khancha
2011-12-11, 13:54
الحاج جعيفر يابي دونك ليا لوح جناحك يابي غطيـــــني بيه
عكازة جنبي اتكسرت بيـــــــا و تـكسر فمي ماعدت نداويه
ياك الطاهر كان هو عينيا و المصباح لي كنت نضوي بيه
الحاج جعيفر يا بي رد عليا جوابني قلي الطاهر ناو شبيه
أنا نلقى فيه أو يخزر فيا ياك الطاهر عين راها شهقت فيه
عبد الله وعلاه تظلام عليا والضوء اللي كان الموت يطفيه
الجاهل من يامنك يا ذا الدنيا ومن يامنها قاع راها لعبت بيه
راه الطاهر دار ذا الخية بيا خلاني وحدي وسافر صد لهيه
ياك الطاهر تعرفو كيما خويا والكثرة من خاوتي هو نشتيه
يخلي قاع جماعتو ويجي ليا ويحكي ليا سر قلبو ضايق بيه
يشاورني ياك ومكبر بيا ياخض رايي كي رايي نا نعطيه
فاتح دارو قا قبة مبنيا يضحك من قلبو ولكذب خاطيه
صاحب قع الناس ارجال وذريا الضيف يلا جاه يضحك من عينيه
وشهودو في لاخرة هم في الدنيا شهدلو بالخير أهلوا ومواليه
صورو مانع كان امحوّط بيا خلالي ذا الفج نا ما طقت عليه
قلبو طيب طابعو صفو النيا ولي قصدوا راه في القصد يهنيه
حيطي نايا راب أو طاح عليا ومكانش محال من غيرك يبنيه
هو فرحي كي تضياق عليا نرفد همي نجملو ندهكل ليه
من بعدك ويناه ايحن عليا ونحكيلو سر , قلبي ضايق بيه
جاني خبرك في صبحة شتويا ديسمبر بالذات خمس ليالي فيه
احداعش والفين في الميلاديا ذا تاريخ خلاص ما عدتش نمحيه
الطاهر وعلاه صديت عليا وياك تواعدنا العام نحجو فيه
عندو قاع الناس قيمة مسويا ولي قصدو قاع محال ينويه
الطاهر معروف في الإدريسيا وياك الجلفة كاملة تتحدث بيه
مكانش كيما الطاهر في النية لي عرفو قاع من قلبو يشتيه
من حرقة لفراق عيني بكايا ويا سادة وعلاه نا نزاهد فيه
ادموعي عالخد سالت جرايا وياك الطاهر بالغالي نا نفديه
القلب تمحمح والكبدة مشويا ما عدتش ناكل والنوم نجافيه
او خيالك ما يفارق عينيا ويبعدني كي نقرب نايا ليه
يا قلبي في صاحبي دير مزيا وادعيلو بالخير ربي يلطف بيه
يا قلبي وعلاه اتعذب فيا هذا حكم الله نرضى ونرضيه
ياك الطاهر راح من دار الدنيا فعلو للخيرات ضرك يفرح بيه
يلقى دارو في الجنة مبنية وذوك الحوريات راهم فرحو بيه
جاور في قلبو الزوجة المحضيا ناداتو ليها وما صبرتش عليه
يحملهم ربي هو او هيا في الدنيا زوجة وفي القبر مساميه
يا سادة نا خاطري ضايق بيا نكتب ذا الكلمات للطاهر نرثيه
ونبعث لعمران ذا خط بريا يصبرني ونصبرو الجرح نداويه
وكلامي معروف يفهم معنايا حكم الله بالكاينة لازم نقضيه
الطاهر خلا دارو مبنيـــــــــــا رجالة وبنات الاسمو تحضيه
سلملي على الحاجة دير امزيا خاوة واخوتات الكل نعزيه
بن سالم دحمان كتب القصيا على الطاهر صاحبو يتباها بيه
يا ربي يا خالقي حن عليا أنت عالم بالقلب وما يخفيه
يا ربي يا خالقي عال العليا يا ستار استر قلبي من جهليه
صلي يا ربي على جد رقيا والعشرة لصحاب اهلو وأهليه
صديق المرحوم
الشاعر : بن سالم دحمان
الزعفران في 05 / 12 / 2011
الموافق ل : 10 محرم 1433
عكازة جنبي اتكسرت بيـــــــا و تـكسر فمي ماعدت نداويه
ياك الطاهر كان هو عينيا و المصباح لي كنت نضوي بيه
الحاج جعيفر يا بي رد عليا جوابني قلي الطاهر ناو شبيه
أنا نلقى فيه أو يخزر فيا ياك الطاهر عين راها شهقت فيه
عبد الله وعلاه تظلام عليا والضوء اللي كان الموت يطفيه
الجاهل من يامنك يا ذا الدنيا ومن يامنها قاع راها لعبت بيه
راه الطاهر دار ذا الخية بيا خلاني وحدي وسافر صد لهيه
ياك الطاهر تعرفو كيما خويا والكثرة من خاوتي هو نشتيه
يخلي قاع جماعتو ويجي ليا ويحكي ليا سر قلبو ضايق بيه
يشاورني ياك ومكبر بيا ياخض رايي كي رايي نا نعطيه
فاتح دارو قا قبة مبنيا يضحك من قلبو ولكذب خاطيه
صاحب قع الناس ارجال وذريا الضيف يلا جاه يضحك من عينيه
وشهودو في لاخرة هم في الدنيا شهدلو بالخير أهلوا ومواليه
صورو مانع كان امحوّط بيا خلالي ذا الفج نا ما طقت عليه
قلبو طيب طابعو صفو النيا ولي قصدوا راه في القصد يهنيه
حيطي نايا راب أو طاح عليا ومكانش محال من غيرك يبنيه
هو فرحي كي تضياق عليا نرفد همي نجملو ندهكل ليه
من بعدك ويناه ايحن عليا ونحكيلو سر , قلبي ضايق بيه
جاني خبرك في صبحة شتويا ديسمبر بالذات خمس ليالي فيه
احداعش والفين في الميلاديا ذا تاريخ خلاص ما عدتش نمحيه
الطاهر وعلاه صديت عليا وياك تواعدنا العام نحجو فيه
عندو قاع الناس قيمة مسويا ولي قصدو قاع محال ينويه
الطاهر معروف في الإدريسيا وياك الجلفة كاملة تتحدث بيه
مكانش كيما الطاهر في النية لي عرفو قاع من قلبو يشتيه
من حرقة لفراق عيني بكايا ويا سادة وعلاه نا نزاهد فيه
ادموعي عالخد سالت جرايا وياك الطاهر بالغالي نا نفديه
القلب تمحمح والكبدة مشويا ما عدتش ناكل والنوم نجافيه
او خيالك ما يفارق عينيا ويبعدني كي نقرب نايا ليه
يا قلبي في صاحبي دير مزيا وادعيلو بالخير ربي يلطف بيه
يا قلبي وعلاه اتعذب فيا هذا حكم الله نرضى ونرضيه
ياك الطاهر راح من دار الدنيا فعلو للخيرات ضرك يفرح بيه
يلقى دارو في الجنة مبنية وذوك الحوريات راهم فرحو بيه
جاور في قلبو الزوجة المحضيا ناداتو ليها وما صبرتش عليه
يحملهم ربي هو او هيا في الدنيا زوجة وفي القبر مساميه
يا سادة نا خاطري ضايق بيا نكتب ذا الكلمات للطاهر نرثيه
ونبعث لعمران ذا خط بريا يصبرني ونصبرو الجرح نداويه
وكلامي معروف يفهم معنايا حكم الله بالكاينة لازم نقضيه
الطاهر خلا دارو مبنيـــــــــــا رجالة وبنات الاسمو تحضيه
سلملي على الحاجة دير امزيا خاوة واخوتات الكل نعزيه
بن سالم دحمان كتب القصيا على الطاهر صاحبو يتباها بيه
يا ربي يا خالقي حن عليا أنت عالم بالقلب وما يخفيه
يا ربي يا خالقي عال العليا يا ستار استر قلبي من جهليه
صلي يا ربي على جد رقيا والعشرة لصحاب اهلو وأهليه
صديق المرحوم
الشاعر : بن سالم دحمان
الزعفران في 05 / 12 / 2011
الموافق ل : 10 محرم 1433