دوبارة من مطبخي حارة مممممممممممممم

[sofiane2075]

بسم الله الرحمان الرحيم

اليوم حبيتكم تشوفو طريقتي في تحضير الدوبارة لي تعلمته بعد ما شريناها من المطعم عجبتي و عدت نديرها بزاف في الشتاء و المقادير طبعا حسب عدد افراد عائلتك

حمص منقوع ليلة من قبل تطيبيه في كوكوطة مليح و ماتضيفيلو والو ملح فلفل اسود كمون بصل مقطع رقيق دبشة مقطعة رقيقة طماطم مرحية و شويةمصبرة مع ملعقة سكر هريسة حسب الرغبة فلفل مرقد قطع من الليمون زيت زيتون ضرورية تقدري تضيفي فلفل عكري و توابل حسب رغبتك



http://store2.up-00.com/Nov11/lQr98401.jpg (http://www.up-00.com/)

http://store2.up-00.com/Nov11/Cr298401.jpg (http://www.up-00.com/)

http://store2.up-00.com/Nov11/QYS98401.jpg (http://www.up-00.com/)

http://store2.up-00.com/Nov11/5cB98401.jpg (http://www.up-00.com/)

http://store2.up-00.com/Nov11/iWx98402.jpg (http://www.up-00.com/)

http://store2.up-00.com/Nov11/Fdf98402.jpg (http://www.up-00.com/)

http://store2.up-00.com/Nov11/Sxa99102.jpg (http://www.up-00.com/)

http://store2.up-00.com/Nov11/jym99102.jpg (http://www.up-00.com/)

http://store2.up-00.com/Nov11/UNK99102.jpg (http://www.up-00.com/)

http://store2.up-00.com/Nov11/qOm99102.jpg (http://www.up-00.com/)

[BACHIRA2]

بارك الله فيك اختي على الوصفة ان شاء الله نجربها تقبلي تحياتي الحارة اختي ام سفيان

[الصوامعية]

شكرا أختي على هذا الطبق الجميل
عندي سؤال الدبشة هي القصبر ولا المعدنوس
وسؤال آخر كي نخلطو كامل المقادير مع بعضها نرجعوها فوق النار تطيب ولا نكلوها باردة

[sofiane2075]

بارك الله فيك اختي على الوصفة ان شاء الله نجربها تقبلي تحياتي الحارة اختي ام سفيان

و فيك بركة اختي بشيرة ان شاء الله تعجبك و انكون عند حسن ظنك صراحة يسعدني مرورك الله يخليك مع احر الامنيات بالتوفيق:mh92::mh92::mh92:

[sofiane2075]

شكرا أختي على هذا الطبق الجميل
عندي سؤال الدبشة هي القصبر ولا المعدنوس
وسؤال آخر كي نخلطو كامل المقادير مع بعضها نرجعوها فوق النار تطيب ولا نكلوها باردة

العفو اختي هادا من دوقك الدبشة هي القصبر او حشيش مقطفة في العاصمة خلطي كل المقادير مع بعض و ضبفي الحمص مع الما لي طاب فيه وقت التقديم اي ما يطيبش مع بعض هادا ما طبقتو لما شريناه من المطعم تاكل ساخنة اي من فوق النر تكوني خلطتي كمية لي تحتاجي في صحن و مباشرة للمائدة اوااااا شهية طيبة:mh31::mh31::mh31:

[مقدسية]

امممممممم نحب الدبارة الحااااارة خاصة ادا كان الجو بارد ،يعطيك الصحة اختي، احنا الخلطة نطيبوها 5د ونضيفو القليل منها للحمص طايب في الماء والملح،ونحوطو مالفوق بصل وفلفل حار وزيت زيتون.

[أم القادة]

بارك الله فيك أكلة مناسبة جدا وخاصة أيام البرد والصقيع

جزيت خيرا

[imi122009]

jazaki allah kol khayer okhti om soufiane .merciiiiiiiiiiiii bcp pr tes recettes bezef chabine

[سَلْسَبِيّلْ]

اممممممممممممممممممم ليلة ان شاء الله نجربها يارب وتصلح الف شكر حبيبتي

[*أم كوثر*]

امممممممممممممممممممم امممممممممممممممممممم نطيبها لكن حمص و فول و منقلكش على البنة
بارك الله فيك وصفاتك مميزة

[imene08]

الدوبارة تاع لبساكرة بنينة بزاف واشنو حارة

ربي يجازيك خير أختي

[سَلْسَبِيّلْ]

والله حظرتها للعشاء جات روووووووووووعة الله يسترك اختي لكن تعشيت الا انا وزوجي والاطفال عملتلهم عشاء وحدهم
بارك الله فيك

[bassamat]

بارك الله فيك ضرك برك وين شفت الموضوع تالى مانتاخرش عليك ابدا لان وصفاتك ممتعة ورائعة
على فكرة نفس طريقتى وديتها من مطعم مولاه من عين مليلة عائلة بن دراجى

[sofiane2075]

امممممممم نحب الدبارة الحااااارة خاصة ادا كان الجو بارد ،يعطيك الصحة اختي، احنا الخلطة نطيبوها 5د ونضيفو القليل منها للحمص طايب في الماء والملح،ونحوطو مالفوق بصل وفلفل حار وزيت زيتون.

بصحتكم اختي الدوبارة اصلها بسكرية و السر تاع البنة و الطريقة الصحيحة عند الاخوات البسكريات يا ريت يفيدونا لان وقتها خاصة في البرد شكرا لمرورك
http://www.links2love.com/love/romance/wedding/scarlett_roses1.jpg

[sofiane2075]

بارك الله فيك أكلة مناسبة جدا وخاصة أيام البرد والصقيع

جزيت خيرا

و فيك بارك الله شكرا نورتي الموضوع

http://www.ruoof.net/albom/data/media/25/flowers_90.jpg

[sofiane2075]

jazaki allah kol khayer okhti om soufiane .merciiiiiiiiiiiii bcp pr tes recettes bezef chabine

هادا من دوقك اختي شكرا لتشجيعك

http://www.yakamar.com/up/uploads/images/yakamar.com-3aba686f07.jpg

[sofiane2075]

اممممممممممممممممممم ليلة ان شاء الله نجربها يارب وتصلح الف شكر حبيبتي

ان شاء الله و نتمنى تعجبك و نكون عند حسن ظنك

http://forum.mn66.com/imgcache/2/160946alsh3er.jpg

[sofiane2075]

امممممممممممممممممممم امممممممممممممممممممم نطيبها لكن حمص و فول و منقلكش على البنة
بارك الله فيك وصفاتك مميزة

بصحتك ام كوتر ايه يديروها حمص و فول و فيك بركة اختي شكرا لمرورك العطر و تشجيعك تسلميhttp://www2.0zz0.com/2010/07/25/06/671058119.jpg

[sofiane2075]

الدوبارة تاع لبساكرة بنينة بزاف واشنو حارة

ربي يجازيك خير أختي

فعلا رائعة و حارة و لهادا تجي بنينة تسلمي اختي الله يخليك
http://www.arabseyes.com/vb/uploaded/9959_1157760315.jpg

[sofiane2075]

والله حظرتها للعشاء جات روووووووووووعة الله يسترك اختي لكن تعشيت الا انا وزوجي والاطفال عملتلهم عشاء وحدهم
بارك الله فيك

بصحتكم اختي سررت لدلك و ان شاء الله تكون عجبتكم تقدري تعطيها لاطفالك ديري كل المقادير الا الحار و الهريسة شكراو فيك بارك الله و ربي يحفظك
http://forum.mn66.com/imgcache/2/95719alsh3er.jpg

[sofiane2075]

بارك الله فيك ضرك برك وين شفت الموضوع تالى مانتاخرش عليك ابدا لان وصفاتك ممتعة ورائعة
على فكرة نفس طريقتى وديتها من مطعم مولاه من عين مليلة عائلة بن دراجى

و فيك بارك الله علابالي بلي ماتتاخريش شكرا اسعدني ردك انا ماكنتش نعرفها و عمري مارحت للمطاعم شراها زوجي و راني نديرها وحدي لان تاع المطعم مليحة بصح الحمص قيه القشرة و انا مانحبهاش اما عن بن دراجي كانت عجوزتي الله برحمها تعرف واحد بنفس الاسم كانت تدي اولادي تعلالجهم عندو لانو طبيب مليح و على فكرة كانو لما يروحو عندو يرتاحو قبل ما يشربو الدواء شكرا على التشجيع
http://forum.mn66.com/imgcache/2/339481women.jpg

[oum rahma]

اممممممممممممم يمي يم يم يم يعطيك الصحة روعة

بإذن الله نجربها زوجي يموت على الحمص

[نزهة الربيع]

بعطبك الف صحه وادا كنت تحوسى على ملاحضات وحده بسكريه تفضلى وهى حاجه خطيره هههه البصل ممننننننننننننوع تماما فى الدوباره لانه الاساس الثوم فقط والحمص يطيب يلسر يعنى يجى ملبى و الحاجه المهمه تانى هى الطماطم ما نرحيوهاش تماما رانا نقطعوها رقيقه وشكرا

[soumsouma]

جامي كليتيها حبيت ناكلها معرفتش وين تتباع في العاصمة نجرب ان شاء الله طريقتك
يعطيك الصحة اختي

[sofiane2075]

اممممممممممممم يمي يم يم يم يعطيك الصحة روعة

بإذن الله نجربها زوجي يموت على الحمص

الله يسلمك اختي اسعدني ردك و بعيد الشر على زوجك من الموت ماعليك غير تطيبيهولو و ان شاء الله ي عجبكم

http://www.hayah.cc/forum/imgcache/28096.png

[sofiane2075]

بعطبك الف صحه وادا كنت تحوسى على ملاحضات وحده بسكريه تفضلى وهى حاجه خطيره هههه البصل ممننننننننننننوع تماما فى الدوباره لانه الاساس الثوم فقط والحمص يطيب يلسر يعنى يجى ملبى و الحاجه المهمه تانى هى الطماطم ما نرحيوهاش تماما رانا نقطعوها رقيقه وشكرا

الله يسلمك اختي اهلا بك اخت خبار الناس و كنت قلت من قبل بلي السر في البنة تاع الدوبارة لما تكون من ايدين بسكرية شكرا على المعلومات المفيدة بارك الله فيك

http://www.iraq-live.com/up/uploads/13214747461.jpg

[sofiane2075]

جامي كليتيها حبيت ناكلها معرفتش وين تتباع في العاصمة نجرب ان شاء الله طريقتك
يعطيك الصحة اختي

الان اصبحتي تعرفيها جربيها و شوفي انا تاني من العاصمة ماكنتش نعرفها و لما اشراها زوجي عدت نحضرها في البيت و عمري ماكليتهافي مطعم شكرا على الرد

http://www.iraq-live.com/up/uploads/13214750611.jpg

[اميره 2008]

بارك الله فيك عزيزتي

[hasnae setif]

الدوبارة تاع لبساكرة بنينة بزاف

[ٱولادي ٱحبابي]

روعة روعة والله ناوية غدوا ندير للغدا نشالله نجرب وصفتك و تكون ناجحة مشكورة

[ٱولادي ٱحبابي]

والله اختي راني جربت وصفتك اليوم روعة راهي قاتلتني الفرحة كي درت حمص كيما لي يتباع برا مشكورة اختي و ربي يوفقك

[rachid5555]

شهية كثير تسلم الأيادي
أحلى تقييم+أحلى شكر

[dhia best]

رائع جدا مشكوووور