ما السر في إختيار جامعة ورقــلة مركزا للإمتحانات ؟

[anouar0771]

السلام عليكم

أنا شاب من ولاية بسكرة وهاذي عامين وانا أترشح لمنصب متصرف إداري في عديدي المديريات
المشكل أني لم أفهم سر إختيار جامعة ورقلة مركزا للإمتحانات ؟
والله هرمنا من هذه الجامعة لا تتنظيم ولا إستقبال جيد ولاتوجيه وكانك داخل لمرعى أو إسطبل
إضافة إلى ظروف التنقل المزرية والسيئة وعدم وجود مراكز عديدة للإيواء إلا المراقد التي يغلب على زبائنها الأفارقة وعابري السبيل....حقيقة ظرووف جد مزرية......

ما الحل إخواني الكــــــــرام ؟

[adelkj2]

عندك الحق يا خويا والله غير متعبة المسابقة هناك حتى ان الواحد يفكر مايروحش بسبب صعوبة التنقل والايواء مثال احنا تاع المسيلة

[شيماء جمانة]

لا اظن انه مشكل كبير,,,,و اظن انه من حق نتاع الولايات الجنوبية ان يكون المسابقة في ورقلة,, ,,,و حتى انت ورقلة قريبة بالنسبة لك و النقل من ورقلة لبسكرة متوفر في اي وقت,,,,أما بخصوص الفنادق فهي متوفرة وليست سوى مراقد

[تبسي زوالي]

*****واش من استقبال خويا اللي راك تحوس عليه ..انت رايج تعقب امتحان ولا لاتي بالاستقبالات.....
انا فوتت امتحان 18/19/10/2011 كان توجيه بالصبورات...اعوان الامن كانو متعاونين معانا ..الحراس متواضعين ..مكان اجراء الامتحان في الطريق الرئيسي .....الفنادق متوفرة وبجميع الاسعار ....+ 75% نزاهة ...

[zingarella]

باش ما نروحوش

[shakip39]

أنا أشكر مسيري مركز ورقلة ولله تعمل تنجح من أحسن المراكز شفافية حسب خبرتي بأني اجتزت في العديد من المراكز وكان من افضلها ورقلة

[anouar0771]

المشكل الكبير في بعد المسافة بين بسكرة وورقلــة وهي حوالي 400 كلم+ وسائل النقل المتوفرة جد متخلفة حتى أنك تصل لورقلة متعبا ومرهقا ولاتبحث إلا على النوم والراحة ورحلة البحث عن ماوى لاتنتهي ونتا وزهرك....يعني ماراحش تركز مليح يوم الإمتحان.....اللي عاجباتو ورقلة نزيد نقلوا جرب المركز الجامعي بتمنراست وتمتع بالمناظر الخلابة للأهقار قبل ماتروح

[aladine07]

يا خاوتي لازم نخمو بالمنطق يعني في رايكم نتوما لواحد يقطع 400 كم باش يفوت مسابقة متصرف من اجل منصب واحد يا خاوتي ماشي ناس كامل كيف كيف
في هادي الرحلة هادا اذا ماكانش خلاص تصرف 5000 دج على الاقل وهادو اللي يقولو نورمال عادي مليحةورقلة وكلش فيها متوفر اقعدو اهدرو هكدا ومدو الحق لهادو المسؤولين ياو انشاء الله يبعثوكم تعقبو في منطقة مع الحدود مع مالي والنيجر ..........

[kaother]

واش راح تقول اذا قلت ان مديرية التجارة لولاية باتنة و كثير من ولايات الشرق تنظم مسابقات التوظيف في ولاية معسكر و اذا انت راجل و تشكي والبنات واش يقولوا
ونسينا ان الله هو ليرزق
والحمد لله على ذلك لانو لو كان الرزق بيد ناس كيما هذو الناس لمتنا من الجوع

[fawaz12]

والمترشحين من تمنراست واش يقولو

[karimzaid]

سلام عليكم اخواني انا من ولاية تمنراست وقد شاركة في المسابقة صحيح الكل يعاني من بعد المسافة هذا هو المشكل الذي يعاني منه كل المترشحين مثلا علم المكتبات اجتازو اخر مسابقة في ولاية وهران ماذا تقولوا في ذالك تصور متسابق من اقصى الشرق و لاية اليزي يشارك في هذه المسابقة ؟؟؟؟؟؟؟؟؟؟؟ يجب طرح المشكل على المسؤوليين بدرجة اولى يجب مرعاة ظروف كل ولاية وقضية التوقيت حقيقتا مهزلة والله مهزلة

[gualma]

والله عندو حق الأخ
وعلاه يبعدولنا مراكز الإختبار كيما هكا
انا من ولاية قالمة
راها بعيدة علينا ورقلة بزاف
حابو يخرجو المسابقة باه تكون شوية مصداقية اوكي
بصح مايش يميزرونا معاهم للدرجة هاذي
وتشقا على 1-2 بوصطات كون مقاري فيها أمل كبير
وزيد ليها المصاريف
مالا واحد من الذكور كون يجيه 10 إستدعاءات لورقلة كل مرة يخسر قريب مليون
مايعقب ما والو راهو يدير راسمال ويمارس التجارة على روحو
وعلاه يخسر في دراهمو
والله غير ظلم يا خاوتي

[ميساء23]

ورقلة صح فيها مصداقية كبيرة لكن راهي بعيدة بزاف تصوروا حنا السنة الي فاتت مسابقة مديرية الضرائب لولاية الطارف بعتونا الى ولاية ورقلة
انا شخصيا ما رحتش و نزيد نقولكم كانت هناك مسابقة في مديرية التعمير و البناء منصب واحد بعتوهم لوهران تصور من الشرق للغرب
تصورو معاناتنا نحن الاناث انتوما على الاقل راكم رجال راكم تروحو نورمال
ننصحكم انتم الدكور كل ما تبعد المسافة راهي مليحة ليكم راح يقل عدد المشاركين و تزيد فرصكم في النجاح
كان لي زميل دهب لاجتياز مسابقة في ولاية بجاية لما دخل المدرج كان غير هو و 2 اخرين والحمد لله نجح في الامتحان و الان راهو حاكم بلاصتو
بالتوفيق للجميع

[اسرار البحر]

الله المستعان

[pro24]

اظنكم انكم قد درستم الاقتصاد ولو انكم عرفتم ما معنى الاقتصاد الحقيقي لا جاءكم هذا الامر عادي فكل شيء يعمل اليوم في العالم ويبرمج همه الربح