كم هو سعر الغرام من الذهب

[faridos]

اخواني اريد معرفة سعر الغرام الواحد من الذهب ....وبارك الله فيكم

[حميدة 84]

ذهب تاع الجزائر ب 450000 سم للغرام أما ذهب الخارج ب 580000 سم

[داود نصر]

سعر الذهب اليوم في الجزائر
متوسط سعر جرام الدهب اليوم في الجزائر بعملة دينار جزائري
الوحدة
دينار جزائري
دولار أمريكى
سعر الذهب عيار 24
4284.76
57.63 $
سعر الذهب عيار 22
3927.69
52.83 $
سعر الذهب عيار 21
3749.16
50.43 $
سعر الذهب عيار 18
3213.57
43.23 $
سعر الذهب عيار 14
2499.44
33.62 $
سعر الذهب عيار 10
1785.32
24.01 $
اسعار أوقية الذهب
133270.85
1792.6 $
اسعار جنيه الذهب
29993.28
403.44 $
اسعار كيلو الذهب
4284657.73
57632.09 $

[imi02i]

500000

ويقلكـ

مــــــآزآل الدنــــــيآ بخير

[nouna-12]

ن 400الف حتي 600 الف
اليوم كنت عند الصايغ و قالي
و الكاسي 360 الف

[داود نصر]

سعر الذهب عرف تقهقرا كبيرا في 23 أكتوبر ثم صار سعره في تذبذب و ها قد غلا ثمنه هذه الأيام بعد أن عرف انخفاضا طفيفا في الأيام الأولى من نوفمبر
و الله المستعان

[عماد المحب]

سالت اليوم في محلات المجوهرات باتنة
ب440000للغرام الواحد
الويزة 450000فيها غرام واحد580000نتاع الخارج

[abdo02]

سالت اليوم في محلات المجوهرات باتنة
ب440000للغرام الواحد
الويزة 450000فيها غرام واحد580000نتاع الخارج

باينة راك معول سي عماد

[sidahmed2003]

باتنة مشهورة بمحلات الصياغة وعادة الذهب يكون اقل ثمن قليلا بالنسبة لمناطق اخرى

[عماد المحب]

باينة راك معول سي عماد
هههههه ربي يرزقنا دارولنا فخة طحت فيها
خويا عبدو ماينة ليك

[عماد المحب]

باتنة مشهورة بمحلات الصياغة وعادة الذهب يكون اقل ثمن قليلا بالنسبة لمناطق اخرى
انا في رايي بعد الجولة الي درتها راهوم متفاهمين على تسعيرة وحدة
لكن قالولي الي يبغي يشري يخير الي مافيهش( ليبيار) الحجرات بزاف

[faridos]

كيف لكم الزواج والذهب في ارتفاع متزايد مع العلم ان بنات اليوم اصبحن يشترطن طقم المجوهرات 18 كارا والمهر الغالي .ليكن في علمكم ان الطقم الرخيص فيه 40 غرام من الذهب فرضا انك ستهبه لها مع سعر الغرام يساوي 5000 دج فهذا يكلفك 5000x40 = 200000 دج. الله المستعان

[عماد المحب]

كيف لكم الزواج والذهب في ارتفاع متزايد مع العلم ان بنات اليوم اصبحن يشترطن طقم المجوهرات 18 كارا والمهر الغالي .ليكن في علمكم ان الطقم الرخيص فيه 40 غرام من الذهب فرضا انك ستهبه لها مع سعر الغرام يساوي 5000 دج فهذا يكلفك 5000x40 = 200000 دج. الله المستعان
السلام عليكم ورحمة الله وبركاته
لامفر الزواج من امامكم والعنوسة والعزوبية متحالفان وراءكم
اما الي تشترط 40جرام اخرها الي قادر يديرلها4كلغ
الزوالي يجيب خاتم الشوفة +خاتم الثاني لمن استطاع والخالق رازق
وندائي للاباء سهلو لولادكم ماتربحوش ذنوبهم

[faridos]

ان شاء الله يرفع عنا الغلاء والوباء ....ويهبنا الرجاء وحكمة العقلاء ....قولوا امين

[** موحدة 02 **]

عندس اسبوع مللي سقسيت في الشلف و لقيتو 450 لوكال و 560 ;importation ما اللي باعي يتزوج نقولولو المرا اللي تحب تتهنى ما تتشرطش بشرط يكون الراجل راجل و يستاهل.انا زوجي غاونتو بالنص في مهري و جابلي خاتم ب 7000 دج و مازادنيش ,تزوجت و كي فتح عليه ربي راه مفحششني و راني متهنية هنا ما فوقوش و الحمد لله

[الواثق]

انا نفتح مؤسسة للتنقيب عن الذهب .........................................(بلاترخيص ههه).........................نلقطو واحد 3 كيلغرام ونتزوجو وبعدها ربي يفرج هههه......................................

[mimi-dz]

ربي يفرج عندنا 4800دج للغرام وتاع الخارج 5800دج

[هبة الكوثر]

في تقرت 4200 دج

[sidahmed2003]

البارح سقسيت المحلي ب4200دج و المستورد ب5500 دج للغرام

[شاكرة جدا لله]

سمعت في جانفي راح يولي مليون

[عبد النور 1980]

السلام عليكم و رحمة الله و بركاته
حسب علمي راه زاد هاذو ليام حتى 600 ألف في بعض المدن الكبرى لكن سعر الذهب - حسب مقدارنصاب الزكاة لهذا الموسم 2011 - 2012 - هو: 550 ألف
ذلك أن الزكاة تجب على من بلغ ماله النصاب و حال عليه الحول و نصاب الزكاة هو20 دينار ذهبي و الدينار الذهبي وزنه 4.25 غ أي النصاب هو 85 غ من الذهب
و أعلنت وزارة الشؤون الدينية أن النصاب هذه السنة هو 467500 دينار ج و اذا قسمنا هذا المبلغ على 85 غ نجد أن الغرام من الذهب يساوي 5500 دينار جزائري من عيار 18 قيراط
و الله يكون في العون للمقبلين على الزواج

[ناصرالدين الجزائري]

انا نفتح مؤسسة للتنقيب عن الذهب .........................................(بلاترخيص ههه).........................نلقطو واحد 3 كيلغرام ونتزوجو وبعدها ربي يفرج هههه......................................

شوفلي بلاصة معاك فالمؤسسة .. عندي بالة و فاس ..
قالك جبل الهوقار فيه الذهب .. على حساب الشوفة نديرو جماعة و نروحو نحفروا ..
اذا حكمونا نقولو حنا توريست .. جينا حواسين ..

[نسائم الهدى]

سمعت في جانفي راح يولي مليون
حرام عليك خلعتيني :1:
واش بيكم اليوم يا أخواتي راكم غير تخلعوا فيا؟؟؟:confused:
أنا حبيت نزيد نشري خاتم كان بـ4 ملاين يعني على شهر يرجع بــ 8 ملاين ونص ؟:eek: :eek: :eek: :mh93:
نقولك نروح لخويا يزيدلي الدراهم اللي ناقصين ومن بعد نردهم بلعقل على الأقل هو ما يخدمش بالربا
لا حول ولا قوّة إلّا بالله
ياو رحتوا فيها يا شباب :sdf: :sdf: :sdf:
سلااااااااااااااااااام

[عبد النور 1980]

السلام عليكم و رحمة الله
اللي قادر و طايق باه يشري الذهب غير يشري، اليوم راهو سومة غدوة الله يعلم شحال يكون
كيما قالت أخت الرجال**رحنا فيها** الذهب طار و دار جنحة........ها ها ها
المهم الحمد لله و الله يكفينا هم الدنيا و الآخرة و يحسن عاقبتنا في الأمور كلها
كل أمر في و قته مليح مين نبغو نشروا الذهب نتاع الشرط ان شاء الله ثمة باذن الله ندير فيها رد مليح على حسب الظرف اللي نكون فيه ليا ما نسيتش و نحكيلكم القصة...ها ها ها
سلام

[عماد المحب]

السلام عليكم ورحمة الله وبركاته
واليوم كم هو سعر الغرام من الذهب؟

[فتـ حييةـاة]

وعليكم السلام ورحمة الله وبركاته
ماعندي حتى فكرة اخي

[hydraulique51]

الله وأعلم سقسوا في باتنة تما يقولو بلي سعره منخفض

[عماد المحب]

الله وأعلم سقسوا في باتنة تما يقولو بلي سعره منخفض
باتنة غير المحلي الله اعلم7000دج
المحلي 5700

[hydraulique51]

البركة في القليل
يقال باريكة هي الي فيها الدهب
ممكن يكون غير المحلي كيما تفضلت وقلت

[عماد المحب]

البركة في القليل
يقال باريكة هي الي فيها الدهب
ممكن يكون غير المحلي كيما تفضلت وقلت
باريكة يا بريكة ههههه

[عماد المحب]

ذهب الذهب بالعقول وما ادخر من اموال مال الى اصحاب تصنيع المجوهرات اما بريكة ضالة كل باحث عن قطع غيار المحركات...

[lilou f lilou a]

أو راحت الدنيا

[محمد...عبد النور]

السلام عليكم أخي عماد
الذهب راه من5300 دج للذهب محلي الصنع (local ) الى 6500 دج للغرام نتاع طاليان ( italien) فقط الماصيف يكون غالي شوية على خاطر هو ذهب متين و يختلف السعر كذلك على حساب التركيب بحيث كلما زاد الزواق من غير الذهب على نسبة الذهب نقص السعر ههههها
و هذا حسب ما هو متداول هاته الأيام
ربي يكون في عوننا
ســــــــــــــــــلام
:1::1:

[جسور المحبة]

اذا ماقدرناش على الذهب نرجعوها فضة وفرات كيما اجدادنا كانو يلبسوها

[فتـ حييةـاة]

اذا ماقدرناش على الذهب نرجعوها فضة وفرات كيما اجدادنا كانو يلبسوها

اوك اختي واش رايك نشللوها بشوية ذهب ؟؟؟؟:1::1::1::1:

[جسور المحبة]

اوك اختي واش رايك نشللوها بشوية ذهب ؟؟؟؟:1::1::1::1:

اذا كان يخرج مليح مكان حتى مشكل وخلي الزوالي يتزوج وخليهم ياكلو ذهبهم

[ام ظافر]

حتى الفضة اصبحت نااااار اونسامبل تاع خاتم وتكالي وموتيف صغار ب3 ملايييييييييييييين وعيش ازاوالي عيش

[جسور المحبة]

حتى الفضة اصبحت نااااار اونسامبل تاع خاتم وتكالي وموتيف صغار ب3 ملايييييييييييييين وعيش ازاوالي عيش

يا اختي معليش حتى وندير باغيغ ب 5 ملاين نورمال تلبسني ذهب

[فتـ حييةـاة]

اذا كان يخرج مليح مكان حتى مشكل وخلي الزوالي يتزوج وخليهم ياكلو ذهبهم

يخرج شباب جربي في خاتم ورديلي الخبر :1::1:

[فتـ حييةـاة]

حتى الفضة اصبحت نااااار اونسامبل تاع خاتم وتكالي وموتيف صغار ب3 ملايييييييييييييين وعيش ازاوالي عيش

:dj_17:سيدتي الكريمة بصح 3 ملايين ماتشريلكش حتى خاتم تاع ذهب شابة صح ؟؟؟ولا واش قلتي

[عماد المحب]

السلام عليكم أخي عماد
الذهب راه من5300 دج للذهب محلي الصنع (local ) الى 6500 دج للغرام نتاع طاليان ( italien) فقط الماصيف يكون غالي شوية على خاطر هو ذهب متين و يختلف السعر كذلك على حساب التركيب بحيث كلما زاد الزواق من غير الذهب على نسبة الذهب نقص السعر ههههها
و هذا حسب ما هو متداول هاته الأيام
ربي يكون في عوننا
ســــــــــــــــــلام
:1::1:
وعليكم السلام ورحمة الله وبركاته اخي لذريق
اللهم امين اخي مايسلكها غير البلا كيور ههههه

[محمد...عبد النور]

السلام أخي العزيز عماد و بارك الله فيك
ياو تخاف حتى البلاكيور يزيد يغلى
و فرضا جبته يبقلوهلك الناس الي باغي تناسبهم؟ههههههههههههههههههههها
الله ييسر لنا أمورنا و يرزقنا ما تقر به عيوننا
شكرا أخي مرة أخرى و جزيت الفردوس الأعلى
ســـــــــــــــــــــــــــــــــــــــــــــلام

[عماد المحب]

السلام أخي العزيز عماد و بارك الله فيك
ياو تخاف حتى البلاكيور يزيد يغلى
و فرضا جبته يبقلوهلك الناس الي باغي تناسبهم؟ههههههههههههههههههههها
الله ييسر لنا أمورنا و يرزقنا ما تقر به عيوننا
شكرا أخي مرة أخرى و جزيت الفردوس الأعلى
ســـــــــــــــــــــــــــــــــــــــــــــلام
اللهم امين
اسمع انا ان شاء الله نخمم منا وصاعدا نناسب واحد مجوهراتي نقولو ما عندك ما دير بيه الذهب
اذا قبل صحا والا نبدل هاذو شروطنا درك ههههه
ربي يرزقك قرة عين لاتنقطع

[hydraulique51]

واقيلا ندوروها فضة ونحاس خير من 15 مليون غير دهب
وهكدا الزوالي يعيش ويتزوج نورمال

[هدايات26]

الذهب خسر المذهب

[باحثة عن الامل]

السلام عليكم ، انا اريد ان اقول بحكم التجربة ، انكم انتم الذهب ايها الشباب لشقيقاتكم و رفيقات دربكم بعشرتكم الطيبة ، و هن طبعا اغلى ما ستملكونه طول حياتكم ، فحواء اغلى من كنوز الدنيا.

[faridos]

السلام عليكم ، انا اريد ان اقول بحكم التجربة ، انكم انتم الذهب ايها الشباب لشقيقاتكم و رفيقات دربكم بعشرتكم الطيبة ، و هن طبعا اغلى ما ستملكونه طول حياتكم ، فحواء اغلى من كنوز الدنيا.



شكرا لك اختي كلام صائب

[imi02i]

السلام عليكم : قبل قليل كنت عند أحد المحلات
بالنسبـة للذهب المحـلي يقدّر بـ :5200 دينـار
والآخـر حوآلي 6500 دينـار للغرام ولم أتأكد من السعر بالضبط

[الأمنيات]

لم اعد ابحث عنه ونزعته من قاموس المشتريات

[sabrac]

لم اعد ابحث عنه ونزعته من قاموس المشتريات

ادا كان نزعتيه من قاموس مشترياتك معنتها هنيتي لي باغي يديك ادا ماشي مخطوبة قوليلنا ليوم راني جاي للعاصمة

[سفيان01]

السلام عليكم...
إخوتي الكرام الأصل ليس في القيمة المادية لما نمنحه من مهور لزوجات المستقبل ان شاء الله تعالى ولكن الأصل في أن نعمل على نزع بعض العادات والتقاليد السيئة والتي تؤثر سلبا على تيسير الزواج بالنسبة للجنسين...لذا أطلب من أخواتنا أن يحاولن اقناع أهلهن وخاصة أوليائهن بالتنازل عن الشروط التعجيزية وتيسير المهور.....وبهذه الطريقة سيقبل الشباب وبكثرة على الزواج:)
أخوكم سفيان

[narimane1991]

حنا لوكال راهو 5000 و امبورطاسيو راهو 6400

[أبو تقي الدين]

الذهب اصبح معضلة في هاته الايام الخاطب لا يستطيع دفع تكلفة الذهب ووالد العروس يحرج ولا يستطيع تلبية رغبات ابنته. الحل في الزوجة ان تنقص من طلباتها وترضى بالقليل الاهم هو الزوج الصالح والحياة الاسرية السعيدة .انا مقدم على الزواج دفعت المهر لكن اعلم انه مهما قدمت فالمطالب اكثر المهم التراضي لا يكلف الله نفسا الا وسعها.

[moon20]

شكرا على المعلومات القيمة

[عائشة 88]

السلام عليكم ربي يوفقكم ويرزقكم الزوجات الحلال ربي يهدي بناتنا في التقليل من المهور والذهب رفقا بالرجال ربي يسهل.