نصيحة في وجه الله للبنات

[مشكلتي]

السلام عليكم
انا فتاة ابلغ من العمر 30 سنة و تقدم لخطبتي شاب اكبره ب 5 سنوات منذ فترة مع العلم انني كنت على علاقة به اكثر من 5 سنوات احبه و هو يحبني كثيرا و هو الان يعاني من عدة مشاكل مع اهله و كل ما اقول له لنحدد موعد الزواج يقول اصبري .و انا الان كرهت من حياة بلا هدف ماذا افعل الان انصحوني حاولت ان انساه لم استطع و لا يوجد شيء يشغلني سوى الموضوع هذا متى سنتزوج؟ امي لا تعرف انني اكبره سنا ماذا افعل انا حائرة من امري.هو يحبني لدرجة الجنون اهله يعلمون ذالك .شكرا لكن مسبقا

[- بصمة خير -]

قوليلو جي في اقرب وفت و الا كل واحد يروح طريقو و خليه
بعد صلاة الاستخارة

ماتزديش معاه

[- بصمة خير -]

قوليلو جي في اقرب وفت لدارنا على الاقل خطبة هذا الوقت كامل و ماوجدش روحو ؟؟؟؟

و الا كل واحد يروح طريقو و خليه
بعد صلاة الاستخارة

ماتزديش معاه

[سَلْسَبِيّلْ]

كدت ان احلف لكن ماعسايا ان اقول هذا كله تمسخير وعلاه بنات الناس لعبة
صدقيني اختي راكي ضيعي في وقتك اسمحيلي ممكن نجرح مشاعرك لان الحقيقة تؤلم 5 سنين ومازال نوجدش روحو لاه راح يطلع للقمر
استخيري واحسمي الامر لانك تضيعي احلى ايام عمرك ربي يفرج على كل اخت

[اية الرحمن1988]

صلي صلاة الاستخارة أختي
وأقطعي علاقتك بيه قولو باغيني دارنا قدامك راني نسنى
ميش قادر يتقدم الله يسهل عليه كل ما كملتي في الحرام ربي ما يباركلك في حياتك
خمي مع نفسي وأقنعي روحك بروحك تنسايه اشغلي وقتك بربي ونشاطات اخرى تنسيك في موضوع الزواج
ممكن تتعلمي قاطوات جدد نشاط جديد خياطة ولا أي شيء تفيدك في حياتك لأنو التخمام بزاف يأثر عليك سلبا
صح راكي في سن 30 وتقولي يا ربي نخمم نتزوج ما بقاش بصح والله المكتوب في يد ربي
أصدقي نيتك مع الله وادعي بنية خالصة في صلاتك واصبري والصابر ينال بإذن الله
ربي يرزقك بالزوج الصالح

[حسنات21]

كيف تفكرين بالارتباط بشاب اصغر منك و المدة 5 سنوات ؟

[كَـآهُو]

يا اختي مانعرف علاه يحطو السن حاجز بيناتكم


و ادا كان صح يحبك راهو يواجه العايلة تاعو ويجي يخطبك

ونتي تان بدورك كوني صارمة معاه وقوليلو يا تجي تخطب يا اٍما كل واحد في طريقو

وان شاء الله ربي يسهللكم

[إخلاص12]

بنيتي 5 سنوات و لم يتخذ قرارا بعد ... و كم تأملين انتظاره ؟
استخيري بنيتي ولا تضيعي أياما ستندمين عليها
وفقك الله إلى كل ما فيه خير

[الوليـــــد]

متابع باهتمام .............................

[بني بلعيد]

يا أختاه لابد أن تتأكدي من حبه لك وأنت أدرى بدلك ، إدا كان يحبك فكما انتظرت خمس سنوات يمكن أن تنتظري سنة أخرى وفقك الله لهدا الزواج ، عندما يثم دلك اخبيرينا عن طريق المنتدى مع التوفيق

[السحابة]

الافضل صلاة الاستخارة

[fifi180]

خمس سنوات ضيعتيها من عمرك ومازال مش واجد لازم تكوني صارمة معاه هو داها في روحو عارفك تحبيه و متقدريش تخليه مالا بينيلو العكس و اقطعي علاقتك بيه و ربي يجيب الخير
فرق السن مش مشكل اختي

[محبة الله الجزائرية]

أختي ما تخليش نفسك للهوى يعني ماشي الشخص اللي يقولك امشي تمشي كيما يقولك شوفي انتي واش يصلح بيك لان كلام الناس ما يبني ساس

و اختي هذا ماشي حب هذا تلاعب لانو دخول الخطبة يدخلولها من الباب ليس من الشباك حاولي تقطعي العلاقة اللي بينكم و ترجعي إلى ذكر خالقك ولا تنسي ان أمك هي كل شيء

[ناصرالدين الجزائري]

مشكلتك ليس لها حل إلا الصبر ..
فربما كتبتي قصتك لتخرجي ما بنفسك .. لكن حل مشكلتك في يد خطيبك فقط ...

و لن اتحدث عن التفاصيل المتعلقة بالسن و علاقة 5 سنوات .. فقد وقع الفاس في الراس ..
و أنصحك أختي أن تصبري على نتائج خياراتك ...
فمن يضرب بالشرع عرض الحائط . عليه بتحمل الحائط حين يقع على رأسه ...

[مريم الصابرة]

السلام عليكم أختي بالنسبة للسن السيدة خديجة أكبر مثال كانت اكبر من الرسول المصطفى عليه الصلاة والسلام ماشي مشكل هو يحبك حسب ما تقولي وإنت ثاني والسن نتاعك مناسب للزواج زيدي أصبري عليه شوي ولكن لازم تخوفيه قوليلو تجي وإلا نشوف حياتي وإقطعي أي إتصال بينك وبينو خليه يقرر بي يوفق بيناتكم

[نجمة الفضاء]

من الافضل ان تسدي باب الهوى في هذه الامور...يعني حبيتيه و حبك بصح 5 سنين يلزم يبينلك فالخطبة مشي بالعسل و اذا كان يحبك كيما راكي تقولي ما يجرحكش كثر من5 سنين ... و زيد نتي تاني ما تطلقيش روحك يا الباب يا الله يربح

[SALI3LAANABI]

rabi ysahlk ali fih alkhir IDA KAN HABK SAH LAZM YOKSAD DARKOM W 5 SNIN MN 3MRK M3AH HADA 3OMR W RABI YSAHLK ALI FIH ALKHIR HANONA

[جيهان13091991]

ya khti ktar man 5 an bzf goulilou ya yji ya mab9atach hadra binatkom ida yhabak sa7 aw yji; haja akhlaf wa3lah khayarti wahad 9al manak ana na3raf gadach man wahad lamra ktar man rajal familto mat9ablathach dima ychoufouha ktar man waldhom mème houwa radi biha , mais kima galoulak l ikhwa istakhiri w rabi ykamalak m3ah wala m3a ghiro kima ygoulou mart wahad mayadiha whad , w tani mayatzawjo fa lard hata yazwjo fa sma, bitawfi9

[Natali3]

الله يكون معاكـ إن شاء الله
إن كان مكتوب ليك راح يجيك
و إن كان ...................... الله غالب

[manina_dr]

الله اعلم اختي قضيتك شائكة وانا من رايي فكي عليك السوق راكي 30سنة نتخليهش يلعب بيك وربي يسلك وحالك ويهنيك ويفرج همومك

[wajdane]

chere soeur tu as perdu déja 5ans de te vie et si vraiment il t'aime comme tudisil ne te laisse pas attendre cet homme n'est pas sérieux . crois moi ma chere . il faud l'obliger a bouger ou bien tu dois l'oublier le bon dieu est grand il va t'aider et merci

[سمية محمد عطية]

انا نشوف بلى اصلا العلاقة راهي خطا علاش كملتى خايفة من شبح العنوسة راكى مزلتى علابالى تقولوا الرسول صلى الله عليه وسلم تزوج خديجة وهي اكبر منه ب25 سنة الحكمة الالاهية هي التى ارادت هذا ومن مثل رسول الله صللى الله عليه وسلم
حتى انت اعترفتى بان الام لا تعلم واذا علمت واش تدير
اسمحيلي بنتى اذا قصيت عليك بكلامى
انت خايفة من العنوسة وحبيتى تتزوجيه ونسيتى بان الامور كلها بيد الله انت نريدي وهو يريد والله يفعل ما يري
توكلى على ربي وخلى الامور يسيرها رب العالمين وما فيه خير وما هو مكتوب ليك راح يجيك قصر الزمان ام طال
انا نقولك علاقتك بيه راهي خطا اولا خنتى الله وخنتي نفسك وخنتى والديك
الحل بيدك اقطعي علاقتك بيه انت اولا واجبري نفسك خير من ان يجبرك هو او يجبرك اهله او اهلك وبالتالى راح تجيك صدمة
خير واختاري وديري كل التوقعات التى ستكون في صالحك انت باش تحفظي نفسك وكرامتك وساعتها تقولي اخترت صح وقررت صح
اتمنى ان تفهمينى
ربي يوفقك لما فيه الخير

[sidmoussa fouzia]

اجابتي ستكون نوعا ما قاسية لكن تذكري ان الكي احسن طريقة لعلاج الجرح.لذا اقول لك ابتعدي عنه واتقي الله في نفسك يجعل لك مخرجا من حيث لا تحتسبين.وارمي حمولك على الله واستغفريه .سيسهل لك امرك سواءا مع هذا الشاب او غيره. بالتوفيييييييييييييق