صداقة النت سببت لي المشاكل

[مشكلتي]

السلام عليكم

علابالي بلي كرهتو من المواضيع هذو
mais كي العادة مقدرتش نلقى حل لمشكلتي

ندخلو في صلب الموضوع :
انا طالب 2 ثانوي
عاقل نقرا سامبل حاكم قدري
العام هذا جات وحدة حابة ترتابط ورفضت
قتلها غير هذو خاطيني انا :
نعشق الخالق موش المخلوق ,

قاتلي معليش نبقاو des amis ؟ قتلها نورمال كي ختي اوك

دارت الانترنيت في دارهم
علابالها بلي عندي نت
حوست عليا ولقاتني جابت MSN نتاع

هدرت معاها ايامات شفتها مزالت على حالتها
زاد مشات الهدرة قالت للناس راه متعلق بيا ولا منعرف
مشـــــــــــا الهدرة وصلت لخاوتها

اليوم دخلت للايميل
لقيت رسالة من عندها
قالتلي : انا هدرت معاك في النت وعباد بزاف خويا راه فاق بلي الي بيناتنا رغم انو مكان والو الا اخوة ومراهش شاك فيك

بصح كي يسقسيك قولو بلي خاطيها هذ الحوايج وووووووووو و و

انا كي مشات الهدرة وليت خفت على روحي من خاوتها قلت ربما يجي قاصدني ويبدا يقابض ويسب و و و و

والمشكل نطيح من عين عائلتي

وليت حطيت موضوع هذا باش نعرف اسلوب الي نتعامل معاه ونبعد النش الي راه متوقعو ونرضيه باسلوب واقعي الي نخليه يبعد عليا شكوكو ,

اتمنى ان اجد الحلول قبل ان الاقيه

بالتوفيق وشكرا لكم على اي حال

[سحر الغروب]

يا خويا كون معاها حرش وفكك صحيت

الباب اللي يجيك منو الرح سدو استريح

وبعدين راك راجل

اللوم فيها هي مش فيك

ماتخاف ما وال اللي نخاف هي مش هو

اوك ..ربي يبارك فيك خويا...

[leila-bee]

خويا انا ننصحك باش تجمع الدلائل الي تبين بلي هي الى جرات موراك ماشي انت
نطلب ربي يهدي كامل بنات الناس وان شاء الله تبقى رزين كيما راك لانك مرضختش للطلبها

[محمد جديدي التبسي]

دعك منها ومن الصداقات مع البنات في النت وإن كان ولابد فلا يصل بك الحد الى الدردشة معهن واقامة علاقات صدقة

[hamzagolf6]

يخو روحو لخوها واديه لسيبارو وريلو واش كانت تقول ختو وذرك هوا يعرف واش يدييرلها

[غصون الاسلام]

اخي االكريم

اخسر عليها دوبل كليك (كليك من اليمين و كليك من اليسار) و هني راسك منها

و ما تدخلش في اللعب نتاعها

يمكن انها تكون عاجبها و يمكن انها تكون حابه تلعب بيك نتيجة رهان بين صحاباتها

و اذا كانت تستعمل النت في دارهم كون متأكد بانو مراحش تنسى ال msn نتاعها محلول خاصة البنت (تخاف على روحها)

ابعد عن الهم و غنيلو


و الله اعلم



بالتوفييييييييييييييييييييق

[احسانM]

ههههههههههههههههههههههههههه والله انا نقرى جاتني ضحكة يعني موقف عادي ويصرى بزاف حلو ياهل وبين يديك خويا

[ناصرالدين الجزائري]

يا أخي أنت من سببت لنفسك المشاكل ..
احذف كل البنات الأجنبيات من المسنجر و الفايس بوك ..
و ستنتهي كل المشاكل باذن الله ...

الباب اللي يجيك منه الريح سدّه واستريح ..

[همس السوسن]

خويا نقلك نصيحة الباب الي يجيك منو الريح سدو و استريح و حاول تفهمها انك كيما خوها و حاول تساعدها تتخلص من هد الشي

[عروبتي]

اخطيك منها ومن المشاكل وخوها اذا جاك اتكلم معاه بالعقل وهي ماتزيدش تتكلم معاها باين عليها نتاع مشاكل
حط راسك في قرايتك وربي يوفقك

[أبو أنس المسيلي]

أخي الكريم اردت التنبيه على كلمة اعشق الخالق ......العشق هو الحب مع الشهوة وهذا تعد على ذات الله .... قل احب الخالق

[abdel02]

"وما أبرئ نفسى إن النفس لامارة بالسوء إلا ما رحم ربى إن ربى غفور رحيم"...انت تزكي في نفسك...التي لامها سيدنا يوسف عليه السلام...لو لم تعطيها فرصة للحديث معك لما طمعت فيك البتة...راجع نفسك...

[y0uNes]

A khoya azwjou w nfarhou bikem had problem ta3ek w nta hor kifeh dir

[simran]

خويا السمعة نتاعها هي لي تتضرر ماشي انت متخاف من والووووووو

[/زهرة عصفور الجنة/]

نقولها ونعيدها لا صداقة بين الرجل والمرأة دعكم من هذه العلاقات الزائفة التي تؤدي الى ما يحمد عقباه .اخي لا تتحدث مع اية بنت وانت تستريح من المشاكل

[abdel02]

نقولها ونعيدها لا صداقة بين الرجل والمرأة دعكم من هذه العلاقات الزائفة التي تؤدي الى ما لايحمد عقباه .اخي لا تتحدث مع اية بنت وانت تستريح من المشاكل
شكرا على الكلام الجميل...

[كاشف النصابين]

اخي لماذا تخاف اذا جاء اخوها قولهاله راجل اختك قليلة ادب لان لا شيء يعبك انت رجل و هي المشكل منها كونك راجل

[الجلفاوية]

قصتك فيها تناقضات...وشكون عطالها الmsn تاعك...وكيما راك انسان ملتزم وماتحبش هاد العلاقات كنت من المرة الاولى ماتحكييش معاها...ضرك راهي فاتت بدل البريد تاعك وماتزيدش تتصل بيها وماشكيتش خوها يجيك الا اذا هي شكات منك وقالتلو بلي انت لي تعاكس فيها او شيئ من هاد القبيل....المهم غير البريد واتهلى في قرايتك هي غدوة راهي ممكن تتزوج وانت مازال قدامك الطريق طويل لازم تقرا وتخدم وبزاف امور ماتخليهاش تاثر عليك....موفق

[a.hadjer]

أخي ما يحدث لك هو إبتلاء من الله وما تقوله الفتاة قد يكون مجرد إبتلاء وأعمل كل جهدك لكي تتفاداها ولاتخف الله سيكون معك إن شاء الله
أما صداقات النات يجب أن تحدد مبادؤك قبل التعرف لكي لاتقع في نفس الخطأ وليس كل البنات مثل بعضhttp://www.djelfa.info/vb/images/smilies/19.gif

[زكاة]

ابتعد يا اخي عن هاته الفتاة فيها شبهة كبيرة جدا و ونتائج لا يحمد عقباها
فلنتوكل على الله ونقوي ايماننا ولا نستعمل النت الا للافادة والاستفادة بما يرضي الله
والله هو المستعان
فعلينا بالدعاء
مشكلتك لها حل اكيد

[هاجر 76]

يا اخى انت راك تقول راهى هيى تتبع فيك كيفاش عرفتها جابت msn نتاعك و ما بدلتهش حتى مين كبرت المشكله عندك من الاول تجنبها واعرف معنى التجنب يعنى غير كلشى وحاول ما تتكلمش حتى معاها هادى تبان من النوع الى يجلب المشاكل خير ما تدخل في طرق صعيبة عليك فكر اخى
والله ينور دربك