تسجيل الدخول

مشاهدة النسخة كاملة : راني حاسد ...........

صالح رابح الجزائري
2011-12-05, 21:10
............راني حاسد........

راني حاسد حتى العطر اللي درتيه
ومشلوش ممحون من ذيك الحنة
وكحل العين نسولك كيف اعدلته
من سحرو راني مخدر بالمحنة
قوليلي محبوبتي عطرك نشريه
حابب نعرف قصتو كنه البنة
من باريس اصحيح اتعودي جبتيه
واللا اهدية عاشقاتك تستنى
عطرك ذا محظوظ ملي كان ألهيه
على جالك معصور من ورد الجنة
اما كحل العين؟
...... في الهند ارسمتيه
قوسو يجرح.....
........نشاب قاصد يقتلنا
والحنة هي الشوق وشعلتيه
في بوقالة مولاتها من مزغنة
ريحة حرفي شادة لمحبة فيه
شكون اللي يطفيه صوتو فشلنا
راه ايعيط في الجمر يتلذذ بيه
صابر في العذاب ساجد يتمنى
نص اقصيدة يخطها والشعر ايجيه
ويترجم قاموس حبك يتهنا ...؟؟؟...
khancha
2011-12-12, 17:33
............راني حاسد........


اما كحل العين؟
...... في الهند ارسمتيه
قوسو يجرح.....
........نشاب قاصد يقتلنا
...
ذكرتني ببيت لجرير عد في الشعر العربي أغزل بيت قالته العرب
إن العيون التي في طرفها حورر // قتلنن ثم لم يحيينا قتلانا
يصرعن ذا اللب حتى لا حراك به // وهن أضعف خلق الله إنسانا

استمتع وأنا اقرأ لك أخي صالح
&محبة الجزائر&
2011-12-18, 18:43
يسلموووووووووووووووووووو
petrova
2012-01-01, 02:23
الله يبارررك
و الله بزااااااااااااااف عجبتنييي

دمت عاشقا لكحل العين
و حاسدا لعطر الزين
حتى تمطرنا بروائعك في كل حين
...
تقبل مروري المتواضع
مبتداة في المجال
تحيرت نرد بالدارجة ولا بالفصحى
ان شاء الله في القادمة
...
..
.
مجنونة شفافة
chicou
2012-01-02, 08:20
هـــــــــــــــــــــــــــــــــــايل

مشكوووووووووووووور أخي