الشيوخ اخذو لكم البنات بسرعة يا شباب

[sidahmed2003]

في هذه الصائفة وككل عام تقام عندنا اعراس كثيرة وابدا انا كعادتي في استفسار الوالدة لان عملي بعيد عن الاقامة ما الجديد في الاعراس فتخبرني فلان تزوج فلانة ويوم العرس بتاريخ كذا وهكذا فابارك واحضر لمن تيسر لي حضوره لكن هذه الصائفة تفاجئة بعدد لا باس به من الشيوخ وهم يتزوجون ببنات في سن حفيداتهم حتى لا نقول بناتهم فاستغربت الامر وبدى لي انه غير مناسب نوعا ما لا للشيخ ولا للبنت مع انه ليس حراما ولا ممنوع ولكن اتسائل كيف ستكون حياتهم الزوجية كيف سيكون تفكيرهما كيف كيف ولم اجد اجابة مقنعة ربما اكون مخطا في وجهة نظري لكن تبدو غريبة فما كان مني الا ان اوصيت الام بان تولي اهتمام بالغ للوالد وبان لا تفاجئني بعرسه في الصيف القادم هههه

[nouna marwa]

الله يهدينا هؤلاء البنات يتزوجن بالمادة ليس بالشخص فقط سؤال هل هناك احد من هؤلاء الشيوخ فقير؟ اكيد لا
والبنات ثاني الله غالب الي تشوف روحها كبرت بزاف وين ريحا تروح تقبل وخلاص
وعن سؤالك كيف ستكون حياتهم الزوجية فاقول لك اخي ان الزوجة تعيش دلالا لم تعرفه في بيت اهلها لسنة او سنتين او عشر ثم تبدا الحرب مع اولاد الزوج من الزوجة الاولى على الارث

[sidahmed2003]

الله يهدينا هؤلاء البنات يتزوجن بالمادة ليس بالشخص فقط سؤال هل هناك احد من هؤلاء الشيوخ فقير؟ اكيد لا
والبنات ثاني الله غالب الي تشوف روحها كبرت بزاف وين ريحا تروح تقبل وخلاص
وعن سؤالك كيف ستكون حياتهم الزوجية فاقول لك اخي ان الزوجة تعيش دلالا لم تعرفه في بيت اهلها لسنة او سنتين او عشر ثم تبدا الحرب مع اولاد الزوج من الزوجة الاولى على الارث
صحيح كلهم اغنياء

[بنت عين وسارة]

سير هذو شيوخة شكارة لبنات راهم ولاو يجرو وراها و عياذ بي الله

[سلمى_2008]

سلام اخي راهم صحاااب الاورووووووووو ههههههه لكن لازم تاخذو بعين الاعتبار ان بعض الفتياات ضروفهم القاهرة هي الي تحتم عليهم يزوجو برجاال اكبر من الخمسينااات

[الواثق]

لو كان يكون هذا الشيخ استاذ جامعي عمرو 60 سنة ......................مايوليش شيخ ههه

[imi02i]

هذوكـ شيوخ الدوفيس ...

[النجمة القطبية]

لو كان يكون هذا الشيخ استاذ جامعي عمرو 60 سنة ......................مايوليش شيخ ههه
لماذا الاستاذ الجامعى بالذات ما المميز فى الاستاذ الجامعى :rolleyes:

[الواثق]

لماذا الاستاذ الجامعى بالذات ما المميز فى الاستاذ الجامعى :rolleyes:

لاني لا حظت الكثير من الاساتذة في الجامعة رغم سنهم تزوجو جامعيات ..............لكن ماقالوش بلي هاذيك تزوجت شيباني (شيخ)..................والشيخ هو هذاك اللي يلبس اللباس التقليدي ويكون امي (مايقراش).........ومانيش عارف..........................ويكون يخلص الاورو كيما قالت اختي سامية .....................هذا الصنف يستغربو المجتمع كي يتزوج صغيرة ...................والمثقف لا لا ويكتا حب يقولو يستاهل ههه........................وقيلا نحوس كاش شابة للشيخ تاعنا ونزوجو ونديرو العرس مع بعض هههههه........................................راني نزعق برك ههههه

[النجمة القطبية]

لاني لا حظت الكثير من الاساتذة في الجامعة رغم سنهم تزوجو جامعيات ..............لكن ماقالوش بلي هاذيك تزوجت شيباني (شيخ)..................والشيخ هو هذاك اللي يلبس اللباس التقليدي ويكون امي (مايقراش).........ومانيش عارف..........................ويكون يخلص الاورو كيما قالت اختي سامية .....................هذا الصنف يستغربو المجتمع كي يتزوج صغيرة ...................والمثقف لا لا ويكتا حب يقولو يستاهل ههه........................وقيلا نحوس كاش شابة للشيخ تاعنا ونزوجو ونديرو العرس مع بعض هههههه........................................راني نزعق برك ههههه
لا بالعكس الاستاذ الجامعى لما يكون كبيير تكون عدنه هيبة كبييرة وسط الطلبة فاتساءل كيف سيتزوج الاستاذ من الطلبة ان كان هذا ما تعنيه وهل سينسى يوما انه الاستاذ
لكن طبعا هناك اساتذة سنهم مقبول هنا يصبح الامر مقبول نوعا ما

[النجمة القطبية]

بالنسبة لزواج الكبييرة من الصغيرة لا يمكن الحكم عليهم جميعا و لا يجوز القول ان البنت التى تتزوج بشخص كبيير يكون دائما لاسباب مادية
لان كل شخص له ظروفه وخاصة اذا كان هذا الشخص الكبيير اعزب
ولو انه لا يمكن الانكار انه غالبا خاصة اذا كان الفرق كبيير بين الطرفين يكون هناك اذن تبادل مصالح

[abdo02]

أعرف شيخا " زعما مجاهد" عمره اكثر من 80 سنة تزوج مع واحدة في عمرها 26 راه عندو زوج أولاد ،pharmacie قاللي الفياغرا اللي نجيبها يديها كامل :1::1::1::1::D

[أبو تقي الدين]

اعلم الكثير من الشيوخ تزوجوا صغيرات في السن ولكن الظروف القاهرة للفتايات هي التي تحتم ذلك احيانا

[sidahmed2003]

بالنسبة لزواج الكبييرة من الصغيرة لا يمكن الحكم عليهم جميعا و لا يجوز القول ان البنت التى تتزوج بشخص كبيير يكون دائما لاسباب مادية
لان كل شخص له ظروفه وخاصة اذا كان هذا الشخص الكبيير اعزب
ولو انه لا يمكن الانكار انه غالبا خاصة اذا كان الفرق كبيير بين الطرفين يكون هناك اذن تبادل مصالح
ما كان حتى صلاح بين وحدة 25و واحد 75سنة في راي حاب يستر روحو كاين نساء يتوافقو مع سنو

[sidahmed2003]

سلام اخي راهم صحاااب الاورووووووووو ههههههه لكن لازم تاخذو بعين الاعتبار ان بعض الفتياات ضروفهم القاهرة هي الي تحتم عليهم يزوجو برجاال اكبر من الخمسينااات
والله صح الاورو وزادو معاهم ضرك صحاب الطورو

[sidahmed2003]

هذوكـ شيوخ الدوفيس ...



صحاب الدوفيز الناس تحج وهما هبلو

[ing.lakhdar]

خليهم يدوا الشباب عزفوا عن الزواج

[nouna marwa]

ليس كل الشباب عازفون عن الزواج يا اخي الفاضل ما شاء الله شباب المنتدى مثلا اغلبهم يرغبون بالزواج يعني ليس هناك عزوف

[ing.lakhdar]

ليس كل الشباب عازفون عن الزواج يا اخي الفاضل ما شاء الله شباب المنتدى مثلا اغلبهم يرغبون بالزواج يعني ليس هناك عزوف
قلت هذا من باب الطرفة فقط
الشباب يريدون الزواج لكن كل وظروفه
ولكثرة الشباب غير المتزوجين قلت عزوف
اغلبيتهم يرغبون بالزواج فعلا لكن كل واحد وله اسبابه
شكرا

[nouna marwa]

حقيقة الظروف جد صعبة ربي يكون في عون الجميع
اعرف حقيقة هذه المعاناة وربما سا بحث عن شيخ انا ايضا على الاقل كل شيء جاهز لا ننتظر استكمال بيت او جمع مصاريف زواج او غيرها
ان شاء الله ربي سبحانه يفتح علينا كامل

[النجمة القطبية]

ما كان حتى صلاح بين وحدة 25و واحد 75سنة في راي حاب يستر روحو كاين نساء يتوافقو مع سنو
اكيد لا اقصد هذا الفرق اخى هدا ماراهوش شيخ هدا راه شيخ اس خمسة هههههه:1:
انا نقصد اللى عمرو مثلا 50 مع 26 مثلا هدا تانى فرق كبيير فى العمر بصح كاين حالات يكون الخاطب اعزب لم يسبق له زواج ربما يتوفق من يدرى
ولو انى شخصيا ضد فكرة الفرق فى العمر بين الرجل والمراة وضد الحالات المتطرفة سواء الرجل كبيير او العكس المراة كبييرة
اجد ان اقصى حد للفرق 7 سنوات كنظرة شخصية
بصح لا تنسى اخى ان هادى مكاتيب والظروف هى اللى تحكم الانسان الله غالب كل واحد وظروفو هادى الطفلة تع 25 لو كان جات عايشة فى الخير مستحيل تدى جدها بصح احيانا يكون هدا الحل افضل من الانتحار بالنسبة للبعض

[النجمة القطبية]

حقيقة الظروف جد صعبة ربي يكون في عون الجميع
اعرف حقيقة هذه المعاناة وربما سا بحث عن شيخ انا ايضا على الاقل كل شيء جاهز لا ننتظر استكمال بيت او جمع مصاريف زواج او غيرها
ان شاء الله ربي سبحانه يفتح علينا كامل
وما فائدة البيت والسيارة وان شاء الله مال قارون مع شيخ
والله نطلب مع شاب وربى يفرج احسن :1:

[ing.lakhdar]

حقيقة الظروف جد صعبة ربي يكون في عون الجميع
اعرف حقيقة هذه المعاناة وربما سا بحث عن شيخ انا ايضا على الاقل كل شيء جاهز لا ننتظر استكمال بيت او جمع مصاريف زواج او غيرها
ان شاء الله ربي سبحانه يفتح علينا كامل

لم نعهدك هكذا ياختاه
ثمانية تجري على الناس كلهم فلابد للإنسان أن يلقى الثمانـية
سرور و حزن و اجتماع و فرقة ويسر و عسر ثم سقم و عافيــة



إن للـــه عباد فطنــــا طلقـــوا الدنيا و خافــوا الفتنـــا

نظـــروا فيها و لما علمــوا أنهــا ليســـت لحــــي وطنــــا

جعلـوها لجة و اتخــذوا صالــح الأعمــــال فيهــا سفنــــا

[nouna marwa]

يا اختي جربي يخطبك شاب يكبرك فقط باربع سنوات ويقولك منتزوجوش حتى نكمل نبني الدار وش رايك
مع ذلك لن اخذ شيخ باذن الله

[nouna marwa]

[QUOTE=ing.lakhdar;7892442]لم نعهدك هكذا ياختاه
ثمانية تجري على الناس كلهم فلابد للإنسان أن يلقى الثمانـية
سرور و حزن و اجتماع و فرقة ويسر و عسر ثم سقم و عافيــة



إن للـــه عباد فطنــــا طلقـــوا الدنيا و خافــوا الفتنـــا

نظـــروا فيها و لما علمــوا أنهــا ليســـت لحــــي وطنــــا


جعلـوها لجة و اتخــذوا صالــح الأعمــــال فيهــا سفنــــا
[/بارك الله فيك اخي الفاضل ان شاء الله ربي يجعلنا من الذين طلقوا الدنياQUOTE]

[sidahmed2003]

يقول المثل لي فاتو عمرو ما يطمع في عمر الناس انسان كي يكبر يستعقل ويتقرب الى الله ويحمد ربي ونفرض انه ارمل او مطلق او لماذا لا يتزوج من امراة كبيرة لا نقول مثله في السن ولكن على الاقل فوق الخمسين سنة اذا كان الزواج بهدف الرعاية والقيام بواجبات المنزل لكنهم يختفون وراء اشكون لي تخبزلي الكسرة وتقوملي بالدار ومن بعد يجيبها في العشرينيات ؟؟؟ومن بعد يروح للصيدلية يحوس على ؟؟؟هذا هبال واش اداك لحاجة ماكش قدها روحو تحجو روحو تصدقو عاونو الفقراء راهم مساكن ما لقاوش شكون يزوجهم وبركاو من الهبال

[sidahmed2003]

والشباب ثاني عيب عليكم تخليو الشياب يدولكم البنات وانتم تتفرجو اتوكلو على ربي وما تبقاوش خايفين راه يسهل ربي وخاصة الزواج وعن تجربة