مشكلتي مع شاب

[مشكلتي]

مشكلتي
يوجد رجل يسكن امامنا متزوج حديثا وهو في الثلاثينات من عمره كثير النظر الي لااعرف لماذا ولما يشوفني مارة يحبس كل شي من يديه ويبقا يشوف فيا ولاخطرات يعمل اي حاجة باش يبين بلي راه قدامي مثلا يزيد في نبرة صوته باش نشوف فيه وعينيه توجور فالشرفة مع انني لااخرج الى الشرفة الا نادرا وكلما نخرج نصيبه يشوف وانا لاابالي به ابدا الا ان نظراته وتصرفاته تضايقني
فمارايكم انتم وبما تنصحوني

[kamel76]

إلتزمي حدودك وحجابك وحجابك وحجابك و حجابك و حجابك و حجابك و حجابك وحجابك و إياك و شراك الشيطان و الذئاب البشرية .واحترسي من رقم هاتفك أن يقع بين يديه

[- بصمة خير -]

رودي بالك منو

راهو متزوج حدبثا كيمن قولتي و ماديري احلام و لا أي شيء

لاحظيه تشوفيه يشوف في البنات كككككككككككامل ماشي غير انت
كاين اللي عينهم زايغة
ربي يستر عليك

[جسور المحبة]

حذاري ومدامو غير كيف متزوج ومرتو ما ملاتش ليه عينو اعرفي لي راه انسان خايب

[فارس الجزائري]

السلام عليكم
ما تشوفيش فيه ما يشوفش فيك
وما طليش عليه مايطلش عليك
واذا حبيتي يشوفك الي خير منو شوفي في ربي ورفعي يدك ليه ودعيه
بالتوفيق إن شاء الله

[mina minouna]

اخطيك منو مايحشموش مزوج و يبقى يشوف قولو احشم على عرضك تافه بففففف والله عيب عليه بلاكي يلعبلك على مورال ماتشوفي معاه ما والو حذاااااااارى

[helen22]

حذاريحذاريحذاري

[moi*]

ربي يهديه ويسترك انشاءالله

وتاكدي انو رح يشوف مرة وزوج واذا ملقاش تجاوب رح يكره وحدو

يعني الامر بيدك

واعذريني على صراحتي لكن مادام وضعت الموضوع وطرحت الاشكال يعني انك مهتمة او انو يشغل بالك

فاحذري احذري احذري

هو ما عندو مايخسر رجل ومتزوج شوفي اللي رح يخلص


سلاااااااااااااااااااااااااااااااااااااااااااااااا م

[نورالهدى**]

مادامو دارها معاك يعني ومالف يديرها مع عشرة غيرك

متزوج وماحاشمش الله يهدي

[ريحانتي]

حاولي تتجنبيه قدر المستطاع .............الله يهديه هادا مانقولوله

[*رتاج الكعبة*]

احذري عزيزتي تغلطي معاه لازم ماتفكريش فيه وماتديهاش فيه

[رزان.]

ربي يهديه حاولي الإبتعاد عنه و ما تعطيهش أي فرصة يشوفك قيمتك و سمعتك أهم شيء

[الاسلام الحل]

احذر التبرج

[hamzagolf6]

قولي لخوك ولا باباك درك يفهو بيان

[كَـآهُو]

اٍيــــــــــــاكِ تعطيلو اي قيــــــــــــــمة وانساي بلي راهو موجود


و ادا طولت الحالة حرشي عليه باباك ولا كشما واحد من عايلتك

[ميمنة الجزائر]

هو فارغ شغل وعينو زايغة

انت احرصي وراهم كاين كثير من هذو غير التراب الي عمرلهم عينيهم

والمراة التي تحصن نفسها وما تخزر لا فيه ولا في غيرو

وان شاء الله يجيك مكتوبك اما هذا راهو زير نسا لا غير

[مريم الصابرة]

السلام عليكم أختي ما تقيميهش كاللي ماكانش هذا ما يحشمش على روحو ربي يهديه مادام يحب يشوف فبنات الناس وللشرفات ماهوش راجل إسمحولي قلقني لو جا راجلي الذبيحة حلال فيه إنت إذا كاش مادار حاجة أخرى وضايقك قولي لواحد من أهلك خليه يربيه يولي وين بشوفك يحذ راسوا كالفار والتاقة نتاع داروا ويسكرها مهبول يقلق ربي يهديكم يا رجال قوبو آميييييين