فلون

[minoucha.fe]

ارجو من الاخوات لي عندها كيفية تحضير الفلون لي يطيب في الفرن تحطهالي مع العلم فيه طبقة تاع موسكوتشو من التحت و مسقية و كذلك يصنع في صينية و يقطع:sdf::sdf:

[minoucha.fe]

win rakommmmmmmmmmmmmmmmm

[*أم كوثر*]

تفضلي ان شاء الله يكون هدا وش تحوسي
http://www.djelfa.info/vb/showthread.php?t=685119

[ffwassim]

اللي يجي كرامال سايح عليها
ومن تحته هذاك كاين نستله وفيه صوالح راني ناسيتهم
وفيه موسكوتشو فيها كاكاو
الا هو اللي راكي قاصدته قوليلي نكتبهولك
انا جربتها وتجي روعة

[ffwassim]

http://www.djelfa.info/vb/showthread.php?t=748543

[ffwassim]

بصح اللي درته انا مش نفس المقادير والشكل تاعه كيف هذا
اللي درته فيه حليب مركز نستله ماشي غير الحليب والماء

[moslihe29]

اختى العزيزة
الى تبحثى عليها سموها قدرة قادر هناك وصفات كثيرة ولكن هذه طريقتى ناجحة 100ب100
حضرى الكاراميل وضعيه فى مول 28على 22سم
كريم كراميل--ضربى بالباتور 6بيض +8ملاعق سكر +لفانى +1لتر حليب دافى ثم نضعه على الكراميل
البسكوى -----ضربى جيداا2بيض +نصف كاس سكر +نصف كاس زيت +2ملاعق كاكاو +1فرفرة +5ملاعق فرينة ونضعها فوق الحليب وندخله الى فرن مسخن فى بان مارى حتى ينضج نضع سكين وعندما يخرج ناشف نخرجه ونتركه يبرد لمدة ليلة كاملة ثم نقلبه ونقطعه حسب الرغبة واى استفسار انا فى الخدمة عملته بالامس فقط لضيوف العيد وجا روعة

[minoucha.fe]

لي راني قاصداتو يجي مسكوتشو من التحت و رقيقة و مشربة بالسيرو و بلا كاكاو وفوقها كريمة الفلون المصنوعة باليد وفوقها كرامال

[minoucha.fe]

اختي ffwassim لي حطيتيها هذيك هي الصورة لكن طريقة التحضير حيرتني كيفاه الكيكة متدخلش في الكريمة اثناء الطهي من فضلك اعطيني التفاصيل

[ffwassim]

لالا ما تتخلطش اختي كي تطيب تجي ثلاث طبقات
هادي هي الوصفة اللي جربتها
ذوبي كاس سكر وشوية ما حتى يولي كراميل فرغيه ف الصينية
الطبقة الثانية 2بيض و كاس حليب مركز نستلي ملعقة لافاني خلطيهم مليح في خلاط الكاس
فرغيهم فوق الكراميل
الطبقة الثالثه 2بيض كاس وربع فرينة نصف كاس زيت ملعقة فانيلا وملعقة ونصف خمارة القاطو ونصف كاس حليب ساءل و2مغارف كاكاو وكاس ماشي معمر سكر خلطيهم مليح وصبيهم فوق اطبقة الثانية
ايه يتخلطو طامل مي كي يطيبو يجو نورما على خاطر يطيبو في حمام مريم

المهم هذيك الصينية اللي تديري فيها جيبي وحده كبيره عليهم وديري فيها ماء سخون وديري الصغيره فيها معنتها حمام مريم
ديريها تطيب كي تدخلي موس فيها ويخرج ناشف خلاص
خليها تبرد غير شوية وقلبيها باه الكرمال ما تجمدش ومبعد ديري ف الفيريجيدار تبرد ست سوايع
تجي هايلة جربيها والا ما فهمتيش حاجه قوليلي


هذيك المسكوتشو اذا ما حبيتيش ما تديريش الكاكاو نورمال خليها بيضاء الا حبيتي

[**زهو**]

بارك الله فيك

[minoucha.fe]

شكراااااااااااا لكن حبيت نعرف اذا تشرب المسكوتشو

[minoucha.fe]

و النيسلي نطيبها في الكوكوت اي تولي كرامال والا نديرها هكذاك

[janino]

بلاك تلقاى طلبك عندى هاذ الكيفية هزيتها على شميسة الطبقة الاولى 3مغارف زيت 6 مغارف عصير +بيضة+ 3 مغارف سكر عادى خميرة فرينة تخلطيهم جيدا و فرغى فى مول تكون جارية لما تطيب انزعيها و اسقيها بعصير القارص مخلط مع شاربات خفيفة ثم طيبى الفلان نصف لتر عصير برتقال مع كمية السكر + 3مغارف كبار نشاء على نار خفبفة مع التحريك المستمر حتى يثقال نحيه على النار خليه يبرد شوية و حطى طبقة من الموز دوائر علة القاطو او فراز و حطى طبقة الفلو و زينى من فوق كيما تحبى من الاحسن فاكهة و كرام شانتى تقدرى تبدلى نوع العصير و نوع الفاكهة تتاكل باردة انا مجربتها كثير موفقة اختى

[ffwassim]

النستلي ما تطيبيهش ديريها هاكاك
والموسكوتشو تشرب اختي هذاك الكارمال يسيح عليها

[hanan80]

نعم اختي حنا نسموها- كيكة قدرة قادر