أدخل البحر تعوم

[boutbel]

* قصيــدة صبــر ستنة طـال غيــــابو توحشنـــــا *

قلتولي الصــابر يصبــــــر ينــــال ------ و شكـــون كيفــي انـــا صبـــــرو

و عييت صــــابر يــا نـاس شحـــال ------ و لحقت صبـر حـتـى فــي قصرو

و لـقـيـتـو امهــنــي مرتــاح الـبـــال ------ و اللــي صبــر كــيـفــو يشكــــرو

قلتـلــو وينتـــى تتغييـر لـــحــــــوال ------ و نصحني و فادني و حكالي سرو

قـــالـــي ســتــنــــة حــقــك مـــازال ------ و لــيـــــام قــــادر حــيـن يــدورو

و انــا صبـرت و ضـري طــــــــال ------ و حــب نـــاديــة انعاني مــن حرو

الحــب يــاك يــــذووب لـجـــبـــــال ------ واش يقدنـــي نصبــــــر لضـرارو

سلطــان طووع انـســا و رجــــــال ------ و مكــاش واحــد كيفــــي قـهــــرو

قالـــي صبــــر وديــــر الأمـــــــال ------ و اللــــي انســاك يجيــــه انهـــارو

مــهـمــة تــغــرب لـــيـــام طـــوال ------ مـــول الــنـيـــــة ربــــي نصـــــرو

قلتلـــو انســانـدك و لكـن ميثــــــال ------ و انـــــا الـورد انــــحــب انــــوارو

خايــف نــاديـــة كالوردة تذبــــــال ------ و فيهـــا القلــب و لكبــــدة ينـغـــرو

انــا مـاعشقتهـــا أجـــل الجمـــــال ------ حبــهـا كـــوانـــي مصــعـــب نـــارو

انهيـــن عمـري و نمـوت حــــلال ------ و طــال فراقــهــــا لــيـــام امـــرارو

رانـــي انعـــانــي بلحـب هبــــــال ------ كيـــات نــاديـة ديــمـــة يصــطــــرو

نــاس الغـاليـــا طلبــولـي محــــال ------ و زيـــن غـــالــي عــلـيـــا مــهــــرو

طلبـــو اسيغـــى منــي و لــمــــال ------ الـفــقــيـــر ديمــــة طـــايــح قــــدرو

ربــي اوكــيــلــو ذاك الـــبـــــدال ------ و اللــــــي انســــانــي نســكـن جــارو

مـاعنـــدوش نـية عــاشــق مـلال ------ كـلام المــــحــــاســـد اللــــي غـــــرو

رانــــي انــقـــارع رد الــســــؤال ------ لـــو كـــان فالــقــبــر اروح انـــزورو

نبكـــي و نطلـــــب الله تـعـــــــال ------ يرزقـــو بلعمـــــر يتفتـــــح بصـــــرو

رحــــت نشكــي نبحـث و نســـال ------ و الحــب مالقــيت الحـاكــم غـــيـــرو

هــوا الـقــاوي طـــووع ابطـــــال ------ انــتــيـــج آدم طــــــالـــــت عمــــــرو

الحـب عـــاشــر كـــل الأجيـــــال ------ و ينتـــى يمــــوت يجــيـنـــي خبــــرو

انــهــار مـوتــو يــاك حـتــيفــــال ------ و روح للمـديـنــــــا انضـهـــر قبـــرو

انوري الجاهـــل غـرب و شمــال ------ العـــشـــاق كــلــهـــم لازم يحضــــرو

كــل عـاشـــق يصــبـــح بـــطــال ------ يهنـــاو يرحـمـــو من بعـد انحقــــــرو

و يعــــود ســوم الغـــالي بريـــال ------ و اللـــي بســعــــدو يطلــــب زهــــرو

المجموعــة الصــــوتيـــــة :
واش نــصـــبـــر واش انخبــــي ------ عييـــت صـــابـــر طــــال عـــــذابـــي

و بقات نـاديــــة جمـرأ في قلبـي ------ و لــحــــب رغــــم علـــــيـــا امــــــرو

نكرتنـــــــي الحبيبــة ليـــا ربــي ------ خلــــــي الحســـــــــود فــــيـــا يهــدرو

file:///C:/Users/MISSOU/AppData/Local/Temp/msohtml1/01/clip_image001.gif

تمــــــت عـــن قــــائلـــــهـــا : بـوطبــــل بخيـــرة

يــــوم : 26/09/1998



2

* قصـيــــــدة فــراقـــــو مشـــكل *

مــــالـــو حبيــبـي يـا عمـري مـالــو ------ عليـــــا تغـــرب و تغيييــر حـــالــو

عييــــت صــابـر و يــامــو طـــالـو ------ و عــلاش مــارســل مـا سـال عليــا

بكــإ عيــاني بـــدمـــع و ســــالــــو ------ رشـــانــي غــرامـو و لحـب ديــالــو

و نبــــات ســـاهـر نحلـم بخيــالـــو ------ و سلمــت عـقــلـــي ليــــه هــديـــــا

و الله ســهــل فيــــا و عطـــالــــــو ------ هـــانـي مـا تعــذب مثلـي و صرالـو

فيـا مـــا يخمــم مـا يشغـــل بــالـــو ------ و انــا رصملـــي في قلـبــي كيــــــا

الغـــالـي شيطنـو علــيــا جيــــــاح ------ بعـد المحـــبـــة و نــكـــرنــــي راح

قلبــو امهنــي عــايــش مــرتــــاح ------ لحــبـيــب قصــتــــو تنعـــاد قصيـــا

مـن يــوم غييـــب فـارقــت النــوم ------ خـلانــي انخمـــم عـايـش مهـمـــــوم

و كيـــف نعمــل و نديــر اليـــــوم ------ مــازال بــالـــــغ فــيــــه الــنــيـــــــة

فيــه ضنيـــت حســبــت يـــــــدوم ------ سهرنـــي الليالـــي مثــــل انــوجـــوم

خـلانــــي انعاني فـي بحــر انعوم ------ عـــذبـــنـي الجــافــي بــهــــدل بـــيــا

و الله مـا نسيتــو لحضــة من بالي ------ كـلـهـا الــدنــــيا بــســبـــابــو خــالـــي

نبكـــي من فراقـو و نقــول الغالي ------ خـاتـــم الــذهــــب مـــاهـــي فـضيــــا

يلومنـــي الهـــانـي و اللــي لبـاس ------ و الله يـعــلـــم بــجــمــيـــع الــنــــــاس

مـا قـــدرت ننســـى نقطــع ليـاس ------ الـــحــــب نــــارو تــــاكـــــل فــــــيـــا

و اللـــــي بغيتــــو قلبــي يهـــواه ------ مـحــــال كــان الــغـــالــــي نــــنــســـاه

واش نـعــمــل مــكـــتـــــوب الله ------ فـي عــبـــدك يالله تـــعـــمـــل امــــزيــا

حبيبـي عــــلاش تغــرب سنيــن ------ خـلانــــي من فراقــو نبـكي و حزيـــــن

انـــا مــا عشقتـو من أجل الزيـن ------ ويــنــتــى يــحـن يــنـــتــامـــــي لــيـــــا

و علاش ياخســارة قلبو ينسانـي ------ فضلتـــو فـي حبــابـي راح و خـــلانـــي

الحـب فعــلا اغلــى مـلــفـــانــي ------ و لقــاتــل مـا يـــقـــد يــخــلــــص ديــــا

و شتــــى الدانــي نعشـق نكـــار ------ و شـعـلــت بـــيـــدي فـي قــلــبــي نـــــار

و الله يــعــلـــم بـيــا مــا صـــار ------ رافــــع السمــــإ عــالـــــم لـــخــفـــــــــا

مـا نيش هــانـي قلبـي مجـروح ------ ســاهـــر الليالـــــي و لعيـــــن تنــــــوح

ويــــن نــتــــاوى ويـــن اروح ------ بــــلانــــــي الله و لـــحــب بـــلــــــيـــــا

الجـافـي انساني و انـا و علاش ------ اللـي كــــيـــتــــو كـــيـــــا مــا تبـــــراش

قلبـــي حنيــن و قلبـو مغشــاش ------ انــــا رشــــانــــي فراقــــــو ميــزيــريــا









3





قصيـــدة * شـــــوق النــــار امخبــــــي *

ربــي اوكيلـــك يا بنـــت النـــــــاس ------ و اللي صرالـــي بسبابــــك صــــــار

وعديت من فراقـك غلبــة و هــواس ------ و من يوم غبتـــي ما هنيـــت انهـــــار

العيـــــن تحلـــم ما طـــاب انعــــاس ------ و شـــواق حبــــك فــي قلبـــي نـــــار

انــا انعـــــــاني ونــتــــــي لابــــاس ------ و عليـــك عديـــت همــــوم كبـــــــار

مـــــازال فيـــــك انفكــر هســــــاس ------ و راني حكايــا من جــــــار الجـــــار

لو كــان جيتــــي قلبـــك حســــــاس ------ تواصلـــي امعايـــــا هـــــذا المشـــوار

نبكــي مـــن فراقــــك قاطـع ليـــاس ------ محـــال غيــــرك انديــــر الــــــــــدار

انـــا حياتــــي راحــــت خــــــلاص ------ و الدنيـــا ما بقــات تســــاوي دينـــــار

ضــــاع صغـــري ضـاع الاســـاس ------ كـــلـــهـــا حيـــــاتــي ولات امـــــرار

ذقـــت المحــايــن و شــاب الـــراس ------ و بقــــــات غـــــيـــــر الكيـــــا اثـــــار

الحــب راه جــــرحني بمـــــــــواس ------ و طـــــاف قلبــــي فيــــــه الاضــــرار

سبابــي عيـــونــك رميات رصـاص ------ مــا حــن قلبــــك صنعــــو نجــــار

و ماهــوش محـــال يكـــون انحــاس ------ جافـــي امصـــــدي فيـــــه ازنجــــار

و لبخيــــل عنــدو دوبــل فــــاص ------ اوبــــــوه علـــى العبــــد النكـــــــــار

يبغـــــي اشطيــح يتبـــع لعـــــــراس ------ و مـــراى حبيـــــب و مـــراى غــدار

بيــــك يالجـــــافي حاجيـــت النـــاس ------ و قلـــت مصعـــــب هــــذا الإطــــــار

رانــــي اليـــوم ننــذر في لا جونـاس ------ و اللـــي عشــــق مـايبقـــــاش خيــــار

و اللــي حبيــب يرجعلـــو جوســـاس ------ و ربـــي خلـــق العبــــــد الغيـــــــــار

وجهــــت ليهــم هـذا القيصــــــــاص ------ قــــلــيــل الأدب يــــــربــــح العــــار

و شحـال تبعونـــــي عيبــاد ارخــاس ------ و كـــل واحـــــد حامــــــل منشـــــــار

و كلــت ربــي مـــا فيــــــها بــــــاس ------ و اللــــي كاتبـــــة مـن عنـــد القهــــار

و راني في بحـر ما عنـدوش السـاس ------ و بقيــــت وسطـــو عايـــش محتـــــار

ســـاهــر الليـــالـــي مثــل العســـاس ------ و نــوم غــادر مــن عينـــي طـــــار

عقلــي تغـــرب ســــافـــر حــــواس ------ و صبــــــح مايجينــــي مثــل ازيـــار

عنـــد الحبيـــــبــــة راح الـــونــــاس ------ عقلــي الـــداتــــو كحلـــــت لشفــــــار

ببـــاها حرمنــــي كونــــــو تــــراس ------ و عـــــلاش يرفـــض هــذا القــــــرار

فرقنـــا الجاهــــل و هـــدم اســـــاس ------ و بكــــا عيـــــانــــي بدمـــع امطـــــار

خلعــــاتـــو اشبعــــة ذاك الخمـــاس ------ و عـــطــاه ربـــي و شبـــــع انهــــــار

وزعـــــت سري في كـــل ابــــلاص ------ و زوخ مـــا ستفـــــــادو بيـــــه اتجـار

و دفلــــة مــا يقـارع فيــــها غــراس ------ مـــحـــال مــنـــها يـــاكــــل اثــمـــــار

مهــمـــا تنـــــوور وردها ينقــــــاس ------ فيهــــــا خســــــــارة ذاك انـــــــــــوار





file:///C:/Users/MISSOU/AppData/Local/Temp/msohtml1/01/clip_image002.gif
تمت عن قائلها : بوطبل بخيرة

يوم : 19/10/2001



4


* قصيــــــدة خليفتـــي عــلــى ربــي *

عشقت البخيل الجافي وقلبوحديـــد ------ خليفتــي عـــلـــى ربــي خــــلانـي اوحيــد

و بقيت بيه انقصص بلساني انعـيـد ------ و نقـول الزهـر ماعنديش و نكرني الحبيب

غير الهموم عليا بسـبابـــو تـــزيـد ------ مثـل القمـر غــــوانـــي و سمـــــإ بعـــيــد

مازال العزيز بحبو فـي قلبي جديد ------ مـحـال و لا غيـرو يــشــفـيــنـــي طبـيــب

هـوا غريـب امهَنـي و انـايـا نسـال ------ و بقات كييتـو مرصُومـإ و في عَيني خيال

انويـت فيه السنة و لفرض لحــلال ------ عـزو الله عـــليـــا و نـــيـــــة حــلــيــــــب

اليوم من فراقو نبكي و دمعة تسيل ------ ربـي اوكيــــل الجافـي سَهرنــــي الليـــــل

غــاب راح انسانـي و خلاني هبيل ------ ما بغــاش ربـي يهديــه هــذاك الغْــريـــب

و عـلاش هذا المكتوب عليــا الدّاه ------ و بقيـت بيــه انعــانــي قلبـــــي مـــانســـاه

بيـه فَـارْقـت النوم بْـــلانــــــي الله ------ فـــي حَـر شُـوق غْـرامـو خـلانـي انطيـــب

عقـلي راح تْغَرْبْ و هَجْرو الزيـن ------ و لقلـب راه يعــانـــي بْلــكِــيَــا حْــزيـــــن

انـــا الحُـب امرني و ناس حاسيين ------ و اللي عشق يْتمَحْــــنْ من حقــــو يْسِيــــبْ

رانـــي حزيـن نتألم كوانـي الغرام ------ و اللي طلـبـتــو فالزيـن مـا هوشــي حــرام

و علاش الحسُود تْقطَع ويزُورو الكـلام ------ نَحْكي للجْبَل يعذْرنــي في امـــري العاجيب

من بعد كان غْزالي ونْكَرْني و راح ------ حـتى الصَيـد كْرَهتـو خَــبـــيـــتْ السّـــلاح

و بْقيـت شَاغـل بَالي قلبي مارتاح ------ و نقــول غيـر الغالــي عمـري ما نصيــب

انا تقدرت عليا و رْماني المْكتُوب ------ و نـاس غَلطــو حَسبـو غـاويـنـي شْــبُــوب

و انـا بحال الشْمعَة سَهرانا تْذوب ------ النـار تاكـــل فيــهـا و دْمــعــة تـــــريـــــب

غيـر انـا و شمعة انْباتو ساهريـن ------ ربـي كْتـب عــلـــيـنــا رانـــا صـابـــريــــن

خسارة الحسود لاموني القَوم العاجريـن ------ و اللــي يْـلــومـو العاشـق و ْيرْبحُـو العَيْــب

الشْمعَة نارها مْقدِيا و ناري كْثَـــر------ عْلـى نَـاديـة نْتعَــذب مـا فـــادنــــي صـبـــر

و ضحيت مثل المْيت مَدفُون في قْبَر------ انـا غيـرهــا مــا نَعشَـق و فْراقْــهــا صْعيب

كْرَهت كُــل الدْنيــا راني انْعِيفْهــا------ و اللــي سَلْبَتْ عقـلـي جْــرَحْــنـي سِيفْــهـــا

لو كان فالقْبر مدفونا روح انضيفها ------ انْخَلـي وْصَايْتِـي دْفنُوني فـي جْنبهَا قْريــب

يا ناس نادية مُشْكيلَة و تْلفْلي ماصيرهــا ------ عـاهــت بيهــا نفســي مْكَــــاش غِيــــرهـــا

مـالقيــت حتى وحدة و اللي انْدِيرْها ------ ما قْـدرت ننسَــاهــا و عْمَلــت الــف تَجْريب



file:///C:/Users/MISSOU/AppData/Local/Temp/msohtml1/01/clip_image003.gif
تمت عن قائلها : بوطبل بخيرة

يوم : 25/11/2001









5

قصيـــدة * عمـــي فاجـــي همــــي *

اللــــي يفهــم لو كـان حتى مـا يقــراش------ يفهمنــي واش حكيت و يفســر معـنايـا

تبــدل هذا الزمان فــضـــح ما خـلاش------ رانـي بـــيـه انعيـــــد للنــاس حــكايـــا

شفـت المرأى اليوم ربات المصطـــاش------ لبســت ســروال طويــل تركـت لعبايا

حتـى الصابي راه امو ما يـرضعهـاش------ يرضــع غيـر القــوط يخرج ماذيـــــا

يكبـر قلبــو قاصي وشانق ما يحمدهاش------ كلامي حـق و نحكيه و نخليه اوصايا

العـاسل صمـاط وراه ذوقو ما يحــلاش------ حتـى امو امشــات راهـــي مجلـــيــــا

غيــر جبـاح بقـــات خالـيا مــا فـيهـاش------ مثـــل جبــال امشــاو منهــم بـــدويــــا

شوفـــو هـذا الجيــل يشرب ما يرواش------ الضالم يشكـي مضلوم وعيونـو بكايـا

راه الباطــل سلطــان و معــاه اشــواش------ يدعــي في نـاس اليـــوم ترجع للجهليـا

و بقـى صـور الحـق يرجـم ما يعــلاش------ هــوا مـا عنـــدو حبيــب يعطيــه هديــا

و لغالي قدرو طاح و صبح ما يسـواش------ و اللـي كــان ارخيــس تكلف ياخـويـــا

و صبح سومـو مرفـوع يطلـب قـــداش------ هـذا اخيـر الحـال ويـام انــيــــهــــايـــا

اللي يحتاج حبيـب في جنبو مـا يلـقـاش------ من غير ضحـك اسنـيـن يلمــع امرايــا

وراه اللمـط انــزاد حتـى فـــالتـيــنــاش------ وخايـف كـان يجــوع لسنيـن الجــــايـا

ازمان كونو مليك كرشو ما يشــبعهاش------ الخيــر مــا بيــن يديـه مشتــاق الحريا

و سمع مني نوصيك روح و ما تبطاش------ و ذكـر ذوك النـاس اهــم عـــــرايـــــا

و لبشـر وسـط جبـــل لعمـى ما يشفاش------ يعلـــم غيــر الله بســـــرارو مخفـــيـــا

يـاك سامع باصـير سبحانو ما يسهاش------ عطـاني قـادر موعيـن هـذ الهيــوايــــا

نحكي كلمت الحق لو كان ماتحبوهاش------ نحمـد عظيــم الشـــان ارزقنـــي بعنـايا

محال يسها و ينوم في علمو ما تخفاش------ و مــهــمة كـان العبـد مـــايعلــم بـــيـــا

عمــي سؤلـــي ليــك فهمنـــي كيفــاش------ حتـى فيــا عزيــت هـــذ الخمــريــــــة

اللي صـراحا مفهـوم ونت ماتفهمهاش------ امري مـابيـن يديـك و رفضـت القاضيا

قلب المومن ما يكون بخيل و مغشاش------ وانـــا بـــلانـــي الله رغــمـــا عـــلــيــا

حـاول ربـي يهديـك حتـى ما تفرقناش------ لـو كـان طالبـت اصنـم يعمـل امزيـــــا

قلبـي فيـه الكيـات لجبال مـا تحملهاش------ جبتلـك ربـي جــاه و ختـيـــم الأنبـــيـــا

حرمتني حرام عليك يا عمي و علاش------ راه فــراق ثنـين هــم و ميزيـــــريــــا

و اللـي فرق لحباب الجنة ما يدخلهاش------ و عنــد الله تـــكـــون عنـــــدو معصيـا

و ضالـم ويـن يروح ذنبـو ما يتمحاش------ و انـا جــابـــنـــي المكتـوب نمشي بنية

قلتلـك راني مغبون و نعاني ما نهناش------ رانـي رايـــح اروح في باطـل ضــاحيا

خايـف انـا انمـوت نبكــي ما نلقهــاش------ لو كـان انكــون تراب ندعــي مولايــــا

يستاجب ربي حين قادر مـا يخليهاش------ و كيمــا مـت تمـوت تـرحـــــل مدنــيــا

انـا و قلبـي طـاف رانـــا مـاقــديـنـاش------ حيـاتي ولات همـوم غلبــة و شفـــــايــا

لو كان فيك الخيـر تقـدر ما تحرمناش------ و لو كـان رانــي عديــــم تسلمهــا ليــــا

الحـب عليـا جـار و سـنـت فــــــراش------ عييــت انكـابـر و رشيـت فشلت عضايا

و اللي عنـدو نيـف بنتو ما يعززهاش------ رغـاب الرجـال يبـان ناقــس عقــلــيـــا

ويـح اللـي بنتـو بلغـت مـازوجــهــاش------ قـــدرة فــوق النــار تطبـخ مــــــرمـيــا

مثـل اللــي يطعـم جفــنـا ماعمرهـاش------ تعـود النـاس تقــول يفخـر بغــرفــيـــــا

يصبـح مـثـل الكـذاب عهدو ما يوفاش------ راح الشــارف و نيــف و لكلــمـا منفيـا

هــذ الدنــيا خــايـــال فيـها ماتدعــاش------ انـت واش كسبـت مـا كسبـو الأغنيـــــا

شفتنـي فقيــر الحال في كسبـي مكاش------ مكـان عــنـدي مـال تـكـبـرت عــلــيــــا

و لخيـر عنـد الله الذكـر ما تنســـــاش------ قـادر يرزق عــبـدو بــرزاق اقـــويـــــا

إلـى قصدك ضيـف منـو ما تتبـــراش------ خيـرو يـاك معــاه ويزيـــدك اشـــويــا

6

وسوم الدنيا ارخيس غيرمـــاتقيمهاش------ رانــا فـيـهـا سـواح فـي عطلـة صيفيــة

عـاش فيها فرعـون جاهـل ما يتلغاش------ و حسبهـا لـيـه الــدوم تبـقـــالـو ملكيــــا

اونوح النـابـي طالـت عمـرو عــــاش------ اكثـر من تسع 09 قرون مثـل الثـــانيــا

سألــوه عليــها نــاس يا سيد الأعراش------ انتـايا طوولت50 خمسين وتسع 900 اميا

قاللهـم طعـم الواد كلــي مـا رحنـــاش------ كـــنـــا فـيـه صبـاح وجــــيـنـا لعــشـيــا

الدنيــا بيـت الغـر واحـد ما يملكهـاش------ و الـلـي يعشقهـا راح في بحـــر الهاويـا

تأكـد يـوم الراحيــل يـاك ما ندوهـاش------ نـدو غيـر فـعــال الحـســنـا و الـســيــا

عمـي نشـهـد عليـك من بعـد تنـعــاش------ كيــمــا قـاتـل الــروح يخلــص الــديـــا

جـابنـي ليـك المكتـوب و نـت بتقلاش------ و قلتلـك راك طبـيــب و تعــالج الكيـــا

قصتك خمس05مرات وترجعني بلاش------ و تقلـــي بنتــي خـلاص راهــي معطيا

و انـا مثل يتيـم و نخمـم ما نعبـــــاش------ و لقــوم اللــــي عديـــان تتفرج فيــــــا

جرحني هذ السيـف جرحــــو يبراش------ محــال كـان تفـيـد قـلــبـــي عـمـالــــيا

اللـي ينادي امريض ضرو مايتخباش------ حليــل العاشق مقـواه و عيـونو معميــا

سدقني طول الليل ساعة ما نرقدهاش------ صـابـر فـي حكـم الله و لحــب بليـــــــا

لو كان ما هوش الحب ليها ما ندناش------ و لو كان حتـى تكـــون نجمــة قطبـيــة

انا لو كان قدرت سدق ما نعشقهـاش------ لكن راهي نـار فـي قـلـبـــــي مقـــديـــا

و سلبت عقلي راح سافــر مـا ولاش------ مثلـو مثــل غريـب مـاجــــات بــــــريـا

طـال علــيـا الزمـان و نـزاد توحاش------ رانـي نبكــي و نـوح بدمعــة جـــرايــــا

انـا ما نيشي غول بنتك ما نكلهــــاش------ و لا شفتني ثعــبــان اذيـــت الأبـــريـــا

عطيهاني خاف الله عندي مانغبنهاش------ ويـلا قــــدرت انــديــــر لــيـها جـاريـــا

ولأ نجري وراك لو كان ما نبغيهاش------ امـــرنــي بــيــهـا الله نـديــها هــــيـــــــا

شفتهازوجتي في منام واناما نعرفهاش------ تـسـع 09 سـنيـن اقـبـل مــاشفـت بعينـيا

عطاتني عاهد امتين رصمي مايتخلاش------ قــالـتـلـي و بشــر راك امـــي و ابـويــا

عندي في نومي جات و تنقشنا نيقاش------ قـالــت انعـيــش امعــاك و تعيـش معايا

نضـت بيها مفتون من صيفتها دهاش------ ويــــن مكمـــول الزيــن فتشـت غطــايا

حكيت الرؤيا للناس لكن ما فكوهـاش------ قـلـتـلـهـم رانـي نمــت البـارح جنـيــــــا

و كتمت سري خليت مكتوبي فتــاش------ و طـلـبـت الله تــكــون زوجــة حــلالــيا

تسع09 سنين حساب عيني ماشافتهاش------ عام سبعى 97و تسعين ضهرت فالسيابيا

شفتها في لباس طويـل و عقلي شاش------ فسرت حلم الزمـان و ثـبـتـــت الــرؤيـــا

من ذاك اليوم بقيت غيرها ما نتمناش------ محـال كـان انويـت فـــي عـشــق صبيــا

توعدنا وعد صحيح والله ما يخيبناش------ كتبلـي ربـي مكتـوب و لعكــس انــتــايــا

بيها ذقت العذاب و مقوانــي يـــالاش------ و علاش صرالي هاك قصتـــي قاصـيــا

بقات في قلبي نار تسنـي ما تطفـــاش------ مكـان مثــلـي عشــاق عشــقــو بهـوايـــا

بسباب كبار لفام غارو ما قــالـــوناش------ بـيــهــم كـان الفـراق قــوم العكلــيــــــــا

أنا صحتي رشات راحت مانجبرهاش------ و بقيــت عايـش اوحيـد فرحـت عدويـــا

ونت عمي غشموك بلهدرة ما منهاش------ و اللــي سوولتـــو رخيـــس قطعلك فيـــا

لسانو مثل المنشار قاطع ما يحفــــاش------ ولـد حيضــى و نـيـفــاس مكــان ثرايـــا

كـذاب ولـد حرام ياك ما يستحيـــــاش------ مثلـو مـثـل بــهــيــم بـيــدون اقــرايـــــا

الحقيقـة اللـي نمام فمو ما يهدرهـــاش------ ونت بغيــــت الشيطـــان يرفعـلــك رايا

هــذي كلمت حق و انا ما نجحدهـــاش------ و اللـي خـادم محـــال مــا ترجـع بايــا

عند العرب الحلوف اصلا ما يتربــاش------ و اللي يربيه اجهل ما عــنـدو ذاكــيـــا

file:///C:/Users/MISSOU/AppData/Local/Temp/msohtml1/01/clip_image004.gifتمـت عــن قائـلها : بـوطبـــل بـخـيـــرة

يــوم : 29/10/2001

* قصيـــدة خــــلانــــي وحـــــدي *

انـــا و عــــلاش صــرالــي هــاك ------ ضيعــت صغـري و خســرت امعـاك

انتـــي امهنـــي و انــــا نهــــــواك ------ محــــال غيـــــرك مـــا نجبــر حــــل

يـــا نـــــاديــة الله بــــلانـــي بيــك ------ يــــاك رغـــــم علـــيــــا نـبــغـــيـــك

طــــول عمــــري نــتـــألـم بـيـــك ------ مــازال حبــــك نـــارو تــشـــــعـــــل

لــو كــــان نحكـــــي بيـا ما صـار ------ انــا حكـــايتــــــي و تفــتـــت لحجــار

و نتــي و حبـــك فـي قلبـــي نــار ------ بيـــك نــــــاديـة رانـــــي نــتـــبهـــدل

ديمــة انخمـــم فيــك و محتــــــار ------ و رانـــــي حكـــايــا مـن جــار الجــار

و طــاح قـــدري من بعــد خيـــار ------ و نتـــي عنــــدي اكـبـــــر مشكـــــــل

ونتـي جافـيـا مـا عنــدك ضــامير ------ مـن نهــــار غبتــــي مــانــي فـي خيــر

و سبــاب ضـري حبــك خــاطيـر ------ مكــان كـــيـــف انـــديــــر و نعــمــــل

عــلـيــك انــا نهـــدي عمـــــــري ------ انتـــي الحمـــامــة و انـــــا قــمــــــري

واش نــــعـــمـــل هــذا زهــــري ------ و اللـــي عشــق مــن حقـــــــو يــنــــذل

مكــان غيــرك عنــــدي حـيـــات ------ رانــــــي انعـــانــــي وروح فـــنــــــات

و بقـــــاو قلبـــي فيـــه الكيـــــات ------ انـــا اللـــــي ضــالــم نــســـتــــــاهــــل

ربــي بــــلانـــــي و شــر بعيـــد ------ و نــتــــي قــلـبــــك انضـــــن حــديــــد

و انــا انعـــانــي عـايـش اوحيــد ------ و لعيـــــن تبكــــي دمعــــي يــهــطـــــل

ربـــي عطــاك و سهـــل فـيـــــا ------ و معـــاك قــلـــبـــي بـــــالـــــغ نــيـــــة

و عـــلاش فيــه رصمتي كــيـــا ------ عملـــــتـــي الشــر فيــــا و لـــبـــاطــــل

عليــك رانـــي مثــــل المجنــون ------ الله غــــالــــب يـحـــســــن الـــعـــــــون

ربـي بلانــي صاحيــب الكـــون ------ و نتـــي حـاسبـتنـــــــي انـــا بــــاســـــل

بيــك شفــت الغلبـــــة و لـهـــــم ------ انـــتـــــيـــــــا بــــشـــــر و لا صــــنـــم

و قلبـــك لحــمــإ و لا عــظـــــم ------ ردي عـــــلـــــــيــــا واش يــــعــــطــــل

هــذا الــواقـــــع مـاهــو ميثـــال ------ انــا مــا نحــبـــك اجـــل الــــجــــمــــال

و مـا نيـــش طالــب منـك محال ------ مكـــان غــــيـرك و نـــتـــي افـــضـــــل

انـــا خـوك و نكرتـي يـا ستوت ------ و بغيتــــي الفضــــى ترجـــــع يــاقـــوت

مـا دوم دنـيـــا كــايـن المـــوت ------ الــــدنـــيــا بــنـــادم مـــنــهـــا يـــرحــــل

اللــي مكتــوب منـو ما تهربيش ------ و الله امــــرنــــي مـــعــاك انــعــــيـــــش

و الدنـيا كلها غيــرك ما عنديش ------حبـــك يـــــا نــــاديــــــة و علــيــــا حصل

المجموعة الصوتية :

انــــا الضالــــم و انــا حبيــــت ------ و بقــيــت وســــط البحــــر انـــــواصـــل

كـنــت غــالـط فيـك و ضنـيـت ------ حـــبـــك فــيــــــــا راه ســــتـــخـــصــــل

من نهــار غبتــي محـال هنيت ------ انتـــــي هـــانـــــيـــــا و غيـــابــك طــوول

file:///C:/Users/MISSOU/AppData/Local/Temp/msohtml1/01/clip_image005.gif


تمت عن قائلها : بوطبل بخيرة

يوم : 19/11/2001