عندي عطل في ماكنة الخياطة ارجو المساعدة

[شمعة ضياء]

السلام عليكم ورحمة الله تعالى وبركاته
اللي تفهم في مشاكل ماكنة الخياطة ياريت تساعدني
ماكنة الخياطة نتاعي كان فيها مشكلتين
الاولى الخيط يتقطع اثناء الخياطة
والثانية تسوطي الخياطة يعني تخيط شوية ومنبعد تخلي مسافة بلا خياطة خاصة في البداية
اديتها عند واحد يسقم الماشينات سقمها وريقلاها ورجعت تخدم مليح
ونصحني نستعمل كبات الخيط الكبار ونتجنب الصغار على خاطر يجو مشعرين وهوما اللي يخسرو الماشينة
وفعلا عملت بنصيحتو وبدات تخيطلي عادي
وبعد فترة رجعت كيما كانت من قبل تقطعلي الخيط وتسوطيلي الخياطة
قولولي وين راه المشكل؟؟؟

[ghares]

حسب معلوماتي يلزم تغيري الخيط اوالابر تكون غير مناسبة مع الماكنة ديالك يلزم تغيريها

[نورة]

حسب معلوماتي يلزم تغيري الخيط اوالابر تكون غير مناسبة مع الماكنة ديالك يلزم تغيريها
اختى نظفيها مليح وزيتيها واتركيها يوم كامل واستعملى الخيط العادى وجربيها اكيد راح تخيطلك مليح عندى نفس المشكل

[فرحة]

راقبي الابرة ادا كانت مركبة مليح او لالا وزيد بدرلي في لا طونسون نتاع الخيط

[بسمة محبة]

اختي راقبي الإبرة أولا ادا راهي راكبة في مكانها الصحيح لأنها لازم تكون الجهة المدورة من جهة الثقب لمناسب

ثم شوفي الخيط من أي جهة راه يتقطع الفوقاني و إلا التحتاني

اذا كان من أعلى هو لي يتقطع عاودي ركبي لاكانيت مليح لأنه الخلل من أسفل في الكانات

أما ادا كان يتقطع من أسفل فحاولي تعاودي ترتبي الخيط من فوق و تشوفي لاتونسيون لأنه المشكل راه من فوق

بالنسبة كيما قلتي بلي راهي تسوطي حاولي تنضفي السنين لي جايين تحت الإبرة و ادا قدرتي نحيها و نضفي تحتها وعاودي رجعيها و زيريها مليح

ان شاء الله تتخدملك و سايسي عليها راهي حساسة جداا

ربي يوفقك أختي.

[ايناس10]

يمكن لاتونسيو مزيرة وهي الي تجبدلك الخيط ومتخليهش على راحتو،ويمكن ناقصة زيت ولا زايدة زيت،واكبر مشكل تعاني منو الخياطة هي الابرة اذا كانت مش ماضية ولا معوجة راح تقطعلك الخيط، اما المشكل الي تخليلك مكان متخيطوش يحدث مع لقماش بيزو بيزو ولا ثاني القطيفة لي تتكسل وهنا ماعليك غير على لي يسقم لماشينات وهو يعمللها ريقلاج صغير يخليها تخيط هذا النوع من القماش من غير اي مشاكل

[Afakmax]

كيما قالولك الاخوات انا ايضا كان عندى نفس المشكل اختى الكريمة حليها من الفوق واستعملى زيت الماشينة فى الاماكن اللى يراد وضع الزيت فيها فى الكتاب نتاع الماشينة تبعى خطوة خطوة و انئاء الله راح تمشى وايضا الابرة شوفيها اذا كانت رقيقة او خشينة والخيط ايضا عندوا دور

[هندة السوفية]

بنات
بالشوي
قبل ما تستعلي زيت الماكينة
استعملي فيتوكس (موبيد الحشرات)
لانه متتخيليش كيفاش اينظف الماكينة
من الخيوط
والشعر تاع لقماش والتربة ...........ألخ
لكن ردي بالك ترشي جيهة المحرك
ومن بعد شوفي لبرة ممكن مش راكبه مليح
والا لبولوك تونسون مزيرة ياسر
وتنسيش تزيتي الماكينة
بقدرة ربي
مع المبيد برك راح تلاحظي انها تعدلة والغرزة صارت متناسقة
بالتوفيق

[ايناس10]

هذي اول مرة نسمع عن الفليتوكس يستعملوه لتنظيف ماكنة الخياطة والله بوركت على هذه المعلومة ،ولكن اخبرينا هل نذر الفليتوكس في مكان الابرة واللاتونسيو ؟ هذو الايام وقت القطيفة متتصوريش وتخلي شعرة وحبات البريوو الي تبرق بيها وحتى نظفها يرجع هذا الغبار والاوساخ ليها وهم اعدائها كيما نعرفو وشكرا اختي

[هندة السوفية]

والله أختي حتى أنا قاتلي عليه أخت خياطة
اي نظفي بيه
كل الماكينة
وطلعيها كم تحت ورشي على الما كوك أو ما يسمى بالبابور وين تتحط الكا نيت
انا احياننا منحملش ريحت لفليتوكس والا ميكونش عندي
نستعمل العطر
لكن العطر فيه الماء
ممكن ايصدي اما كن الفليتوكس او المازوت اضمن جربي ورديلي لخبر
انا من شعر القاطيفة والبريون حتى السرجي خربة وعادت تقطع عي الخيط

[شمعة ضياء]

بارك الله فيكم اخواتي على النصائح
ان شاء الله رايحة نعمل بيها ونرجعلكم الخبر

[هندة السوفية]

رانا نستناو
ربي ايوفقك

[شمعة ضياء]

نسيت باش نقلكم بلي الماشينة تاعي مشي بيدال
مشينة تاع التريسيتي
portative

[هندة السوفية]

عادي
شكون راه يخدم بالبيدال حبيتي اتكسرينا
خاصة هنا راني انشوف الله ايبارك الدعوة كلها خياطات
المهم ديري وش وصيتك لكن بعدي على الميتور ردس بالك ترشي عليه الموبيد

[شمعة ضياء]

حبيت نشكر كامل اللي قدمولي نصائح
راني اديتها عند السقام خدمهالي وريقلاهالي وراهي تخدم مليييييييح
ونصائحكم رايحة نحتفظ بيها باش نستفاد منها في يوم من الايام
شكرا اختي هندة على الاهتمام

[حمدا لله كثير]

baraka alhou fikoum w rabi yehanikoum

[imene mina]

merciiiiiiiiiiiiii 3la el ma3louma walahi afadtouna flitoukess hada ma3nah leflit ya3ni moubid el hacharat

[wala]

بارك الله فيكم ممكن قسم خاص بصيانة الة الخياطة لي تعرف تدلني