خطيبي يخونني

[مشكلتي]

خطيبي يخونني مع فتاة
كنت اظنه يحبني لكنه خيب ضني
راني غي نبكي على سواد السعد نحوس نموت او الانتحار لانني لم احب في حياتي عندي 29 عام و ليس لي ماضي ما مشيت ماعرفت راجل في حياتي
نعم انا ساذجة انا بهلولة انا جايحة كرهت حياتي لانني احببته انه خائن
البارح كنت في عرس و بصفتي ارتدي حجاب بالاعراس و لا احب المنكرات و العري و العرس مختلط نتاع الفاميليا رحنا قعدنا في بيت لوحدنا حنا لبنات جلست مع بنات كي اتجنب الكاميرا و امي كانت في العرس هي عجوز كبيرة عرس وليد عمة بابا
كانت معنا فتاة
حكت لنا رواياتها الغرامية مع احد الشباب فاذا بها قالت اسمه ؟؟؟؟ مافقتش بالصح نهار بدات تحكي وين يسكن وين لقاتو و عندها الفايس بوك نتاعو و هو قالي مانعرفش الف ايس بوك و راه حرام و نميرو التيليفون جاتني الغنطة و ماصدقتش و سكتت و مابينتش راني عارفا لاخاطر البنت هاذي ماتعرفش خطيبي بدات توريلنا في الميساجات و شمن مساجات هاذا رونديفوات و لاخر غزل؟؟؟ و لاخر كلام الحب لي نحشمو منو شفت النيمورو نتاعو هو بالذات و كانو معانا لبنات كانت معي صديقة فاقت بيا تبدل وشي قالتلي يالله نروحو نسقمو رواحتينا نسلمو على لعروسة و وشدتني في الطريق للبيت نتاع لعروسة قالتلي وشبيك قلتلها هو؟؟ قالتلي مين قلتها خطيبي الخوان
معها
قالتلي تأكدي لاخطر لفيونسي ديالك متربي ووليد فاميلية قلتلها شفت النيميرهو بالدات
ربي رايحا نموت و راني غي نبكي على سواد السعد لي حطني في هذا لمسخ
دوكا و كان نفسخ الخطبة تبهديلا قدام الناس و تانيت وش نقول لبابا و يما ؟؟؟؟
مانيش حابا خلقتو
رايحا نهبل قولولي نصارحو و لا نسكت و كيفاه ندير على المصيبة لي طاحت عليا راني شديت رحي بلبزاف حابة نقتلوووووو وفوق هدا كلو يبان متربي بلبزاف و ماهوش نتاع الطوايش؟؟؟؟ تحت السواهي دواهي
راني وسط النار و لبكا من بارح كرهتووووووو درت فيه لامان الخداع لي ما يسواش
دبرو عليا نفسخ خطبتي واش نقول ليما و بابا دبرو عليا ماعنديش اختي الكبيرة لي توريني صح انا بهلولة
كرهت حياتي واش اداني للزواج كنت لاباس عليا الله لايتربحوووووو
ياخاوتي جابوني واش ندير ؟؟؟؟؟؟ نقولو ؟؟ ولا نقول ليما و بابا نفسخ تبهديلا قدام الناس ؟
كرهت رحييييييييييييييييييييييي
جاوبوني بدون كلام جارح svp

[/زهرة عصفور الجنة/]

يا أختي عليكي التأكد أولا من الرقم يمكن أن تخطئي في رقم واحد .تأكدي بعدها صارحي خطيبكي لاتتسرعي في الحكم عليه اختي وان شاء الله مايكون غير الخير لا تقلقي

[pierre pearl]

السلام عليك يا اختي الله يهون عليك هذه المشكلة ...صح وااله لا موقف صعيب بزاف و معقد لكن عندكي عدة حلول و اولها صلاة الاستخارة ...اولا احمدي ربي مازال ما تزوجتي .تقدري تقولي راكي في بر الامان...تاني شيء حاولي تصبري بعض الوقت و تراقبي تصرفاتوا معك بدقة يعني تشوفي ادا راه en attentولا لا خصوصا في وقت الليل و ب appel masq و كي تكشفي عليه اي حاجة و تتاكدي مليح واجهيه و حاولي تجيبي les preuves من بينهم هذك الطفلة و كي يستعرف واجهي داركم و دارهم ...هكذا تكوني درتي كامل واش عليك و كي يسمعوا ناس يعرفوا بالي هو المخطىء .....و انت تكوني ريحتي ضميرك و بلا ما تنسي بلي هذه مكاتيب الله و ربي يحب لعباده غير الخير..استغفري الله و صلي و كثري من الدعاء و ربي يسهلك ان شاء الله

[قطوفها دانية 2]

حسبي الله ونعم الوكيل

ربي يعوضك خير منو يارب

[miri_27]

السلام عليكم و رحمة الله تعالى و بركاته شكرا عزيزتي لانكي فتحت قلبك و حكيت عن مشكلتكي الخاصة أولا عزيزتي يجب ان تتأكدي قبل ان يقع الفاس في الراس و لماذا سميت بفترة الخطوبة حتى يتعرف كل واحد على الاخر و يندمج معه لانه هذي حياة راكي رايحه تبنيها، عزيزتي صارحي خطيبك وواجهيه بهذه الفتاة حتى و لو إقتصى الامر انك تحضريها عندكم في البيت و تفتحين معه الحوار و لا تنسي ان الفتيات يغرن من بعضهن البعض فربما مقلب وضعنه لك . و ثانيا و هو الاهم إذا سمح الله و كانت هذه المشكلة موجودة فعلا فمن الاحسن ان يبرر لك عملته فإن كنت مقتنعة بكلامه و بتبريراته اللهم بارك و ان كنت غير مقتنعة أخبري أهلك قبل ان يفوت الاوان و بالنسبة للعمر 29 سنة مازلت في عز شبابك و الف واحد يتمنى أخلاقك و تأكدي انه سوف يندم على مافعله و على الالماس الذي لم يحافظ علية و اخيرا فإن الله عزوجل هو هداية لنا صلي صلاة الاستخارة و الي فيها الخير ربي يجيبها و إنشاء الله ربي يهون عليك و على جميع المؤمنين و المؤمينات

[sarl02]

مكان لاه اتكبريها وتعملي مشكل من لا مشكل.....انت المهم راه خاطبك انت و راه زوجك انت ...واش دخلك معامن يحكي ولا لا ......ممكن مر بلحظة ضعف ممكن نزوة عابرة ...ممكن ما بيناتهم والو ... هنا ايبان الدور تاعك من جيهتو ..حاولي تجبديه ليك كثر واياك ومكاشفته بهذا الامر لانو اتاكدي ستكوني انت الخاسرة.

[كاشف النصابين]

اختي في الله

صارحي خطيبكي و ستعرفين الحقيقه

اعرف لو تكلمت سنتقدني العديد من الاعضاء فلهذا كلمي خطيبكي و ستعرفين الحقيقه و لا تتسرعي في شيء

[اية الرحمن1988]

السلام عليكم
الخيانة أصعب شيء في الحياة يقيس الإنسان بزاف
لكن واش نقلك يا أختي ممكن هادي لحظة راكي غير تخممي بنظرة سلبية إتجاهو وجاتك صدمة
هدئي من نفسك شوي وراجعي أفكارك وأتأكدي مليح مرة أخرى من البنت ولا واحدة من صحاباتها راقبيه فترة معينة
حتى تكوني متأكدة مليح بعدها صارحيه لأنك مستحيل تنظري ليه كيما قبل وتبقى ديما حاجة في قلبك
صارحيه بكل شيء ويكون عندك دليل خاطر إذا ظهرتي غالطة تولي ثم في قلة ثقة وترجعي أنتي الغالطة
إذا ثبتلك واش دار شوفي أنت ودرجة أقتناعك بواش يقلك
صلي دايما صلاة الاستخارة واللي فيه الخير ان شاء الله يكون
الله يفرجها عليك

[دكتورة بإذن الله]

السلام عليكم و رحمة الله تعالى و بركاته

اختي الكريمة ربي يكون يعونك و لما البكاء و ماذا ستفعلين بالبكاء لا شئ

اريد ان اقول لك لا تتسرعي

لربما و لله العلم يكون يعرف الفتاة قبل ان يخطبك و راسلها بالرسائل تلك فحينها لا يمكنكي محاسبته على ماضيه

بل تحاسبيه منذ أن بدأ معك انت و تعرف عليك و خطبك بمعنى الفاصل بهذا حداثة الرسائل التي رأتها

اذن

تأكدتي ان الرسائل قديمة ام لا من ناحية تاريخها ؟

هل الرقم رقمه بالفعل ام انه خيل لك جراء الصدمة ؟

و ان تأكدتي انه خلاص هو 100/100 صارحيه لما يفعل هذا ؟

ان صارحك بالحقيقة امنحيه فرصة اخرى

و ان نفى مع وجود الدليل القاطع ...هنا برايي انسحبي من حياته و لا تكلفي نفسك بالعيش مع مراوغ لعوب

و وضحي الامر لوالدتك و هي من تخبر اباكي او ولي امرك بعلته الدنيئة

و بعدها فارقيه بالتي هي احسن و ربي يهديه و لا تقولي الناس و ما الناس الافضل الانسحاب بأول الطريق

احسن من البقاء مع شخص خائن مرتبط بفتاة من الناحية الاجتماعية و الشرعية و يتخذ صديقة و كأننا في الغرب او لست ادري

لذلك تاكدي قبل ان تتصرفي اي تصرف تندمين عنه و ادعي الله ان يكشف لك المستور و استخيري جيدا

و بالله التوفيق..

مع التحية..

[nour_20]

السلام عليكم ربي يصبرك حاولي التأكد من الرقم عند البنت وماتتسرعيش حتى تتاكدي وهادي من وقتاش تعرفو قبل ما يخطبك او بعد الخطبة؟؟؟؟؟؟ انت تاكدي من الفترة الي تعرفت عليه فيها ممكن كان يعرفها من قبل والآن يحاول يتزوج ويستقر معاك كاين شباب تعرفوا وخرجوا معا لبنات والآن يحوسوا يتزوجوا أكيد مراحش يقولك حاجة مش مليحة عليه باش متكرهيهش وترفضيه
ما تقلقيش وماتبكيش بزاف هكذا راح تتعذبي حاولي بالشوية تحلي هاد المشكلة ان شاء الله ما يكون غير الخير اختي

[الدكتور سام]

تاكدي ان كان ما تحدثت عنه تلك الفتاة كان من قبل او بعد الخطوبة فلربما كمن كان قبل ما يخطبك و اياك ان تتسرعي و تخبريه باالامر و اعلمي كدلك ان هناك من يخترع الاكاديب من اجل ابطال الزواج.

[حسينة 36]

الله يهون عليكي هذه الصدمة

لا تتسرعي وتاكدي من صحة الكلام والعلاقة لربما ملعوب

اذا وجدتي الامر حقيقة وصحيح يخونك حاتولي استدراج الفتاة باي طريقة لا تلفت الانتباه واعلمي التفاصيل هل مازال معها ام لا راقبيه جيدا واذا تأكدتي احكي مع اخوكي يراقبه اكثر واكثر واذا تاكد هو كذلك واجهيه بالامر مع الفتات في بيتكم او في مكان عام بالخارج خاصة اذا كان يواعدها وشوفي ردت فعله

وانت وقناعاتك معه لربما اقنعكي بخطئه وتسامحيه وربما لا كل واحد يشوف طريقو
وليست نهاية العالم مادمتي صافية مع ربي واش يهمك في لعباد الزواج مكتوب من عند ربي

والله يرزقك الزوج الصالح

الله يصبرك في الخيال الواحد ما يقدرش يتخيلها وين يشوف بعينيه

الله يستر علينا واتمنى تكون مجرد شكوك

[ناصرالدين الجزائري]

ليس عليك التأكد من صحة تلك الأخبار .. بل عليك طرح مشكلتك على أهلك و بكل التفاصيل .. فوالدك هو المخول بالتحقق في الأمر و التحدث مع خطيبك ...
و احمدي الله .. فاليوم هو خاطب فقط .. فماذا لو كان زوجك ...
فلعل الله جعلك تكتشفين حقيقته قبل أن ترتبطي به و حينها ستكونين مخيرة بين العيش في الشك و المشاكل و بين الطلاق و تحطيم حياتك الزوجية ...
فلا تياسي و لا تحزني .. فانت لم تفعلي شئ تحزنين عليه .. و اصبري و احتسبي ...

و لا تنسي ان الذي لا يخشى الله لن يخشى خيانة العباد .. و من يخونك مرة سيخونك مرات أخرى ...

و كان الله في عونك ...

[moonlight19]

اختي اديك حالتين ان كان يعرفها قبل ان يخطبك فهذا شيء عادي و لا تخبريه
و ان كان يعرفها و انت مخطوبة له و مازال يتحدث معها فما عليك سوى مصارحته طبعا بعد ان تتاكدي جيدا
و حاولي ان تفهمي يماذا يفعل هذا الشيء وان لم يقنعك فافسخي خطوبتك احسن لك
والله اعلم
ربي يوفقك

[حلاوة_87]

يا اختي راكي قلتي بللي البنت كانت تحكي على مغامراتها وحكايتها...ممكن تعرفت عليه قبل ما يخطبك....يعني كي قريتي الميساجات نقصك تشوفي تاريخهم..
ومادام معرفتيش قبل ما تواجهيه او تقولي لاهلك..شوفي اذا كان يطيل في المكالمات...بالعادة وين يمضي وقته راقبيه من غير ما تحسيه بهذ الشيء...اذا حكمتي عليه اي شيء اخبري اهلك وواجهيه...
واوصيك بصلاة الاستخارة فما خاب من استخار..
وربي يجيب اللي فيه الخير.

[احمد مستغانم]

الشبعة بنت الكلب

[طيب القلب]

حذاري عليك التأكد من صحة الرسائل لأنك إن صارحتيه بالمشكلة نتوقع نتيجتين
1- قد لا تكون الرسائل صحيحة و بالتالي تقعي في الإحراج ونتوقع يفسخ خطوبتك وتندمي على مافعلتي
2- قد تكون الرسائل صحيحة ربما يعتذر ربما يفسخ الخطوبة بسبب صعوبة الموقف
وتبقى حلول الأعضاء مجرد آراء القرار لك عليك التشاور مع الأقربين منك في عائلتك و الإستخارة و لا تتسرعي بالتوفـــــــــــــيق

[امبراطور البحر1]

لو تمالكتي نفسك لحطتها وطلبت هاتفها مدعيتا ان رصيدك 0 وتريدين التكلم مع امك لدقيقة ومن ثمة تنادينه بهدا الرقم او تشوفي وحد ةتخدم في الجيزي وتعطيك لستوريك تاع المكالمات النتاعو وتاكدي من وجود رقمها .لتعرفي كيف تتصرفين .

[امبراطور البحر1]

التلاعب بمشاعر الغير جريمة عظيمة لا تغتفر فهذا ان صح ما تقوليين انسان مستهتر لا يعلم ماهو مقبل عليه فهذه رابطة مقدسة وعظيمة فاذا كان هذا تصرفه الان فلا اطنه يقدر تحمل مسؤولياته مستقبلا.هذا حال الكثير من الشباب والبنات فلا تقلقي اختي الكريمة حيال هذه الخيانة فاصبح هذا النوع من الشباب منتشر وبكثرة وليس هذا معناه انها احسن منك بل هي انسان تافهة وعديمة الضمير .وانطري سبحان الله لما يريد الله عز وجل بانسان خير يبين له ذلك فكيف هي تحضر الى العرس نفسه التي تحضريين اليه وتجلسيين معها في نفس الغرفة ووتكلمك على شخص يتبين انه خطيبك اليس هذا الامر نادر الحدوث.(وعسى ان تكره شيء وهو خير لكم وعسى ان تحبوا شيء وهو شر لكم)

[riteje]

اختي انا ننصحك انك تحكي معاه وتواجهيه لانو السكوت ما راحش ينفعك و حاولي تستيه يكدب ولا لا لانو ادا كان يكدب من درك مبعد حياتك معاه كيفاه راح تولي لانو الحاجة الي تبنى على لخدع ما تدومش

[محب السلف الصالح]

يا أختنا في الله لا يغويكي ذا الشيطان

لازم تصبري وتدعي الله أن يهديه

الدموع لازم تكون في سجودك لله

والدعاء أن يصلح حاله ويرجع لرشده

ثم أكيد سيتغير بعد الزواج

وبيدك تغييره هذا والله أعلم

ونسأل الله أن يصلحه ويبارك فيه

وأن يجمع بينكم بخير

[الزبرجد]

خطيبي يخونني مع فتاة
كنت اظنه يحبني لكنه خيب ضني
راني غي نبكي على سواد السعد نحوس نموت او الانتحار لانني لم احب في حياتي عندي 29 عام و ليس لي ماضي ما مشيت ماعرفت راجل في حياتي
نعم انا ساذجة انا بهلولة انا جايحة كرهت حياتي لانني احببته انه خائن
البارح كنت في عرس و بصفتي ارتدي حجاب بالاعراس و لا احب المنكرات و العري و العرس مختلط نتاع الفاميليا رحنا قعدنا في بيت لوحدنا حنا لبنات جلست مع بنات كي اتجنب الكاميرا و امي كانت في العرس هي عجوز كبيرة عرس وليد عمة بابا
كانت معنا فتاة
حكت لنا رواياتها الغرامية مع احد الشباب فاذا بها قالت اسمه ؟؟؟؟ مافقتش بالصح نهار بدات تحكي وين يسكن وين لقاتو و عندها الفايس بوك نتاعو و هو قالي مانعرفش الف ايس بوك و راه حرام و نميرو التيليفون جاتني الغنطة و ماصدقتش و سكتت و مابينتش راني عارفا لاخاطر البنت هاذي ماتعرفش خطيبي بدات توريلنا في الميساجات و شمن مساجات هاذا رونديفوات و لاخر غزل؟؟؟ و لاخر كلام الحب لي نحشمو منو شفت النيمورو نتاعو هو بالذات و كانو معانا لبنات كانت معي صديقة فاقت بيا تبدل وشي قالتلي يالله نروحو نسقمو رواحتينا نسلمو على لعروسة و وشدتني في الطريق للبيت نتاع لعروسة قالتلي وشبيك قلتلها هو؟؟ قالتلي مين قلتها خطيبي الخوان
معها
قالتلي تأكدي لاخطر لفيونسي ديالك متربي ووليد فاميلية قلتلها شفت النيميرهو بالدات
ربي رايحا نموت و راني غي نبكي على سواد السعد لي حطني في هذا لمسخ
دوكا و كان نفسخ الخطبة تبهديلا قدام الناس و تانيت وش نقول لبابا و يما ؟؟؟؟
مانيش حابا خلقتو
رايحا نهبل قولولي نصارحو و لا نسكت و كيفاه ندير على المصيبة لي طاحت عليا راني شديت رحي بلبزاف حابة نقتلوووووو وفوق هدا كلو يبان متربي بلبزاف و ماهوش نتاع الطوايش؟؟؟؟ تحت السواهي دواهي
راني وسط النار و لبكا من بارح كرهتووووووو درت فيه لامان الخداع لي ما يسواش
دبرو عليا نفسخ خطبتي واش نقول ليما و بابا دبرو عليا ماعنديش اختي الكبيرة لي توريني صح انا بهلولة
كرهت حياتي واش اداني للزواج كنت لاباس عليا الله لايتربحوووووو
ياخاوتي جابوني واش ندير ؟؟؟؟؟؟ نقولو ؟؟ ولا نقول ليما و بابا نفسخ تبهديلا قدام الناس ؟
كرهت رحييييييييييييييييييييييي
جاوبوني بدون كلام جارح svp




السلام عليكم

من الصعب أختاه أن يشعر بك إلا من صام مثلك كل هذا الوقت الذي هو حوالي 15 سنة ابتداء من سن البلوغ

ليس من السهل على أمثالك أن تغمض عينها عما رأت من خطيبها

نصيحتي لك أن تتأكدي أن علاقات خطيبك استمرت حتى بعد خطبته لك ....فإن كان كذلك ...فبكل صراحة ما يستاهلكش



و الحل أنك ترفعي القضية بالفاء و النون إلى الوالدين (طبعا ان كانت اسرتكم لا تأخذ بمبدأ الراجل ما يتعيبش كما هو حال الكثير من الاسر الانهزامية ) ....و تفسخ الخطوبة و كل واحد ربي يعطيه على حسابو

حدثت قصة مشابهة لقصتك تماما و انتهت بفسخ الخطوبة في المسجد بعد صلاة الجمعة و باعتراف صريح من والد الخاطب أن المخطوبة لا عيب فيها وإنما العيب من الخاطب و أمام كل المصلين ....و الغريب في الامر ان كلا العائلتين معروفتين بصلاحهما إلا الخاطب الذي خرج عن السرب

[صُبح الأندلس]

مكان لاه اتكبريها وتعملي مشكل من لا مشكل.....انت المهم راه خاطبك انت و راه زوجك انت ...واش دخلك معامن يحكي ولا لا ......ممكن مر بلحظة ضعف ممكن نزوة عابرة ...ممكن ما بيناتهم والو ... هنا ايبان الدور تاعك من جيهتو ..حاولي تجبديه ليك كثر واياك ومكاشفته بهذا الامر لانو اتاكدي ستكوني انت الخاسرة.
و هل هو زوجها حتى تخسره ؟ في ستين داهية إن كان يخونها من الآن و تصبر نفسها بما تفضلت
تأكدي أولا أختي من خيانته و إن كان الأمر صحيحا فاتركيه فلا خير في المنافق الذي يلبس زي التقوى و الورع أمام الناس و لا يراعي الله في خلواته