العزباء

[- بصمة خير -]

السلام عليكم و رحمة الله تعالى و بركاته :dj_17:

مرة كنت في bus و كانت راكبة وحدة خلفي تهدر في التليفون مع واحد شكون هذا الواحد الله اعلم مانظلمش :D
المهم من هدرة لاخرى بدات تهدر على خوها قالتاو راهو خدام و عند الامكانيات باش يتزوج و لكن ماهوش حاب و في الدار الام الاب و الاخوة و الاخوات يحاول فيه باش يتزوج و هذا الراجل فوق 35 سنة (حكات كلش bus كامل عرف قصتها :o)
ولات قالتلو معليش ماهوش حاب يتزوج المهم نديرو عرس و نفرحو و في الغدوة يرجعها لدار بابا و قالتلو نجيبوها عانس فوق 30 سنة راهي تقبل بيه و نفرحوها تلبس la robe blanche تنحي السخفة :mad: و تهدر عليها بطريقة قلقتني
انا هنا هبطت من bus راح الحال عليا و كان لازم نهبط و الا كنت كملت معاها و نهدر معاها مليح

لاه حكيت القصة هذه ؟؟؟

هذا كامل على كلمة عانس
المجتمع اللي دار عمر الزواج وواكتاش يتأخر الزواج

انا نفضل كلمة عزباء
لانو ماكنش عمر للزواج و الا علاه رانا نسمعو هذهوحدة تزوجت في 40 سنة و اول مرة وراجلها تاني اول مرة يتزوج يعني ماهي الزوجة التانية و راجلها ماهوش مطلق ...

كل شي بالمكتوب اللي يتزوجو في 18 و الا في 25 و الا في 35 سنة و الا في اي عمر
ربي اللي كتب هكذاك
ربي اللي كتب ماشي الطفلة جميلة و الا كي راهم يقولو ذوركا شطارة انا اللي جيبتو
هكذا كاين اللي صاحبو و صاحبو و لكن مازال ماتزوجتوش لانو المكتوب مازال ماجاش
ماشي شطارة

ان شاء الله نبدلو هذه الكلمة من حياتنا و تاني نعاونو باش نحويها من المجتمع تاعنا

ربي ان شاء الله يرزقك الزوج الصالح لبنات المسلمين كامل و الزوجة الصالحة لاولاد المسلمين كامل

ربي يوفق

[thorpe]

بارك الله فيك اختي
فقط اريد ان اصحح لك الكلمة (( نقول عازبات وليس عزباء )) ولا عليك يا اختي فكلنا نخطئ وانا راني ضعيف فالعربية لكن بما اننا هنا نحاول نفيك وتفيديني في كل الامور وليس فقط في المواضيع وما تحويه

نعود لموضوعك

اختي ارى ان المشكل ليس في الكلمة
عانس ولا بايرة ولا مانيش عارف واش
المشكل في سبب العنوسة ؟؟ نعرفو انو كلش بالمكتوب
لكن هناك امور اخرى قد تتسبب في هذا المشكل الذي اصبح حديث الساعة

نعيك بعض الاسباب

1 == تكبر البنات
2 == سمعتهن
3 == بعض الامور الخبيثة كالسحر والشعوذة والعين وما اكثر القصص التي نسمع عنها

بارك الله فيك
موضوعك قيم واحييك على طرحه

:1::1::1::1::1:

[ع.جمال]

حيث أن منتديات الجلفة لكل الجزائريين والعرب تعتمد اللغة العربية الفصحى لغة التخاطب الرئيسية في المواضيع و العناوين ، تمنع كتابة المواضيع بالدارجة