هيليكس+شاحنة صغيرة =؟؟؟؟؟؟

[عُضو مُحترم]

السلام عليكم و رحمةُ الله تعالى و بركاته


منذ ايام كُنت مار على بيت احد اغنياء مدينتنا

غني جدا جدا جدا


و لاحظت سيارات كثيرة مُصطفة

و سيارة رائعة مُزيّنة بالورد

فعلمتُ انه موكب عروس ( شفتو الذكاء ):1::1::1:


و بين السيارت لمحت


شيء اذهلني

سيارة هيليكس

http://www.careos.com/pics/BiblioPHO/net/hilux_2005.jpg


و شاحنة صغيرة


http://www.motorsmaker.de/6-mini/1-1.jpg


مُحملة بالوسائد و الافرشة و الاغطية

و الحقائب مليئة بالالبسة طبعا

سجادات الماطلات وووووو



تقدر تقول سلعة تاع 30-40 مليون سنتيم


يرحم والديكُم

كل هذا من اجل ماذا؟؟؟؟؟



وين راها رايحة؟؟؟؟؟ ما فهمتش فهّموني:sdf::sdf::sdf::sdf::sdf::sdf::sdf::sdf:

دار زوجها الا توجد فيها غرفة نوم فيها فراش و وسادتان و غطاء؟؟؟؟؟

واش تدير بعشرين وسادةو زوج ماطلات و 10 كوفارتير ؟؟؟؟

الا يمكن ان تشتري بعد العرس إذا احتاجت مثلا؟؟؟؟؟؟



و السؤال الاهم


الفتيات الحاضرات في العرس

بعد رؤية ذلك


الا ترغبن في القيام بنفس الشيء؟؟؟؟

ما يعني طلب مهر اعلى و اعلى و اعلى؟؟؟؟؟؟؟





يا سيدي بنت الغني تقدر بدراهم باباها تشري

و بنت الزوالي كيفاش؟؟؟؟؟





















و يجي يقولك الشباب عازف عن الزواج:mad::mad::mad::mad::mad::mad::mad::mad:

[نجمة ساطعة]

هههههههههه و انت وش داك تفوت على منازل الاغنياء ........

بمناسبة الجهاز على الاقل هذاك يعتبر مول ينفعها مرة اخرى لولادها

شوف اللي تدي عشرين فستان تروح المودا تاعو بعد ست اشهر و منعد

ترميهم او تاكلهم الخزانة ..... ربي يهدي الخلق

نعرف زوجة ولد عمي تشكن مع دار عمي و دارت جهاز تاع زوج ديار

قاتلي راه ملوح في السطح عندو سبع سنين حرام والله

[عُضو مُحترم]

طريقي على بيوت الاغنياء ماذا افعل؟؟؟؟؟

و هل الاولاد ينامون على matla 2places؟؟؟؟؟؟؟

[عماد المحب]

السلام عليكم ورحمة الله وبركاته
اخي الفتى الصغير هذا فضل الله يؤتيه من يشاء يرزق من يشاء بغير حساب
لكن ما رايك ان استلم سياقة الشاحنة الصغيرة وانت تتولى سياقة الهيليكس وهذا لان نيتي حسنة هههه للمقاسمة معك ههههههه
ونفر بهما مباشرة الى عين المكان ههههههه
وبهذا العمل الانساني نسدي خدمة لاخوتنا الفقراء ليتساوى الجميع في الجهاز باضطرارهم للاقتصاد في التجهيز مخافة السطو

[بصمة قلم]

وعليكم السلام ورحمة الله وبركاته
هادا كل فوخ أخي الفاضل
اللي يقدر وعنده الله يسهل عليه
بالصح المشكل تلقى ناس ربي اللي يعلم بحالهم يقتلو رواحهم باش يخرجو فراش كبير
وكون وحدة تخرج حاجة زايدة لازم لخرى تفوتها
علاش .. باش الناس يقولو شفتو بنت فلان واش دات
وتخلي باباها يخلص فالكريدي مسكين
ربي يهدي ما خلق هادا وش نقدرو نقولو

[نجمة ساطعة]

علاه هذي شحال داية معاها ؟؟؟؟؟؟؟ فساد

بمناسبة بنت الزوالي اللي نعرفو كل وحدة و طاقتها

[عُضو مُحترم]

علاه هذي شحال داية معاها ؟؟؟؟؟؟؟ فساد

بمناسبة بنت الزوالي اللي نعرفو كل وحدة و طاقتها



ايه انتي تقولي كل وحدة و طاقتها

بالصح شكون يطبّق؟؟؟؟؟

الاُمهات كل وحدة تقول

نزوّجي بنتي كيما الناس

[عُضو مُحترم]

وعليكم السلام ورحمة الله وبركاته
هادا كل فوخ أخي الفاضل
اللي يقدر وعنده الله يسهل عليه
بالصح المشكل تلقى ناس ربي اللي يعلم بحالهم يقتلو رواحهم باش يخرجو فراش كبير
وكون وحدة تخرج حاجة زايدة لازم لخرى تفوتها
علاش .. باش الناس يقولو شفتو بنت فلان واش دات
وتخلي باباها يخلص فالكريدي مسكين
ربي يهدي ما خلق هادا وش نقدرو نقولو

هاذيك هي الزوخ و المعاندة

و من يدفع الثمن؟؟؟؟؟


الزوج من جهة

و ولي الفتاة سواء ابوها او اخوتها من جهة ثانية


ربي يهدينا بارك الله فيك

[عُضو مُحترم]

السلام عليكم ورحمة الله وبركاته
اخي الفتى الصغير هذا فضل الله يؤتيه من يشاء يرزق من يشاء بغير حساب
لكن ما رايك ان استلم سياقة الشاحنة الصغيرة وانت تتولى سياقة الهيليكس وهذا لان نيتي حسنة هههه للمقاسمة معك ههههههه
ونفر بهما مباشرة الى عين المكان ههههههه
وبهذا العمل الانساني نسدي خدمة لاخوتنا الفقراء ليتساوى الجميع في الجهاز باضطرارهم للاقتصاد في التجهيز مخافة السطو

النية الحسنة مليحة

خصوصا اذا كان في الهيليكس الكوفر تاع الذهب:1::1::1::1::1::1::1:

[sidahmed2003]

ربما الزوج ذكي هيلكس لنقل مستلزماتها والشاحنة الصغيرة لنقل مستلزمات زوجته الثانية التي هي بصدد الزواج به ولم تستطع توفير مستلزماتها ؟؟؟

[النجمة القطبية]

شوف يا خويا هادى مافيها والو ادا ادات بزاف يعنى ادا هى عندها الامكانية وباباها دارلها
تسمى هادا نصيبها
حنا نشوفوها من زاوية الفوخ
لكن ربما زوجها بسيط خففت عليه
وربما لها سكن مستقل وهذا الزوج ربى رزقو والرزق على الله
اتكلم من تجربة
قريبتى تزوجت واحد زاوالى وكرالها دار وبين يوم وليلة اصبح دارو كامل متيولة وكاملة
وسبحان الله هى دارت النية وربى فتح عليه وعليها
وممبعد زاد ربى رزقو هو سبحان الله وصدق راجل فحل وناس ملاح
يعنى كلش بالمكتوب
بالاك يا خويا الفتى الصغيير ربى يرزقك باكثر منهم

[عماد المحب]

استنى اذافيها كوفر انتاع الذهب نتقاسموا الجرام راهو ب440000 والحسابة تحسب ههههه

[عُضو مُحترم]

شوف يا خويا هادى مافيها والو ادا ادات بزاف يعنى ادا هى عندها الامكانية وباباها دارلها
تسمى هادا نصيبها
حنا نشوفوها من زاوية الفوخ
لكن ربما زوجها بسيط خففت عليه
وربما لها سكن مستقل وهذا الزوج ربى رزقو والرزق على الله
اتكلم من تجربة
قريبتى تزوجت واحد زاوالى وكرالها دار وبين يوم وليلة اصبح دارو كامل متيولة وكاملة
وسبحان الله هى دارت النية وربى فتح عليه وعليها
وممبعد زاد ربى رزقو هو سبحان الله وصدق راجل فحل وناس ملاح
يعنى كلش بالمكتوب
بالاك يا خويا الفتى الصغيير ربى يرزقك باكثر منهم

اللهم بارك لهُم فيما رزقتَهُم

و آتنا خيرا منهُم


شكرا اختي

[النجمة القطبية]

استنى اذافيها كوفر انتاع الذهب نتقاسموا الجرام راهو ب440000 والحسابة تحسب ههههه
ههههههههههه
اليوم اخى الفتى الصغير ميرقدش
كى يديها يولى الفتى الكبيير :1:

[عُضو مُحترم]

ربما الزوج ذكي هيلكس لنقل مستلزماتها والشاحنة الصغيرة لنقل مستلزمات زوجته الثانية التي هي بصدد الزواج به ولم تستطع توفير مستلزماتها ؟؟؟

وي بون كيستيون


فكرة رائعة :19::19::19::19::19::19:

[العائدة الى الله]

السلام عليكم

يا أخي هم يضحك وهم يبكي, أصبحت من تتزوج كانها ستفتح محلا تجاريا وربما ستأخذ حتى ماهو ليس بموجود ببيت والدها .فبنت الغني كبنت الفقير وبنت الميسور الحال لاتفرق بينهن لشيء واحد هو _المعاندة_ تقولك ...كيف بنت فلان جهازها كان كذا وكذا وانا لا ,,,,كيف بنت فلان مهرها بقدر كذا وانا لا _ناقصني ذراع او كراع ؟؟؟؟ وهكذا بالنسبة لكل الامور وربما ما ستأخذه معها ستشري غيره في اقل من عام
فالزواج مكلف للفتاه وللرجل على حد السواء وبنت الغني تشتري من دراهم ابيها وبنت الفقير من راجلها شيء مفروغ منه:1: واكيد لأان لم تأخذ جهازا مقبولا كما ونوعا لن تسلم من ألسنة الناس _للأسف مجتمع قرعاج_


أما عن رأيي في هذا الامر ارى ان الفتاة يجب ان لا تكلف نفسها ,ان استطاعت ان توفر الضروريات فلم لا وان لم تستطع فذاك لا يعني انها ليست عروسا ,ويجب ان تتفهم وضع الزوج وتيسر المهر.

تحياتي

[فتـ حييةـاة]

يا خويا القضية ماولاتش في بنت غني ولا بنت فقير ولات قضية تاع مغانة يعني يراعو نظرة المجتمع ومايراعوش الاحوال المادية للوالدين جارتنا دات 20 لحاف غير قولولي برحمة الوالدين عشرين لحاف بيهم بالمخاد علللللللللللللللللللللاه انا راني حالفة بربي ان شاء الله نهار يفتح عليا ربي ونتزوج ماندي القش بزاف هذاك اللي نديه قش نخليه لوالديا يصرفوا بيه.هاكا مشي مليح؟؟؟؟ مانطلب مهر غالي مانديش قش بزااااف وهاكا مانكون فقرت زوجي ومانكون فقرت اهلي

[ميمنة الجزائر]

يعني هي كل وحدة واش عندها فقط لكن أعاتب من أبوها فقير وتتركز في الدين

لانو باه يزوج وحدة اليوم راهي تتستقام كثير وخاصة الذهب هو اللي غطى على هكلشي

والفراش راهو تستحقو في كل المناسبات يعني راح انشاء الله تجيب اولاد وعندما يزوركم اقارب ويباتو عندكم يجب تكون عندكم سؤالك تفرشولهم


يعني راهي لازمة في الفراشوالمطارح راهم جهتها يجيبو حتى لسبعة كي تكون عندها بزاف دراهم وراهي وحدة قبيلتي دات معاها ماشينلافي وكوزينيار

وايضا اللاشوبر من عندها هو ما عليه دفع الشرط فقط ورآهم اليوم هانين ونقولك راهو كان زوالي رآه اصبح عندو دار وسيارة ماشاءًالله

يعني فادوهم الصوالح اللي داتهم

[عماد المحب]

حقيقة ان هذه المصاريف الزائدة لافائدة منها
ومن فتح الله عليه وله فضل مال فاليعد به على من لامال له
فالمال لو دام لغيرنا لما وصل لنا
الاان هادم اللذات نسيناه ولوتذكرناه لما طاب عيش لانسان وماتنعم بمال
ومن اراد ان يعرف ان المال وسيلة وليس غاية فاليتذكر ان النبي الكريم صلوات ربي وسلامه عليه عاش فقيرا ولو اراد المال لكان التراب بين يديه يتحول ذهبا

[عبد النور 1980]

السلام عليكم ورحمة الله
أقل ما يقال هي مسألة معاندة و تفاخر كل فتاة يليق تدي بــــــــــــــــــــــــــــــــــــــــــــــــز افــــــــــــــــــــــــــــــــــــــــــــ الجهاز و كلما يلزمها و ما لا يلزمها باه يقولو **علا بالكم بنت فلان شا دات :أدات و أدات .......................................**
هذا في الغالب لكن رغم ذلك هذه عادات المجتمع و كل شيئ بالمعروف لا افراط و لا تفريط
من كل هذا و ذاك نسأل الله لكل العرسان الطيب في العشرة و الحياة الهنيئة
ســــــــــــــــــــــــــــــــــــــلام

[الواثق]

ههههههههه اضحكني الموضوع ..............والله عيب عليهم فتت عليهم وماعرضوكش.......؟؟؟؟...................انا بانلي هيلكس وشاحنة صغيرة مكاين والو انا مرة حظرت عرس استقبلت حاويات تقول شركة استيراد السلع وهبطناهم في نهار وليلة شناوة خويا هههه...............جايبين كلش حتى القط جابوه ....................ربي يهدينا للخير وان لا يجعلنا من المبذرين ..........الله المستعان

[سلمى_2008]

ههههههه الموضوع راائع وردوود الاخوة احلى واحلى ايييه هاذا اكلو يا اخ تبااهي لا غير ورااك تعرف النسااء غيااراات كل وحدة تقول ندي خيرمن لخرى والله كيما نقولك لكن يبقى الشيء الاهم هو الهنااء فقط بصح يا اخي لازم تاخذ بعين الاعتبار هناك بعض الأسر ( بالنسبة للرجل ) تجهز كل شيء للبنت و ما على البنت سوى الذهاب لبيت زوجها كيما القبايل وهااذا امر رااااااائع وجد رااائع
اما بعض المانطق كيما عندنا هنا الشاوية فالبنت هي من تقوم بكل شيء المسكينة خصوصا اذا كان المنزل لها وحدها
فعليها بأخذ كل شيء تقريبا ( زرابي بعض الأواني و كل ما يخص الأفرشة من مخدات و غلافات و ... و .... وفي بعض الاحياان تلقااه والله تدي حتى الكنبياات والتلفااز ) وهنا الزوالية مسكينة الي رااح تعااني بسبب هذه العااداات ايه علبها نااس بكري يقولولك '' العرس ليلة و تدبيرتو عــــــام '' و العام هي للجهاز طبعا هههه
لكن من المفروض أن لا يكون هنالك لا إسراف ولاتسريف يعني الحواايج الضرورية فقط
سلااااااام

[الشتاء]

عــرس أختي كـان يوم أمس و قد كانت الشاحنات الناقلة للأغراض نفس التي ذكرتها

و مع هذا لم تكن كافية لنقل كل الأغراض فاضطروا للاستعانة بالسيارات لنقل بعضها

و قد يبدوا لك أنها كثيرة و لكن يا أخي صدقني الأغراض كبيرة فقط.. يعني أنها تأخذ مكانا كبيرا :1:

[ميمنة الجزائر]

عــرس أختي كـان يوم أمس و قد كانت الشاحنات الناقلة للأغراض نفس التي ذكرتها

و مع هذا لم تكن كافية لنقل كل الأغراض فاضطروا للاستعانة بالسيارات لنقل بعضها

و قد يبدوا لك أنها كثيرة و لكن يا أخي صدقني الأغراض كبيرة فقط.. يعني أنها تأخذ مكانا كبيرا :1:





مبروك على اختك ولعقوبة ليك انشاء الله يا اختي

وين راهو سهمي تاع القاطو هههههههههه

[الشتاء]

مبروك على اختك ولعقوبة ليك انشاء الله يا اختي

وين راهو سهمي تاع القاطو هههههههههه



ألف شكر عزيزتي


بعتلك .. راه مازال موصلش برك :d