المساعد الشخصي الرقمي

مشاهدة النسخة كاملة : طلب هام لعبة علوم تجريبية

مسيردى
2011-12-13, 16:14
السلام عليكم
ممكن نص علمي
عن ماهية مايحصل داخل العضوية إنططلاقا من دخول الجسم الغريب مرورا بالقضاء عليه
مسيردى
2011-12-13, 18:08
من شباب من فضلكم
مسيردى
2011-12-13, 18:11
كرما لاأمرا
مسيردى
2011-12-13, 18:51
من شباب من فضلكم
منة الرحمن
2011-12-13, 18:54
عند دخول الجسم الغريب إلى داخل العضوية عن طريق جرح يتكاثرعندها يحدث تحسس الجهاز المناعي للعنصر الغريب فيلاحظ احمرارفي المنطقة نتيجة تدفق الدم و تباطؤ حركته و انتفاخ و ألام في المنطقة بسبب تنبيه النهايات العصبية الحسية.

بعدها تتدخل الخلايا البلعمية في منطقة الالتهاب لتقضي على الجسم الغريب عن طريق عملية البلعمة

حيث تتثبت بروتينات متممة على أغشية البكتيريا و تنجذب لها الكريات البيضاء و تشكل أرجل كاذبة لتحيط بها ثم تكون فجوة ابتلاع تشكل الأجسام المحللة الليزوزم تلتصق الأجسام الأولية بالفجوات الهاضمة لتفرغ فيها الإنزيمات المحللة و تتكون بذلك ليزوزومات ثانوية. و تحدث عملية هضم الجسم الغريب داخل الليزوزوم الثانوي
مسيردى
2011-12-13, 19:10
بوركت أختي سآخذ النصف الأول و أضيف بعض من عندي و نتهنى
الله يجزيكي الخير كله نردهالك في ساعة الخير كاش حاجة ماكيش فاهمتها فيزيك أو رياضيات راني هنا
منة الرحمن
2011-12-13, 19:16
بوركت أختي سآخذ النصف الأول و أضيف بعض من عندي و نتهنى
الله يجزيكي الخير كله نردهالك في ساعة الخير كاش حاجة ماكيش فاهمتها فيزيك أو رياضيات راني هنا

شكرا لك أخي ...

لكن الأمر عادي يقولك دير الخير و انساه .....

المهم أنك استفدت ... ما عنديش معلومات بزاف على الدرس هذا خطر مازال ما لحقناش ليه ...

فقط مكتسبات قبلية ....
هدوء قاتل
2011-12-13, 19:17
شكرًا لك أختي منة على النص العلمي
وأتمنى يكون أفاد الأخ مسيردى والذي دون شك أفادني أنا كذلك
لانه هذه الدروس تهاونت فيها قليلا وبالتالي لم أفهمها كما يجب
أجدد إمتناني
سـلام
مسيردى
2011-12-13, 19:20
راكي تعرفي الحالة المناعة وحدة سامطة تمتد لشهرين على 11 نشاط يعني ماتكمل منها حتى تخرج عالم
الله يقدرنا لأفعال الخير
منة الرحمن
2011-12-13, 19:27
شكرًا لك أختي منة على النص العلمي
وأتمنى يكون أفاد الأخ مسيردى والذي دون شك أفادني أنا كذلك
لانه هذه الدروس تهاونت فيها قليلا وبالتالي لم أفهمها كما يجب
أجدد إمتناني
سـلام


لا شكر على واجب أنا شويه فاهمتهم .. قاريينهم من قبل
منة الرحمن
2011-12-13, 19:29
راكي تعرفي الحالة المناعة وحدة سامطة تمتد لشهرين على 11 نشاط يعني ماتكمل منها حتى تخرج عالم
الله يقدرنا لأفعال الخير


على العكس دروس المناعة نحب نقراهم .. يبانولي خير من الدروس الأخرين ...

خاصة مع أستاذنا .. ممثل فكاهي من الدرجة الأولى .. :1::1:

تحبو نحكيلكم آخر حاجة قالهانا ؟؟؟
مسيردى
2011-12-13, 19:34
أتفضلي أختي تفضلي
منة الرحمن
2011-12-13, 19:41
شفتو هاذاك الدرس كيما نحقنو الهامستر بالأناتوكسين ...

شرح الدرس و من بعد هو وصل للهمستر للي يموت و هو لعبها حزين لأقصى الحدود ...

قالنا واش بيه مات ؟؟ واش بيه مات ؟؟ واش بيها ما ماتت ؟؟

القسم كامل قعد يضحك عليه .. الأستاذ تاعنا طويل بزاف ..

قلت لصاحبتي اللي تقعد معايا ما علاباليش بللي أمه همستر ... تصورو .. هي قداه و هو قداه ...
منة الرحمن
2011-12-13, 19:42
تعرفو تاع بطاقة التعريف الوطنية و بطاقة التعريف العسكرية ولا لا؟
مسيردى
2011-12-13, 19:54
هههههههه هامستر Lol
واش بطاقة التعريف أختي ؟
أحنا أتاذنا بقا غير يقول أناتوكسين أناتوكسين و بدينا نضحكوا عليه و زعف و ناض يهبل تحسب هتلر
منة الرحمن
2011-12-13, 19:55
أحيانا هذا الأستاذ نلقاوه متناقض مع نفسو تناقضا يدعو للضحك .. ما عرفناه يتعمد فيها و لا غير يغلط .....
منة الرحمن
2011-12-13, 20:00
بخصوص ال hla //

قالنا بللي hla i موجود عند كل الخلايا في الجسم .. و قالنا نقدرو نعتبروه بطاقة تعريف وطنية ...

بينما hla ii موجود فقط عند البالعات أو الخلايا اللمفاوية يعني للي تتدخل لحماية الجسم ... و بالتالي فهو عبارة عن بطاقة تعريف عسكرية ....

ممكن نكون خلطت بين النوعين لا تؤاخذوني لحد الآن ما فرقتش بينهم ... ممكن يكونو عكس واش قلت المهم البطاقة العسكرية والوطنية يبقاو في نفس المكان ....
منة الرحمن
2011-12-13, 20:29
نزيد نحكيلكم هذي و نخرج ....

مرة صار مشكل بينو وبين أستاذة واحد أخرى تاع علوم على المخبر ...

دخلت تلاميذها للمخبر للي نقراو فيه حنا .. مالا كي جا ولقاها ثم ما عجبوش الحال و بدا يعيط عليها ....

حنا قرينا عندو بعد الراحة ... قعد يحكينا في المشكل و كأننا راح نساعدوه في حاجة ( هو صراحة مشكل من لا شيء واش فيها كي تخدم هي في المخبرهذاك بالذات)

المهم حنا كي حكاهان حكاها على أساس راه بطل و دار حاجة ... عيط على أستاذة ههه

كي جاه أستاذ الفيزياء حكالو و ماذكرش بللي عيط عليها ... قال طبعا هدرت مع الأستاذة بالعقلية و قلتلها بللي أنا للي ديما نقري هنا ... فجأة صار يحكي فيها و يبين في نفسو إنسان لبق ...

أحكموا عليه .. و قولولي هل يفعل ذلك متعمدا أم أنه إلى هذه الدرجة من السذاجة لفعل شيء كهذا أمامنا.. ( كان قادر واحد منا ينطق و يقول لأستاذ الفيزياء بللي راه يكذب لكن حنا سترناه هههه)
مسيردى
2011-12-13, 21:11
هههه لالا شخصية أساتذة العلوم دايرة هاكة
تعرفي واحد المرة تاعنا سقا سؤال قال لبنت كيفاه نديرو باش نبينوا تأثير البنكرياس في جسم الإنسان هي من نيتها
قاتلوا نستاصلوه قالها و كيفاه نردوه سكتت
قالها نقولك الحل قاتله إيه قالها شري بنكرياس من عند الكوحل ألي يبيعوا عقاقر
هههههههههههه عقون
مسيردى
2011-12-14, 11:12
ههههه الله يجيب الخير
منة الرحمن
2011-12-14, 17:27
هههه لالا شخصية أساتذة العلوم دايرة هاكة
تعرفي واحد المرة تاعنا سقا سؤال قال لبنت كيفاه نديرو باش نبينوا تأثير البنكرياس في جسم الإنسان هي من نيتها
قاتلوا نستاصلوه قالها و كيفاه نردوه سكتت
قالها نقولك الحل قاتله إيه قالها شري بنكرياس من عند الكوحل ألي يبيعوا عقاقر
هههههههههههه عقون


هذي ما نقدرش نصدقها لأنو قرينا العام للي فات عند أستاذة أخرى كانت تمزح معنا لكن ليس لدرجة هذا الأستاذ ...

هايلة هذي .... من يدري ربما شخصية أغلبهم هكذا ؟
مسيردى
2011-12-14, 19:19
عقون تاع الصح و الله لاعقون قذافي جديد