المساعد الشخصي الرقمي

مشاهدة النسخة كاملة : اكتبها بحسرتي

عطور المعاني
2011-12-16, 11:58
السلم عليكم حبيت نجي لهنا ونفرغ اللي في قلبي انا ياك صراتلي كيما اختي ديك نهار علا المعد قبل في سيام كنت نجيب غير 17و16 ودوكا ديت 14.89 تشوكيت ماشي علا المعدل كنت مؤمنة بلي قدر الله وماشاء فعل مي اللي غاضني هو بابا تعرفو اللي نقولو عليها نلقاها قدامي وكاين شي حوايج يجبهملي روعة يقلشني بيهم ماهو مخصصني في والوا كون تشوفي اداواتي وحوايجي بعدا اداوت حوايج قاع ماشي منا كاين شي حوايج انا انبهرت فيهم ومبعد في لخر جبتلو معدل هابط حتى هو قالي معلش راهي الليسي صعيبة وراكي علوم ماشي اداب بصح حسيت روحي تقلشي صفعتو كي قلتلو المعدل تاعي كل مانتفكرو تجيني البكية نحسو يستاهل طفلة تفرحو وترفعلو راسو وانتوما واش تقولو فيا ..........
chaima 07
2011-12-16, 12:09
ماعليه اختي لمرة الجايه اجتهدي اكثر وجيبيلوا معدل مليح ان شاء الله

لما تكون مرة وحدة برك مايتقلقش
عطور المعاني
2011-12-16, 12:12
شكرا علا الرد بصح اني خايفة لنبقى كيبما هاااااااك
chaima 07
2011-12-16, 12:14
العفو

وماتخافيش قاع اخدمي مليح برك ضك تجيبي كثر من 17
عطور المعاني
2011-12-16, 12:30
شكرا اختي علا تشجيع
{ توبة }
2011-12-16, 12:30
اختي ثقي بقدرآآتـــك و فرحي ابوك في الفصل الثاني
و متنسايش بلي عندك اب رائع شفتي وش قال ؟
و هو ينتظر منك المزيد و لم يقطع الامل
فلا تقطعي الامل و اجتهدي و ان شاء الله مع الارادة تحققي افضل معدل
سماح 2
2011-12-16, 12:38
Ma3lihech ma soeur
el mara el jaya nchaa ellah
إبرآهيمـ
2011-12-16, 12:57
آسفـ آختيـ ع النتيجهـ ولكن الكل تدنآ مستوآه
ونحن فيـ التآنويهـ كلمآ ارتفعنآ كلمآ زآد الامر صعووبة
عطور المعاني
2011-12-16, 13:00
شكرا لكم علا الردود وعلا تشجيعكم انشالله نقدر نفرحو في فصل تاني وبالتوفيق للجميع ربي يفرحكم انتوما تاني وبارك الله فيكم
اسراء؟
2011-12-16, 13:03
هذي ساهلة حاولي تجتهدي في الفصل الثاني وتجيبي معدل مليح وتفرحيه باذن الله مكاش حاجة صعيبة
A.maroua15
2011-12-16, 13:09
والله يا اختي راكي كيما انا كيف كيف انا كنت ندي غير 16 مي درك حبط حتى 13.26 والله غاضتني بزاااااااااف سيرتو كي وريتهالو لبابا
عطور المعاني
2011-12-16, 13:24
ري يوفقنا انشالله انا راني معولة بربي انشالله نعوضها في فصل تاني
حيآتي أسمَى
2011-12-16, 13:28
معـــــــــك حق اختي .الوالدين يستحقوا اكثر صدقيني نفس الاحساس لما مانجيبش نتيجة مليحة
تجيني حاجة كي ندخل بيلتا للدار بمعدل مشي مليح ،،، صدقيني معدل 18 وقليل بزااااااااااااف في حقهم .
لكن ان شاء الله ربي يوفقك ويوفقنا باه نفرحوا والدينا .
المرة الجاية
اسراء؟
2011-12-16, 13:29
موفقة ان شاء الله 17 او 16
امال.فرح
2011-12-16, 15:02
راكي كيفي يا اختي كنت 18 17 16 ادنى معدل جبتو ودرك راني خايفة من معدلي
عطور المعاني
2011-12-16, 19:53
ربي يوفقنا انشالله اجمعين نفرحو والدينا انا والله همي الوحيد نفرحوالديا برك ماني حاة والوا غير نفرحهم ونرفعلهم راسهم
الجزائرية 2010
2011-12-16, 20:16
ماعليش ختي ديتي 14 راكي مليحة فوووووووووووور

وزيد باباك مازال عندك فصل ثاني وثالث فرحيه

لخاطش كون تيأسي درك مش رايحة تفرحيه مرة اخرى
مالا حاولي واجتهدي انك تفرحيه في الفصل الثاني