مسابقة مديرية السياحة قسنطينة

[أخوكم الصادق]

السلام عليكم، ستجري مسابقة مفتش السياحة لولاية قسنطينة يوم 04 ديسمبر 2011 في مقر المديرية على الساعة التاسعة، و ستكون عبارة عن محادثة أي entretien، أتمنى منكم اخواني دعوة صادقة بالنجاح و بارك الله فيكم.:)

[أمينة1]

متى تم الاعلان عن هذه المسابقة وما هو التخصص المطلوب فيها
وربي ينجحك انشاء الله

[أخوكم الصادق]

السلام عليكم، لقد تم الاعلان عن المسابقة في 24 سبتمبر 2011 و ذلك في جريدة النصر، أما التخصصات المطلوبة فكانت الليسانس في أحد التخصصات التالية: السياحة أو الفندقة، التجارة، الحقوق، الاقتصاد و التسيير، بالتوفيق للجميع.

[شًذى الرُوح]

ربي يوفقكـ ويكون معاك خويــا

[أخوكم الصادق]

شكرا جزيلا، أسعدني مرورك الطيب و أعجبني توقيعك المميز، بارك الله فيك و دعواتنا بالتوفيق للجميع.

[2alia]

السلام عليكم و رحمة الله و بركاته
خويا أنا ما نعرفش اسمك بصح حبيت نشكرك لأنو لولاك أنت ما كنتش راح نجوز المسابقة هدي، أنا الي كنت معاك اليوم في المسابقة و بالصدفة قتلي بلي انت الي حطيت الاعلان عن المسابقة في المنتدى.
حبيت نشكرك خويا جزاك الله كل خير لأنو بزاف ناس ما بعثلهومش الاستدعاءات، ربي يوفقك انشاء الله و تكون من بين الناجحين في المسابقة هادي أو أخرى.

[zaki88]

بارك الله فيك

[أخوكم الصادق]

السلام عليكم و رحمة الله و بركاته
خويا أنا ما نعرفش اسمك بصح حبيت نشكرك لأنو لولاك أنت ما كنتش راح نجوز المسابقة هدي، أنا الي كنت معاك اليوم في المسابقة و بالصدفة قتلي بلي انت الي حطيت الاعلان عن المسابقة في المنتدى.
حبيت نشكرك خويا جزاك الله كل خير لأنو بزاف ناس ما بعثلهومش الاستدعاءات، ربي يوفقك انشاء الله و تكون من بين الناجحين في المسابقة هادي أو أخرى.
السلام عليكم، الحمد لله أن كنت سببا في مساعدتك أختي و لا داعي للشكر فهذا واجبنا و أعتقد أن منتدانا العزيز هو الذي يستحق الإطراء، أتمنى أن يوفقك الله الى ما فيه خير و من يدري قد نلتقي في مناسبات أخرى، شرفني التعرف إليك و بارك الله فيك.

[pato68]

ربي ينجحك و يوفق جميع المومنين

[أخوكم الصادق]

مشكور أخي، بارك الله فيك.

[Bourouba22]

نصيحة لك من اخوك شايف الوظيف الهمومي أو عاف التخلاط انتاعو

دعك من الحفظ و الدراسة و أوجاع الدماغ

شوفلك كانش خيط صحيح لمدير مديرية السياحة او مدير الوظيفة الهمومية
خويا أدعوه لعشاء في مطعم 04 نجوم

المثل اقول وكل الكرش تستحي العين

و اذا ماكش قادر ديرلك بروجي في لونساج واذا كنت تخاف من الربى................. دير صحنة قدام المسجد و ارتاح



الجزائر .....ان لله و ان اليه راجعون

صلو عليها صلاة الغائب من فضلكم

[2alia]

بارك الله فيك خويا و الشرف ليا و الله، طبعا خويا كل الشكر و الاحترام لمنتدانا العزيز ماش مجاملة لولاه ما كنت راح نقدر نجوز أي مسابقة. نتمناولوا الازدهار و الرقي و بارك الله في كل عضو يخدم اخوانو و لو بمعلومة صغيرة.
تشرفت بيك خويا و فرصة اخرى انشا الله و ربي يعطيك ما تتمنى.

[futur officier]

حنا في تلمسان
عندنا هده المسابقة على اساس الاختبارات
تخيلو زاد فتحو منصب متصرف اداري لدى مديرية السياحة انا عندي ليسانس في حقوق مين رحت ندفع الملف قالتلي وحدة
راحنا طالبين غير علوم سياسية برك بقيت حاير
وعليها دفعت نتاع المفتشين

[أخوكم الصادق]

بارك الله فيك خويا و الشرف ليا و الله، طبعا خويا كل الشكر و الاحترام لمنتدانا العزيز ماش مجاملة لولاه ما كنت راح نقدر نجوز أي مسابقة. نتمناولوا الازدهار و الرقي و بارك الله في كل عضو يخدم اخوانو و لو بمعلومة صغيرة.
تشرفت بيك خويا و فرصة اخرى انشا الله و ربي يعطيك ما تتمنى.
السلام عليكم، مشكورة أختاه على التفاعل بارك الله فيك و بالتوفيق لك و لأعضاء منتدانا الغالي، دمت بخير.

[أخوكم الصادق]

نصيحة لك من اخوك شايف الوظيف الهمومي أو عاف التخلاط انتاعو

دعك من الحفظ و الدراسة و أوجاع الدماغ

شوفلك كانش خيط صحيح لمدير مديرية السياحة او مدير الوظيفة الهمومية
خويا أدعوه لعشاء في مطعم 04 نجوم

المثل اقول وكل الكرش تستحي العين

و اذا ماكش قادر ديرلك بروجي في لونساج واذا كنت تخاف من الربى................. دير صحنة قدام المسجد و ارتاح



الجزائر .....ان لله و ان اليه راجعون

صلو عليها صلاة الغائب من فضلكم
أعتقد أن هناك طرق أحسن مما لديك، قليلا من التفاؤل أخي فالدنيا مازالت بخير.

[أخوكم الصادق]

حنا في تلمسان
عندنا هده المسابقة على اساس الاختبارات
تخيلو زاد فتحو منصب متصرف اداري لدى مديرية السياحة انا عندي ليسانس في حقوق مين رحت ندفع الملف قالتلي وحدة
راحنا طالبين غير علوم سياسية برك بقيت حاير
وعليها دفعت نتاع المفتشين
طبعا أخي، وكأننا لسنا في دولة واحدة، لا تقلق فالدنيا مكاتيب و من يدري لعلك تنجح في مسابقة المفتشين، وفقك الله.

[أمينة1]

ربي يوفقك خويا وينجحك في المسابقة ، تقدر تقول لنا كيف كانت المقابلة و ماهي الاسئلة التي طرحت عليك

[أخوكم الصادق]

السلام عليكم، لقد كانت أسئلة غريبة بعض الشيئ منها: مالفرق بين العقود الإدارية و القرارات الإدارية، ماهي نضرية المنتج و المستهلك، ماذا تعرف عن مصطفى بن بولعيد، ماهي المعالم الأثرية الموجودة في قسنطينة، و ماهي مهام مفتش في السياحة. و غيرها من الأسئلة كما لاحضت أنه يسأل حسب نوعية الشهادة المحصل عليها، بالتوفيق للجميع.