الى كل الخياطات وذوات الذوق الرفيع

[sarsora777]

السلامالرفيعة لسلام عليكم أخواتي
انا بحاجة ماسة لنصائحكم انا ساكنة في الخارج و عندي عوام مارحتش و ماشفتش الجديد في الموديلات تاع المناسبات والاعراس وهاذ الصيف ان شاء الله نروح البلاد و كاين مناسبات واعراس من فضلكم عاونوني ونعتولي الجديد خلاص يعني اخر صيحة في كلش
مثل الكاراكو ، الملحفة الشاوية، القبايلي،. البرنوس، القفطان، فساتين السهرة، الفرقاني، Les ensembles de fête ، الجبب......الخ يعني كلش وتاني فساتين الاستقبال حابة كشما نخيط ولا نشري و الي كشما تعرف خياطة مليحة بزاف تقولي في اي ولاية خاصة العاصمة و ضواحيها ولا ولايات اخرى كيما بسكرة ، باتنة، سطيف، قسنطينة، عنابة واذا امكن الاسعار بلا ماننساو les accessoires
وكل حاجة جديدة وجازاكم الله كل خير ماتبخلوش عليا راني في حيرة وربي يجعلها لكم في ميزان حسناتكم والف شكر مسبقا

[sarsora777]

اين الردود اخواتي انا بحاجة لمساعدتكم راني ما عنديش شكون ينصحني ماليا الي نقدر نسقسيهم تاني يعيشو بعاد معلابالهمش بالجديد والبرانيا حشمت نسقسيهم

[sarsora777]

اخواتي اين الردود 200 مشاهدة ولا مشاركة اين انتم يا خياطات المنتدى اين انت يا ام كوثر

[أم نديم]

انا ما نعرفش نهز الصور لكن قادرة نسميلك وأنت سقسي هذا العام دارجة قنادرلي ستراس والاحجار خاصة في بيزو بيزووالقفاطن ماروكان كيما في الثقيل كاين لي كوكتال اشكال والوان بالفتلة والعقاش والكنتتيل والعدس وغيرها وخاصة الجبب بالقاط انتعهم ويزيدو الاخوات يوضحولك بالصور اكثر

[صاحب الامل]

يا اختي انتي اكيد بما انك جاية من بلاد برا

ما عليك غير تشوفي كاش soirée simple ومعها كذلك اكسسوار جد سمبل لانو ماكانش قد الحاجة السامبل

واذا حابة كيما راكي تقولي الكاراكو والقفطان وو....الخ

ما عليك غير تشوفي ماما لويزة المتواجدة بقسنطينة اكيد راح تفيدك كثييييييييييييييييييييير

[chahrazed-m]

اختي كاين بزاااف حجات جدد وعلى الموضة واي لبسة تلقاي لي على الموضة
بصح انت وش من ستيل حابة ووش من ستيل تلبسي

واغلبيتهم راهم يديرو قفاطن وجبادور وحسب ذوقك ومنطقتك كاين لي تحب الملحفة كاين لي تحب البدرون الكاراكو الكوكتال القبايلي
وكاينة لي تحب تايورات وكاين لي تحب جبة سامبل
يعني انت وستيلك وش حبيتي بالضبط ووش تلبسي بالضبط وممكن نعطوك صور

[sarsora777]

الف الف شكر ليكم كامل والله توحشت البلاد وحاجاتها

[sarsora777]

اختي كاين بزاااف حجات جدد وعلى الموضة واي لبسة تلقاي لي على الموضة
بصح انت وش من ستيل حابة ووش من ستيل تلبسي

واغلبيتهم راهم يديرو قفاطن وجبادور وحسب ذوقك ومنطقتك كاين لي تحب الملحفة كاين لي تحب البدرون الكاراكو الكوكتال القبايلي
وكاينة لي تحب تايورات وكاين لي تحب جبة سامبل
يعني انت وستيلك وش حبيتي بالضبط ووش تلبسي بالضبط وممكن نعطوك صور

حبيبتي شهرزاد الف شكر ليك انا نلبس كلش ما تحبش نتقيد بستيل واحد نحب من كل بستان زهرة عزيزتي نحوس على حوائج تقليدية على الموضة وتكون شبابية style هكذا شغل زعما عفايس بالسراول ولا بانتاكور حاجة كول مانعرف فهمتيني ولا لا
ما ننساش خيرك

[sarsora777]

اختي كاين بزاااف حجات جدد وعلى الموضة واي لبسة تلقاي لي على الموضة
بصح انت وش من ستيل حابة ووش من ستيل تلبسي

واغلبيتهم راهم يديرو قفاطن وجبادور وحسب ذوقك ومنطقتك كاين لي تحب الملحفة كاين لي تحب البدرون الكاراكو الكوكتال القبايلي
وكاينة لي تحب تايورات وكاين لي تحب جبة سامبل
يعني انت وستيلك وش حبيتي بالضبط ووش تلبسي بالضبط وممكن نعطوك صور

حبيبتي شهرزاد الف شكر ليك انا نلبس كلش ما تحبش نتقيد بستيل واحد نحب من كل بستان زهرة عزيزتي نحوس على حوائج تقليدية على الموضة وتكون شبابية style هكذا شغل زعما عفايس بالسراول ولا بانتاكور حاجة كول وروب دو سواريه ولا لي تايور مانعرف فهمتيني ولا لا
ما ننساش خيرك

[marama]

السلام عليكم اختي
المودال لمليح في عنابة و قالمة سغتوا تع ليتزيتخاس رهو يهبل

[sarsora777]

السلام عليكم اختي
المودال لمليح في عنابة و قالمة سغتوا تع ليتزيتخاس رهو يهبل

وين نلقاه تعيشي