اول محرم

[dahbiya]

مساء الخير كل وحدة من العضوات تدخل وتقول واش تطيب في اول محرم واش هي عاداتكم انا نعمل شخشوخة وهي غنية
عن التعريف ارجوا الرد واتمنى لكم سنة هجرية مباركة

[حلم جميل]

مزال مقررتش
ان شاء الله ندير رشتة

[janna]

انا تاني رايحى ندير شخشوخة وشوربة فريك عام سعيد :mh31:

[nada nina]

انا نشااله رايحة ندير شخشوخة الظفر و كل عام وناتم بخير

[imy88]

احنا انديرو رشتى كما كامل تاع العاصمة
ان شاء الله

احنا في العاصمة دايما نخبو كننف من عيد لمحرم

كل عام ونتوما بخير

[my lamis]

أنا ثاني رايحة ندير شخشوخة حنا عادتنا نخلو ملحم العيد الكبير و نديرو طعام بصح أنا حبيت نبدل و راجلي ثان قالي ديريها
كل عام و الأمة الإسلامية بخير

http://im17.gulfup.com/2011-11-24/1322148877161.jpg

http://im15.gulfup.com/2011-11-24/1322146853431.png

[oum mehdi]

salam ana ndir chakhchoukha annabya bonne annee hygerienne

[نزهة الربيع]

سنه ايمان وتقوى لنا جميعا ان شاء الله رايحه نععععععععععععمل شخشوخه بسكريه الحلوة وليس الحاره ىعنى لحم وحمص وزبيب ونحمر البطاطا للتزيين مع البيض

[بني بلعيد]

عاداتنا في أول المحرم ، نقوم بتحظير عشاء متميز ودسم بما لذ وطاب ، وتكون العائلة مجتمعة على المائدة كلها أثناء العشاء.

[ام خديجة1]

ما زال ما قررت واش نطيب منا للوقت هذاك ربي ورحمتو ونشوف واش يبغو نطيب

[أم ياسين الزهراء]

اذا كتب ربي ندير روطي تاع الكتف شوي تغير

وكل عام واحنا بخير

[dahbiya]

ام مهدي من فضلك كيف تديري الشخشوخة العنابية ارجوا الرد

[zaara0505]

احنا عندنا في جيهة الشاوبة نديرو الشخشوخة ونخليو كتفة من لحم العيد نحمروها
ونحنيو ليدينا

[omanis]

احنا في العاصمة نديرو الرشتة و انا بما انه زوجي لا يحب اللحم يعني نباتي نديرها بالدجاج و نحمرو شوية في الفرن بالزبدة
عام سعيد و كل عام و انتم بالف خير حبايبي

[snowiman]

اللحم بالطعام هدا واش يديرو كااااامل ناس الجلفة في اول محرم وحنا نلمو العائلة كاملين في دارنا لاخاطر بابا هو لكبير فيهم خطرة نذبحو ولا نشرو 2 فريسات لان عائلتنا كبييرة ولا نديرو لمصور وهو عبارة عن خروف مشويي و يقدم مع البصل و السلطة