لكل طلاب قسنطينة

[rim-25]

السلام عليكم و رحمة الله تعالى و بركاته
ارجو من كل طلاب مدينة قسنطينة ان يقوموا بوضع بعض عناوين اساتدة يقومون بتقديم دروس الدعم للسنة الثالثة ثانوي
فبصراحة لانها اول مرة اجتاز شهادة بكالوريا نظام جديد لا فكرة لي عن الدروس و البرنامج ككل
لدلك اردت ان اقوم بدروس دعم لاجل الاطلاع على البرنامج و المحافظة على وتيرة المراجعة طوال السنة
و لكي يكون لي احتكاك بالطلبة
فارجوا منكم مساعدتي

[conviction]

الأخت ريم، راكي ما قلتيش في أي شعبة سجلتي، كي تكون عندنا فكرة عن المواد التي لازمك ديري فيها ليكور، على كل حال ، إذا راكي علوم ، كاين شيوخة ما شاء الله في سيدي مبروك l'inferieur،، كاين أيضا أستاذ الإجتماعيات ، في belle vue، أستاذ ما شاء الله
أختي، قوليلي برك وشمن مادة حابة ديري فيها ليكور ، وأنا ذرك نصقصيلك ونردلك لخبر على أحسن الأساتذة في تلك المجال

[rim-25]

فعلا اختي
بارك اللع فيك
انا مسجلة علوم تجريبية
ادا كان ممكن اساتدة الرياضيات و خاصة ديدين ادا امكن
و اساتدة الفيزياء

[conviction]

الأخت ريم ، شوفي بالنسبة للرياضيات ، الأستاذ ديدين راهو يدير ليكور في زواغي وأيضا في بوصوف ، يقال أنه مليح لكن لازمك ديجا تكوني قاوية في الرياضيات ، خاطر التمارين تاعو صعاب ،، المهم ، يقال أن أحسن أستاذ في الرياضيات هو خير الدين ،، يدير ليكور في سيدي مبروك l inferieur ، وراهو عندو غاشي كبير ،، قالك عادت لازمتك المعريفة باش تلقاي بلاصة عندو هههه

فيما يخص مادة العلوم ،، كاين الأستاذة هابو في الدقسي ، كاينا الأستاذة بوباكير في وسط المدينة (بأسعار تشوي 2000 أو أكثر الشهر )
مادة الفيزياء ، كاين غريب ، أستاذ ماشاء الله ،، المشكل الوحيد ، أنه عندو غاشي كبيـر في ڨراج ،، في حي بيكاسو

كل التوفيق الأخت ريم ، كاشما تحتاجي أني هنا
( حاجة برك ،، أنا أخوك في الإسلام ^^)

[rim-25]

الأخت ريم ، شوفي بالنسبة للرياضيات ، الأستاذ ديدين راهو يدير ليكور في زواغي وأيضا في بوصوف ، يقال أنه مليح لكن لازمك ديجا تكوني قاوية في الرياضيات ، خاطر التمارين تاعو صعاب ،، المهم ، يقال أن أحسن أستاذ في الرياضيات هو خير الدين ،، يدير ليكور في سيدي مبروك l inferieur ، وراهو عندو غاشي كبير ،، قالك عادت لازمتك المعريفة باش تلقاي بلاصة عندو هههه

فيما يخص مادة العلوم ،، كاين الأستاذة هابو في الدقسي ، كاينا الأستاذة بوباكير في وسط المدينة (بأسعار تشوي 2000 أو أكثر الشهر )
مادة الفيزياء ، كاين غريب ، أستاذ ماشاء الله ،، المشكل الوحيد ، أنه عندو غاشي كبيـر في ڨراج ،، في حي بيكاسو

كل التوفيق الأخت ريم ، كاشما تحتاجي أني هنا
( حاجة برك ،، أنا أخوك في الإسلام ^^)

ربي يسلمك خويا في الاسلام
ديدين انا مالفة بيه
و صراحة كون يخطيني هو ما نقدرش نركز
و التمارين تاعو ماش صعاب بزاف
و كما يقولها هو حلوين
يخليوك تخدم راسك هدا ما كان
كون تقدر تعرفلي اي مكان تحديدا في بوالصوف دير فيا مزية كبيرة تاع الصح

غريب تاني درت عندو وقت استاد قمة
بصح في وقتي كنا نديرو في الدار عندو
الطابق 13 توصل فشلان و ديخان و كي تخرج ما تعرفش تروح لداركم
لكان ما لقيتش قدامي اساتدة ملاح في بوالصوف او 20 اوت لازمني نروح عندو بادن الله

فيما يخص الاسعار صراحة ما علاباليش بقداه ولات الان
و لكن قالولي لمين تاع الفيزياء يدير 250 الشهر و ما يخفاكش بلي لمين الكيمياء يديرها وحدها في اخر العام اكيد رايحة تكون حوالي 500
للاسف ولات الدروس الخصوصية مهنة بامتياز
ربي يوفقنا و يكون معانا

[conviction]

شوفي بالنسبة لديدين ، في بولصوف قالولي حدا poste de police ، في الفيلات لي من تحت ؛؛؛ إذا ما لقيتيهش ، قوليلي برك ذرك نزيد نجيبلك العنوان بالتحديد ( خير على google map ههه )

بالنسبة لغريب ، أستاذ مليح وبزاف لي يشكرو فيه ، بالنسبة للطابق 13 ههه، كونك هانية ، راهو عاد في ڨراج ^^ حاجة luxe،، ولكن حسب رأيي ما تهمش المكان ،، المهم كي تكون الفهامة كاينا ، أنا نصيحتي ليك يا الأخت ريم ،، توكلي على الله ، ديري ليكور في الثلاث مواد هادو المهمين ، يا لوكان شهر أو شهرين ،، تفوتي تتأقلمي مع دروس ومفاهيم والمصطلحات تاع النظام لجديد ، وخلاص ،، الباقي عليك وعلى التمارين
+
قوليلي ، سبقلك وأنك ديتي الباك ؟؟

[conviction]

بالنسبة للدروس الخصوصية ، فعلا راهي عادت خدمة مربحة ،، تصوري ،، غريب مثلا عندو 100 تلميذ في الشهر ، كون يكون يدير الشهر ب 1000 دج ، راهي عشر ملايين الشهر ،، هاذي راهي مينيموم برك ، شوفي الأستاذة بوباكير دير ب 2000 شهر ، وعليها غاشي كبير ،، راهي تسلك خير من وزير ^^

الحمد لله ما زالو كاين أساتذة فيهم شوية الرحمة ويديرو في أسعار في متناول الجميع ..

أختي ، كاين مدرسة خاصة ، في لاسيتي الحياة ، سيدي مبروك ،، عندها عامين كانو يديرو دروس خاصة في جميع المواد ،، تقراي كي شغل في ليسي ، الشهر ب 2500 ، كانو يشكرو فيها ،، ما عرف إذا ما زالت كاينا ،، إذا أردتي ،، نصقصيلك عليها ..

[rim-25]

بصراحة ولا مرة ديت الباك
الرياضيات و الفيزياء اكيد ندير الدروس الخصوصية
تكون تقرا س و ع فجاة تلقى روحك a b
لازمك تمارين بزاف باه تعاود تحكم الريتم
لبلاصة ما عرفتهاش مليح بصح نزيد نروح و نسقسي لازم نبدا في اقرب وقت كون نصيب غدا على ابعد تقدير
غريب مليح بصح بعيد
و زيد انا نخدم ما عنديش وقت بزاف باه نضيعو في الطريق
ماش ساهلة الخدمة و لقراية في نفس الوقت
يمكن لهادي نفضل العلوم مثلا نلخصها من الانترنت باه ما نضيعش الوقت
و زيد العلوم ماهيش صعيبة بزاف

[conviction]

يا أختي ، إن شاء الله هذا العام يكون العام تاع النجاحات ليك ولينا ، أنتي لي عليك أنك تبذلي كل ما هو في مقدورك باش تقراي وباش في الآخير تكون من المتفوقين في الباك .. إن شاء الله يا ربي كامل نديو الباك

ـ أختي تستاهلي كل خير، ذرك نزيد نصقصيلك على ديدين مليح

[سوهيون]

أهلا بناس قسنطينة
أنا سمعت على غريب بلي راهو مليح
في الرياضيات خير الدين راهو رايع هو تاني دير عندو صاحبتي
في الفيزياء عندك غازي صح رايع أنا درت عندو وحبست ( بعيد علي)
وفي زوح راهم في سيدي مبروك l'inferiur
هادو لي نعرفهم في سيدي مبروك
وكاين وحايد أخرين في بلايص بزاف
وربي يوفقنا كامل إن شاء الله

[rim-25]

السلام عليكم
رحت البارح عند ديدين و زدت رحت عند غريب
غريب عندو غاشي احمر
لدرجة ما تتصوروهاش
كي تفكرني قبلني بحشمة
المهم راني تهنيت من الرياضيات و الفيزياء
بارك الله فيكم
و ربي ينجحكم

[conviction]

خبر مليح ، قوليلي شحال يدير الشهر ديدين ?،، وest ce que تقدري تصقصيلي إذا يدير ليكور لشعبة التسيير ، وبارك الله فيك يا الأخت وإن شاء الله تنجحي في الباك

[rim-25]

ديدين يدير 150
كان يدير لشعبة التسيير
و الدروس لي زايدة يديرهالهم وحدهم
على كل نهار السبت نروح و نصقصيهولك بادن الله
و ربي ينجحنا كامل

[conviction]

بارك الله فيك يا جارتي ^^

[rim-25]

السلام عليكم
اخي conviction راني وفيت بالوعد تاعي و سقسيت ديدين
قالي شعبة التسيير راهو حبسها
يدير رياضيات و علوم و تقني فقط
هدا واش قالي
ربي يعينك

[hana bac]

سلام عليكم يا ايتها الاخوة والاخوات اول مرة نسجل في الباك الحر شعبة علوم وقريت في منتدى يقول على الطلاب المترشحين في الباك الحر يقدرو يسجل في ثانوية قريبة ليهم يوجدوا معاهم الباك اريد منكم تقصولي عليه صحيح او لا
دير في مزية وجاوبوني في اقرب وقت ممكن لاني ندور نوجد الباك مليح اتمنى لكم ولي التوفيق وشكرا

[conviction]

الأخت ريم ، بارك الله فيك أختي ، ربي يحفظك وينجحك إن شاء الله
++ الأخت هنى ، سمعت بهذه الطريقة ، والتلميذ يسمى في هذه الحالة متمدرس حر
ولكن أعتقد أنه لازملك المعريفة في المدرسة .... ذرك نزيد نصقصيلك مليح