يا من يريد الزّواج لا تدخل هنا ...!!

[راجي الصّمدِ]

بسم الله الرحمن الرّحيم

يا من تريد الزواج

إن أبيت إلا الدخول

فأعذرني ولا تعذلني


الزواج وأي زواج
في زمن
اختلطت فيه الأمور
وانقلبت فيه الموازين
وصدق فيه الخائن
وكذّب فيه الأمين

أين هي الزوجة الصالحة...؟؟

يا من تريد الزواج

هاذي بنت الجامعه
كن منها على حذر
صواحبات الفايسبوك والتويتر وiphone
طالبات البيام والمرسيدس
لا تأمن ولا تستأمن
معروفات السيرة والمسيرة

وهاذي على النقيض
سلفية متعصبة
دايرة خيمة على رأسها
لا جمال ولا شيء
ترجعلك حياتك كلها
جديّة لا ضحك ولا قصرة

وهاذي طويلة
هاذي قصيرة
وهاذي سمينة
هاذي رقيقة

وهاذي باباها
وهاذي خوها
وهاذي جدّتها


أخطيك راني نوصيك

الشباب و التاويل

يا من تريد الزواج
أنا لست مثلك
أنا حتى نشري السيارة
ونزهى شوية بزهرة الشباب
ونحوس ونديفولي
وبعدها نفكر في الزواج
طبعا أصفر ليموني أزرق سماوي
وفي انتظار ذلك
نديباني بآمال و سوسو
راك تعرف الحبّ واش دار فيّا
طير لي النوم من عينيا

الزيت والسكر

يا من تريد الزواج

واشبيك تخمم في الزواج

الزيت بستين ألف
والسكر بعشرة ألاف
والبطاطا بسبعة ألاف

وأنت لا تستطيع أن تطعم مقنينا

حتى لا تنسى الكيكوز والبومبارس

أخطيك راني نوصيك


يا من تريد الزواج

المسكن
العمل
الدراهم
السيارة
الغرفة
المهر
العرس
الكبش
الجهاز
الخاتم
La Parure
الكوستيم
الكورتاج
الدبلة
الحنّة
الديسك جوكي
العشاء
القازوز
الغداء
القهوة
الحلوى
الناس
الهمّ

أخطيك راني نوصيك



أحلام سعيدة

والسلام عليكم ورحمة الله

أخوكم في الله

ج م ق

[ميمنة الجزائر]

هههههههههههههههههههههههههه

بارك الله فيك اخي الصغير

من اين لك بهذا

ربي يعطيك الزوجة الصالحة عاجلا غير اجل ويرزقك الرزق الوفير انشاء الله

[عُضو مُحترم]

هههههههه مليح

بالصح و الله غير نتزوج


إن شاء الله

[حبيبة القران]

khouya wach bik rabi yakhdam tawil hawas ahda takbal bik bjami3 lmawazin machi draham koulach w machi zin awal haja hya din matkounch talkatha wmatkounch mout3assba fdin w rabi ymadlak matatmana wli yatmanwha jmi3 nas rahat lbal w lmra li matacheratch bzf la rani ghalta

[abdo02]

كلنا سنسلك هذه الطريق شئنا ام أبينا.باين عليك راك حاب تتزوج يا سي جلبيب

[محب السلف الصالح]

ههههههههههههههههه

كنت رايح نرقد بصح راك طيرت النوم من عيني

راك خلعتني الله يسترنا

[النجمة القطبية]

ايه امالا يا خويا جلبيب نوصيك تحتفظ بهذا القصيدة عندك كى نتزوج اجبدها :1:
خليها كل ما تعول تتقدم لكاش طفلة اقراها:o

[محب السلف الصالح]

لكننا متفائلون بإذن الله

رغم الآآآآآآآآآآهات

ورغم الألآلآلآلآلآلآلآلآلآلآلآلآلآم

ورغم الفقققققققققققققققققققققققرر

ورغم الميييييييييزيرية

وزغم غلاء المهر

وبا أن لنا أخوة نحبهم في الله

يدعو لنا متفائلووووووووووون بإذن الله

[med19]

الخطة نتاعي بالذات :d يعني..ان شاء الله :)

[الواثق]

عجبتني الخاتمة تاعك .............................أحلام سعيدة ............................انا بالي راح تكون زوجتك تحمل احد الاسمين اما أحلام أو سعيدة ..........................هه...................... اللهم ارزق اخوتي زوجات صالحات ............امين

[naima2011]

السلام عليكم....................واش هذا موضوع صدقني تبقى تخمم هكذا مرا كش رايح تتزوج..................ارجوكم ما ديروش على كلامو ...............وا شبيهم جا معيات......................وزيد لله هو رازق............لله يهديك ونشالله ربي يرزقك زوجة صالحة

[moonlight19]

هاهاهاهاها
والله عندك الحق بالصح الدورو الدورو
و ديفوليو و تلعبو وتوليو للصح
ربي يجيبلكم بنات لحلال ان شاء الله
الله المعين

[عابر بلا زاد]

إذا امتنع الناس كلهم عن الزواج لهذا فإن الجنس البشري سيفنى بعد حوالي مئة عام

ولكن تأمل في هذه الأيات:

و من يتق الله يجعل له مخرجا و يرزقه من حيث لا يحتسب

و من يرد ثواب الدنيا نؤته منها و من يرد ثواب الأخرة نؤته منها

و إذا كانت الزوجة الصالحة نادرة فإن الزوج الصالح هو نادر أيضا. و العجب كل العجب ممن ليسوا على قدر كبير من الإستقامة يطلبون زوجات بمنزلة الصحابيات.

فعلينا أن نكون واقعيين و لا نطلب عند الناس ما ليس عندنا

و يطلب عند الناس ما عند نفسه ° ° ° و ذلك ما لا تدعيه الضراغم

و الله هو الموفق
و السلام

[طيب القلب]

السلام عليكم أخي حسين عودتنا على التفائل و الإستبشار خيرا اليوم أرى في موضوعك عكس ذلك يبدو انك أصابتك عين

[ام ايمان16]

مشكور عل هذه الخواطر
(ان مع العسر يسرا )
وبعد الشدة ياتي الفرج

الله يرزقك على حساب نيتك من فضله الواسع وييسر لك امورك
ويفرحك قريبا بما تتمنى
اخي
ج م ق

[تاج الوقار16]

هذا انت اخي جليبيب

والله ما حسبت هاذ الهدرة تخرج منك:1:

بصح علابالي بيك متزوج متزوج عاجلا ام اجلا:1:

ربي يرزقك زوجة صالحة وكل شباب المسلمين

خوفتنا:1:

[نسائم الهدى]

ما بالك يا أخي الصغير؟
راك خلعتلنا شباب المنتدى الكل :sdf: :sdf: :sdf:
اللي كان ناسي أو يحاول يتناسى حاجة راك فكرتوا فيها :1:
يا يمّا لوكان تسمع قدوتي أم جليبيب واش راك تقول...........:sdf:
تتحسّر مسكينة حتى ما تزيدش :sdf:
المهم, نقولك كلمة احرق كاااااااااامل واش قلت ونهار تخلص قراية وتصيب خدمة إن شاء الله عاجلا غير آجل قول لأم جليبيب تشوفلك وحدة تكون عاقلة، وبنت ناس ودير كي واحد الرجل صاحب خاوتي(أخ سلفي خاطيه كل هادو التوافه)
اليوم ماكان والو غدوة فلان تزوج
عشاء للأسرة والأصدقاء المقربين حوالي 4 سيارات راحو جابوها وراه عايش الحمد لله ولديه أطفال وربي يبقي عليه الستر
انت اعمل كيفو؟؟ واخطيك من هاديك القائمة الطوييييييله التي لا تسمن ولا تغني من جوع.
حفظكم الله ورعاكم ورزقكم على حسب نيتكم
أختك الكبرى أم دعاء
سلاااااااااااااااااااااااااااااااااام

[همسا]

هاذي بنت الجامعه
كن منها على حذر
اف مللنا من هده الكلمةبنت الجامعه اوليس لديكم اخوات او بنات درسن في الجامعة
ماشي اصباع اليدين قاع يتشابهو,كلنا درسنا فيها وتخرجنا منها وما فعلنا الا ما يرضي ربنا وصاحبنا فيها بنات ماشاء الله

[مشكاة الهدى]

انت هك جعلت من الزواج مغلاق رزق وليس باب رزق
ربي يرزق اخواني في المنتدى زوجات صالحات ويعمر بيوتكم بالخير والبركة
امين يارب

[محمد جديدي التبسي]

:mh92::):):dj_17:
بارك الله فيك أخي جليبيب أضحكتني كثيرا
:):D:D:D:)
موضوع رائع خاصة في جعل المعنويات في الحضيض

التفاؤل هو الأساس

لذلك ما طيحلناش المورال أخي

الزواج بركة اذا وجد الصلاح في الزوجين

ربي يرزقني وإياكم زوجات صالحات

آمين يا رب

[زهرة البيت]

يا أخي بلاك يهديك ربي العلم نور والجهل ظلام هل ترضى على أختك متكملش دراستها وهل ترضى كاش واحد يقول عليها ماهيش متربية اذا ساقت سيارة أو غير ذلك والله أمرك عجيب عرض البنات مهوش لعبة وربي يحاسبك على ما تقول اذا شافت عينك نسبة معينة فلا تعمم والكلام للرجال والنساء
أما عن موضوع الزواج باين أنك انسان متشائم لحد كبير ومازلت مش قادر على المسؤؤلية أو بالأحرى خايف منها
ونحكيلك قصتي شخصيا أنا ذات مستوى جامعي وعلى قدر من الجمال وحتى المستوى المادي وجاوني عدة خطاب واللي رتحتلو تعرفت عليه وهو ليس بوسيم وكان ساعة يخدم ساعة لا وقبلت بيه لأنو على خلق وطيب مثقف وفحل وقبل بيه والدي وتمت الخطبة بخاتم وباقة زهور وطرطة وصداق متوسط دفعلي النصف والنصف الآخر حتى يوم العقد ومع الوقت أنا بديت نشري الجهاز من كلش باه نقص عليه المصاريف وهو غير يجري وراء مشروعو ويخدم في نفس الوقت باه يكمل حق الغرفة وتفاهمنا الأشهر اللي بقاولنا على موعد الزواج نزيدو نشريو تلفاز وبراد وطباخة ونسكنو في طابق مع دارهم مبدئيا أما الحنة شي لي يقدر عليه والعرس نتشاركو في غدا عندنا الآن تقربب عام مخطوبين صح تعبنا جسديا ومعنويا وصرات بيناتنا مشاكل ولكن بقينا متمسكين ببعضنا بالصدق والمحبة والحمد لله:19:
الزواج مش حاجة سهلة لكن لي عندو العزيمة والصبر يتعب ويوصل في الأخير تزوجوا وأكملوا نصف دينكم والله هو الرزاق .

[بنت عين وسارة]

راك خلعت لى حابين يزوجوههههههههههههههههههههههههههههههههههههههههههههه هه

[رزان.]

أيّا ما كانش منها ههههههههههههههه توكل على ربي و يرزقك إن شاء الله ،شبابك ما يدومش اختصر الطريق خيرلك و خطيك من سوسو و آمال الله يهديك . تمنياتي لك بالتوفيق و الزوجة الصالحة الي تخليك تندم على كل دقيقة تأخرت فيها آميـــن

[عماد المحب]

السلام عليكم ورحمة الله وبركاته
خويا جليبيب علابالي راك تهدر برك نقولك انا راني نستنا كاش هيليكس فيها كوفر تاع ذهب راني تفاهمت مع الاخ الفتى الصغيرعلى القضية ههههههههههه:rolleyes:
اما المواد الغذائية الحوانت غيرهوما سكروكاج كومبريولاج .....الخ هههههه:cool:
اما الزواج نقولك كاين بنات الفاميلا يصبرو ا على زوالي واحوالو كيما انا ضاهرة نخير 2 يتفاهمواهههههه;)
بصح نقولك حاجة حكاية الخيمة فوق راسها مانقبلهاش منك خويا جليبيب:mad:

[imi02i]

شكرا لكـــ ...

لوكــآن الوآحد يبدا يطلع ويهبطـ عمرو مارآح يدير حـآجـة

لكن كي يبسطـ الـأمور ..

راح تمشي كما ينبغي

ربي يرزق كل واحد على حسب نيتـه

ثنميرثـ

[la pitch]

اخي ج م ق
انشاء الله ربي يعطيك واحدة حساب نيتك
تعصرلك القارص في عنيك المسودين سعدهم

[chamsa0258]

ربي يجيب الخير نشاء الله واللي في بالو شيء يتحقق سواءا كان زواج او خدمة او قراية او ...................
ربي يسهل

[راجي الصّمدِ]

اخي ج م ق
انشاء الله ربي يعطيك واحدة حساب نيتك
تعصرلك القارص في عنيك المسودين سعدهم


هذا دليل على مقدار أدبك وخلقك
شكرا لك

[راجي الصّمدِ]

بصح نقولك حاجة حكاية الخيمة فوق راسها مانقبلهاش منك خويا جليبيب:mad:


غفر الله لك يا محب الحويني
أأنا الذي أقول أم هم ....؟؟؟
أنتظر إجابتك

[سـعـيد]

يبدوا أنك قد أخفت الإخوة من حيث لم تقصد أخي الطيب جليبيب
أعتقد أنك أردت أن ترسل رسالة الى الشباب العازف عن الزواج
" يعني إذا كان تفكريهم هكذا فلن يتزوجوا أبدا "
ان شاء الله تصل رسالتك الى كل الشباب
وينزعوا من تفكيرهم كل هذه الوساوس
ليكون توكلهم على الله خير معين ، في الزواج وفي غيره من أمور الحياة ..
شكرا لك أخي الكريم على هذا الموضوع القيم