واااااا حسرتاه على تعبي !!!

[فريال المحتاجة عفو الله]

السلام عليكم
راني في حالة تعيشوو طلعولي المورال ... هابطلي لـ 0 و زدت هبطتو لوالدي و لو أنهم قالولي ماعليش المهم الباك بصح أنا ما اقتنعتش
نقاطي كارثية رغم أنني تعبت كثيرا و الله العظيم غير ضحيت بحوايج ياااسر على جال القراية و سهرت بصح :confused:
في العلوم ديت 14.5 ( هادي معليش خاطر الأستاذ تيعنا معروف بالبخل تيعو في التنقيط ديجا سلم التنقيط يعملو على 18 أو 17.5 يعني ليس ذنبي )
بصح الكارثة العظمي في الفيزياء يا جماعة ديت 14 و الله ما قهرتني العلامة قد ما قهرتني وحد الحاجة
راني ما نفرقش بين El و Elib تصورووو !!!!! راني فاهمة بللي الاولى طاقة ربط و الثانية الطاقة المحررة و عارفة القوانين بصح كيفاش نهار الامتحان خربطتها ما نعرف
رااااح نهبل !!!!!!!! و علاه في الدار نحل صحيح و في الامتحان يصيبني العمى
اهئ اهئ ما تتصوروش قداش تعبت فيها الفزياء و علاجالها ما حفظتش تربية اسلامية مليح و سهرت و نضت على الصباح و الله العظيم غير غاضتني روحي
أعلى علامة 17.5 و كاين اللي داو 16.5 و ماهمش راضيين و عندهم الحق ... عندنا أستاذ ربي يحفظو رائع و يفهم و يتعب مي مسكين ما يلقاش النتيجة في الأوراق
في الرياضيات 15 هادي بالاك نقول صافا و لو أني لدرك ما علاباليش وين طارو الـ 5 نقاط
الفلسفة ما نحكيش عليها و باقي المواد ربي يستر
إلا ما خدمتش أعرفو بللي فريال راي تحتضررررررررررررررررررررررر
خايفة ما نجيبش 15 معدل حسبتو ( نقصت شوية ) لقيت 14.94 اني خايفة و الله العظيم
ياااااااااااا ربي ساعدني
قولولي كاش حاجة ربي يعطيكم واش تتمناو

[منة الرحمن]

ما تخافيش أختي رانا كامل كيف كيف ..... إذا نتي هاذو النقاط ما عجبوكش أنا واش نقول ...

قداه كنتي تجيبي المعدل العام للي فات ؟؟؟؟

أنا كنت ندي 17 .. لكن العام هذا ما نظنش نلحق 15 ...

نقاطي كارثية ... لكن الخير فيما اختاره الله ...

ممكن ربي حاب يصير لك هكذا باه يعوضك بخير منها ....

++ الصح يوم الباك ... الاختبارات هذو مجرد تدريبات و تحضير للباك ....

المهم كي تغلطي اليوم تتذكري الخطأ و ما تعاوديهش في الباك ... و تكون هاذ الطيحة هي للي تخليك تنوضي و تديري للي تقدري باه تعوضي و تتجنبي تطيحي مرة أخرى ...

[منة الرحمن]

نزيدلك حاجة ما تحمليش نفسك فوق طاقتها ....

غير تتعبي و ما تقدري تديري فيها والو كي تسهري بزاف ...

ديري الأمر عادي طول و ما تقلقيش روحك

[rama.toutou]

ولا يهمك أختا ه
اشتدي يا أزمة تفرجي المهم الباك والهمة العالية لا تيأسي فمع الأمل ايات
بالتوفيق ان شاء الله تنجحي ةتوزعي علينا الحلوى في الباك ان شاء الله
توكلي على الله واطلبي الدعاء من والديك

[فريال المحتاجة عفو الله]

ان شاء الله مالفة نجيب 16 - 17 و كيما قلتي ما نلحقش لـ 15 المرة هادي
ايه منا و رايح راح نقرا كيما كنت نقرا بكري بالاك نرجع كيما كنت لأني حملت الأمور فوق ما تستاهل
بصح و الله غير لازم التعب فيها فيها
بارك الله فيك

[فريال المحتاجة عفو الله]

ولا يهمك أختا ه
اشتدي يا أزمة تفرجي المهم الباك والهمة العالية لا تيأسي فمع الأمل ايات
بالتوفيق ان شاء الله تنجحي ةتوزعي علينا الحلوى في الباك ان شاء الله
توكلي على الله واطلبي الدعاء من والديك

بارك الله فيك
و الله أملي في الله كبير و علابالي بللي مالازمش نيأس
كيف أحزن و الله ربي !!!!
شكرا لك

[منة الرحمن]

صح التعب فيها فيها لكن ما يكونش فوق اللازم ...

ما تحمليش روحك أكثر من قبل ...

اقراي براحة تامة ... راجعي كي تحسي عندك قابلية إذا ما عندكش روحي ريحي شويه و ديري أي حاجة تحبيها ...

قراءة القرآن ، مطالعة مشاهدة تلفاز ووو.....

كي تريحي أكيد تلقاي روحك بللي رجعتلك الحيوية للدراسة ...

طبعا ما تنسايش صلتك بالله ...

ديري هكا و قوليلي لو كان ما تلقايش نفسك عندك قابلية أكثر باه تدرسي و يكون تركيزك أكبر ...

[فريال المحتاجة عفو الله]

صح التعب فيها فيها لكن ما يكونش فوق اللازم ...

ما تحمليش روحك أكثر من قبل ...

اقراي براحة تامة ... راجعي كي تحسي عندك قابلية إذا ما عندكش روحي ريحي شويه و ديري أي حاجة تحبيها ...

قراءة القرآن ، مطالعة مشاهدة تلفاز ووو.....

كي تريحي أكيد تلقاي روحك بللي رجعتلك الحيوية للدراسة ...

طبعا ما تنسايش صلتك بالله ...

ديري هكا و قوليلي لو كان ما تلقايش نفسك عندك قابلية أكثر باه تدرسي و يكون تركيزك أكبر ...

و هذا اللي مضعفني أني ناسية عبادتي صحيح أني نصلي بصح لضيق الوقت تقريبا ما نصلليش خلاص في الوقت المحدد
قراءة القرآن أحيااااانا قليلة
و الله حاسة روحي مش مليحة خلاص
ربي يسامحني برك

[حامل اللواء]

فريال اختنا الفاضلة النقيّــة

اعطي لكل ذي حق حقه .....

ولا تخلطي بين الامور واعلمي ان تعبك لم يذهب سدى ابداااااااا


بل اكتسبت حصنا منيع

لو انك لم تتعب ما تحصلت على تلك العلمات

اذكرك ان لا تهتمي بالنقاط اكثر من الازم

واعلمي انّ تصحيح الاخطآء اهم


حالتي تشبه حالتك نوعا ما والعاقبة للمتقين

تحيّــتي

[فريال المحتاجة عفو الله]

فريال اختنا الفاضلة النقيّــة

اعطي لكل ذي حق حقه .....

ولا تخلطي بين الامور واعلمي ان تعبك لم يذهب سدى ابداااااااا


بل اكتسبت حصنا منيع

لو انك لم تتعب ما تحصلت على تلك العلمات

اذكرك ان لا تهتمي بالنقاط اكثر من الازم

واعلمي انّ تصحيح الاخطآء اهم


حالتي تشبه حالتك نوعا ما والعاقبة للمتقين

تحيّــتي

شكرا لك أسعدتني كلماتك كثيرا أخي حفظك الله
ان شاء الله في الباك نخدمو أكثر و نعملو عرس هنا في منتدى الجلفة :)
شكرا لكم يا أحلى إخوة في الوجود

[حامل اللواء]

اه اه اه

ويحك ويحك يا فريال ...لقد سبقت الاحداث


الاجدر منك ان تذكرينا بالتعب ...وسهر الليالي ...

ويا اختنا الفاضلة فريال

اعلمي ان الوقت هذا هو وقت دراسة ووقت سهر في التعلم وحل التمارين نامي على 2 واسيقضى على 7 تحسي بالنعشة ولا تخافي من الدالة الاسية ولا العددية

انصحك بالدراسة وتكثيفها الان فهو وقتها

اما عن الحفلة فابشري سكون على وشك قنبلة ذرية هنا من منتدي يقال له الجلفة

تحيّـة

[ندى العمر]

فريولتي معليش حنونتي ماديريش في بالك
ان شاء الله ربي يعوضك في الباك
قالنا الاستاذ كلما تكون نتاشجكم كارثية تزيد الارادة نتاعكم
ربي يجيب الخير ان شاء الله

[dina.labelle]

yes we can nchallah.الرسمي في الباك.

[noussaiba2007]

يا فريال اسمك محتاجة الى الله شدي في ربي وهادي تصرا نورررررررررررررررررررمال حليها بشوي بشوي اعرفي خطأك وتكيفي مع الوضع بشوي تلقاي روحك وان شاء الله تجيبي الباك ب 17 وديري برونش هايل كي اليوم لا تقنطوا من رحمة الله توكلي على ربي

[ورثان الجنان]

لي عودة أختي...

[مرايا الطلاب]

علاه .............. ردولكم النقاط ديجا ؟؟؟؟

المهم التعب اللي تعبتيه اذا ما جاتكش نتيجتو ضركا تجيك في الباك

ان الله لا يضيع اجر من احسن عملا

واحمدي ربي على النقاط اللي جبتيها باش يزيدك من فضله

أختي لوكان تعيشي للنقطة وتقلقي روحك راح تضيعي صحتك هذا ما كان

صدقيني سهليها تسهال

انا غدوا ان شاء الله راح نشوف نتائجي ............. مي راني مقررة نرضى بواش كتبلي ربي

لانو صحتي هي تاج راسي ............ لازم نحافظ عليها وما نضيعهاش في البكا والاحزان على جال نقطة لا تغني من جوع

ثقي بالله ..........أكثري من الاذكار تكوني على صلة دائمة بالله تعالى

ثقي في كلامي اختك في الله *-* مريم *-* عاشقة النجاح والتميز

[نبع الندى]

يا أختي إحمدي الله إذا كنت متوقعة تدي 14.94 أنا وش نقول راني رونتها وغدوة التصحيح , مانيش حابة نحضر غدوة راني مخلوعة إدعولي ربي يعيشكم

[موحدة الله]

يجب علينا ان نحسن الظن بالله ولو علمنا كيف انه تعالى يدبر امورنا لذابت قلوبنا لرحمته بنا اللهم لك الحمد حتى ترضى ولك الحمد اذا رضيت ولك الحمد بعد الرضى*

[نسيم الليل]

السلام عليكم
راني في حالة تعيشوو طلعولي المورال ... هابطلي لـ 0 و زدت هبطتو لوالدي و لو أنهم قالولي ماعليش المهم الباك بصح أنا ما اقتنعتش
نقاطي كارثية رغم أنني تعبت كثيرا و الله العظيم غير ضحيت بحوايج ياااسر على جال القراية و سهرت بصح :confused:
في العلوم ديت 14.5 ( هادي معليش خاطر الأستاذ تيعنا معروف بالبخل تيعو في التنقيط ديجا سلم التنقيط يعملو على 18 أو 17.5 يعني ليس ذنبي )
بصح الكارثة العظمي في الفيزياء يا جماعة ديت 14 و الله ما قهرتني العلامة قد ما قهرتني وحد الحاجة
راني ما نفرقش بين el و elib تصورووو !!!!! راني فاهمة بللي الاولى طاقة ربط و الثانية الطاقة المحررة و عارفة القوانين بصح كيفاش نهار الامتحان خربطتها ما نعرف
رااااح نهبل !!!!!!!! و علاه في الدار نحل صحيح و في الامتحان يصيبني العمى
اهئ اهئ ما تتصوروش قداش تعبت فيها الفزياء و علاجالها ما حفظتش تربية اسلامية مليح و سهرت و نضت على الصباح و الله العظيم غير غاضتني روحي
أعلى علامة 17.5 و كاين اللي داو 16.5 و ماهمش راضيين و عندهم الحق ... عندنا أستاذ ربي يحفظو رائع و يفهم و يتعب مي مسكين ما يلقاش النتيجة في الأوراق
في الرياضيات 15 هادي بالاك نقول صافا و لو أني لدرك ما علاباليش وين طارو الـ 5 نقاط
الفلسفة ما نحكيش عليها و باقي المواد ربي يستر
إلا ما خدمتش أعرفو بللي فريال راي تحتضررررررررررررررررررررررر
خايفة ما نجيبش 15 معدل حسبتو ( نقصت شوية ) لقيت 14.94 اني خايفة و الله العظيم
ياااااااااااا ربي ساعدني
قولولي كاش حاجة ربي يعطيكم واش تتمناو

السلام عليكم

اعلمي اختي ان هذا الخوف راه في مصلحتك

انا فان راني في نفس حالتك و كل لي قلتيه حسيت بيه

خطرات نقول ربما اختباراتنا ساهلين و ما خدمتش فيهم اما الصعاب كيف ؟؟ و خطرات تبانلي اختباراتنا صعاب و كي نخطأ نقول معليش تعلمت شيء جديد

اتأكدي انو هذي الفترة تاع التصحيح كامل رانا في نفس الحالة .. لاكن مع مرور الوقت راح تتنظم الامور ان شاء الله

و ديري في بالك انه الناجح عمرو و لا يوصل من الخطوة الاولى لازملو تضحيات باه يلحق

و الفصل الاول ما هو الا خطوة اولى فقط راح تجي العطلة و متأكدة انك راح تسيطري على الوضع

ربي يعينك و يوفقنا جميعا

[الباديسي]

ربي يحفظك ويوفقك بنيتي انت رائعة بالتوفيق والثبات
http://www.djelfa.info/vb/customavatars/avatar359150_22.gif

[fifa2012]

أختـــي فريال ماتقلقيش روحك فالنقاط لا تعكس المستوى الحقيقي المهم الواحد يتعلم من الخطأ ومايوقعش فيه في الامتحان المصيري

[فريال المحتاجة عفو الله]

السلام عليكم
شكرا لكم و الله ما ننسى وقفتكم معايا ربي يخلليكم ليا ان شاء الله
رجعولنا العربية : ديت 16 ( أعلى علامة )
الفرض تع الرياضيات ( 15 كاين خطأ واحد عليه نقطة كأقصى أقصى تقدير لكن أستاذي مللي كنا سنة أولى ثانوي جامي يكتب النقاط الجزيئية أو يصحح أو .... لقيت العلامة 15 و خلاص و ما لازمش نناقش المهم الباك ان شاء الله يبان الصح )
علوم شرعية 19.5
فرنسية المساء ان شاء الله ادعولي تكون علامة مليحة

و الله طلعلي المورال شوية رغم أنو المواد اللي خدمت فيها ليست مواد أساسية لكنها ترفع المعدل إلى 15 فاصل بإذن المولى عز و جل
شكرا لكم مرة اخرى

[قمر الزمان رؤية]

السلام عليكم و رحمة الله

بموضوعك هذا راك تستفزي في اللي داو اقل من 14

يعني اصحاب 8 و 9 ، واش يقولو ؟

و الاهم انو الاستفادة من اخطائك مش المعدل ،،تدي اليوم 19 المعدل ما تتعلمي منو والو ،لانك لم تجدي شيئا تخطئي فيه ،لكن عندما تخطئين فلن تتكرر معك مرة اخرى
و قضية التركيز راهي كارثة جماعية ،صراحة لا اجد لها حل !!!

موفقة

[zeineb girl]

اختي فريال اعلمي ان الله لا يضيع اجر من احسن عملا و مادامك قاعدة تتعبي راح توصلي باذن المولى و تغولطي درك خير من لي توغلطي فالباك
ننصحك تعاودي المواضيع تع الامتحانات وحدك باه تعرفي نقاط ضعفك و لحوايج لي غلتي فيهم درك
متعاوديهمش رانا بكل في نفس المركب اتوكلي على ربي و ربي ينجحنا

[منة الرحمن]

أختي الصلة بالله أهم شيء ... ماذا لو أجلت الصلاة و لم يكتب لك أن تصليها إن أجلتها ...

لو أنت لبيت المنادي هل كانت الدنيا تولي ؟؟؟؟

http://www.youtube.com/watch?v=PtiVXL-xk8U

صدقيني إن أنت اهتممت بأداء فرائضك أكثر قليلا فإن الله سيجعل لك من كل ضيق مخرجا ...

و سيعوضك عن كل ما لم تحصلي عليه ولو بعد حين

فقط اجعلي لواجباتك الدينية وقتا مخصصا ولا يلهيك عنها شيء و تذكري أن الله هو الرزاق فما أعطاك إياه فهو حقك و لم يظلمك منه شيئا..

و سترين .. حتى لو لم يتحسن مستواك فإنك ستجدين راحة كبيرة حين توقنين بأن ما منحك الله خير من الدنيا و ما فيها

تذكري دوما قوله تعالى : " و عسى أن تكرهوا شيئا و هو خير لكم وعسى أن تحبوا شيئا و هو شر لكم "

[منة الرحمن]

شوفي نقاطك كي ما ديتيش في مواد عوضك عليهم ربي في مواد أخرى .....

احمدي الله يزدك من فضله .....

[ح ـكآيه م ـبدع]

للغلق و الشنق

[billel25-dz]

نفس الشيء بففففففففففففففففففففف

[بهاء الدين 93]

سلاااام
اخت فريال ،صدقيني لست الاولى التي تحس بهذا الشعور ، و لن تكوني الاخيرة ، أحيانا أقول لماذا اجتهدت و تعبت ، أ لأحصل على هذه النقطة البسيطة ؟!! ما مدى دوة الجد و التعب صم تحصيل نقطة مماصلة لعديد النقاط الاخرى ،
لـــــــــــكن ، يجب العودة و الرجوع الى التفكير بجدية ، ان هذه الاختبارات و الفروض ما هي الا تشخيص لمستوى لحظي لتلميذ مقبل على امتحان وآحد يتحدد به مستقبله ، لذا فلا بد من اعتبارها كوظائف منزلية ليس الا يدرك بها التلميذ مكمن النقص ليصلحه ، صدقيني قد تصادفين أسئلة ترينها بالبسيطة و تتجنبيها حفاظا على الوقت ، لكن عند التطبيق الفعلي ستكتشفين ان اجابتها تستلزم طريقة، و اكتسابها يجعلك تسعدين لانك تعلمت شيئا جديدا ،
ثم ان الغانم الاكبر من هذه الامتحانات هو صاحب أدنى نقطة ، فقد تعلم امورا جمة لم يكن يدركها من قبل عكس صآحب 20 الذي لم يجد في اختباره ما يضيف له في المستوى ،
أما عن المعدل فلا تلقي له بالا ، أصحاب المعدلات الكبرى سابقا هم أصحاب 15 و 16 في الفصول ، فلم الجزع !
ربما توقظ الامتحانات فيك شعور الحسرة على بعض المجالات التي لم تهضميها كما ينبغي ، و هذه فائدة كبرى ، فما عليك سوى استغلال العطلة البيداغوجية القادمة و ان شاء الله سيتحسن المستوى و ان كنت لأظن ان النقاط التي ضاعت لك انما كانت بسبب نقص تركيز ليس الا،
من لا يخطأ لا يتعلم اخت فريال ،
ان شاء الله نتائج جيدة في باقي المواد و في الباكالوريا ،
بالتوفيـــق،
تقبلي مروري ،
سلام

[كسيلة-ناروتو]

ختي اكي بيان في عقلك ؟؟؟

اجماعا راي تبكي كيراهي راح تدي 13 او اقل وانت خايفه تدي 14 قريب 15 ؟؟

اوزيدي هدا فصل الأول
واش تقوليلي انا ليكان يخبط غير بــ 18 فرياضيات ... ديــت 2 في الفرض ؟؟؟

نو نو نو

مااكان والو .... والو راكي بيان غاع ... عمبلك وعلآآه بسكو اكي جايبتها قرايا .... مام مخدمتيش و صح كسرتي راسك او ماجبتيش
مي العلامات هدوك .... ايوريولك غير وين اخطأت + وين كاين لبس في المعلومات ....
كيما التفريق بين El and Elib ....

نورماااال انتي راكي بيان بارابور الوحد اخرين .... زيدي فهم واش فاتك + حلي تمارين و اصح في البااآآك ان شاء الله

[قمر الزمان رؤية]

سلاااام
اخت فريال ،صدقيني لست الاولى التي تحس بهذا الشعور ، و لن تكوني الاخيرة ، أحيانا أقول لماذا اجتهدت و تعبت ، أ لأحصل على هذه النقطة البسيطة ؟!! ما مدى دوة الجد و التعب صم تحصيل نقطة مماصلة لعديد النقاط الاخرى ،
لـــــــــــكن ، يجب العودة و الرجوع الى التفكير بجدية ، ان هذه الاختبارات و الفروض ما هي الا تشخيص لمستوى لحظي لتلميذ مقبل على امتحان وآحد يتحدد به مستقبله ، لذا فلا بد من اعتبارها كوظائف منزلية ليس الا يدرك بها التلميذ مكمن النقص ليصلحه ، صدقيني قد تصادفين أسئلة ترينها بالبسيطة و تتجنبيها حفاظا على الوقت ، لكن عند التطبيق الفعلي ستكتشفين ان اجابتها تستلزم طريقة، و اكتسابها يجعلك تسعدين لانك تعلمت شيئا جديدا ،
ثم ان الغانم الاكبر من هذه الامتحانات هو صاحب أدنى نقطة ، فقد تعلم امورا جمة لم يكن يدركها من قبل عكس صآحب 20 الذي لم يجد في اختباره ما يضيف له في المستوى ،
أما عن المعدل فلا تلقي له بالا ، أصحاب المعدلات الكبرى سابقا هم أصحاب 15 و 16 في الفصول ، فلم الجزع !
ربما توقظ الامتحانات فيك شعور الحسرة على بعض المجالات التي لم تهضميها كما ينبغي ، و هذه فائدة كبرى ، فما عليك سوى استغلال العطلة البيداغوجية القادمة و ان شاء الله سيتحسن المستوى و ان كنت لأظن ان النقاط التي ضاعت لك انما كانت بسبب نقص تركيز ليس الا،
من لا يخطأ لا يتعلم اخت فريال ،
ان شاء الله نتائج جيدة في باقي المواد و في الباكالوريا ،
بالتوفيـــق،
تقبلي مروري ،
سلام

أعجبني كلامك اخي بهاء ،بارك الله فيك


خصوصا هاته


ثم ان الغانم الاكبر من هذه الامتحانات هو صاحب أدنى نقطة ، فقد تعلم امورا جمة لم يكن يدركها من قبل عكس صآحب 20 الذي لم يجد في اختباره ما يضيف له في المستوى ،

بالتوفيق لك ان شاء الله

[ماجد93]

بابابابابباببابابا الله يبارك

[ماجد93]

شبعتونا مسمن 15 و مكيش حامدة في ربي
لي عودة