مشكلتي مع السكن

[مشكلتي]

اخواني انا متزوجة منذ 10 سنوات وانا الزوجة الثانية واعاني الكثير من المشاكل والمشكل العويص هو زوجي
ماعلابالوش بلي كلا ولا شرب هذا ماعليش ولحد الان ليس لدينا سكن لان ماعندوش غير الشهرية نتاعو ولعلمك م المرة الاولى عندها سكن وانا تزوجت معاه وحوايج بزاف درقهم عليا المهم كل شيء بالمكتوب لكن اريد بيع مجوهاراتي واشتري بيت لانني لا اريد ان احرم ابنائي من ابوهم
والمكان الذي اعيش فيه مالبناء فوضاوي يعني خايفة نحط سوادي ونتكلح
وايضا لا املك المبلغ الكافي لشراء مسكن بعقد صافي والله احترت انصحوني ارجوكم بدون ماتقولولي اطلقي
لا استطيع مواجهة الحياة وحدي على الاقل ظل راجل خيرمن ظل حيطة
ارجوكم ساعدوني وادعولي ان يفرج الله همي واستر وليداتي ربي يجازيكم لاتبخلو عليا باراءكم ودعاءكم لي

[moi*]

اختي االكريمة

مشكلتك احزنتني بكل صدق

ولم اجد حتى ما اكتبه

ادعو الله ان يفك ضيقتك و يفرج عليك عاجلا ليس اجلا
اختي لا تقنطي من رجمة الله ادعي الله كثيرا وقومي الليل تضرعي للمولى ففبيده مقاليب الامور
اما عن زوجك فتكلمي معه مرة واثنين والف لو لزم الامر و ادخلي وسيطا من عائلتك ابوك او اخوك
هدديه انك ستاخذين الاولاد وتذهبي
وان شاء الله ربي يهديه وتنصلح احوالك
لك دعواتي بالفرج العاجل

[/زهرة عصفور الجنة/]

يا اختي كان عليكي من الاول الا تقبلي بزوج متزوج وله اولاد وهو لا يملك شيئا لتقديمه لكي.الباءة في الزواج هي القدرة المالية والبدنية .والان بعد فوات الاوان انت من يعاني مع اولادكي.ل انصحكي ببيع ذهبكي اذهبي الى البلدية وقدمي طلبا للسكن الاجتماعي.ان حصل وبعت مجوهراتكي اكتبي البيت باسمكي

[هاجر 76]

يا اختى كيما يقولو اطفرت من الاول الزواج برجل متزوج لا يملك الا شهريته خطاء الا ادا كانت عندك اسباب
المهم اصبري اختى و اكترى من الاستغفار مننصحكش تبيعى دهبك على منزل فى بناء فوضوى وادا طردوك البلدية منه يروح عليك كلشى ومكلاه تهدديه بالهجران لربما يلقا فرصة ويطلقك مراكيش عارفة ضغط المصاريف عليه يحط فى موقف صعيب روحى للبلدية بموافقته لطلب منزل و صمطى عليهم راكى عارفة عربنا
بلاك ان شاء الله تتفرج عليك اللهم امين

[** موحدة 02 **]

يا ختي وش فايدة الذهب يلا ما عندكش سكنة درقي فيها راسك.و راجلك بشهرية مع زوج نسا و ذراري وش يكفيه و كيفاه يقدر يديرلك دار في وقتنا,اتوكلي على ربي و ديري كيما قالولك الاخوة هنا.يا ختي يلا دخل عليك سراق في بناء فوضوي و ادالك ذهبك وش استفدتي.كون راني في بلاصتك ما نستناش قع

[manina_dr]

ادعو الله ان يفك ضيقتك و يفرج عليك عاجلا ليس اجلا
اختي لا تقنطي من رجمة الله ادعي الله كثيرا وقومي الليل تضرعي للمولى ففبيده مقاليب الامور
اما عن زوجك فتكلمي معه مرة واثنين والف لو لزم الامر و ادخلي وسيطا من عائلتك ابوك او اخوك
هدديه انك ستاخذين الاولاد وتذهبي
وان شاء الله ربي يهديه وتنصلح احوالك
لك دعواتي بالفرج العاجل

[مريم الصابرة]

السلام عليكم أختي الكريمة المكتوب جا هكذا والحمد لله وإنت أدعي ربي راجلك يهديه ربي انت الأهم ضرك أولادك أستريهم الذهب ما يهمش ربي يخلف عليك والبلدية تيقاي تستناي و يا ربي من الاحسن تدخلي لرئيس البلدية أعلميه أنك راحا تبني لأنوا ماكانش وين تدي ولادك أطلبي منوا وأبكيلوا ماشي عيب المهم تحمي ولادك وربي يكون معاك أعلمينا باللي يسير معاك موفقة أختي ربي يعاونك من عندوا ربي ما يضيع عبدوا

[abdel02]

والله غريب امركن...المراة تريد حلا وانتن تقولولها الخطا خطاك لانك قبلتي الزواج من واحد متزوج...لاعلينا....اختي الكريمةاطلبي منه انو يكريلك سكن منفرد..يليق بمقامك...كاين الكراء رخيص...ومن ثمة زيدي اقترضي شويه من عند الناس اللي تعرفيهم او الاهل تاعك وشوفي سكن مليح ورخيص...ربي يسهلك اختي...ولا تنس ان الله معك لانك صابرة من اجل اولادك...وانا متاكد انك لو كان ماعندكش اولاد معاه لوكان حدث الانفصال...لذا اكثري الدعاء...ربي معاك

[مناد بوفلجة]

ما عليك سوى الصبر و ربي وليداتك على الطاعة ,, إن شاء الله عندما يكبرون ,, يحملون عليك همومك

هي هكذا الدنيا , ستظلين شمعة تحترق لتربي أبناءها و تحافظ على زواجها و تصبر و تتحمل

و ربي يجازيكي في الآخرة , إن شاااء الله

[الجلفاوية]

لماذا قبلتي ان تكوني الثانية اصلا لرجل ليس لديه مسكن ولا يستطيع فتح بيتين...الخطا خطؤك حسب ما فهمت انك تحسدين الاولى على بيتها ليس ذلك مجديا...كان الجدير بك ان لا ترمي بنفسك غي مثل هذا المازق الرجل فقير ليس له ان يسد رمق عائة واحدة من اجبرك على الزواج به? الان وقع الفاس في الراس اصبري واحتسبي ولعل الله يجعل لك مخرجا...

[ياربي اني راضية]

اختي اصبري لربي وادعيه ومايسعك سوى الدعاء ودهبك ادا مايجيبلكش سكنة غير خليه وخطيك من البناء الفوضوي وربي يفرج عليك وعلى اولادك

[fati 17]

السلام عليكم الله يفرج عليك اختي في هذي الدنيا واحد متكملو لاانصحك ببيع ذهبك على الفوضاوي اعرف وحدة حدث معها ذلك المكان الذي اشترهو بنيت فيه مدرسة وخرجت من مول بلاحمص والزواج راه مكتوب

[كميلة001]

السلام عليكم و رحمة الله و بركاته
راني فاهماتك يا ختي الكريمة و صعيبة بزاف باش تقبلي هذه الحالة
و اترت فيا مشكلتك
و لكن الله ذو رحمة واسعة و راني نشوف بللي انت امراة صالحة
المهم انك لا تضيعي ابنائك و لا تحرمينهم من اباهم اذا كان عندك ابوك او اخوك و دايرة التقة فيهم قوليلهم يهدرو معاه و يحللو المشكل
و اعتبره افضل حل باش الاسرة لا تنحل و تبقوا دايما ملاح و بخير نشا لله
و تاني تقدري تكري دار و اطلبي المساعدة من اباك و توسلي اليه و قوليله بللي راكي تعاني
و نشالله ربي يفرج و ماتنسيش الصلاة و ذكر الله
و هذا الدعاء ينفعك "اللهم رحمتك ارجو فلا تكلني الى نفسي طرفة عين و اصلح لي شاني كله لا اله الا انت "ردديها 3 مرات و اتلي القران و ثقي بالله
في امااااااان الله

[naziha.zio]

الله يعطيك الصبر و يفرج عليك ان شاء الله

[بلبلة الجزائر]

والله غريب امركن...المراة تريد حلا وانتن تقولولها الخطا خطاك لانك قبلتي الزواج من واحد متزوج...لاعلينا....اختي الكريمةاطلبي منه انو يكريلك سكن منفرد..يليق بمقامك...كاين الكراء رخيص...ومن ثمة زيدي اقترضي شويه من عند الناس اللي تعرفيهم او الاهل تاعك وشوفي سكن مليح ورخيص...ربي يسهلك اختي...ولا تنس ان الله معك لانك صابرة من اجل اولادك...وانا متاكد انك لو كان ماعندكش اولاد معاه لوكان حدث الانفصال...لذا اكثري الدعاء...ربي معاك

الكراء رخيص بالله عليك اين هو :confused:

الكراء غير موجود اصلا وان وجد سيكون بسعر مليون او نواحيه

اختي صاحبة الموضوع كان الله بعونك

[abdel02]

الكراء رخيص بالله عليك اين هو :confused:


الكراء غير موجود اصلا وان وجد سيكون بسعر مليون او نواحيه


اختي صاحبة الموضوع كان الله بعونك

يا اختي الكريمة...وهي وعلاش تكري في وسط البلاد...تكري في حي قديم شعبي...او في بلدية قريبة من مركز الولاية...المهم تعمل حل مؤقت...في الشلف مثلا كاين كرية تاع 3 ملايين...وفي المقابل كاين تاع 500 الف...اظن انني لو كنت مكنها رايح اتنازل عن الليكس...

[بني بلعيد]

ما عسانا نقول لك إلا الصبر ، اللهم فرج كربة هذه الزوجة الصالحة وارزقها سكنا يأويها، آمين .

[younes39]

الله يكون في عونك اختي

[ريماس]

اختي لا تظننين انك لوحدك في هذه الدنيا تعانين هذه المشاكل والمشكل الاكبر مشكل السكن احتي بالصبر تقدري تعملي كلش لاخاطر كاين ناس مرت بيهم هذ المرحلة وربي فرج

.................... الطلاق عمرو لا يكون حل لكل المشاكل
خاصة انه المشكل مش في زوجك المشكل هو السكن ....................
.ربي يحله اختي علاه هو اذا لاباي تاعو كيما تقولي انتي ماتزيش قوليلو يكريلك ماقتا ..............
حتى توالف مع بعضاكم بعاد على المشاكل درك يعمل المستحيييل ويديرك حتى بيت
وانتي حبيتي تبيعي المجوهرات تاعك يعني الذهب ديالك ولا غير نتحسر عليك منا حامية ومنا تكوي كيما يقولي لانو الذهب كنز للمراة
خممي مليح اختي ..............واذا حبيتي تشري هو الي يخير المكان مش انت لانو راجل ويعرف مليح في هذا الامور ننصح اشري في حي شعبي مي مش قديم تقري يوم اخر وتبيعيه
مش مكان جديد يكون غالي عليك ولا مكان قديم يجي يوم وما تقدرش تبيعيه
تقبلي مروري

[بنت الباهية]

صبري أختي حتى ربي يفرج
و أنصحك بالإستخارة على أي أمر تقبلين عليه و ربي ييسر أمورك