القبول و الانتظار

[مشكلتي]

مشكلتي أرقتني

جا واحد يعرفوه دارنا ) بوسيط).. اخلاق و دين اهلي خلاو الامر عندي و لكن

كاين واحد في عايلتنا ماشاء الله اخلاق و دين . ماماه قالت لمرت اخي. كون وليدي يخدم نخطبهالو

و سقسيتو و قال ايه . و كانت ديما تسقسي عليا هل تخطبت و لا مازال

المهم قبل كي تقدملي الشاب

قالت مرت خويا لأمو راهم جايين يخطبوها/ شوفة برك/

قالتلها راهو ما يخدمش.. فردت زوجة اخي . غير قولي لعجوزتي علابالي رايحة تمدهالك و راني سقسيتها

و قالت قولها تتقدم على الاقل تقول تخليها لي برك. و نستناوه حتى لو طول بزاااف// رد أمي/

يماه فرحت بالخبر و قالت مدابيا.. و راني سقسيتو هذ ليمات واش قولك فيها// يعني أنا// قالها: هي طفلة تعجبني

المهم في الاخير قالت لمرت خويا: المهم ياك شوفة برك ... دوك نسقسيه و نرجعلك لخبر ...

و راحت مرت خويا لعند يماه ... باش تمدلها القندورة .. ما لفت انتباه مرت اخي انها كانت تسقسي فيها // واش عجبها

الخطيب و لا لا...// مرت خويا ردت و قالت .. هي ما قالت والو و الامر بيد باباها...

يماه قالت راني قوتلو و كان ردو:"............" و مازال ما كملتش الهدرة و دخل و لدها .. قالتها دوك نجيك و نقولك

خايفة كون ما ترجعش .. كيفاش هل مرت خويا ترجعلها ..... ام ماذا؟؟؟؟؟؟؟؟؟؟ .........

خاوتي أنا علابالي بلي هو رزييييييييين بزاااااااااف.. و متـاكدة بلي يستنا في الرد تاعي على الخطيب

// يعني على حسب واش فهمت من مرت اخي ما يحبش يكون جرة....

فهموني الله يخليكم .. مع العلم ان يمات قريبي قالت... الخطبة ساهلة و الفاتحة تانيك.. بصح مبعد هذا واش قاتلني ..

لانو ولدها ما يخدمش و راه دافع الدوسيات // مستوى امعي و ديبلومات اخرى /// ..... مع العلم ان قريبي كان خاطب

و عاقد

و فسخ كلشي .. بسبب أن خطيبتو زرباتو على العرس


و أنا من صغري أطمح باش نعيش في عائلة طيبة لاني ما نحبش المشاكل الي بين الكنة و لعجوز و نخاف منهم ...

و كل الشروط تتوفر في قريبي ... و أمي تاني حاباتو


المشكل أنا صراحة مايلة لقريبي .

و مانيش حابة نطيح كلمة قريبتي الي جابتلي الخطيب الي تقدملي مع العلم ان الخطيب عجب خاوتي و و الدي مازال

ماردش يستنى في ردي .../ مع العلم انو ماماه علابالي بيها ما طولش و تعيط

هل قبلت أم لا/ .... رد الخطيب كان بالايجاب

و أخشى ان اظلم ...

أحتاج رأيكم باارك الله فيكم .. صدقوني في حيرة

[انثى المطر]

حبيبتي عصفور في اليد ولا عشرة على الشجرة


مادام الي متقدملك اخلا ق ودين وتربية وزيد خدام لواش هاد التماطل كامل


ربي يقدملك الي فيه الخير

[جوهرة العدالة]

و الله يا اختي ما قدرت نفهم اصلا وش هو المشكل للاسف المسالة مكتوبة بطريقة معقدة نوعا ما المهم انا لي نعرفو هو او قريبك هو لي يتقدم لك و هو لي ينتظر الموافقة تيعك و تع اهلك ماشي العكس

[mina minouna]

الصراحة والله مافهمت مليح المهم راجل لازم يكون خدام ماشي خطبك نبعد تبقاي تسناي 100عام ربي يسهلك و ادعي ربي وانشاء الله الي فيه الخير ربي يجيبهولك

[النجمة القطبية]

يا اختى انا رايي شوفى الانسان الى جا من الباب وجاب عائلتو ودارلك قيمة وقدر ودخل من الباب
افضل من شخص انتى تبعثيلو وتستناى ردو
وماشى مليح خطبة الاخ عى خطبة اخيه
وصلى صلاة الاستخارة
وربى يوفقك للخير

[حسينة 36]

اختي واش بيك هاذا لا تجوز خطبة على خطبة

من المفروض كنت رديتي على الاول قبل ما تجيك حكاية الثاني

صلي الاستخارة وادعي وربي ان شاء الله ينورلك بصيرتك

[sara.info]

لم أفهم جيدا ما كتبتي لكن ليس هناك أحسن من الإستخارة
لكن وجب أن تنتبهي الى أن العمل و الإستقرار المادي كدلك شيئ مهم و لا تعلقي آمالك على الوعود و تبقين معلقة بها

[ناصرالدين الجزائري]

حسب ظني فإن زوجة أخيك هي من أحدثت هذا المشكل بتدخلها وسط هذه الخطوبة ...
لو انتظرت حتى ياتي ردك لكان افضل .. فإن قبلتي تصمت .. و إن رفضتي الخاطب فهنا فقط تحدثكم عن قريبها .. لكن محاولة اقحام خاطب جديد وسط خطبة فهذا لا يليق .. و لا اقول أن هذا محرم لأن الأول لم يرد عليه بالقبول .. فهذه لا تعتبر خطبة على خطبة حسب ظني ...
الحل بيدك أختي و عليك اختيار مستقبلك وحدك .. فلقد قلتي أن الخاطبين من عائلة محترمة و عيب قريبك أنه لا يعمل .. يعني قضية وقت فقط .. اذن اختاري بين قبول الخاطب الجاهز اليوم و بين انتظار قريبك الذي لا لم يجد عمل .. هذا هو المشكل .. فهل ستقبلين أن تبقي معلقة تنتظرين شخص يحتاج الى سنوات لتجهيز نفسه .. و لماذا اصلا تنتظريه ؟ يعني ما هو الشئ الذي يميزه عن باقي الرجال ...
ربما تميلين لعائلة اقاربك بحكم أنك تعلمين حالهم و هذا يشعرك بالراحة أما الخاطب الجديد فلا تعلمين حال عائلتهم فتحسين بالخوف من المجهول ...
خلاصة القول هي إن كان قريبك يعمل اي يملك مصدر رزق و لو غير مرسم فأنصحك برفض الخاطب الاول و القبول بقريبك ..
أما إذا كان قريبك لا يعمل إطلاقا و ليس له اي مصدر رزق فأنصحك بقبول الخاطب الأول ..
الزواج مشروع يخطط له بالعقل و ليس بالمشاعر .. و لا اقول أننا ننسلخ من مشاعرنا لكن اذا توفرت الشروط المنطقية في شخص فيمكن في هذا الحال اشراك المشاعر .. و بما أنك ترتاحين أكثر لقريبك فانظري ان كانت حالته المادية تسمح له بتحمل مسؤولية الزواج .. إما إذا كان العكس فالأحسن له أن يبحث عن عمل بدل البحث عن زوجة ...
و أهم شئ أن تستخيري الله و أكثري من الدعاء ..
و احمدي الله على هذه النعمة فهناك بنات لم تجد من يخطبها و أنت محتارة من تختارين ...

هذا مجرد راي .. و ما أظن إلا ظنا .. و ما يغني الظن من الحق شئ ..
و بالتوفيق إن شاء الله ...