رفضته بسبب السكن و لكنه يستمر في الاتصال بي

[مشكلتي]

السلام عليكم



منعرف دركةهذي مشكلة ولالا

كاين واحد عندوا 3 سنوات وهو يجري ورايا حتان جاب الرقم نتاعي ولا يعيطلي هو حاب يجي يخطبني وسقسى عليا وكلش ولا قاني لاباس بيا سمعتي مليحة والحمد الله

مي المشكلة نتاعوا هو مزال معندوش سكنة وانا تقتلوا بلا سكنة مكلاهتجي خاطر الوالد ميقبلكش ومن الهدرةهذي قالي نصبرو وخلاص حتان نفرز روحي وندير سكنة ورحمتك ياربي

مي الحاج ةالي مقلقتني يبعتلي لي مساج يسقسي عليا ويعيطلي ومنهزش عليه وهكاك يببقى غير يعيط وانا منيش حابة هكة هذي علاقة محرمة تسمة خاطر راهو محرم عليا نورمالموا ميعيطليش خلاص حتان يولي فيها رسميات

حاولت نفهموا هذا الشيء مي النافع ربي

وش اندرلوا بش يحبس عليا لي ميساج و اتصالات ؟؟؟؟؟ اعطوني حل هذا شيء يغضب ربي وكون يفيق الوالد بيا يذبحني

شكرا لكم

[sarl02]

واش اديري طحت مع واحد ماشي راجل وماشي فحل ....لانو كون جاء راجل ما اتبعكش بعد ما ارفضتيه.

[بصمة قلم]

السلام عليكم


كاين واحد عندوا 3 سنوات وهو يجري ورايا حتان جاب الرقم نتاعي ولا يعيطلي هو حاب يجي يخطبني وسقسى عليا وكلش ولا قاني لاباس بيا سمعتي مليحة والحمد الله
[/color][/size][/font]

شكرا لكم

وعليكم السلام ورحمة الله وبركاته
انتبهي الى ما لونته بالأحمر اخيتي
يعني انت حدثته قبل هذا وهذه أول غلطة
ثاني غلطة لماذا رفضتي تكلمه مع والدك وجزمت بأنه سيرفض
كان عليك عدم منعه من هذا وترك الامور تسيير فان قبل كان وبها وانلم يقبل فهو باب واقفل
ثالث غلطةهي ضعفك وخداع نفسك , تقولين محادثته مجددا أمر محرم
واقول لك الحمد لله أنّك افقتِ لكن يا أختي على من أراد التوبة أن يكون صادقا
فان كنت صادقة فيما تقولين غيري رقمك

[رزان.]

نصيحتي أن تعرفي أولا نيته إن كان صادقا طبعا و هذا بترك له فرصة أن يتقدم و يخطبك بعدها يجي وقت التفاهم على الشروط و ربي عندو بزاف توكلي على ربي و اذا استمرت علاقتك به على هذه الطريقة ربما ستندمين يوما و ما أدراك إن كان قد أخبر شخصا آخر بعلاقته بك و انكشف السر و علم أبوك بذلك كيف سيكون رد فعلك و كيف ستوضحين له .أتمنى أن يوفقك الله آمين

[عاشقة توت أمون]

كون عينك كونبدلتي لابيس مي نتي لي مكي حاة تبدليها

[ناصرالدين الجزائري]

غيري رقم الهاتف ..
و لا تعطي رقم الهاتف إلا للمقربين منك فقط .. حتى لا يحصل عليه مرة أخرى ...

[ملك كوسوفي]

بدلي لابيس لخاطر اذا زدتي اهدرتي امعاه راكي اتزيدي تعطيلو الامل

[جوهرة العدالة]

أختي اسمحيلي يعني رايحة نكون قاسية شوية في الرد تيعي مي انا انفضل الصراحة . انت قلتي علاقة محرمة وووووو وهو لي جاب الرقم تيعك و كي يبعثلك لي ميساج يعني حرام وكامل . وكي حكيتي معاه الى ان عرفتي انو ما عندوش سكنة هاديك ثاني راهي حرام أختي . مي الا حبيتي تتخلصي منو نهائيا ساهلة بدلي لا بيس تيعك ان امكن دلك .اما عن سبب رفضك له لي هو السكنة انا نقولك بلي قادر بعد الزواج ربي يفتح عليه و يتحصل علاها . وقادرة المرا تخاير الراجل على اساس انو عندو سكنة و سيارة وووو وبعد الزواج يحدث معاه افلاس او خسارة . يعني باختصار لهنا ماشي في السكنة و غيرها المهم انو يكون ولد فاميليا و يخاف ربي

["زينب"]

الحل الوحيد تغيري رقمك

[faraday_dz]

أحسن حل انك تغيري رقمك خير مايغرك الشيطان. والشيطان واعر واعر.اذا مالقاش كيفاش راه يتحتم يدخل من الباب ماشي من النافذة

[ivaoran]

حاجة ساهلة

خليه يجي لداركم
ويسمع الرفض من الوالد مباشرة
و يلا سماط و مافهمش روحه بدلي الخط

[نورالهدى**]

ختي حاجة ساهلة

كي يعيطلك بيان سير ماترديش وليميساج وش عندك فيهم يخي ماكيش تجاوبي خليه يبعت على روحو

انتي فهمتيه زوج كلمات فضينا

[حسينة 36]

يا اختي ما فهمت عليك والو بعد ما حكيتي معاه قلتي حرام راني نشوف بالي كاين حلقة مفقودة في الحكاية واكيد بعد ما حكيتي معاه وعرفتي تفاصيله ما عجبكش ودرتي السكنة والوالد حجة يا اختي خليه يتقدم مادامو مصر عليك ياسر وخليه يسمهع الرفض بوذنه وبلاك باباك يوافق ونظن هذا الشيء الي مخوفك يوافق باباك على واحد ماش عاجبك

والله اعلم

وزيد هو ربي يهديه واش بيه لاصق كالقرادة هكة حاشا الملائكة يقدم يدخل من الباب علاش يحاكيك ويتصل بيك وانت تقولي لا صعبها عليك وعلى روحو

والله الموفق

[alaa0503]

السلام عليكم وجمعة مباركة على الجميع
أنا أتفق فيما قاله الأعضاء عن تغيير رقمكي
والله الموفق

[hamzagolf6]

حرام ؟؟؟
حرام كي قتيلو بلا السكنة مانديكش
من الاحسن له
ان يتزوج اوروبية
الاوربية تتزوجها باطل وتديك معها وتسكنك عندها وتزيد تخدملك الوثائق ويعود لاباس عليك
الجزائرية الشرط بالملاين وتزيد الذهب و ديرلها عرس بالملاين وكي تزوجو ديرلك الشونطاج وماتهنيكش وتخرجك من رحمة ربي بففف
غليتو علينا الشربة اسف اخواني بصح ماقدرتش

[achwak.1993]

اسمحيلي على واش رايحة نقول بصح أنت راكي غالطة
لقيتي واحد حاب يخطبك وناوي الحلال وما عجبكش الحال ورفضتيه على سبب تافه
زعما أنت تقراي المستقبل وعرفتي بلي باباك ما رايحش يقبل على جال السكنة
تبانلي أنت اللي راكي تحوسي على السكنة وحدك وفي جميع الأحوال
التشراط رايح يخليك تعنسي حنونتي ؟؟؟ واسمحيلي مجددا لاكان جرحتك