مسابقة التعليم في جيجل ( هنا تعاليقكم )

[hanouna2011]

السلام عليكم اخواتي
واش راكم؟؟؟ نتمني تكونو بخير
اليوم والحمد لله عملنا الامتحان الشفهي لمسابقات التعليم في جيجل
كان عدد المترشحين كبير بزااااااااااااااااااااااااف وكانت المشاركة من خارج الولاية اكثر من داخلها
نتمني التوفيق للجميع
واش رايكم في المسابقة ؟؟

[ninabougi]

السلا عليكم
بالتوفيق اختي واش سقساوكم ومتى تخرجتي’

[**د لا ل**]

والله يا اختي راني جيت لجيجل اليوم وجوزت الامتحان الشفهي *زعمة *

واش نقولك العدد الله يباااااااااااارك

وزيد قالو بلي القائمة محضرة سابقا

يعني شقينا برك من Alg

ولكن المهم المشاركة

وزيد بزيادة راااني توحشت جيجل بزاااااااااااااف بزااااااااااااااف

وربي يجيب الخير ان شاء الله

[walid81]

السلام عليكم
انا اليوم كنت في جيجل وحضرة المسابقة كمراقب فقط
كان العدد كبير جدا جدا جدا
ربي يكون معاك
بالتوفيق للجميع

[adel625]

يا اختي انا ثاني جيت من المسيلة وفوتت ثم على 44 منصب بلاك كان العدد 1000 واحد
الامتحان كان شفهي فقد سالني ماذا تكون اول حصة لك
وماهو تصرفك اتجاه تلميذ لايرغب في دراسة الحصة التي انت بها
ثم قالو لي اعطنا كشف النقاط وشهادات العمل وشهادة عائلية ان وجدت
ثم قال لي احدهم من جهتنا ما تخافش اللعب قاع راهو في المديرية الداخل هي الي تدرس الملفات حنا علينا تنقيط الاتحان الشفهي اللي عليه 3 ن 20 برك وقاع نعطوهالكم ومن باعد سقسيتو عل سلم التنقيط قالي
اولا اقدمية الشهادة يركزو عليها
ثانيا شهادات العمل
كشف النقاط بدرجة اقل
وباعد الوضعية اتجاه الخدمة العسكرية
واخيرا قالي بلي السن نتاع المترشح ما يكونش محسوب بزاف

[hanouna2011]

اها جيد اخواتي
انا تاني جوزت الامتحان علي اللغة الفرنسية يوجد 39 منصب
وجاو حوالي 200 او اكثرؤ بقليل مترشح
رانا جبنا 3/3 في الشفهي لكن ال يهم الاقدمية والخبرة في المجال
ربي يوفقكم جميعا

[hanouna2011]

السلا عليكم
بالتوفيق اختي واش سقساوكم ومتى تخرجتي’


انا سقساوني علي دراستي والماستر
وبعدها علي كيفية التعامل مع التلاميد المشاغبين والكبار في السن و الي عندهم تأخر
وكان مليح جاوبت صافااااااااااااااااا

[reyes19]

قالي عرف ت ب ر هههههههههههههههه

والاهداف المعرفية للتربية البدنية

و جاوبتلوا بيا

قالي مبروك هههههههههه معرف هفني

[hanouna2011]

ان شاء الله خير يا جماعة
لما يحطو قائمة الناجحين نخبركم

[adel625]

ان شاء الله الجماعة اللي راكم هنا قاع تنجحو اللي درتو التعاليق

[الرجل الصالح]

شحال باش تخرج القائمة

[hamza bennouioua]

السلام عليكم انشاء الله تكونو بخير ...........
ممكن نبقاو على اتصال دائم حتى تخرج نتائج المسابقة ....لكن بشرط ارجو التفاؤل من الجميع مثلا اناعندي
4 سنوات تخرج
وشهادة عمل في 2008 استخلاف
وشهادة عمل سنتين من اوت 2009 الى اوت 2011 في اطار منحة حاملي الشهادات ADS
وشهادة عنل حاليا في اطار عقود ماقبل التشغيل ANEM
وشهادة عائلية -زواج-
ومازال ماجابش ربي ...... وعادي واخطوكم من كلمة راها خارجة النتيجة مسبقا الله يخليكم .........
وشكرا:dj_17:

[djam.sniper]

salam alikom.ana tani fowat fi jijel a abdi bouaziz.jit men guelma basah harna f hadak ghachi.hna tafham bien kifah rahi lahwal ta3 les etudients en algerie.deja foat kbel 3id fi laghouat.ta3 science naturel kanou dairin 22 poste.alor tla3na fi 4 men annaba 2 foit bah dir dossier w bah tfowat l'orale.mala kona fi 88 3la 22 poste.jamais chaftha kbel psk dima nchoufou 1000 w 2000 w 3000 3la 5 wela 6 poste.alor 3jabna lhal golna nchalah njahna had 3am ba3d 8 ans meli khrajna.kouna hna rah nokhorjo les premiers psk 8 ans melo khrajna w attestation de travail w diplome califie w zid w zid mala ya jma3a makhrajnach mém pa f la liste d'attente.hna ibayanlak kifah rahi acadimie fi aldjazair.najho kamel m laghouat.alor wahd fikom maigoul ana dart w ana dart khaliwha 3la rabi w ad3o 3la ay wahd yadi hak wahd w rabi yahdihomajma3in.salam alikom

[reyes19]

يا اخي نعرف واحد 33 سنة عقب حياتو كل في الاستخلاف وعندما يشارك في المسابقات لا ينجح

ويقولوا انها على اساس الخبرة

[hanouna2011]

النتائج اظن انو راح تخرج في بداية شهر ديسمبر
المهم راح نوافيكم بالجديد ان شاء الله
وان شاء الله خير لكم يا جماعة
ومرحبا بكم في جيجيل

[hkm15]

ana kemelt had l3am mé études wkinchouf lé commentaires ta3koum nkrah ga3 had lblad...habit ngoul lhada li sber 8ans beli nesta3ref bih...parsk ana jé passé 2concours à djelfa é ghardaia é si je ne réussi pa ca sra la premiére et derniére foi li n3ageb concours...parsk wila qrit 6+3+3+4ans bah nhalel c con de benbouzid pr travailler plutot que de rester chaumeur
bonne chance à tt le monde

[djam.sniper]

nchalah.merci hanouna 2011 é merci pr tt monde.bien venu a tt moment.

[djam.sniper]

لا تحسبن الله غافلا عما يعمل الظالمون.dir fi balek kol wahd dkhal fi place ta3 wahd rah yakol f lahram w li rda bhad chi rabi inajih m 3adab psk rah yastana fih 3dab kbir.rah tosbar 8 w 10 ans ki t3oud dayer rabi fi balek ki matadihach f dania rah talkaha f akhira.basah dir fi balk haja rak matakdar todman walo f algerie psk kolach fau.mahma yakiw lik w ikolak chafafiya w haja hadi kalek makach.aktabha fi 3aklak que hadi mach blad ta3 hak.

[sousouprof]

lokan nahkilkom ahna ta3 langlais wech galouna tadahkou 3lina imagine ana raht men ferdjioua li jijel w khalawna hata li zouj nta3 la3chiya bech nabdaw biensur orale w ki jat lajna dakhlou zouj wahed rafed warka fiha la liste tawa3na w wahed m3ah
aya ki bdaw 3aytou 3la lawel fi raykom wech galoulou a3tina chahadet el 3amel nta3ek w hada maken walah masaksawna hata waktech tkharejna hakmou 3lina ghir chahadet el 3amel ana goltolhom lokan khabrouni nab3athomalhom par fax
wallah hayrona
nchallah rabi ynajehkom ya khawti w kol chi maktoub rabi tatoul wala takser nchallah kol wahed fina yawm wara youm nakhadmou kamlin

[لمياء82]

السلام عليكم ارجو منك يا حنونة ان تعلمينا فور خروج النتائج و شكرا مسبقا

[younes_01]

مشكورة الاخت hanouna2011 كي افتحتي هاد الصفحة .. بالتوفيق للجميع

[الرجل الصالح]

السلام عليكم انشاء الله تكونو بخير ...........
ممكن نبقاو على اتصال دائم حتى تخرج نتائج المسابقة ....لكن بشرط ارجو التفاؤل من الجميع مثلا اناعندي
4 سنوات تخرج
وشهادة عمل في 2008 استخلاف
وشهادة عمل سنتين من اوت 2009 الى اوت 2011 في اطار منحة حاملي الشهادات ads
وشهادة عنل حاليا في اطار عقود ماقبل التشغيل anem
وشهادة عائلية -زواج-
ومازال ماجابش ربي ...... وعادي واخطوكم من كلمة راها خارجة النتيجة مسبقا الله يخليكم .........
وشكرا:dj_17:

جزاك الله خيرا أخي ....ان شاء الله تكون من الناجحين

[fadwa91]

ربي يوفقكم

[biologie2001]

السلام عليكم انشاء الله تكونو بخير ...........
ممكن نبقاو على اتصال دائم حتى تخرج نتائج المسابقة ....لكن بشرط ارجو التفاؤل من الجميع مثلا اناعندي
4 سنوات تخرج
وشهادة عمل في 2008 استخلاف
وشهادة عمل سنتين من اوت 2009 الى اوت 2011 في اطار منحة حاملي الشهادات ads
وشهادة عنل حاليا في اطار عقود ماقبل التشغيل anem
وشهادة عائلية -زواج-
ومازال ماجابش ربي ...... وعادي واخطوكم من كلمة راها خارجة النتيجة مسبقا الله يخليكم .........
وشكرا:dj_17:

شكرا لك أخي

أنا عندي 10 سنوات من التخرج
شهادة عمل خارج اختصاص التعليم لمدة 09 سنوات (اعمل في القطاع الخاص)
شهادة المشاركة في يوم دراسي وطني حول البيوكيمياء

و مازال لحد اليوم.......... و لكن الحمد لله على كل شيء

[hanouna2011]

شكرا اخواتي علي التفاعل
وان شاء الله خير
رانا نستناو في النتائج لما تخرج نخبركم ماتقلقوش برك

[hamza bennouioua]

السلام عليكم
شكرا للجميع واتمنى التوفيق لجميع المشاركين في المسابقة
شكرا اخت حنونة ......

[kalo]

أخوتي انا عقبت مي مسؤلونيش خلاص قلي كشف النقاط وسقساني على الاكسبريونس يشيخ كون عندي اكسبريونس نشقى لجيجل ؟؟؟؟ والله احسن خاحة ضربتها بتحويسة من جيجل لبجاية وروحت هههههههههههههه

[biologie2001]

أخوتي انا عقبت مي مسؤلونيش خلاص قلي كشف النقاط وسقساني على الاكسبريونس يشيخ كون عندي اكسبريونس نشقى لجيجل ؟؟؟؟ والله احسن خاحة ضربتها بتحويسة من جيجل لبجاية وروحت هههههههههههههه

مرحبا بك عندنا في جيجل و ان شاء الله تكون عجبتك و ان شاء الله تزيد تزورها في الصيف

و الله يا اخي نفس الشيء حتى انه لدي شك من ان اعضاء اللجنة و هما استادتان في اللغة العربية لانه منذ دخلت و هي طايحة علي باللغة العربية الفصحى.... مع العلم اني رجت نجوز للعلوم الطبيعية

قالت لي وقتاش تخرجتي
و ادا خدمتي
و علاش خيرت التعليم
و من بعد قالتلي هل تعلمين ما ينظرك في مهنة التعليم
اوصف ما ينتظرك في كلمة واحدة

و الله انها استادة للغة العربية

[djam.sniper]

أخوتي انا عقبت مي مسؤلونيش خلاص قلي كشف النقاط وسقساني على الاكسبريونس يشيخ كون عندي اكسبريونس نشقى لجيجل ؟؟؟؟ والله احسن خاحة ضربتها بتحويسة من جيجل لبجاية وروحت هههههههههههههه
salam alikom.lmohim dart faha tahwissa fi jijel.ana kont deja rohtalha kbel mais habit nroh l ziama makfach lwakt.ana tani fowat ta3 science bassah bayna w allah almosta3an.mala dkhalt 3la mila w khrajt 3la 3ain kachra hata l annaba.

[djam.sniper]

biologie 2011 mana3raf ida rak homme ou femme lmohim normalment yahakmo 3lik attestation ta3 privé ida ma3andakch ta3 ta3lim 3liha 0.5 point w ta3lim 3liha point.nchalah rabi inajahkom kamel w yaftah 3lina ajma3in

[biologie2001]

biologie 2011 mana3raf ida rak homme ou femme lmohim normalment yahakmo 3lik attestation ta3 privé ida ma3andakch ta3 ta3lim 3liha 0.5 point w ta3lim 3liha point.nchalah rabi inajahkom kamel w yaftah 3lina ajma3in

merci bien mr djam.sniper.. je suis une fille et j'ai déposé l'attestation de travail et aussi une attestation de participation a une journée nationale de la biochimie plus une attestation d'un stage au niveau de l'hopital........ rabbi yneje el jami3e inchallah ....

[hung07]

السلام عليكم أنا أيضا ذهبت إلى جيجل و أتمنى التوفيق للجميع إن شاء الله

[FatimaKa]

السلام عليكم

متي تظهر النتائج من فضلكم

[raouf19]

النتائج اظن انو راح تخرج في بداية شهر ديسمبر
المهم راح نوافيكم بالجديد ان شاء الله
وان شاء الله خير لكم يا جماعة
ومرحبا بكم في جيجيل

بارك الله فيك

[الرجل الصالح]

سمعت ان مجموعة من المترشحين وقعوا عريضة واعتصموا امام مقر ولاية جيجل

[hamza bennouioua]

السلام عليكم
ممكن توضيح اكثر اخ على
سمعت ان مجموعة من المترشحين وقعوا عريضة واعتصموا امام مقر ولاية جيجل
وشكرا ...............

[ابن مكاسة]

لي معندوش معريفة ينسى المساااااااااابقة

[biologie2001]

السلام عليكم
ممكن توضيح اكثر اخ على
سمعت ان مجموعة من المترشحين وقعوا عريضة واعتصموا امام مقر ولاية جيجل
وشكرا ...............

انا سمعت بالاحتجاج قبل اجتياز المسابقة .... اصحاب الليسانس في التربية البدنية هم من نظموا الاحتجاج امام مقر الولاية مطالبين السلطات بالتدخل قصد اعطائهم الاولوية في التوظيف ( يعني هناك من أتى من خارج الولاية و اجتاز المسابقة ... )

[hamza bennouioua]

مازال نهدرو على الجهوية وحابين نديرو دولة عدل وقانون وديمقراطية
عندنا اهلنا في المهجر يعني هاك على رايكم من المفروض يطردوهم ومايهداوهمش يخدمو على خاطر ماشي منهم
عيش توشف التفلسيف نتاعنا وين راه هابط بينا
حتى في الانتخابات نشوف ويناه ليقربلنا باه كينحتاجوه نلقاوه جامي نشوفو الاصلح ويناه
ربي يجيب الخير من هذا الشعب الاعوج

[biologie2001]

مازال نهدرو على الجهوية وحابين نديرو دولة عدل وقانون وديمقراطية
عندنا اهلنا في المهجر يعني هاك على رايكم من المفروض يطردوهم ومايهداوهمش يخدمو على خاطر ماشي منهم
عيش توشف التفلسيف نتاعنا وين راه هابط بينا
حتى في الانتخابات نشوف ويناه ليقربلنا باه كينحتاجوه نلقاوه جامي نشوفو الاصلح ويناه
ربي يجيب الخير من هذا الشعب الاعوج

هم لا يقصدون الحهوية يا اخي و لا تفهم كلامي خطأ و جهوية ..... هم يقولون انه لا تفتح لهم مناصب شغل الا نادرا لدلك نظموا هدا الاحتجاج باعطائهم الاولوية

و الكل يعلم ان الرزق بيد الله.... اللي مكتبلو ربي حاجة راه يديها

[الرجل الصالح]

انا ضد الادارة...........لانه قبلو ملفات القاطنين خارج ولاية جيجل من اج 300 دج....واضربها انت 5000 مترشح....هذا همهم صدقني

[hanouna2011]

مساء الخير اخواتي
راني قريت في الجريدة الوطن عن ولاية جيجل
انو النتائج ستظهر قبل دخول شهر ديسمبر يعني غدا او الخميس ادا طولو
لو يكون الجديد نوافيكم باخر الاخبار
موفقين

[hanouna2011]

مساء الخير
اتصلت امس بموظف في المديرية اخبرني ان النتائج لم يعلن عليها بعد
ممكن جدا هدا الاسبوع
للتدكير في باقي الولايات بدأو الاعلان عليها

[VIRUSHN]

ya khawti rana nessanaw fi resultat nta3 jijel kach jdid baraka laho fikem rana nesokno b3ad.:dj_17::sdf:

[hanouna2011]

صباح الخير اخواتي
واخيرا تم الاعلان عن نتائج التوظيف اساتدة التعليم المتوسط بولاية جيجل
علي حساب المعلومات الي عندي ماكان لامعريفة ولا شئ
تم النجاح علي اساس الخبرة وكشف النقاط
ساوافيكم باخبار اخري ان شاء الله قريبا
بالتوفيق لكم

[عبد الكريم انفو]

ممكن أخي أن تضع لنا النتائج

[YACINE ESM]

عندهم الحق ابناء الولاية

[hanouna2011]

http://www.jijel.info/*******/sit-dans-la-direction-de-l%E2%80%99%C3%A9ducation
Sit in dans la direction de l’éducation (http://www.jijel.info/*******/sit-dans-la-direction-de-l%E2%80%99%C3%A9ducation)