مشكلتي في القامة

[مشكلتي]

مشكلتي تتمثل في قصر قامتي فالكل سواء البيت او الجامعة ينعتونني بالقصيرة وهذا سبب لي عقدة من الطول وصديقاتي في الجامعة يقلن لي اه لو كنت طويلة فقط باسلوب من السخرية وانني لن اتزوج بسسب قامتي وان الرجال يفضلون القامة الطويلة ...اريد ان اتخلص من الشعور بالنقص مع العلم ان طولي 1.63 وعمري 22

[biologie2001]

ههههههههههههههههههههههههههههههه و الله أضحكتني يا اختي ..1.63 يعني قصيرة....هادو صحاباتك شحال حابين تكوني طويلة 1.80 ؟؟؟؟؟؟؟؟

[kamel76]

قامة عادية جدا تتناسب مع سنك احذري فقط السمنة . و لا تلتفتي لكلام الناس فكم يريدون قامتك 5 متر؟

[moonlight19]

راني حايرة 1.63 قصيرة ماكانش منها
انا ثاني 1.63 و دايما يقولولي راكي طويلة
زيد قصيرة ام طويلة كيفكيف
الفايدة في العقل و الصح
هادوك صحباتك خدمتهم يهبطولك المورال ماديريش عليهم
و ديجا راهم يعيبو في خلق ربي حرام عليهم
ربي يهدينا

[كَـآهُو]

يا اختي الحالة جد عادية وزيد هادي خليقة ربي لازم نرضاو بيها مهما كانت

والزواج ماعندو حتا دخل اصلا الجمال الحقيقي موجود في داخلنا

فالجمال جمال الروح وليس الجسد

لاتهتمي لما يقولونه اختاه

[محب السلف الصالح]

كل ميسر لما خلق له

[عبدالله 25]

يا اختى أولا هذي الفئة من الناس يقولولهلم النيفو الطايح والهدرة على العمر و لاتاي رجعت ديمودي و ثانيا عندك قامة طبيعية والرجال ولاو يشوفو للعقلية مايش للطول

[(~ ..أســـامة .. ~ )]

1.63 ههههههههههههههههه ... تقولين قصيرة


الله يهديهم هاذو صحابتك ....... قامتك جد عادية ............. و مثالية ..............


يجب ان تتحلي بشخصية قوية و تكون واثقة بنفسك .......... و معلبالكش بكلام الناااااس

و الله شخصياااا لا احبذ الطول للمراة ........... 1.63 مثالية و الله


اقطعي علاقتك بهاذ الاصدقاء و متعمريش راسك بيهم


بالتوفيق

سلااااااااام

[عبدالله 25]

اقطعي علاقتك بهاذ الاصدقاء و متعمريش راسك بيهم


بالتوفيق

سلااااااااام



صح
اذا المرء لا يأتيك الا تاسفا ... فدعه ولا تكثر عليه التاسفا
ففي الناس ابدال وفي الترك راحة ...وفي اللب حب للحبيب ولو جفا

[محب السلف الصالح]

لابأس بالناس من طول وقصر ولكن أجساد البغال وأحلام العصافير

[فارس الجزائري]

السلام عليكم
هناك من هم أقل طولا وهم سعداء وتزوجوا وأنجبوا أولادا
عيشي حياتك ولا تهتمي للتفهات ولا تقلقي ستتزوجين إن شاء الله وتعيشي حياة سعيدة بإذن الله
بالتوفيق إن شاء الله

[dalila ALG]

اولا اختي 1.63 راكي هايلة واش بيهم هادو !!!
وثانيا هادي خليقة ربي جامي تتحصري وتقولي ياربي علاش
وثالثا كلش بيد ربي ماتعرفي انتي تتزوجي قبلهم وبالاك تكوني مهنية خيرمنهم
كثري من الاستغفار وبالتوفيق
واخيرا ادا حبيت المليح ليك اخطي هاد الجماعة كامل

["زينب"]

طولي 1م60 و أعتبر نفسي متوسطة الطول, لي صديقات أطول مني بكثير 1م72 و هناك من هن أقصر بكثير 1م55 لذلك أعتبر نفسي متوسطة الطول و راضية بيه و الحمد الله

[ivaoran]

و الله خلعتيني

راكي من نيتك تهضري؟؟؟

كي نت عندك 1.63 راكي متأزمة نفسيا
امالا انا شانقول الي قامتي تتعدى 1.50 بقليل؟؟

العني بليس يا بنت الناس
و قلعي هاذ التوسويس من راسك

القامة تاعك مثالية و يلا بغيتي لبسي الكعب العالي


ما تتقلقي ما والو انا قلتلك مانيش طويلة
و الحمد لله ماني متأزمة ماوالو
و الحمد لله ناجحة في حياتي
العلمية و العملية و العاطفية
و زيد مانلبسش الكعب العالي :d
و امر عــــــــــــــــــــادي

لا اعتراض على حكمة الله
هاذا خلق ربي و هذاك ماعطى

اتقي الله و اقنعي بلي نكتبلك

[mina minouna]

والله ربي يهديك يا اختي راكي نورمال والله حيرتني هاذي ديرلها قصة

[عبد الرحمان محمد]

السلام عليكم و رحمة الله

أختي الفاضلة قامتك عادية انت لست قصيرة و لست طويلة ، الحمد لله على نعمه.

و لو كنت قصيرة او طويلة هذا خلق الله فهل يحق للناس السخرية من خلق الله ؟

لا تتركي أحد يستهزأ بك : و ان قال لك انسان انت قصيرة او طويلة فاعلمي انه عذرا : ماشي مربي. ولا يستحق ان تتخذيهم لا رفقاء ولا اصدقاء.

قضية الزواج هو لله وحده فان شاء زوجنا وان لم يشأ نقول : الحمد لله

أما بخصوص الرجال يحبون المرأة الطويلة لو كان هذا صحيح لخلق الله كل النساء طويلات لانو مادام الرجال يحبون المرأة الطويلة فلما خلق الله بعض النساء متفاوتات في الطول فهل نقول ان الله ظلمهن ؟ حاشى.

لا يغرك نوار الدفلة في الواد داير الظلايل ولا يغرك زين الطفلة حتى تشوف الفعايل.

[faraday_dz]

طولك راهو عادي جدا بالنسبة لمرا وزيد مازالك صغيرة وتقدري تطوالي اكثر.

[نورالهدى**]

ههههههه حسبتك اقل من 1.55 يعني امتوسط قامة النساء
انتي المشكلة تاعك الثقة بالنفس

نهار تثقي في نفسك صحاباتك ماتوليش عندهم الفرصة نتاع احباطك

مالا لافوث اي فيك ماش في صحاباتك

اما عن الزوج هدا ماتخميش عليه معمر الرجال للي يخيرو مرا قصيرة

ربي يعينك

[مطر تشرين~]

هههههههههههههههههههه

انا نفس قامتك و يعيطولي في الدار الطويييييييييييييييلة

و ديما يجيبو عليا النكت

أختي أهم شي يكون وزنك مناسب لطولك

و اطمئني هذه ليست مشكلة فأنتِ عادية جدا

[سعااد]

أنت لست قصيرة ، هل تعلمي أنا قامتي 1.56 سم فقط و لا أقول قصيرة و الحمد لله

[مريم الصابرة]

السلام عليكم با أختي أنا أعاني نفس مشكلتك وحتى أني أقصر منك قليلا ولكن صديقيني لا يهمني أي أحد أنا مؤمنة والله خلق الناس أشكالا فالحمد لله على كل شيء لا تهتمي لأحد والزواج مكتوب واللي يحبك يديك ليه ماشي تخدميلوا الترسيتي ما لازمش تكوني كالسلوم و‘سمحيلي صخاباتك عقلهم قصير قزوم وأكبر دليل رئيسنا قصبر ومع ذلك رئيس دولة ما تعمريش راسك

[روجين]

اهههههههههههههههههههه اختي انا طولي 1.53 و مخطوبة و ابدا لم ارى انني ناقصة و خطيبي يقول لي انت مثل الدمية اضعك فوق التلفاز وامسح عنك الغبار كل يوم .......اضحك كثيرا على هذا ..........انصحك بتغيير تلك الافكار المدمرة و اثبتي نفسك في الحياة و اجعلي لها عنوان

[مالكس لقبايلي]

يا الطوييلة هههههههههههههههههههههههههههههه
يا طفلة راك فور مراكي طويلة مثل قامة الرجال
مراكي تحت لارض
واش راك في لجزاير ماش فلمريكان فلمريكان عندهم صح راك قصيرة
مي فدزاير نتي معتدلة
ونا منحبش طفلة تكون طويلة عليا ياك انا الراجل انا لي نحتويها ماشي هي هههههههههه
حاباترجعي كما الدينصور هههههههههههههههههه

هههضحكتني سلام

[حسينة 36]

ههههههههههههههههههههههههههههههههههههههههههههه

راكي هايلة خلاص واش نقووووووووووووووووووووووووول انا 1.58 وزني 66 كلغ وراني هايلة والحمد لله واحد ما يقلي طويلة والا قصيرة وزيد راني متزوجة والحمد لله ساعات ندير رجيم باش نتخلص من الوزن الزائد ونوصل للوزن المثالي

اختي استغفري ربك وشوفي وزنك لازم ما يتعداش 63 كلغ هكة تكوني طبيعية اكثر وموازنة بين الطول والوزن


وربي يهدي ما خلق

[مناد بوفلجة]

إذا كانت قامتك 1 م و 63 سم ,, و تعتبرين نفسك قصيرة ,, هذا يعني أن صديقاتك طويلات القامة

أنت معتدلة القامة ,,

[نجمة ساطعة]

المشكل بداخلك و ليس في قامتك ... البعض سامحهم الله عندما يجدون الشخص
ثقته مهزوزة يلعبون له على الوتر الحساس فيكذب الكذبة و يصدقها بل يقتنع
بها .... راجعي نفسك و حاولي جاهدة الاقتناع بما عندك ستجدين نفسك مرتاحة جدا

[سحر الغروب]

واش اختي حابة طولك 2 متر؟؟؟

وهادو طولهم قداش؟

ديري في بالك الراجل يعشق المراة المتوسطة

خاصة في الجزائر

انا 1.64 وزوجي 1.82

وش رايك

زعمة ماشافش فيا ولا وش؟

والله سعيدة جدا ومقلشني من فوقها

غير من الزرافة

وعذرا حابة نحكي مي القسم مش منسب

ما ديري والو في بالك المتوشطة خير

وش رايك راجلك كي يوقف قدامك يهبط راسو ليك

خير ولا كي يولي انفو مقابل انفك؟

بخخخخخخخخخخخخخخخخخخخخخخخخخخ

راكي هايلة حنونة والزرافات ماديريش عليهم

الله غالب لو ان زوجي يدخل هنا

لما سمعتي كيف يحبذ متوسطة الطول.

[HEBA25]

القصر مشكلة عادية لاتخافي ولا تتعقدي من هده العقدة ستتزوجين وتعيشي حياة سعيدة بإدن الله

[stayfiya]

ههههههههه والله جبتيلي ضحكة.... يا بنتي راكي فوووووور ناس بكري يقولو الطُّول للسجُر و العُرْض للبقر(حاشاكم) و بنادم للقدر الوسطية هي خير الأشياء و نتي راكي وسط واش تحبي كثر من هكذا احمدي ربي. و اشكري فضلو عليك كي عطاك الصّحَّة هاذيك هيَّ

Stayfiya

[المهذبة]

والله غير ضحكتيني يا الاخت لي كنتي قصيرة انا واش انا 155 وعمري 23

[imi02i]

والله ضحكتـــيــــــــــني صح

1.63 ورآكي قصيرة ؟؟؟

بالعكس هذا طول مثـــآلي ورآئع

ومايكذب عليكـ حتى وآحد

أنا نظن صحابآتكـ سنآقر على حسآب مارآكي تهدري