تسجيل الدخول

مشاهدة النسخة كاملة : موضوع جديد قاطو الدولار

ام سليمى
2011-12-12, 10:47
هده اول كيفية اضعها بين ايديكن واتمنى تنال اعجابكن يا بنات كيفيتنا اليوم حلوى اسمها قاطو الدولار لا ادري ادا كانت قد وضعت من ظرف احدى سيدات المنتدى من قبل او لا و لكن انا تعلمتها من اختى المهم بلا ما نطول عليكم نبداو بالمقادير صفار ثلاث بيضات و بيضتين كاملتين كاس سكر ناعم 250 زبدة كاس مايزينة نصف علبة خمارة الحلوى تجمعى كل المقادير بالفرينة ثم تطرحى العجينة و ديريها فى طوابع صغار موجودين فى المحلات اسمهم طوابع الدولار و ديريهم يطيبو ولما ينظجوا تاخدى كل نصف و تحشيه بقليل من حلوة الترك او الحلوى الشامية مخلطة مع قليل من العسل و تلصقي كل اثنين مع بعض صدقونى انا جربتها اكثر من مرة هى حلوى هايلة جربوها ومش رايحين تندموا :mh31::19::19::19:
امراة لاتقهرها الاحزان
2011-12-12, 11:32
شكرا عالمشاركة اختي من فضلك اذا تقدري تصوريلي الطابع لاني منعرفوش وشكرا
my lamis
2011-12-12, 11:42
بارك الله فيك و مرحبا بيك بصح يا ختي شهيتينا و الطابع موريتيه إذا تقدري تعيشي صوريهلنا أنا أول مرة نسمع بيه و نشالله يا ختي متكونش هذي التالية باينة اللي جي أحلى ملي فات
linat
2011-12-12, 11:51
الله يبارك عزيزتي
يعطيك الصحة
yarite kanne bisoware warili moule kifehe mdayare
ام سليمى
2011-12-12, 13:06
شكرا لكل الاخوات الى ردوا عليا للاسف معرفتش ندخل صورة الطابع سامحونى اخواتى من فضلكن الى تعرف كيفية صنع حلوة لخفاف تعطيهالى حبيت نجربو اليوم الله يجازيها الى ترد عليا:o:o:o:o
ام خديجة1
2011-12-12, 13:42
مرحبا بك اختي وحلوة شهية بارك الله فيك اما عن الخفاف كاين اخوات وضعوها من قبل تصفحي الصفحات السابقة راكي تلقايها
oum rahma
2011-12-12, 14:32
باين قاطو مليح ، الطابع تاعو مجوّف ؟ واشي هوما لخفاف بالاك تقصدي نوع حنا نسموه مقرقشات

اذا هوما نحطلك وصفة ناجحة جدا
ام سليمى
2011-12-12, 14:50
بالنسبة للاخت الى سمات الطابع مجوف نعم هما طوابع صغار كيما طوابع قاطو الطابع و مجوفين راهم متوفرين فى محلات لوازم الحلوى اسمهم طابع الدولار نعم اختى ام رحمة نظن عندهم اسم المقرقشات ايظا اعطينى la recette الله يفتح عليك راني سخفت عليهم
oum rahma
2011-12-12, 15:25
http://img101.herosh.com/2011/08/28/763241222.jpg

4 كيلات فرينة مع كيلة زبدة ذايبة

تبسّي مليح ثم تعملي حفرة في الوسط وتحطي 2بيض (إذا صغار 3)

تخلطي ثم تلمي لعجينة بماء الزهر وشوي ماء فيه قرصة ملح

تعجنيها مليح وتخليها ترتاح مليح كل ما رتاحت كانت افضل

تجيك كيما عجينة البقلاوة

تمريرها في الآلة 5,3,1 ثم تقصي أشرطة (الحبة تعتمد على طول وعرض الشريط)

أنا عملتهم متوسطين حوالي 3سم عرض و30سم طول

ثم تقليهم في زيت ساخن وغزير بحيث تحكمي الطرف العلوي للشريط باليد اليسرى والطرف السفلي تحكميه الفرشاة

ودوري العجينة حول الفرشاة حتى تتحصلي على وردة والطرف العلوي ما سيبيهش حتى تكملي

وتقلبي الحبة على الوجهين باش تطيب

كي تشوفي فقاعات في الحبات معناها صلحت ونجحت

عند التقديم زينيها بشوي عسل و جلجلان



نتمنى نكون افدتك
ام سليمى
2011-12-12, 15:37
شكرا عزيزتي ام رحمة الله يخليلك رحمة يا رب بصح قوليلي الى نقدر ندي هداك الصحن ياخي ماعليهش
هاجر 76
2011-12-12, 15:37
شكراا اختى ام سلمى على الوصفة بصح ياريت صورة الطابع باش نشروه
وشكرااا لك اختى ام رحمة على وصفة الخفاف شكلهم يشهى
akila27
2011-12-12, 15:39
بارك الله فيك
oum rahma
2011-12-12, 16:08
شكرا عزيزتي ام رحمة الله يخليلك رحمة يا رب بصح قوليلي الى نقدر ندي هداك الصحن ياخي ماعليهش


لاشكر على واجب حنا هنا باش نعاونو بعضانا ... نخدم ونبعثلك زوج صحون

جربيها راهي خفيفة وروعة انا ديما نعملها

وبصحتك
nada nina
2011-12-12, 17:06
بارك الله فييييييييييييييك
أمـــــــــــــــيرة
2011-12-12, 18:50
بارك الله فيك
remadna
2011-12-13, 03:34
بارك الله فيك على الوصفة
باينة خفيفة
توجد وصفة قاطو الدولار هنا في المنتدى لكن تجي بالبيض عادي و حلوة الترك في العجينة
الصوامعية
2011-12-14, 11:24
شكرا أختي هذي الحلوة راني سامعا بيها بصح مجربتهاش بخصوص الطابع نتمنى من كل اخت عندها الطابع نتاع هذي الحلوة تصورهولنا
punkmimi
2016-10-20, 16:27
ارجوكم اعطوني وصفات قاطو مليح للخطبة