بخصوص الدرك الوطني للبنات

[yasmina dz]

السلام عليكم
انا عمري 22 سنة و متحصلة لعى شهادة ليسانس نقود مالية و بنوك
حابة ندير دوصيي نتاع ليجوندارم بصح عندي بعض الأسئلة ان شاء الله تجاوبوني :
1- كان نحب نلتحق ما هي الرتبة نتحصل عليها + نخدم الداخل او برا ؟؟
2- وينتا ندفع الملف الديالي آخر أجل
3- واش ندير في الملف

ملاحظة : علابالي بلي معظم الناس ضد الفكرة نتاع المرأة في الجيش لكن بالنسبة لي هو اكثر مكانن يصونلك كرامتك اوموا تخدم بنيفوك و حد ما يقيسك انا تخرجت هاذ العام مالقيتش خدمة كيما الناس و قررت ندير لانام أمالا كل ما نروح عند مدير مؤسسة يقولي عطيلي نيميرو باش نتاصلو بيك نلقاه يتصل بيا على 01 نتاع الصباح واش معناتها هاذي و كي نرجع يقولي ماكيش مقبولة

أرجو من الاخوان كل واحد و نظرتو و ما يطيحوش بالمرأة الخدامة في الجيش

[رؤوف 1990]

بالنسبة للعمر كان قريتي المدي لازم تكوني اقل من 22 سنة في اوت
و كان كلاسيك اقل 23 سنة في اوت
الرتبة اوفيسي نجمة و العمل الداخل بالاك طبيب و لا بسيكو و لافي كاش بيرو.............
الملف يبدى في كل عام في 10 اوت و الدوسي يمدوهولك في المجموعة الولائية تع ولايتك
خدمة المراة في الجيش صعيبة شوية
في مدرسة و لا groupment تكون عليها العسة بزاف نضن فاهمتني اختي و يكون امراة واحدة و لا 2 و لا 3 فقط

[yasmina dz]

شكرا خويا رؤوف يعني كل عاك يفتحوها في 10 اوت الحمد لله نكون عاد ماقفلتش 23 عام شكرا

[ismailsabra88]

اذا انت من بلعباس سقسي عليها مدرسة الدرك الوطني راها في بلعباس
+
بالبنسبة لي جوندارم متعجبنيش افضل الشرطة او حماية مدنية افضل
+
كانويدفعودوسيات ملازم حماية مدنية في هذا الشهر اذا حبيتي تدفعي انا دفعت فيها
+
بالتوفيق لك ان شاء الله

[rima droit]

اخي ما هو السن المطلوب وما هو الملف انرني من فضلك وما هو اخر اجل

[rima droit]

ملازم حماية مدنية مع العلم انا سنة الرابعة حقوق وعلوم ادارية

[ismailsabra88]

اخي ما هو السن المطلوب وما هو الملف انرني من فضلك وما هو اخر اجل

السن المطلوب هو اقل من 26 سنة
والملف كباقي الملفات المتداولة .

[ismailsabra88]

انتظري اختي رايح نجيبلك الملف

[rima droit]

عيشك اخي بارك الله فيك

[ismailsabra88]

ملازم حماية مدنية
http://www.himaia.com/vb/showthread.php?t=7215

[ismailsabra88]

مسابقة توظيف ملازمي الحماية المدنية
شروط الالتحاق بمسابقة توظيف ملازمي الحماية المدنية وفقا للقانون الأساسي
الخاص بالموظفين المنتمين للأسلاك الخاصة بالحماية المدنية


- أن يكون المترشح من جنسية جزائرية،

- أن يكون متمتعا بحقوقه المدنية،

- أن لا تحمل شهادة سوابقه القضائية ملاحظات تتنافى وطبيعة نشاط سلك الحماية المدنية،

- أن يكون في وضعية قانونية اتجاه التزامات الخدمة الوطنية أو معفى منها لأسباب غير طبية،

- ألا تقل القامة عن 1.70 م للمترشح و 1.65 م للمترشحات،

- أن يتمتع بحدّة العين تعادل 15 على 10 بدون استعمال النظارات أو عدسات التصحيح، على أن لا تكون حدّة رؤية العين الواحدة أقل من 7 على 10،

- أن لا يحمل أي علامة وشم،

- أن يجتاز بنجاح الفحص الطبي والنفساني المنظم من قبل إدارة الحماية المدنية،

- أن لا يقل سنه عن 21 سنة ولا يتجاوز 26 سنة عند تاريخ إجراء المسابقة،

- أن يكون متحصل على شهادة ليسانس في التعليم العالي أو شهادة الدراسات الجامعية التطبيقية أو شهادة معادلة لهما في التخصصات المطلوبة.

تنبيه: تحدد قائمة التخصصات المطلوبة بقرار مشترك بين الوزير المكلف بالداخلية

والسلطة المكلفة بالوظيفة العمومية.


تكوين الملف

- طلب خطي،

- شهادة الميلاد أو شهادة عائلية للمترشحين المتزوجين،

- شهادة الجنسية الجزائرية،

- شهادة السوابق العدلية رقم 03،


- نسخة طبق الأصل من شهادة إثبات الوضعية اتجاه الخدمة الوطنية مصادق عليها،


- شهادت طبية (طب عام – طب صدري – طب العيون) بالنسبة لطب صدري وطب العيون تكون شهادتهما الطبية مسلمة من طرف طبيب مختص،


- شهادة قياس القامة،

- ظرفان بريديان عليهما عنوان المترشح وطابع بريدي،


- نسخة طبق الأصل على الشهادة المطلوبة أو شهادة معادلة لها مصادق عليها،



- صورتان (04) شمسيتان،


- نسخة طبق الأصل مصادق عليها من كشف النقاط للسنة الأخيرة جامعي.


- عند الاقتضاء شهادات عمل تثبت الخبرة المهنية المكتسبة في نفس الرتبة أو رتبة معادلة.


- عند الاقتضاء شهادات تثبيت تكوين المترشح في نفس التخصص أعلى من الشهادة المطلوبة.


- عند الاقتضاء الأشغال والدرسات المنجزة في نفس التخصص.

[rima droit]

اين يدفع الملف

[ismailsabra88]

يدفع في برج البحري بالعاصمة

[yasmina dz]

السلام عليكم

حبيت نسقسي نخدم الداخل ؟؟؟

و شعال الراتب ؟؟؟

[yasmina dz]

خويا تنجم تمدلنا العنوان بالكامل باش نبعثوه بالبريد ولا خصنا نروحو نحطوه ؟؟؟

[ismailsabra88]

اختي ريما شفت في احد مواضيعك تسقسي على جو في تلمسان
حابة تجي مرحبا بيك

[ismailsabra88]

وعليكم السلام

انت والتخصص تاعك قادر تقدمي برا كيما قادرة تخدمي الداخل لكن ااكثرية الداخل
اما الراتب راه مليح غير متخميش جديد يجيب قريب 4 ملايين ولا يفوتها

[rima droit]

اختي ريما شفت في احد مواضيعك تسقسي على جو في تلمسان
حابة تجي مرحبا بيك

شكرا لك اخي وبارك الله فيك كنت اسال لان في ماي الماضي صديقتي كانت هناك لذلك سالت عن الجو كيف يكون

[ismailsabra88]

العنوان
المدرسة الوطنية للحماية المدنية- برج البحري - الجزائر العاصمة
ويفضل دفع الملف في المدرسة افضل

[rima droit]

انا اعتبرها دعوى واتمنى ان ازور تلمسان لان صديقتي واخي اخبروني بان تلمسان ولاية جميلة وعريقة

[yasmina dz]

خويا راني درت السيت اللي حطيتو راك سير الديلي مازال ؟؟

[rima droit]

اخي حسب تخصصي ماهي الرتبة التي ادخل بها وهل هم يستقبلون الملفات في الوقت الحالي

[ismailsabra88]

انا اعتبرها دعوى واتمنى ان ازور تلمسان لان صديقتي واخي اخبروني بان تلمسان ولاية جميلة وعريقة

ايه دعوة لك وللجميع ومرحبا بكم في اي وقت

[aziz2tenes]

اختي الكريمة اعتقد ان اجال دفع الملفات بالنسبة للحماية المدنية قد انتهت في 11/12/2011 حسب ما اعلنوه

[rima droit]

مششششششششششكورررررررررررررررررررر

[ismailsabra88]

خويا راني درت السيت اللي حطيتو راك سير الديلي مازال ؟؟

اه هم قالو 20 يوم بعد الاعلان عن المسابقة
وهم حطو الاعلان يوم4 ديسمبر يعني حتى 24
+
ام انا والله احد الاصدقاء في العاصمة تكفل بكل شيى اعطيته الدوسي وهو دفعه

[yasmina dz]

خويا انا ليسونس علوم اقتصادية نقدر ندخل ؟؟

[rima droit]

خيرها في غيرها ربي يجيب في حاجو اخرى

[ismailsabra88]

اخي حسب تخصصي ماهي الرتبة التي ادخل بها وهل هم يستقبلون الملفات في الوقت الحالي

تدخلي برتبة ملازم

[ismailsabra88]

خويا انا ليسونس علوم اقتصادية نقدر ندخل ؟؟

ايه تقدري توكلي على الله

[yasmina dz]

لقيت ان لا يقل على 23 سنة

انا هاذ السمانة قفلت 22 سنة يعني مانقدرش ندير هاذ المسابقة

[rima droit]

اخي انا لم اتحصل على الليسونس بعد انا سنة رابعة

[ismailsabra88]

اختي الكريمة اعتقد ان اجال دفع الملفات بالنسبة للحماية المدنية قد انتهت في 11/12/2011 حسب ما اعلنوه

غيل باش يهفو الشعب انا قالولي حتى بعد 11 واستقبلو ملفات عادي

[ismailsabra88]

اخي انا لم اتحصل على الليسونس بعد انا سنة رابعة

اه صحا ملا العام جاي ان شاء الله

[rima droit]

لقيت ان لا يقل على 23 سنة

انا هاذ السمانة قفلت 22 سنة يعني مانقدرش ندير هاذ المسابقة

عيد ميلاد سعيد اختي وعقبال 100 عام انشاء الله

[yasmina dz]

rima droit (http://www.djelfa.info/vb/member.php?u=151160)

مرسي ريما ربي يحفظك بصح راها تآنيلات هاذي تاني نقارع للعام الجاي

[rima droit]

اه صحا ملا العام جاي ان شاء الله

والله خاب املي لاه منقدرش ندير في رتبة اخرى

[ismailsabra88]

لقيت ان لا يقل على 23 سنة

انا هاذ السمانة قفلت 22 سنة يعني مانقدرش ندير هاذ المسابقة

اولا عيد ميلاد سعيد والعقوبة 100 سنة ان شاء الله
هم ياخدون السن يوم الدخول للمدرسة اي لازم يكون عندك 23 وليس يوم المسابقة
اي في 2012 يكون عند 23 ان شاء الله.

[ismailsabra88]

والله خاب املي لاه منقدرش ندير في رتبة اخرى

توجد رتبة الاعوان لكن فاتك القطار
معليش راكي عاد صغيرة العام جاي ان شاء الله

[yasmina dz]

اولا عيد ميلاد سعيد والعقوبة 100 سنة ان شاء الله
هم ياخدون السن يوم الدخول للمدرسة اي لازم يكون عندك 23 وليس يوم المسابقة
اي في 2012 يكون عند 23 ان شاء الله.

زعما وينتا المسابقة و الدخول كيد قبل ديسمبر 2012 ههههههههههههههههههههه

[aziz2tenes]

غيل باش يهفو الشعب انا قالولي حتى بعد 11 واستقبلو ملفات عادي

هل تعلم اخي الكريم ان عدد المترشحين في ليسانس فقط قارب 4000 مترشح من اجل 50 منصب يعني حتى لو مددوا الاجال فاصحابها راهم باينين

[ismailsabra88]

زعما وينتا المسابقة و الدخول كيد قبل ديسمبر 2012 ههههههههههههههههههههه

انت دفعي دوسي وشوفي بلاك يتسامحو لانك قريبة من 23

[yasmina dz]

هل تعلم اخي الكريم ان عدد المترشحين في ليسانس فقط قارب 4000 مترشح من اجل 50 منصب يعني حتى لو مددوا الاجال فاصحابها راهم باينين

يا خويا كامل المساباقات راهم هاكا فوت في شهر نوفمبر مسابقة نتاع مديرية التجارة فوق 4000

هاذي هي بلادنا ماتصيش قاع الواحد يسيي زهره و بالاك ينجح

[ismailsabra88]

هل تعلم اخي الكريم ان عدد المترشحين في ليسانس فقط قارب 4000 مترشح من اجل 50 منصب يعني حتى لو مددوا الاجال فاصحابها راهم باينين

لي مكتبها ربي واحد مينحيهالكش
كلشي بالمكتوب
وان شاء الله قاع رابحين :19:

[ismailsabra88]

حتى انا فوت في التجارة اعلام الي
وين فوتي انت؟

[yasmina dz]

انت دفعي دوسي وشوفي بلاك يتسامحو لانك قريبة من 23

راني قريبالها بعام قل 4 ايام

باينة مايقبلوش ماعليش العام الجاي راح نحط فيهم كاملين جوندارم و شرطو و حماية مدنية و ان شاء الله تحكم في وحدة منهم

[ismailsabra88]

راني قريبالها بعام قل 4 ايام

باينة مايقبلوش ماعليش العام الجاي راح نحط فيهم كاملين جوندارم و شرطو و حماية مدنية و ان شاء الله تحكم في وحدة منهم

ان شاء الله
ونسيتي الجمارك ههههه

[yasmina dz]

حتى انا فوت في التجارة اعلام الي
وين فوتي انت؟


انا من الغرب انا من سيدي بلعباس ( غير حذا تلمسان مرحبا بيك عندي انتي و العايلة كاملين ) بصح فوتنا المسابقة في معسكر

[yasmina dz]

ان شاء الله
ونسيتي الجمارك ههههه


ههههههههههه ايه فكرتني الله يفكرك بالشهادة

هاذ العام فيها ان شاء الله خاطرش هذا هو الحل الوحيد في بلادنا الكاسكيطا و بس

[ismailsabra88]

انا من الغرب انا من سيدي بلعباس ( غير حذا تلمسان مرحبا بيك عندي انتي و العايلة كاملين ) بصح فوتنا المسابقة في معسكر

الله يسلمك ياسمين ان شاء الله نجي هدا العطلة
انا جيت لبلعباس شحال من مرة فوت مسابقات غير هد العام
+
انا فوت في تلمسان نهار السبت لي فات

[aziz2tenes]

لي مكتبها ربي واحد مينحيهالكش
كلشي بالمكتوب
وان شاء الله قاع رابحين :19:


ان الله لا يغير ما بقوم حتى يغيروا ما بانفسهم يا اخي ما دامنا راضيين بالبيرقراطية لي راها صاريا فالبلاد فتاكد ان الله لن يكتب لنا شيء مع هؤلاء

[ismailsabra88]

انا عندي 23 سنة كملت قراية في 2009 وراني خدام في ثانوية- لانام-
قريت اعلام الي للتسيير

[ismailsabra88]

ياسمين وين تسكني في بلعباس؟

[yasmina dz]

انا هاذ العام تخرجت

و بيانسير راني في لانام في مستشفى ( بصح مانروحش كامل ) خاطرش حنا كتر من 6 في المكتب هاذي هي البطالة المقنعة

[yasmina dz]

ان الله لا يغير ما بقوم حتى يغيروا ما بانفسهم يا اخي ما دامنا راضيين بالبيرقراطية لي راها صاريا فالبلاد فتاكد ان الله لن يكتب لنا شيء مع هؤلاء


يا خويا هاذي هي البلاد ماعندنا مانديرو

[ismailsabra88]

ايا كاش خبر جديد ولا مسابقة واحد فينا يخبر اخر
عندك سكــــايب ولا امسن؟

[رؤوف 1990]

شكرا خويا رؤوف يعني كل عاك يفتحوها في 10 اوت الحمد لله نكون عاد ماقفلتش 23 عام شكرا

عفوا ربي يوفق ويكون الاختصاص تاعك مقبول

[رؤوف 1990]

اين يدفع الملف

ملف الحماية في العاصمة
الوقت فات حبيو في 11.12
و النيفو بالديبلوم ماشي 4 جامعي

[رؤوف 1990]

وعليكم السلام

انت والتخصص تاعك قادر تقدمي برا كيما قادرة تخدمي الداخل لكن ااكثرية الداخل
اما الراتب راه مليح غير متخميش جديد يجيب قريب 4 ملايين ولا يفوتها

في الحماية ضابط 41250

[رؤوف 1990]

هل تعلم اخي الكريم ان عدد المترشحين في ليسانس فقط قارب 4000 مترشح من اجل 50 منصب يعني حتى لو مددوا الاجال فاصحابها راهم باينين

كاينة صح اخي ياخي حالة رانا فيها 50 منصب
ولد الوزير وولد الوالي و ولد مندوب.......
.............
.............................

[رؤوف 1990]

انا عندي 23 سنة كملت قراية في 2009 وراني خدام في ثانوية- لانام-
قريت اعلام الي للتسيير

خويا التلمساني
انا نقرى اعلام الي للتسيير هذا العام نشاله نكمل
الديبلوم زعما مطلوب في الخدمة واش رايك

[ismailsabra88]

خويا التلمساني
انا نقرى اعلام الي للتسيير هذا العام نشاله نكمل
الديبلوم زعما مطلوب في الخدمة واش رايك

اهلا اخي
ايه التخصص مقبول انا قبلوه عادي
+
بالتوفيق في دراستك

[ريان برهوم]

مي نورمال انا 18 اني نخدم اسكو يقبلوني ولالا نحوس نولي بوليسية

[رؤوف 1990]

مي نورمال انا 18 اني نخدم اسكو يقبلوني ولالا نحوس نولي بوليسية

مافهمت والو من سؤالك

[wahidos]

اللهم صل على محمد وعلى آله وصحبه أجمعين
السلام عليه دقائق قليلة وأجر عظيم إن شاء الله

[متذوق الألحان]

مي نورمال انا 18 اني نخدم اسكو يقبلوني ولالا نحوس نولي بوليسية
نعم اختي تقدري تدخلي كعون امن
لازم يكون عندك مستوى بين 3 ثانوي الى 3 جامعي
ليسانس تدخلي ضابط شرطة

[sofian19]

السلام عليكم
انا عمري 26 سنة عندي الثالثة ثانوي اريد الدخول في الدرك الوطني .
هل ممكن بهاد العمر وماهي الرتبة.

[sofian19]

اللهم صل على محمد وعلى آله وصحبه أجمعين
السلام عليه دقائق قليلة وأجر عظيم إن شاء الله
عليه افضل الصلاة والسلام

[متذوق الألحان]

السلام عليكم
انا عمري 26 سنة عندي الثالثة ثانوي اريد الدخول في الدرك الوطني .
هل ممكن بهاد العمر وماهي الرتبة.
لال اخي لا تسطيع الانخراط لان العمر فاتك لازم تكون اقل من 23
مزال عندك الحماية او الجمارك حاول الانخراط فيها