مشكلتي شعري

[مشكلتي]

السلام عليكم
مشكلتي هي شعري حرش كيما نقولو كرد كيما درت معاه ماسلكت عييت مالكريم فرد الشعر ومافادنيش وخاصني كلما ندوش ندير السيشوار لاخاطر نقرا ولبنات يضلو يضحكموا عليا تعيشوا قولولي كيفاه ندير
الله يحفضكم ماتتمسخروش عليا

[مريم الصابرة]

السلام عليكم اختي ربي يكون معاك وما تعانديش صحاباتك الناس على كل شي يضحكوا المهم عندي وصفة هايلة للشعر وجربوها صحاباتي قلتلهم عليها غدوى إن شاء الله نجيبهالك راني كاتبتها فالكتاب على خاطر أنا عندي ديبلوم ليستيتيك وعلاج الشعر إن شاء الله تنجح معاك غدوى تكتبهالك هنا ونفهمك

[/زهرة عصفور الجنة/]

أختي الحل سهل وبسيط البسي الحجاب وسترتاحين من كل هذه المشاكل.عليكي بحمامات الزيت قبل الاستحمام ودهن فروة الرأس بالزبدة الطبيعية قبل الاستحمام كذلك نخاع الثور مفيد جدا

[بصمة قلم]

السلام عليكم ورحمة الله وبركاته
يا أختي اللي يتبع هدرت الناس عمره ما يرتاح
يضحكوا على كلش حتى على خلق ربي ماخلاو الطويل مالقصير من السمين من اللي شعره احرش من اللي شعره خفيف ...
لازم تكون عندك شخصية واللي يضحك عليك قولو اللي خلقلي شعري هو اللي خلقلك شعرك
واذا راك تضحك راك تضحك على ربي والعياذ بالله
واذا راكي بالغة ونظن انك كذلك فلازم ديري كيما قالت الاخت منى وتلبسي حجاب
وطيشي عليك هدرت الناس وقولي الحمد لله اللي راني بصحتي كاين ناس ما تشوفش وما تسمعش مش شعرهم احرش برك

[1954مريم]

السلام عليكم ورحمة الله تعالى وبركاته
اختي ربي يصلح حالك ...
بالنسبة لشعر والله كون تبعي هدرت الناس ما تعيشي ما يعجبهم العجب ولا الصيام في الرجب انصح شرعا قول هذه العبارة

حتى اللي شعرها رطب يقولولها لوكان جاء شعرك شوية حرش باش يخرج فيه السيشوار.....؟؟؟؟؟؟؟؟؟؟
المهم اختي كنت نتعلم في قاعة للحلاقة كانت تستعمل معهم ديفريساج وانت اختاري اتع 3 اشهر واتع 6 اشهر
هي عندها اضرار لكن يضهر الشعر ارطب شوية.اسئلي اللي جربها لا ني بصراحة ما جربتهاش علىى نفسي لكن كنت نخدمها للنساء والبنات ويطلبها بكثرة

هناك خلطة طبيعية وهي السدر مطحون يخلط مع الحناءقليل او عشل وزيت جوز الهند ويوضع على الشعر بعد حمام مائي ويغطي الشعر بكيس بلاستيكي ويغسل بعد ساعتين بالماء فقط وبعد غدا نستعمل الشامبو ....
يقولوا كذلك ملوخية مليحة لشعر ....
في الحقية انا لم اجرب اي شئ لاني الحمد لله لا اعاني من هذا المشكل لكن صديقتي كانت تستعملهم وتقول ملاح لكن مؤقت فقط وربي يسهل امرك

[دكتورة بإذن الله]

ديري حجاب يملاس شعرك يولي يهبل و يحيرو فيه

**********************

وراكي مازلتي صغيرة على هاذي لحوايج !!

لكنني

انصحك بالاتي..

استعملي الكيراتين فاللواتي شعرهن املس و يستعملونه لعلاج الشعر المقصف

و هو ينفع للشعر الاملس و كذا المجعد الاحرش ..

و مانيش عارفا اذا جابوه للدزاير و بداو يستخدمو فيه ام لا لذلك ... اسئلي البنات اللائي يذهبن للحلاقات لربما بدئن

الحلاقات في استعماله او اذهبي للحلاقة مباشرة و استفسؤيها عنه

ووجدت لك رابط للشرح

http://www.djelfa.info/vb/showthread.php?t=481032

و كي تكبري ويولي عندك الدراهم اشري هذا satin hair فاللواتي شعرهن املس يستعملونه من اجل ترتيب شعرهن و اللائي شعرهن احرش يساعد في تقويمه

و لا يضره لانه ماركة عالمية"براون " تاع السيراميك ....احذري المقلدة لانها تضر الشعر..

http://farm5.static.flickr.com/4039/4322284338_7b9bd585ec.jpg

و اقول لك يا اختي و كان ديري على الناس ما تفراش

اصلا لي يكون شعرها رطب و ينتقدوها ...ان شعرها ما يشدش المشطة و املس بزاااااااف !!

يعني كاين ناس مش نورمال فارغين شغل.. و كاين ناس يحبو يقجمو معاك اقجمي معاهم

و ان شاء الله شعرك يملاس

و فوق هذا اتمنى أنكي تهتمي بدراستك أكثر باش تفرحي والديك و تضحكي لبنات لي يضحكو عليك زين في زين

مع التحية

[نورسين.داية]

صباح الخير إشراق ..................

مي الحنة ليست جيدة تنشف الشعر كما أن السوشوار يبس الشعر و ردو أسوء ....... أنا بكل صراحة ليس لي أي مشكل الحمد لله لكن لا أحب إستعمال السوشوار في شعري و نادرا ما أستعمله حتى في المناسبات لا أستعمله .....لا يوجد أحسن من الطبيعة .
أما كلام الناس بكل صراحة نحب لي جي ينتقدني من هذا النوع من الناس ،تعرفي علاش .....؟؟؟؟ لأني بكل بساطة سوف ألقنه درس لن ينساه و يندم على اليوم الذي فكر فيه أن يضعني محط دراسة علمية ...............

[الواثق]

أتعبين الناقش ام المنقوش ؟؟؟؟؟؟؟؟

[أبوعبد اللّه 16]

و الله الشيئ مأسف، يضحكوا على خلق الله.
بارك الله في الاخوة و الاخوات، و ردودهم ما شاء الله في القمة.

حبيت نقلك حاجة، ما دام شعرك جاف و صعب التسريح، في هذه الحالة يمنع ان تستعملى السيشوار، لانه يزيد من جفاف الشعر، و بالتالي يتقشف، و ربما يتساقط،
الشعر الجاف في الحقيقة هي البيئة هي التي تأثر عليه، يعني لا تعرضي شعرك كثيرا لاشعة الشمس،
الحل هو ان تستعملي الزيوت الطبيعية، انا لست مختص في ذلك،
ربما استعملي dessange
http://www.codinaf.com/images/produits/gamme/20080731095937.jpg
انت يجب ان تأخذي النوع الذي يساعد شعرك، و هي باللون move
ذات الشعار thermo lisse
و يجب ان تستعملي لوازمها
يعني
après champoing
+
masque
http://up.foraten.net/f/foraten.net_13238575941.gif
راهم في الصورة
و ان شاء الله تنجح معك
و اعلمي ان الشعر الجاف احسن من انواع الشعور الاخرى، لكن يجب ان تعتني به.
و عليك اخيتي بالحجاب كما نصحك بذلك جل الاعضاء، و الصح في الدين و الاخلاق و المعاملة و ليس ان تقعد المرأة امام المرآة ساعة و ساعتين، باش تسرح شعرها، هذه الاشياء معليش كي ديريها لكن تكون مكملة لاخلاقك اختي.
اسأل الله لنا و لكم الهداية و الثبات على دينه.

[moi*]

يا اختي المهم الجوهر وليس المظهر

[فارس الجزائري]

أخشى ما أخشاه أن يذهب شعرك كله بعد نصائح الأخوات من شنبوهات وشيشورات وحنات ههههههههههه
ـــــــــــــــــــ
عليك بالذهاب إلى الاختصاصي بارك الله فيكي
وحاليا المهم هو الجوهر وليس المظهر
بالتوفيق إن شاء الله

[samssou]

انا انصحك اخيتي انك ديري حجاب احسن وربي يستر عيك

[mouna_ai]

يا أختي الناس تضحك على كلش
المهم انت ثقتك بنفسك وهما قيسيهم فالثقيل ومتسمعي لحتى واحد
وأحسن حل هو لبسي الحجاب وربي ان شاء الله يعينك

[نور التفاؤل]

لدي وصفة لتكسيل الشعر سمعتها
زيت زيتون+زبدة+عسل طبيعي+ملعة كريمة noix de boeuf تترك لمدة 3سا وتوضع مرتين في الاسبوع
اختي اردت الاجابة عن موضوع الخطوط البضاء ولقيته مغلق
انا كنت اعاني من les vergetures استعملت الكريمة وليس لها اي نتجة بعض الاطباء قالولي مكانش علاج حتى رحت درت ليزر على العلم لازم الخطوط تكون حمراء قبل ان تبياض داومت 4 حصص واختفى جزء منها لكني لم اواصل خفت من اضرار ليزر وقد سمعت خلطة طبيعية لكن تبدا ظهور النتيجة بعد 8اشهر
اليك الوصفة
30غ عسل طبيعي اي حر+ملعة بيكربونات دسود+30غ عصير ليمون+15غ ريحة كولونيا
تدهن يوميا مرة في الصباح والمساء

[النجمة القطبية]

اهلا بيك اختى
شوفى كاين زيت اسمو زيت خمس نجوم او زيت الاحلام
تلقايه عند الاخوة اللى يبيعو هاد الامور
اما عند العشاب الله اعلم
المهم حوسى عليه وجربيه رووووعة للشعر
لوكان جيتى قدامى نمدهولك خاطرش منحتاجوش
المهم تقدرى تديريه وتلبسى بونى وارقدى بيه :)
واشرى نوع شامبو مليح باش تغسلى بيه الصباح
اذا عندك ميزانية اشرى مثلا دوف مع البلسم ادا معندكش سانسلك الذهبى مليح للشعر وحتى الاسود
اما الفرد ننصحك اخطيك مالفرد المواد الطبيعية احسن
الفرد يخسر الشعر وتندمى
وفى الاخيريا اختى نقولك الشعر نعمة وكل حاجة من عند ربى مليحة
احمدى ربى مع شوية اهتمام تولى روعة
وربى يوفقك

[دكتورة بإذن الله]

صباح الخير إشراق ..................

مي الحنة ليست جيدة تنشف الشعر كما أن السوشوار يبس الشعر و ردو أسوء ....... أنا بكل صراحة ليس لي أي مشكل الحمد لله لكن لا أحب إستعمال السوشوار في شعري و نادرا ما أستعمله حتى في المناسبات لا أستعمله .....لا يوجد أحسن من الطبيعة .
أما كلام الناس بكل صراحة نحب لي جي ينتقدني من هذا النوع من الناس ،تعرفي علاش .....؟؟؟؟ لأني بكل بساطة سوف ألقنه درس لن ينساه و يندم على اليوم الذي فكر فيه أن يضعني محط دراسة علمية ........صراحة اسماء انا احب امزح مع بنات لافامي لي شعرهم احرش نقوللها شعرك اجاكس :1:و شعرك هيدورة:1: يعني للمزاح و ليس للضحك على الخلقة ..يعني ثاني الواحد يوسع بالو و يكون في الخط

مساء الانوار يا اسماء ..

انا ثاني ماعنديش مشكل الحمد لله ...بالصح السائلة عقدوها و لازم نمدولها شيء نافع لان تاج المراة شعرها و هو نصف الجمال ..

لذلك ابتعدت لها عن الخلطات مثل الحنة لانها صح تنشف الشعر كيما قلتي ....الخ

لذلك تم نصحهها بالكيراتين و هو الدارج حاليا في مملسات الشعر و بدأ استعماله في العاصمة لانني شفت حصة عليه..و قبلها سمعت بيه في الحصص اللبنانية

و لست ادري ان صرنا الحلاقات في الولايات الاخرى يستعملونه ام لا ...لذلك تروح للحلاقة و هي تشوف واش ديرلها

والكيراتين ما يضرش لانه بروتين معالج و ليس مثل الديفريساج لي نسمعو بيه يديروه الحلاقات هو ضار مواده خطيرة ..

كيراتين + مكواة السيراميك..و دير حجاب و تقرا امليح تولي طفيلة و نص ..

[نور التفاؤل]

يوجد وصفة لديفريساج طبيعي
في الاسبوع الاول
زيت زيتون+زبدة+عسل طبيعي+كريمة noix de boeuf وديريها مثل ديفريساج
في الاسبوع الثاني
تقشر حبة تفاح وتضعي قليل من الماء وضعيها فوق النار حتى تنضج وتنشف
تكوني ميبسة قشور موز طحنيهم وخلطيهم مع التفاح حتى تتحصلي على كريمة تباتفي الثلاجة وغدا ديريها مثلديفريساج

[miri_27]

ديري الحجاب و الحمد لله راه سترة للمراة و انت تهنيتي و كذلك الحجاب يحمي الشعر من اشعة الشمس و تولي لاباس

[مرام94]

ديري الحجاب لانه فرض اولا عند ربي

[manels]

السلام عليكم يا اختاه

بالنسبة لشعرك فهو خلقة الله ويجب عليك ان تتعودي على ماخلقه الله
وحاولي اكثر مع الزيوت واعملي حمام زيتي لشعرك كل مرة

لكن يا اختاه انصحك نصيحة اخوية تحجبي فتسترين شعرك وربما من الخمار يزيد يتعدل تحياتي

[مريم الصابرة]

السلام عليكم اختي إسمحيلي طولت عليك شوفي روحي إشري عشبة الياس معروفة غليها فالماء كي تبرد صفيها هذاك الماء إغسلي بيه شعرك كيما اليوم من ذاك الغد باه تغسلي بالشمبوان ديالك ديريها 2 مرات فالأسبوع أول مرة يبانلك شعرك ناشف بزاف عادي ما تتقلقيش من النهار الثاني تشوفي الفرق وداومي عليها وننصحك المملس اللي قاتلك عليه الاخت يزيد يحرق الشعر ربي يوفقك