ليس لدي مشكل

[مشكلتي]

السلام عليكم
أنا فتاة في الــ 29 من عمري
نلبس حجاب شرعي وعلى خلق ودين والحمد لله بشهادة غيري
وجمالي متوسط يعني كيفي كيف الشيرات الكل
مشكلتي أني ما عنديش مشكلة تصوّروا
بعد هذا العمر الكل ما حبيت حتى واحد وأصلا ما عنديش فضول أني ننظر لأي رجل أو شاب
لأني ما نشوفش واحد مميز على الآخر نشوف فيهم الكل كيف كيف يعني رجال نصف المجتمع وصافي
ما حسيتش بانجذاب لواحد فيهم من قبل وحتى كي واحد فيهم يبعثلي مع أي شخص بأني عجبتوا وحاب يتكلم معايا ما نصدقوش ونرفض حتى الفكرة
وزيد قبل هذا الكل نخاف من ربي سبحانوا
غادي نوصل للثلاثين من عمري ومازال ما حبيت حتى واحد
وكي يقولولي الشيرات بأنني غير طبيعية كنت نقوللهم بأني نخاف ربي والحب والعلاقة بين الجنسين حرام
ولكنني خفت لا نكون صح غير طبيعية
في رايكم أنا صح غير طبيعية؟؟؟
وكيف أعرف إذا كنت طبيعية أم لا؟؟؟
يعني لاااااااااااااازم نحب لكي أعرف بأنني طبيعية؟؟؟
ردوا عليا يا خاوتي وخواتاتي والله غير راني محتارة وغادي نهبل من التفكير
خصوصا كي نقرا هنا في هذا القسم مشاكل الحب وما أكثرها نقول غير أنا اللي مارانيش كيف الشيرات الكل

[/زهرة عصفور الجنة/]

أظنكي الوحيدة الطبيعية من بين كل هذه البنات اختي فأصبحنا نسمع ونقرأ عن قصص حب بدأت في سن12 او أقل.كم هو سعيد من سيحظى بك ز وجة له .

[samssou]

اختي راكي صحيحة وربي يكملك يارب والحب اختي بعد الزواج والله المستعان

[نسائم الهدى]

لا تنزعجي يا أختي
رانا كلنا في الهوا سوا كما يقال
تصوري أنا يقولولي
ما عندكش قلب عندك جبل جليد بين ضلوعك
صح كلامهم هذا يوجعني ودي فوا كي نتفكروا نبكي
مي نرجع ونقول لروحي
المهم نكون صافية مع ربي سبحانه وتعالى والباقي كله هباء سواء
ويا ليته يرضى والأنام غضاب
يا مقلب القلوب ثبّت قلوبنا على دينك
أدام الله عليك وعلينا نعمة الهداية يا أختي وثبّتنا عليها إنه على ذلك قدير
وكما قالت أختنا العزيزة منى
أنت الوحيدة الطبيعية من بين أولائك البنات فلا تغيري
سلااااااااااااااااااااااااااام

[أبو أنس المسيلي]

لا ينبغي ان يفتح قلبك الا لزوجك كي تعيشي حياة هنيئة وسعيدة

[adlan18]

ههههههههه و الله غيرضحكني رأي صحاباتك تحبي كاش واحد ولا ماكيش مرأة
الله المستعان

[mamia20]

السلام عليكم يأختي و الله رانا غير كيفكيف و هدرة تاع ناس هبلتنا بصح نشوفو حاجة لي لبينا و بين ربي باش هاك كي نحبو نحبو ازوجنا و يكون حب صافي و يرضى بيه الله و اللهم ما يرزق جميع البنات ازواج صالحين اميييييييين

[yasmina dz]

ربي يجيب الخير

[سجل أنا جزائري]

رانا كامل كيف كيف أختي حتى أنا يقولي 25 سنة و قريت جامعة و ما عندك حتى وحدة !! تجيهم غريبة

كون تبعي هدرة الناس يرجعوك مهبولة و مش نورمال

كملي في الطريق تاعك و ما تتأثريش بيهم قوليلهم نهار القيامة واحد ما راح يتحاسب في بلاصتي

[tarek1987]

في زمننا هذا الشيئ الطبيعي يصبح جنون لذا أنت غير عادية لأنك لم تسايري النهج السائر وسط الشباب والشابات من علاقات فيما يسمى حبا للأسف الشديد فالعلاقة المشبوهة توصف حبا وما شابه .
لكن الحب الحقيقي هو ان تحب الله بطاعته وطاعته أن نتجنب قصص ما يسمى الحب -الغير الشرعي- هذا
خليك هكذا ولو وصفوك بغير الطبيعية فهذا فخر لك
سلام

["راجية الجنة"]

السلام عليكم

وعلاش مكش طبيعية متسمعلهمش راكي طبيعية وحنا الي منالش طبييعن

لانك ماشيةعلى شرع الله

ربي يثبتك على دين


و لا كان على الزواج اولا مزلتي صغيرة وثانيا راهو مكتوب ربي ورزق

انت ادعي ربي وسلمي امرك اليه

[الجلفاوية]

بعد هذا العمر الكل ما حبيت حتى واحد وأصلا ما عنديش فضول أني ننظر لأي رجل أو شاب
لأني ما نشوفش واحد مميز على الآخر نشوف فيهم الكل كيف كيف يعني رجال نصف المجتمع وصافي
السلام عليكم ...هناك فرق بين انك لم تعيشي قصة حب وبين انك لا تشعرين بالميل اتجاه الرجال...اما ان كانت الاولى فبارك الله فيك واعانك على تحصين نفسك وان شاء الله سيرزقك الله زوجا صالحا يصونك....اما ان كانت الثانية اي انك لا تشعريين بميل لاي انسان او انك لا ترغبين في الزواج او شيئ من هذا القبيل فاعتقد ان تلك مشكلة فيل الرجل للمراة وميل المراة للرجل شيئ طبيعي وفطري والا لما كنا....احسبها الاولى فان كانت كدلك فلا تعيري الامر اهتماما وموفقة ان شاء الله

[محب السلف الصالح]

وربي الكعبة لا يوجد أحد طبيعي مثلك

بارك الله فيك نسأل الله أن يثبتك


ويبارك لك في عمرك على طاعته

إذن في هذه الحالة نحتاج دعاءك

[youcef salah]

كانت عندي أختان عازبتان ماكثتان في البيت . مشكلتهما أنهم ملتزمتان لا يخرجان كثيرا إلا مع العائلة . وكانتا جميلتان
واحد العجوز كانت تاتي عندنا وتقول لأمي رحمها الله : شوفي بنتي كل يوم تعرف واحد وكل يوم يجوها الخطابة رغم أنها ماهيش شابة فقط تعرف تلبس وتدير الماكياج وتروح الحمام والسوق . أما بناتك رغم الجمال حتى واحد ما يتزوج بيهم خطرش ما يخرجوش وطول العرس وهما لا بسين حجاباتهم .
النهاية : تزوجت أختاي من رجلين متدينين وعاملان ولهما اليوم أولاد
تلك الفتاة لم تتزوج بل تلاعبوا بها وأكثر من ذلك ناضت لها حساسية في الوجه بسبب فير أند لوفلي .
سلام

[فارس الجزائري]

وعليكم السلام
السلام عليكم

بعد هذا العمر الكل ما حبيت حتى واحد وأصلا ما عنديش فضول أني ننظر لأي رجل أو شاب
لأني ما نشوفش واحد مميز على الآخر نشوف فيهم الكل كيف كيف يعني رجال نصف المجتمع وصافي


هذا طبيعي في إنتظار من يرتبط بك ويتزوجك
ما حسيتش بانجذاب لواحد فيهم من قبل وحتى كي واحد فيهم يبعثلي مع أي شخص بأني عجبتوا وحاب يتكلم معايا ما نصدقوش ونرفض حتى الفكرة
وزيد قبل هذا الكل نخاف من ربي سبحانوا
غادي نوصل للثلاثين من عمري ومازال ما حبيت حتى واحد
وكي يقولولي الشيرات بأنني غير طبيعية كنت نقوللهم بأني نخاف ربي والحب والعلاقة بين الجنسين حرام
ولكنني خفت لا نكون صح غير طبيعية
في رايكم أنا صح غير طبيعية؟؟؟
وكيف أعرف إذا كنت طبيعية أم لا؟؟؟
يعني لاااااااااااااازم نحب لكي أعرف بأنني طبيعية؟؟؟

أما هذا غير طبيعي
ما علاقة تأخير الزواج وعدم شعورك بالحب بخوف الله ؟؟!!!
هل يجب أن تقيمي علاقات مع الآخرين حتى تتزوجي؟؟!!!! أرى ذلك أكبر مغالطة تقعين فيها وسيمر الوقت وتنديم على تأخيرك للارتباط بحجة عدم قدرتك للحب
يا أختي إن جاء من ترين فيه الصلاح والالتزام بالدين فاستخيري وتوكلي على الله في الارتباط قبل فوات الأوان وسيأتي الحب إن شاء الله وستجدين أنك كنت مكبوته ولكن لا تدرين بذلك
بالتوفيق إن شاء الله

[❀عنْفُوَاפּ طُمُوحْ❀]

الله يحفظك اختي ابقي هكذا

و حافظي على مفهومك


و الله المستعان

[sarl02]

شوفي اختي الحب العفيف الطاهر هو شعور جميل سواء من راجل اتجاه امراة او العكس ...ان كنت لا ترغبين في اقامة علاقة خارج نطاق التعارف بغرض الزواج فانا احييك وانقولك ريحي كيما راكي راكي امهنية مالمشاكل ...لكن كونك ضد فكرة الحب او الميول اتجاه شخص ما في الحلال فهنا المشكلة لان هذا الشعور فطري وغريزي... يعني يمكن يوما اتشوفي شاب مثلا من محيطك العائلي وماشي شرط تنجذبي اليه لكن يثير اعجابك من ناحية معينة وتتمني في داخلك ان يكون من نصيبك او ان يرزقك الله زوجا مثله هذا هو الشعور الفطري والغريزة النفسية التي فطرنا الله علينا وهذا ليس عيبا او خارج نطاق الدين والاخلاق ....وخلاصة الكلام ان كانت نفسيتك خالية من هذه الفطرة والغريزة فهنا مشكلة ويمكن القول انك لست طبيعية .

[جار الله المهدي]

أختي الكريمة انتي الصحيحة و الطبيعيه وهم المرضى لا تأبهي لهذا الكلام السخيف كل شيئ بالكمتوب ( متعمريش راسك بهذي الحكايات
الفارغه ) ربي يوفقك وربي ان شاء الله يرزقك بزوج صالح كيما تتمني... يخي عباد الفيس بوك والانترنت اصبح اللي ميحبش ماشي طبيعي لا حول ولا قوة الا بالله العلي العظيم

[السلفية الجزااائرية]

والله الذي لا اله غيره أنت الطبيعة ...
ثبتك الله أختي...
لا تلتفتي لكلام الناس....اصبري وادعي الله بقلب صادق وأبشري بالخير...{وبشر الصابرين}
أسأل الله ان يرزقك بالزوج الصالح وجميع بنات المسلمين...آمين

[bisho-mi]

ماشاء الله عليك كلى خكا وربي يعتيك رجل لحلال لي يصونك ويقدرك