بستلها راسها واش من حنانة ظهرت حتى ولاة الطفلة تحلّت خلاص و يمكن قالت(أو غاضاتو روحو كي ضربني ايا مالا كل ما نديروا ميش راح يعمل حاجة ) خويا الغلطة تاعك أنك غضبت منها و ضربتها قريب قتلتها و مباعد جاي تدلل فيها واش من رأي عندك؟؟؟ :confused:كون راك من الأول ماضربتهاش و كي ضربتها ماكاللاه تعاود ترجع تدللها شوف يظهرلي تروح تهدر معاها بالعقل حاول تفهمها باللي راهو الشيئ اللي دير فيه غالط و هي الغالطة من الأول و إياك إياك إياك تغضب و تنرفز و تنوض تضربها من جديد بالعقل حتى لو تهدر معاك ببرودة أعصاب حتى أنت طول بالك معاها راهي "مراهقة" وشوف: خيّر الوقت و المكان المناسبين (يعني كي تكون أونفورم و المورال تاعها طالع) و انت ثاني حتى تكون ميش مقلق باش ما تضربهاش حاول فهّمها غير بالعقل و بالشوي وميش من النهار الأول تقول آي ما فهمتش و تضربها. آو مليح تنحيها عقلية الضرب لا يوالفوك الناس و يقولوا مريض بالأعصاب:mad: كان ما فادتش الخطة تاع الهدرة بالعقل شوفلها كاش طفلة ناس ملاح و متربية وتثيق فيها و خليها تصاحبها (إذا ما تخافش عليها تفسدها أختك) لازم يكون إيمان هذه الصديقة قوي باش ما تديهاش ختك في الـvيد بالاك تكون هداية أختك على يد الطفلة هذي وصيها بللي تصاحبها و تخلليها تتعلق بيها و تكون هي وسيط بينك و بين ختك ولازم تخليها تثيق فيها و تحكيلها كل أسرارها و خليها تجي للدار و يقسروا معا بعضاهم المهم أرخف لأختك من هذا الجانب باش تتقرب منها و تنسى ماضيها مع هذاك الولد.
هذي طريقة وبالاك تقولها ثاني نرجعك للمدرسة على شرط نتقربوا من بعضانا وتحكيلي كل اللي صرا معاك و ماتعاوديش الهدرة معا هاذاك الطفل و نوعدك باللي ماعادش نضربك (بليز خويا كون عند وعدك و ماعادش تضربها الطفلة أي شهمت و اكتفت من الضرب''سبحان الله'')
خويا على بالي طولت عليك بالموضوع مي حبيت نعطيك وجهة رأيي و اسمحلي لأني كثرت عليك من العتاب واللوم و الهدرة على الضرب مي هذا كل في صالح حل المشكل.
وفقك الله إلى ما يرضاه و هدى أختك و كل المؤمنين و المؤمنات .آمين آمين آمين يا رب العالمين.
ربي يفرج كربكم و يحل هذا المشكل على خير ان شاء الله شكرا أختك في الله.

[nino2610]

و الله يا اخي البنات في سن المراهقة كالقنبلة الموقوتة . يعني ما تضغط عليها ما تتساهل معاها

الضغط الشديد يسبب انحرافها . حتى منعها من الدراسة لا يفيد . لانها ستستغل اي فرصة لمغادرة المنزل و عمل ما تريد

انا اتفهم وضعيتك و حيرتك الشديدة حول الامر و الله يكون في عونك . لكن ان تترك اختك فريسة للانحراف هذا شيء تسال عليه يوم القيامة

فعليك التقرب منها بعيدا عن العنف . بل بالمحاورة و النقاش بالمساعدة مع افراد الاسرة خصوصا اخواتك الاخريات

كان الله في عونك

[chamsso]

اخي ما كان لازم تضربها بصح دوكا تفرت الحل لي عندك دوكا تشوف صحابتها راقبهم بلاك هم لي ضيعوها
وروح لشاب فهمو بالعقلية+ ابعدها على صحباتها الي ضيعوها
اذا ما استطعت اشتكي بصديقاتها الضائعات الى اولياء امورهم + الامر المهم راقبها ما دامت في سن المراهقة راقبها جيدا
وامنع عليها الخروج و الجوال و لا تنسى اخي ان تعيدها الى الدراسة طبعا مع ايصالها الى المدرسة او مراقبة غياباتها من المدرسة
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~
بالنسبة للباس الفاضح اضن انها تريد اغضابك لانك تضربها فقط لهذا تكلم معها ببرودة ولا تغضب منها على الاقل امامها
اضن اني ثقلت عليك هههه اتمنى اني افدتك

[meh01]

اخي اغلق عليها باب الغرفة و اقطع عنها كل شيء.......... و الله انا ايضا 3 بنات و انا لكن النفس ما نسمعوش حتى تخطبوا و قعدت الصغيرة 18 سنة الله يبارك

[مريم الصابرة]

السلام عليكم الضرب للحيوان إنت عليها درتلها هكذا لو تزيد تضغط عليها لا سمح الله تروح من الدار ولفتها الضرب ويولي ما يأثرش فيها وما بهمهاش تولي ما تخافكش خويا قرب ليها أحكي معاها بالعقل إنت وياها وحدكم فهمها وتفهم منها راهي دير هكذا تنتقم منك كي حبستها من القراية قرب ليها ضيعتلها مستقبل نتاعها على والو دير فيها ثقة تولي تخرج وما دير والو تكسبها في صفك ماشي ضدك العقلية نتاعك إسمحلي بزاف أنانية الذكر دايما متسلك على ختوا راني معاك الطفلة مليح ليها التزياتر يا ريت لو كلن عندي خويا نحس بيه يخاف عليا ويحميني ما عنديش مي الحمد لله نخاف من ربي دايما حاميني المهم خويا قرب ليها خلي ختك بين عينيك تتحاسب عليها قدام ربي ربي يهديها وإنت ربي يهدي نفسك إن شاء الله

[- بصمة خير -]

بالنسبة للمدرسة راني معاك ماترجعهاش باش تعرف بلي تغلط تدفع الثمن

و طبيعتها اللي تبدلت اذا انت ماتقدرش تهدر معاها قول لاخت تهدر معاها و تفهمها واش راك حاب تقول

جرب اشريلها اللياس و ان شاء الله تفهم

و زيد ماتخليهاش 7/7 ايام الدار والله راهي تكره حياتها و تكرهك انت تاني راهي مراهقة و تحب تخرج و تشوف

اخرج معاها انت و ماماك الا تخرجها اختك المهم تخرج تشوف الناس و الصحابات اللي كانت تقرا نعاهم ناتخليهاش تولي ليهم

جرب احكي مع اختك واش صرا معاك في الخدمة مع صحابك حكايات هكذا ممكن تولي تحن ليك و تولي تحكي معاك

و زيد الدعاء في الليل و ربي يوفق

[mina minouna]

انا كن جا خويا يضربني و يديرلي كيما انت والله نخشن راسي معاه كون معاها مليح و عاقل اجبدها ليك حاول تفهمها وعلاه تحبسها من القراية مسكينة ضيعلها المستقبل بالعكس احكي معها وقولها نحب مصلحتك بلاك تخمم مع روحها و ترجع لصواب كن معها صديق احسن خاطرش كي تبقى معاها هاكا والله غير تبقى تخشن في راسها و قادرا دير حوايج اكثر هذا راي

[mina minouna]

سبحان الله علاه يغلق عليها الغرفة والله حرااام مسكينة وزيد يقولولك حبسها من القراية حبستولي راسي يا خويا والله راك تظلم فيها ماكاش الي مايغلطش و ربي سبحانو يسامح حنا واش نكونو باش مانسامحوش اجبدها ليك احكي معاها بلعقل والله تسمعلك
ربي يهديك و يهدينا

[- بصمة خير -]

اه نسيت الزواج

عمر اختك مانعرفوش

قول لاختك و الا انت تهدر معاها و قوللها اذا راكي حابة تتزوجي و زيد راهي في الدار ماهيش تقرا مافيها والو اذا زوجتها
و لكن لازم تفهمها لازم تتبدل لازم تتقرب الى الله

و انت فهمها لاه ضربتها لاه ديرتلها هكذا لاه حبستها من الدراسة

الثقة اذا راحت ماتوليش و هي روحت الثقة اللي ميديتهالها

فهمها كلش واش ديرت

سامحتها و لكن ماتقدرش تزيد دير الثقة فيها

قوللها اللي يغلط لازم يدفع الثمن

بااخي اليوم قبل صلاة الفجر بشوي نوض صلي ركعتين و ادعي ربي يهديها و ان شاء الله خير

[moi*]

اخي على ما اظن اختك تمردت و وهي الان لا يهمها شيء

واظن ان المشكل بدا من الاساس لما ضربتها ومنعت عنها الخروج وحرمتها من الدراسة

هي الان حاقدة عليك لذا تحاول ان تضايقك باي شكل

حاول ان تتكلم معها بهدوء وادعو الله ان يهديها

[karima84]

اختك ليست بضاعة وان كانت صغيرة عقلها ويمكن ان تزوجها ويطلقها زوجها و ترجع اليك انت تنظر اليها على انها هم وبالتالى لن تحل؟

[عُضو مُحترم]

لمن تزوجها؟؟؟؟

شكون يتزوج وحدة حبسها خوها من القراية؟؟؟؟

اكيد دارت حاجة كبيرة

قلتهالك المرة الماضية و ربما لم تنتبه لكلام الناس

فكّر في كلام الناس الذين لن يتركوها بسلام


والله ما يخطوها و راح يزيدو في القصة اعاجيب

خذ بنصيحتي و رجّعها تقرى و لكن من حقك تفرض عليها الحجاب

قوللها ترجعي تقراي بشرط تلبس الحجاب

و حاول تكسّر هذاك الحاجز لي بيناتكم


انت خوها الوحيد يعني انت سندها الوحيد

ممكن راها صغيرة متعرفش و لكن هذه هي الحقيقة

انت خوها و هي اختك





و خلي اخواتك الاخريات يهدرو معاها

[mina80]

اخي اختك تمردت والسبب هو انت صحيح هي اخطات ولكن كان عليك الا تواجه الخطا بالخطا هي الان تحس بانك تكرهها بحكم انك ضربتها حتى كدت ان تقتلها والاسوء انك دمرت مستقبلها ومنعتها من الدراسة فما تنتصر ان تكون ردة فعلها وهي في سن المراهقة كما انها تحس انك فعلت هذا لانك خائف من نضرة اصدقائك لك وليس لانك تحبها وتخاف عليها . اختك في سن المراهقة وكما تعلم اصعب مرحلة يمر بها الانسان هي مرحلة المراهقة فهي مرحلة التمرد والعصيان واختك الان تعيش في دوامة المراهقة لا تفرق بين الصح والخطا تنجرف وراء احاسيسها تكلم معها بصراحة اسالها اولا لماذا فعلت هذا هل مكرا ولا عناد لزميلاتها او لجهلها بانه خطا وحرام اثناءها تعرف مربط الفرس
قل لها بانك ضربتها لانك تحبها وتخاف على مصلحتها وانه لا يوجد اخ يرى اخته على علاقة بشاب ويسكت ولا يوجد اخ يرى اخته تلبس لباس مكشوف ويسكت وانك رجل وتغار على عرضك وهي عرضك وشرفك افهمها انها في سن المراهقة وهي مرحلة صعبة تمر بها اخبرها بان ليس للبنت الاشرفها وان البنت ليست مثل الولد فهي عبارة عن ورقة بيضاء اذا ساحت عليها نقطة حبر فانها لا تمسح واذا اردنا ان نمسحها فستتمزق عكس الولد فمهما عمل اذا تاب فلا يحسب عليه شيئ في مجتمعنا . حسسها بانك تحبها كيما خواتتها اخبرها بانك تتمنى ان تراها عروس تزف الى بيت زوجها وانت رافع راسك بها لانها كانت طاهرة عفيفة ولم يشهد لها الناس الا بهذا واخبرها بانك تتمنى اختك الصغرى ان تصبح طبية او مهندسة او محامية في المستقبل وحينها ستفتخر بها قل لها بانك سوف تعطيها فرصة ثانية وانك سترجعها الى الدراسة وانك تثق بها وانك ستنس ماحدث ولكن شرط ان تكون على قدر هذه الثقة التى وضعتها فيها وان تعدك الا تفعل هذا مرة اخرى وتخبرك بما يحدث معها وتستشيرك او تستشير خواتتها الكبار في كل شيئ مادامت في هذه السن حتى تنضج
صدقنى اخي اذا احست البنت بالامان وبان اهلها يثقون بها وتجد من يتكلم معها ويحاورها ويرشدها بالاحسان فستكون بنت ممتازة ولا تخاف عليها
سوف احكي لك قصة كانت لديا صديقة عندما كنا ندرس في الثانوي وكان لها اخوان واحد قاس عليها ويعسها بزاف وكان عصبي جدا ويوم كامل وهو افعلي هذا ولا تفعلي هذا لا تلبسي هذا والبسي هذا يعسها كرهلها حياتها واخوها الثاني يتكلم معها ويحاورها ويفهمها الصح من الخطا وهو بمثابة صديق لها فعندما تتشاجر مع اخيها العصبي تقول لنا مكرا فيه ندير هذي او هذي او نلبس واش نحب وفي الغد عندما نلتقي تقول لنا انا لا افعل هذا وهذا لان اخى الثاني قال لي انه لا يجوز ....وا نا احبه ولن أخيبه ولن اخون ثقته بي . بالرغم من ان اخوها العصبي كان يحبها الا انها كانت لا تفهم هذا حتى كبرت ونضجت .
لذلك اخي اختك تبحث عن الحنان تبحث عن اخ صديق ينعتلها صلاحها برفق يثق بها حتى تمر بسلام من سن المراهقة
لا تقل مستحيل ان ارجعها الى الدراسة اعطها فرصة ثانية فهذا من حقها واذا اخطات مرة اخرى لا سمح الله حينها بطلها من القراية وزوجها

[الزهرة السمرة]

أخي أأأأرجوك اعدها لللدراسة فاسوء كابوس هو البقاء في البيت لكن شدد عليها الحراسة ووصلها للمدرسة ادا حبيت لكن ارجوك لاتحرمها من العلم فهو السلاح الوحيد للمراة في زمننا هادا :mad::o

[رنيم17]

ان من راي انك تكون معاها صديق وقلها ديرك كصديق مش اخ وتحكيلك كل شي يصرى معاها ونتا انصحها بطريقة غير مباشرة لانها في سن المراهقة ومتحبش النصائح وان شاءالله ربي يهديها ويصلحها اما فكرة انك تزوجها راك غالط خويا نتا صح ترتاح منها بصح تبلي بيها واحد اخر وممكن ميتحملهاش ويضربها اكثر من كنت انت تضرب فيها.

[oussama.oussama]

انت قلت انها تغيرت بالطبع تتغير لان العنف لن يولد الاصلاح بل العكس ما حدث من أختك من لباس وغيره هو نتاج استعمال العنف بطريقة مفرطة انا اعرف قصة لفتاة من حينا لقد أرادت الهرب من عنف احيها وزوجته الى أين في رأيك الى تونس وأنت من أين سوف تقتات في تونس العنف هو السبب في رأيي الشخصي إتبع أساليب أخرى ممكن تنفع أحسن و إستعن بالله وادعو الله ان يرشدها

[nadjmo2010]

السلام عليكم و رحمة الله و بركاته’ أنا بنت و عمري 16 سنة من رأيي أن تحكي مهعا وتحاول فهمها مرات و مرات عديدة و أذا لم تستجب لك فعليك بالرقية الشرعية أو أخذها ألى طبيب نفساني لأني أنا كنت أتعالج عند طبيب نفسي و ليكن في علمك المعالجة تكون عن طريق طرح مشكلتك على الطبيب و محاولة حلها معه دون اللجوء إلى الأدوية التي ليس لها داع.

[rachidmath]

السلام عليكم اخي انا مراهقة ايضا لم اتابع قصتك من الاول لكن تقريبا فهمتها
تعرف المتوسطة ماشي ديمة فيها بنات ملاح واختك بالك بعد ماصرا هذاك لقات بنات فاسدين راحت معاهم وهوما عبالها راسها.........
انا عندي وحدا صاحبتي صرالها نفس الشيء مي خسارة ماكانش عندها خوها اللي يوقف معاها تخيل كانت تجيب المعدل 15 ولات تجيبو 8....
شوف بالك اختك عندها مشاكل مع خوتاتها مع ماماك .........
يعني شارشي وشوف مع كاش استاد و.....
يعني خويا تضربها مي ماشي حتى تقتلها .........
راهي مراهقة وراسها مليان بالحب والحوايج هاذو...
شوف احكي معاها ما حبتش خليها تجاهلها شويا
ااا امنع عليها البورطابل كون صارم معاها تعامل معاها ببرودة
خووووووووووووويا ربي يخليييييييييك رجعها للقرايا
اي تحقد عليك ومهما كان راكم خاوا