ياحسرتيييييي [الأرشيف] - منتديات الجلفة لكل الجزائريين و العرب

مشاهدة النسخة كاملة : ياحسرتيييييي

meryem achraf

2011-11-30, 13:33

السلام عليكم ورحمة الله

اليوم راني مقلقة وحابة نحي شوي على بالي نفسي راهي تلوم فيا بزاف وراسي 1راه قد البدون اليوم درنا امتحان فيزيا وماخدمتش كامل والمراجعة لي راجعتها مافدنتيش كامل يعني مدرتش مراجعة معمقة بصح كومام

meryem achraf

2011-11-30, 13:33

اوووووف بصح اسمحولي زدتلكم همي

مسيردى

2011-11-30, 13:34

عادي أختي وسعي خاطرك و ثيقي في مولاك و حمدي الله
دروك و لا في الباك

djalil tlemceni

2011-11-30, 16:26

اختي خدي نفس عميق وقولي لا اله إلا الله ...ما فيها واااااالو عاادي الكل يخطيء و الحمد لله انها جات في الاختبار و ماشي في الباك
لكن يجب ان تكون هذه العثرة حافزا لك و ان تراجعي جيدا و ليس مراجعة سطحية و الله لن يضيع تعبك ابدااااااااا من جد وجد و من زرع حصد
و لكل مجتهد نصيب
ربي يوفقك و يوفقنا جميعااااا اميــــــــــــــــــــــــــــــن

meryem achraf

2011-11-30, 16:43

ربي يهنيكم راكم طلعتولي شوي ف المورال راه كان فالحضيض

جبور عبد الحاكم

2011-11-30, 17:05

ثيقي في الله ومدابيك ترفعي لنا امتحانك لكي نحلوه

ٵڶقًـ۾ًـږღٵڶڝۼےـړ

2011-11-30, 17:08

متخافيش ختيتو ،، مكيش وحدك ،، أنا عمرتها أخطاء هاد العام ،، مكنتش موالفة نديرهم لعوام لي جازو

و تقدري تقولي جميع المواد ،، بالنسبة ليا مال9ري نخطأ و يحبطلي المورال و نزعف مي فالوقت نفسو يبقا هداك الخطأ في راسي و جامي نعاود نديرو

ختي الامتحانات لي رانا نجوزو فيهم بمثابة دروس ،، مبقاش كيما لعوام لي جازو نتقلقو على لا نوت و نخافو و نبكيو ،، دوكا الامتحان = درس ،، تبريباري فيه روحك للباك ،،

ربي يعاونك ،، و بالتوفيق للجميع إن شاء الله

adraa

2011-11-30, 17:08

نووووووووووووووووووووووووووووووووووووووووورماال ختي
مالا انا وش نقوول؟؟
راني قادرة حتى منجيبش لاموايان ههههههههههههه
بصح عادي هادي اول تجربة لينا
لازم تقوينا
و نقولهالك كي منخدموش خير هاكا نديرو القلب و نبقاو نقراو و نديرو كامل وش نقدرو
اما كون نخدمو مليح رح نتغرو و نتكاسلو و فالباك نوصلو فارغين....

ربي يكون الخير
ما تقلقيش ختيوتي

سلاام

billel25-dz

2011-11-30, 17:13

انا تاني صراتلي قبيل برك في الرياضيات بففففففففففففففف

ورثان الجنان

2011-11-30, 17:29

أختي والله أهم نصيحة أقدمها لك هي إنزعي االدراسة من ذهنك لمدة نصف ساعة

إذهبي لقراءة شيء من القرآن ووالله متأكد من أنك ستستريحين بإذن الله

لا تجعلي لهذه النتائج منعرجا سيئا في حياتك

بل إجعليها منطلقا لبداية جديدة

أسأل الله لي ولك التوفيق والسداد :)

PHARM2011

2011-11-30, 18:16

انا مشكيلتي تاني في الفيزياء اليوم
نهضت على الساعة الرابعة و النصف صباحا لاني ما كنت عارف والو في الفيزياء فادتني المراجعة لما شفت التمرين الاول تاع الاكسدة قلت ساهل حليت واحد كيفه الصباح لكن قلة التركيز دارتها بي بدل 2 كتبت 4 لا اعرف من اين اتيت بها لكن غلطة كيما هدي داتلي قاع التمرين
بالتوفيق

ح ـكآيه م ـبدع

2011-11-30, 19:43

نورمال...
كامل صراتلنا

وحدي في الظلام

2011-11-30, 19:51

اه اه اه برك من الفيزياء

الله لا تربحها هههههههه

لالا اختي عاااادي جدا يعطيك جات غير في الفصل هادا ومش في الباك

انتي استفيدي من اخطائك درك باش في الباك متعاوديهمش

ربي يوفقك اختيييييييي

meryem achraf

2011-12-01, 06:40

الله يخليكم يا خاوتي نتمنى برك متتعودش فلباك والامتحانات لخرين بصح الحاجة لي تغيض الدراهم لي خسرتهم فالكتب الخارجية والدروس الخصوصية راه ربي عالم خويا جبور راني منقدرش نحطلكم الموضوع درك نحوس عليه فالانترنيت ونحطوه نتناقشو فيه شكرا مرة خرة

khawla_dz

2011-12-01, 12:03

al hadja li mahich mli7a darna ra7 ygoulili les cours spécials li ta9ray fihoum lwah
l math w l physique war9a bayda dfa3tha hakak

منة الرحمن

2011-12-01, 12:49

الأمر عادي تماما أختي ....

اجعليها درسا لك لئلا تخطئي مجددا فيما أخطأت فيه ....

توكلي على الله و ابدئي بالتعويض في الفصل القادم .. لأن أغلبنا لم يكن أداؤه جيدا في الاختبارات ...

أنا لو كان نقلك عن نفسي ما خدمت والو هذا الفصل ... لكن الحمد لله قدر الله و ما شاء فعل ...

تذكري فقط أن الأمور بخواتيمها ... و رددي دوما في نفسك "إذا فشلت اليوم فسأنجح غدا"

وردة السلام

2011-12-01, 18:33

ختى ماتقلقيش خلاص

رانى كامل كيفكيف تغيض الواحد من جويلية وهو يقرى فالكور وعلى الاخير ميخدمش هاد الحاجة بالدات لي تظر فالقلب
وش راح نديرو ندعيوربي وننضاعفو الجهود والباقي على ربي سبحانو

تدكري الفشل هو اول خطوات النجاح من لايفشل لا بنجح

وفي الاخير اسأل الله ان يوفقنا

meryem achraf

2011-12-04, 16:23

شكرا على مواساتي وبالتوفيق للجميع

منة الرحمن

2011-12-04, 16:29

موفقة أختي ..........

اميرة الغيوم

2011-12-04, 16:34

منوش واش راني نشوف فيك دخلتي نبعت الصورة لي تفاهمنا عليها ولالا

اميرة الغيوم

2011-12-04, 16:38

هااااااااااااااااااااااااااااااااي

منة الرحمن

2011-12-04, 16:39

إذا كنت تحوسي على أختي من بعد تجي و تهدري معاها ...

إذا كنت تقصدي الصور تاع البحث حطيهم ودوك تشوفهم .....

راهي القعدة على الميكرو بالدالة ههههههه