الاخوات الى جربو رشتة ام سامى [الأرشيف] - منتديات الجلفة لكل الجزائريين و العرب

مشاهدة النسخة كاملة : الاخوات الى جربو رشتة ام سامى

توكل

2011-12-12, 20:44

السلام عليكم ورحمة الله وبركاته
اخواتى رانى حابة نجرب الرشتة ووضعت سؤال للاخت ام سامى لكنها لم تجبنى لا اعرف لما
اريد ان اعرف شحال كمية السميد والفرينة بالغرام ونصيحة من فضلكن
بارك الله فيكم

sofiane2075

2011-12-12, 20:49

اختي انا جربته و حات هايلة و نشكر الاخت ام سامي راني طبقتها و حطيتها و الكمية حسب عدد افراد عائلتك و ماتخافيش ادا جاتك بزاف جطيها في الكونجيلاتور لمرة اخرى

http://www.djelfa.info/vb/showthread.php?t=726468

islam1aya

2011-12-12, 21:05

اختي هذا رابط وصفتي والمقادير مضبوطة
http://www.djelfa.info/vb/showthread.php?t=785577
وهنا كاين 2 طرق لصنع الرشة وكل التفصيل وحتى المرق

توكل

2011-12-12, 21:17

بارك الله فيكن ان شاء الله نجرب الوصفتين
الله يعطيكم ما نويتو يارب

توكل

2011-12-12, 21:22

ام اسلام واية رايح نجرب طريقتك هى الاولى ونشوف النتيجة من بعد نجرب طريقة ام سامى

توكل

2011-12-12, 21:26

اختى ام اسلام الطريقة الاولى شحال مرة نفورها وكل مرة نزيدلها ماء وزيت كيما الطعام؟؟
وبالنسيبة ادا حضرتها كيفاش نخزنها فى المجمد
بارك الله فيك

توكل

2011-12-12, 21:28

نسيت والمرقة تقعد بيضاء؟؟
نقدر نزيد طماطم حب او معجون وزعفران؟؟؟

توكل

2011-12-13, 19:30

اختى ام اسلام نتمى تجاوبينى بارك الله فيك

islam1aya

2011-12-13, 19:51

اختي توكل الطريقة الاولى كتنشف العجينةثم تقطعيها فوريها فرغيها في جفنة وقطريلها شوية زيت وحليها بين يديك غطيها وتركها تبرد ثم زيد رشيها بشوية ماء حوالي نصف كاس حسب الكمية ماتكثريش الماء اتركيها قليلا تريح وعاوديلها التفويرة الثانية
بالنسب للمرق اجي بيضاء
اذا حبتيها صفراء ديري قليل من الكركم للون فقط على راس الملعقة الصغيرة ماتكثرش
واذا حبيتي مرق احمر ديري طماطم العلب وورقات رند
لكن اصل مرق الرشة بيضاء
اي استفسار انا حاضرة
نتمنى تنجحي فيها
كطبقيها ورهالي
مع خالص احترامي

حسنات21

2011-12-13, 19:51

نحن لا نضع الفرينة نستعمل السميد فقط , نضع السميد و قليل من الملح و نلم بالماء و لازم تكون يابسة " لا تكثري من الماء" اعجنيها 5 دقائق حتى تتماسك و ضعيها في كيس بلاستيكي و اتركيها ترتاح اطول مدة " نحضر العجينة في الصباح و نتركها ترتاح للظهر " شمري على يديك لازم تتعجن مليح حتى تبياض قسمي العجينة الى كريات و ابسطيها بالحلال " لا نضع الفرينة او المايزينة حتى لا تلتصق اثناء الطهي " ثم حليها بالماشينة و تدرجي في الارقام مثلا 1 ثم 3 ثم 6 او 7 عندما تصبح رقيقة ضعيها فوق ازار تكوني صدرتيه فوق البونكاث و خليها تشيح من جهة حوالي 15 دقيقة ثم من الجهة الاخرى في الاخير حليها بالمشينة و ضعيها في الشمس تجف " اعملي شكل الحلزون يعني لا تضعيها بالطول " عندما تجف احفظيها في علبة كبيرة حتى لا تتكسر
عندما تريدين استعمالها ادهنيها بالزيت و احترسي حتى لا تتكسر و هنيئا

حسنات21

2011-12-13, 19:57

نسيت المرق الرشتة بيضاء بدون طماطم و لا نضع فيها الخضر الا الجزر مع اللحم او الدجاج و الحمص و البصل اتركيها تفور بزاف بزاف انا افورها مرة واحدة و لا اضيف لها الماء , اترك المرق الكافي لاني لم اضف لها الماء , جربي الوصفة و لو كيلو واحد و ستذوقين البنة الهايلة تكون خفيفة رووووعة

توكل

2011-12-13, 21:17

يعطيكم الصحة ان شاء الله نجربها ونحطلكم التطبيق
بارك الله فيكم ربى يعطيكم ما نويتو يارب

أم القادة

2012-07-27, 14:03

جربتها وكانت شهية جدا جربيها ولن تندمي
مع السلامة

ahlem_22

2012-07-27, 14:16

أنا جربتها واش نقلك يعطيها الصحة هايلة