و الله تعبت ... أريد الزواج.

[FM 18]

السلام عليكم،

و الله تعبت، أريد الزواج، لكن كيف أجدها ؟؟؟ بل كيف أبحث عنها ؟؟؟

أوكلت أمري للعائلة، لحد الأن لا شئ، أنا ليس لدي الوقت للبحث و حتى ان كان لا أعلم أي طريقة أتبع.

ما هو الحل ؟؟؟

[-العائد الى الله-]

والله العظيم انا ثاني راني ندور وندودر مالقيتش اللي توالمني وبلاك انا راني اكثر منك في البحث

المهم انا وحد النهار وصفولي اهلي وحد البنت لكنني استخرت ربي فيها

والله العظيم مرت 3 ايام لم اعد افكر فيها اطلاقا معنى هذا ان لا تتسرع يا اخي

رانا gاع في الهوا سوا اصبر وماتتقلقش تدي حاجة مليحة


الله ايوفقك و ويفقنا رانا ناويين الحلال

[مشكاة الهدى]

ربي يوفقكم ويرزقكم زوجات صالحات
ويبارك فيكم

هذا ما املكه
سوى الدعاء

[الوليـــــد]

هذا المشكل أخي الكريم يعاني منه جل المقبلين على الزواج في الجزائر, فقط تريث اخي .........

[sofiene DZ]

تزوج بنت عمك او خالك احسن حل

[راجي الصّمدِ]

ليس لك سبيل إليه إلا بالله تعالى

فالزم عتبة الباب..

[الواثق]

والله ضحكتوني ............................................الوضع راه قريب ينفجر .......................................ههه


انا راني معاكم كذلك ....................................لكن كاين بنات ماشاء الله ................................لكن احنا ثاني مانصعبوش ..............................المهم تلبس الجلباب وتوقف الدراسة اذا كانت تقرا وتحب طريقتي في التفكير وتكون تعرف امور بيتها وواجباتها اتجاه زوجها .................................................. .....هذا بالنسبة لي ....................................اذا مالقيناش واش نقلكم .................................الالمان راهي ولات قريبة ...............هه

[الوليـــــد]

ليس لك سبيل إليه إلا بالله تعالى

فالزم عتبة الباب..



iهذا امر مفروغ منه لأنه مهما صاحب الرجل من فتيات فانه لن يتزوج الا التي لم تر احدا غيره .

[رزان.]

أولا أخي الفاضل وكّل أمرك لله تعالى و تأكد أنه سيييسر ذلك و ستجد الطريقة باذنه مادامك ناوي الحلال و الله يرزقك بالزوجة الطيبة الصالحة آميـن

[- بصمة خير -]

ربي يرزقك الزوجة الصالحة

[أبو رائد عبد الرحمن]

أخي العزيز ضع أمانيك في سجدة ثم انسها فان الله لا ينساها بل يؤجلها الى حينها
اللهم ارزقه زوجة صالحة تعبدك وتقيم الصلاة
قل آمين

[ing.lakhdar]

متفكرناش
والله غير حرام عليك كنا نتناساو الموضوع وفكرتنا
كامل مالقيناش الحل غير الصبر
بارك الله فيك اخي

[janino]

استخيرو ا الله

[ing.lakhdar]

min netouma el rejal rakome teghoulou di el hadera hena chirat cha neghoulou.???????????????
الصبر الصبر الصبر
كلنا في الهوى سوى رجالا ونساء

[النجمة القطبية]

انا رايي تحدد المواصفات ثم تكلف العائلة بالبحث خاصة اذا لديك اخت او شخص قريب من سنك يفهمك ثم توكل امرك لله
والله فكرتنى فى خالى هذا عامين وحنا نحوسولو والله تحلف تقول البنات خلاصو :1:
اقترحت عليه صديقتى قمة فى الاخلاق قال قارية وراح تخدم منديهاش:confused: والله مفهمتش حتى جدى قال قارية اكيد تخدم لالا :mad:
قولنالو من الجيران قال لالا
من العائلة لالا
المهم ربى يوفق الجميع وكى تتقدر الاقدار تعمى الابصار :19:

[نسائم الهدى]

انا رايي تحدد المواصفات ثم تكلف العائلة بالبحث خاصة اذا لديك اخت او شخص قريب من سنك يفهمك ثم توكل امرك لله
والله فكرتنى فى خالى هذا عامين وحنا نحوسولو والله تحلف تقول البنات خلاصو :1:
اقترحت عليه صديقتى قمة فى الاخلاق قال قارية وراح تخدم منديهاش:confused: والله مفهمتش حتى جدى قال قارية اكيد تخدم لالا :mad:
قولنالو من الجيران قال لالا
من العائلة لالا
المهم ربى يوفق الجميع وكى تتقدر الاقدار تعمى الابصار :19:
أنا نقولك نجمة
اخطبيني أنا لعمّك وهدا ماكان
ويتهنى الفرطاس لحكّان الراس :1:
واش قلتي؟

[النجمة القطبية]

أنا نقولك نجمة
اخطبيني أنا لعمّك وهدا ماكان
ويتهنى الفرطاس لحكّان الراس :1:
واش قلتي؟

والله شخصيا مادابيا نتمنى راكى تبانى ناس ملاح بزاف
وزيد تحبى الصح السيد راه مفشش بزاف يحب ياكل ويحب الحاجة المليحة مهبلنى والله هههههههه صح نحبو بزاف بصح هبلنى تخيلى كى نفرغلو الحليب لازم نقعد نبردو قبل ما نعطيهولو كى الولاد الصغار هههههه لا وزيد ادا صابو سخون يزعف ونولى نحلل
ونهار يمرض منحكيلكش ههههه نسهر مع التيزانات معندى ما نحكيلك هو صح حنين بزاف بصح مدل
نشفى مرة قالى بردى الحليب وجيبى غاطو رحت وبطيت عليه شويا رجعت لقيتو زعف قالى اشربيه انتى عييت نحلل ماكان والو هههههه
علابيها وليت منحبش ندخل روحى فيه السيد تانى نحصل بنت الناس:1:

[ing.lakhdar]

هههههه
الظاهر ان كل اعضاء المنتدى تعبانين وحابين الزواج
fm18 مسكين غير سبة

[النجمة القطبية]

اسمعى يا اخت الرجال فرغى المجلد ديالك حبيت نتواصل معاك على الخاص لو ممكن راح تكون اول رسالة نبعثها هنا ليك باذن الله
بالاك نحكو شوى واش رايك

[نسائم الهدى]

والله شخصيا مادابيا نتمنى راكى تبانى ناس ملاح بزاف
وزيد تحبى الصح السيد راه مفشش بزاف يحب ياكل ويحب الحاجة المليحة مهبلنى والله هههههههه صح نحبو بزاف بصح هبلنى تخيلى كى نفرغلو الحليب لازم نقعد نبردو قبل ما نعطيهولو كى الولاد الصغار هههههه لا وزيد ادا صابو سخون يزعف ونولى نحلل
ونهار يمرض منحكيلكش ههههه نسهر مع التيزانات معندى ما نحكيلك هو صح حنين بزاف بصح مدل
نشفى مرة قالى بردى الحليب وجيبى غاطو رحت وبطيت عليه شويا رجعت لقيتو زعف قالى اشربيه انتى عييت نحلل ماكان والو هههههه
علابيها وليت منحبش ندخل روحى فيه السيد تانى نحصل بنت الناس:1:
يا يمّا تقول شي راكي تتكلمي على خويا الصغير(أصغر إخوتي ولكنه أكبر مني عمره 30 سنة)
ماما قلشاتوا وأنا حصل في راسي
مي أنا شاطرة حصّلتوا في راس حبيبتي قبل 4 سنين سينو راه هبلني ههه :1:
وبيناتنا حنا في دارنا خويا الصغير وأبي كيما راكي تحكي مهبلينا ماما تقوللهم انتوما لازملكم 10 نسا واقفين وما نعرف يلحقوا على شروطكم ههه :1:
مي بيناتنا كي نقلشوهم حنا هوما تاني يقلشونا صح ولّا لالا؟
ربي يحفظولك ويحفظك ليه حتىّ تفرحي بيه إن شاء الله
وزيد نقولك تهلّاي فيه تصيبيها عندي ربي سبحانه وتعالى وهو ما ينساهلكش
بارك الله فيك عزيزتي نجمة
وسلااااااااااااااااااااام

[نسائم الهدى]

اسمعى يا اخت الرجال فرغى المجلد ديالك حبيت نتواصل معاك على الخاص لو ممكن راح تكون اول رسالة نبعثها هنا ليك باذن الله
بالاك نحكو شوى واش رايك
اختي تعرفي ما هي أجمل شيء
وأكثر ما أحبه في منتدى الجلفة ؟؟؟
أنه لا توجد خاصية الرسائل الخاصة
منتدى نظيف لا إزعاج لا تقلاق
سلااااااااااااااااااااام

[الفرحة معكم]

:dj_17: انت راجل تدخل الباب الي تبغي عييت شا يgولو الشيرات كل مايخطب واحد يجي مايل انت راك غاية اصبر غادي تلقى الي توالمك.اما الشيرا مسكينة الخطابة ينحسبو عليها ويgولولها قبلي باي واحد خيرما يفوتك الزواج حتى ولو كانت صغيرا وشابة

[النجمة القطبية]

اختي تعرفي ما هي أجمل شيء
وأكثر ما أحبه في منتدى الجلفة ؟؟؟
أنه لا توجد خاصية الرسائل الخاصة
منتدى نظيف لا إزعاج لا تقلاق
سلاا
ااااااااااااااااااام


نعم انا رانى جديدة فى المنتدى ومنعرفش
مش مشكلة
صراحة كنت حابة نحكى هاداك اللى حكيت عليه راه خالى مش عمى
وهو ملتزم لكن اكيد مرتو تلبس القستان الابيض:1:
بصح كى قلتى عمى فكرتينى
ومعلاباليش علاش حسيت روحى حابة نهدر
عمى هادا ملتزم بل ملتزم جداا والحمد لله وميسور ماديا وزيد قارى
ولاباس بيه والله خطب اجمل البنات وكامل قبلو بصح لم يتوفق للزواج الى حد الان
تعرفى اخر وحدة خطبها بطل تصورى السبب قالها لا اريد عرس ومعازف وقالها راح نديرك احسن حفل لكن رفضت وبطل
تصورى عمرو وصل للخمسين دون مبالغة
معلاباليش علاش رانى نحكيلك ربما مجرد فضفضة وربما تفكرتك لا اعلم مشكلتى نحب اهلى بزاف ونفكر فيهم كثر من روحى

[عبد الرؤوف الفيالاري]

السلام عليكم


يا اخوة واخوات ..ليس الزواج كل شيء في الحياة ..في ناس متزوجين ويتمنوا انهم ماتزوجوا

[السحابة]

الزواج سنة الحياة أنا راني ندعي في ربي يرزقني الزوج الصالح ادعوا لنا جميعا من بك 18 ورووووووووووووووووووووووووووووووووووووووووووح ههههههههههههه

[النجمة القطبية]

[quote=عبد الرؤوف الفيالاري;8032641]السلام عليكم


يا اخوة واخوات ..ليس الزواج كل شيء في الحياة ..في ناس متزوجين ويتمنوا انهم ماتزو[/لماذا

[الباديسي]

استخير الله وقل يارب

[عماد المحب]

السلام عليكم


يا اخوة واخوات ..ليس الزواج كل شيء في الحياة ..في ناس متزوجين ويتمنوا انهم ماتزوجوا

السلام عليكم ورحمة الله وبركاته
اخي بارك الله فيك خلي خاوتنا يملو في الزواج وانت اذا ما تحبش الزواج ننصحك بمنتدى الاخبار العا لمية
تشوف تكسار الراس والسياسة وتخلينا ترونكيل هههههههه

[نسائم الهدى]

نعم انا رانى جديدة فى المنتدى ومنعرفش
مش مشكلة
صراحة كنت حابة نحكى هاداك اللى حكيت عليه راه خالى مش عمى
وهو ملتزم لكن اكيد مرتو تلبس القستان الابيض:1:
بصح كى قلتى عمى فكرتينى
ومعلاباليش علاش حسيت روحى حابة نهدر
عمى هادا ملتزم بل ملتزم جداا والحمد لله وميسور ماديا وزيد قارى
ولاباس بيه والله خطب اجمل البنات وكامل قبلو بصح لم يتوفق للزواج الى حد الان
تعرفى اخر وحدة خطبها بطل تصورى السبب قالها لا اريد عرس ومعازف وقالها راح نديرك احسن حفل لكن رفضت وبطل
تصورى عمرو وصل للخمسين دون مبالغة
معلاباليش علاش رانى نحكيلك ربما مجرد فضفضة وربما تفكرتك لا اعلم مشكلتى نحب اهلى بزاف ونفكر فيهم كثر من روحى

أدخلي لغرفة دردشة البنات وتستطيعين الدردشة معي
لكي لا يطردنا صاحب الموضوع
سأنتظرك نجمة
سلااااااااااااااااااام

[ing.lakhdar]

السلام عليكم ورحمة الله وبركاته
اخي بارك الله فيك خلي خاوتنا يملو في الزواج وانت اذا ما تحبش الزواج ننصحك بمنتدى الاخبار العا لمية
تشوف تكسار الراس والسياسة وتخلينا ترونكيل هههههههه

وين كنت يااخي
والله غير عندك الصح

[- بصمة خير -]

السلام عليكم


يا اخوة واخوات ..ليس الزواج كل شيء في الحياة ..في ناس متزوجين ويتمنوا انهم ماتزوجوا


كل واحد يحوس على اللي ماعاندوش

الزواج ماهوش كلش و لكن ايضا حاجة مليحة و مليح كيمن يكون واحد و الا وحدة متزوجة و مدايرة عايلة

ربي يوفق

[BAROUD]

moi aussi j'aime de ...

[djhaker]

ههههههههههههههههههههه قال يبي يتزوج

لك قصة واحد استمتع بالقصة




يقوللك فيه محشش يبي يتزوج ,,

بس المسكين مآآ لقى احد يتزوجه و توافق عليه ,,

المهم بعد معآآناة طويله وافق واحد شآآيب انه يزوجه بنته ,,

و تقديراً لظروفه قآآله : مهر بنتي ريآآل واحد بس ,,

المحشش فرح و تزوج ومرت الايآآم ,,

المشكلة ان المحشش كل يوم كآآن يعآآير زوجته و يناديهآآ تعآآلي يـ ام ريآآل ,, روحي يـ ام ريآآل ,, وينك يـ ام ريآآل ,,

الين جاء اليوم اللي قالهآآ فيه : تدرين وش وجه الشبه بينك و بين البيبسي ..؟

قآآلت : ايش ..؟

قالهآآ : كلكم بريآآل ,,

المهم البنت طرطعت وزعلت وكلمت ابوهآآ ,,

ابوهآآ قالهآآ : مآآ عليكي منه ,, دواه عندي ... << نص من الجمله مفقود ,, قصدي البيت ,,

اتصل ابوهآآ على زوجهآآ المحشش و قآآله : يآآ ليت تتفضل بكره انت و اهلك عندنآآ في البيت ,, عآآزمكم على الغدا ,,

المهم راح المحشش ثآآني يوم هو واهله و طبعاً زوجته معهم ,,

بعد الغدا قآآل ابوهآآ لزوجهآآ : انت قآآعد تعآآير بنتي و تقول انتي و البيبسي واحد ..؟

والله الحين بنتي مهيب طآآلعه من بيتي ,, و إذا تبيهآآ ادفع لي مهر 300 ألاف ريآآل ,,

اهل المحشش كلوهآآ ,, حآآولوا يقنعون ابو البنت بأن ولدهم اوب صآآحي ,, وهذي سواليفه كل يوم ,, بس ابوهآآ عيّاا

في النهآآية ,, دفعوا له المبلغ اللي حدده و طلعوهآآ من البيت ,,

وهم راجعين لبيتهم ,, المحشش ينآآظر زوجته بحقد و يقولهآآ :

.
.
.
.

طيييب يآآمصنع البيبسي ,,

[ing.lakhdar]

3lash neta maraksh ta3banmmmmmmmmmmmmmmmmmmm w hab tetezawj !!!!
هههههه اظنني اولهم
اللهم إرزق شباب المسلمين زوجات صالحات وإرزق بنات المسلمين أزواجا صالحين
اللهم أمين يارب العالمين
اللَّهُمَّ اكْفِنِي بِحَلالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ

[عماد المحب]

السلام عليكم ورحمة الله وبركاته
ما نعرف الاخ fm18تنحالو التعاب بعد راية الردود الطيبة للاخوة والاخوات الكرام ولا مازال
اذا ما زال نحاولو نزوجوه في القريب العاجل ان شاء الله

[ing.lakhdar]

مكانش مشكل نعاونوه ونزوجوه
بصح من بعد يدبر راسو

[عماد المحب]

مكانش مشكل نعاونوه ونزوجوه
بصح من بعد يدبر راسو
راني خايف يولي يخاف من كلمة يدبر راسوهههههه

[ing.lakhdar]

من بعد ساهلة مايخافش مرة ينود ومرة يطيح وووو
ساهلة غير يتزوج وينقص لينا من العزاب