مشكلتي هي التدخين

[مشكلتي]

السلام عليكم
و الله يا اخواني لدي هم كبير على عاتقي و هو التدخين اردت ان اتوقف من التدخين لم استطع حاولت بالارادة لم استطع في بعض المرات اتوقف لمدة 3 ايام و لكن لا يمكنني التوقف بل اعود اليه من جديد انا عمري 19 سنة و الله لا اريد ان يكون مستقبلي مع التدخين ,,,ارجو كم ان تساعدوني فهدا هو المشكل الاكبر الدي يقلقني في حياتي ,,,من فضلكم ان لا تقولو لي عليك بالارادة القوية فانا لم استطع و ارجو ان اتلقى اجابات من مجربين و اتمنى ان تساعدوني باي طريقة مادية مثلا هل يوجد دواء للتوقف او اي شيئ
و بارك الله فيكم على هدا القسم

[صُبح الأندلس]

أحييك أخي على رغبتك في الإقلاع عن التدخين ، و مع أنك طلبت أن لا نقول لك تحلى بالإرادة القوية و لكن سنقولها لآنها سبيلك إلى التخلي عن هذه العادة السيئة ، ثم ضع في كفة حياتك و صحتك و إرضاءك الله و في الكفة الأخرى التدخين و انظر أي الكفتين ترجح ؟ اختر و وحدك من يقرر
ثم اسأل الله و متى وجد منك الإخلاص أعانك

[أبو صهيب ناصر السنة]

السلام أخي

أنصحك بنصيحة مجرب لو اتبعتها ستقلع عن كل ما يعكر صفوك وسترتقي هناك بعيييييييييييييداً

الالتزام الحقيقي

كن ملتزماً ولا تقل أنا ملتزم فأنت مدخن تبارز الله بالمعصية مرات في اليوم والتزامك لابد أن يكون ظاهراً وباطناً فلا أظنك تحمل في يديك سيجارة مع لحية تنير وجهك أو وأنت في طريقك إلى المسجد...مظاهر الالتزام الحقيقي (بعد نقاء الباطن) تعينك على جهاد نفسك والشيطان ولا تنسى الدعاء والرفقة الصالحة وملأ الفراغ بالطاعات واللهو المباح وممارسة الرياضة

التدخين معصية استعن بالله على الإقلاع منها وستجدها هينة إن شاء الله
وفقك الله

[ناصرالدين الجزائري]

اقلع عن التدخين و مارس الرياضة و غير عاداتك و اقلع عن شرب القهوة أيضا ..
و ستحس حالك تحسنت باذن الله ...
فإن لم تستطع الاقلاع عن التدخين فاعلم أنك لا تريد ترك التدخين ... فالتدخين ليس الكوكايين
بل يتطلب فقط حد أدنى من الارادة و لا يتطلب ارادة كبيرة ...
و قبل كل شئ اسأل الله التوفيق
فما التوفيق إلا من عند الله ...

[نورالهدى**]

نعرف واحد كي مرض بسرطان الحنجرة بسبب التدخين ربي يعافينا واياك


اتخلى عليه ونصحو الطبيب قالو كل ماتجيك رغبة في التدخين امضغ الشوينغوم يعني العلك


وصح الراجل هداك الحمدالله حالتو الصحية مستقرة وديما نشوفو يمضغ فلعلك

جربها علها تكون نافعة

وربي معاك نشالله

[نجمة ساطعة]

لازمك برنامج لكن لازم معاه واحد يشجعك و زيد اياك تبطل التدخين دفعة واحدة
هذا عندو تاثير سلبي جدا جدا
مثلا لازم تحط جدول واش راح دير فيه .... اكتب فيه الايام و دير بجنب كل يوم خانة
وش راح تكتب فيها عدد السيجارات اللي شربتها و ابدا احسب
مثلا احسب انت شحال سيجار راك تشرب في اليوم لنفرض 20 لازمك تقول انو من غدوة
نبدا نشرب 19 برك و جرب اذا نجحت دير علامة خضراء و برافو راك في الطريق الصحيح
و اقعد هاكة ايام حتى يتعود جسمك على 19 خلاص لما تتاكد تبدا تنقص ل 18 و هكذا
صدقني بعد مدة توجد نفسك في الطريق الصحيح و هاذ الطريقة راح تخليك مترجعش
للتدخين
اما النصائح الاخرى ابتعد عن القلق و لما تتقلق مارس رياضة روح امشي امشي حتى
تتخلص من الطاقة السلبية و بالتوفيق

[ل..ب..ن..ى]

السلام عليكم

الله يباااارك ... ايهيه ضركا راك راجل ورجعتا تعرف تخمم
19سنة وتخمم هكدا
واش نقولك؟
يعطيك الصحة ^^

يعني كاين اشياء تلهيك عن التدخين
اول حاجة .... ماتقعدش في جماعات يتكيفو
خاطر حتى وتكون عندك الارادة وتشوف صحابك يتكيفو
راح تقول ايا نتكيف اليوم النهار التالي ومانعاودش
وغدا كيف كيف واللي بعدو وهي رايحة وجامي تحبس
ايمالا مادابيك مادورش مع غاشي يتكيفو

كلما تجيك رغبة في التدخين
كول الريغليز ..... ماراحش تضرك مي تنحيلك الرغبة في التدخين

كاين دواء اسمو :
Le Bupropion LP
معروف اكثر باسم : Zyban

هدا اصلا مخدوم من اجل المدخنين باش يحبسو يكمو
بصح هدا الدواء قبل ماتشربو لازم تسقسي الطبيب
ادا تقدر تشربو ولا لا
خاطر انا نعرف بلي ممنوع عند ابناء الاقل 18سنة
وكاين اللي عندهم امراض
ممنوع يشربوه
ان شاء الله مايكون فيك حتى مرض
مي راجع الطبيب هو يقولك ادا تقدرلو ولا لا

ربي يوفقك خويا

سلاااااااام

[ل..ب..ن..ى]

عاود رجعت
علابالي نهدر بزاف
مي ماعليه نزيد غير حاجة
http://www.djelfa.info/vb/images/smilies/1.gif

شفت الاعضاء نصحوك بالابتعاد عن القلق
وهادي حاجة صعيبة باش تحققها
كيفاش ماتتنارفاش وماتتقلقش !!!
مرة قالنا الاستاد في واحد الدرس لازم الانسان يبعد على القلق
بصح وكان تقولو لازم تبعد على القلق تما وين يزيد يتقلق
يشوفك مريض انت تقولو مالازمش تتقلق
يعطيك بكف ويروح ....... هو ديجا وحدو مقلق

المهم الرياضة حاجة مليحة تبعدك على القلق
وكاين حاجة وحدخرا :
اكثر من الفيتامين C
ومثلا التفاح منين تاكلو .... مادابيك تاكلو بالقشرة تاعو
خاطر في القشرة كاين الياف غدائية
تساعدك على تجنب القلق او التخفيف منه

واتهلى في روحك يا اخ العرب


سلااااااااام

[أبو صهيب ناصر السنة]

و زيد اياك تبطل التدخين دفعة واحدة
هذا عندو تاثير سلبي جدا جدا
[/i]



بالعكس المتدرج يصل إلى سيجارة في اليوم ثم ينتكس الأفضل هو دفعة واحدة وتغيير كل ما يربطك بالتدخين - الفراغ..المقهى..الخروج إلى الدراسة قبل الوقت ووووو...

[chahrazed-m]

اخي انا ننصحك انك تقلع عنه مرة واحدة وليس بالتدريج
وامضغ في بلاصتو شوينغوم
كي تحب تجبد سيجارة اجبد شوينغوم ولا حلوة في بلاصتو
ولازم تزيد على روحك
لانك قلت ماتقولوليش ارادة
بصح اسمحلي ارادتك مش قوية لااااازم تقول مانزيدش نتكيف خاطي غدوة نحبس
ودير الرياضة كي تتقلق العب رياضة خير

[sarl02]

.....الله يجعل ربي يعفو علينا فالقريب العاجل...لكن انت راك صغير بزاف يعني ماكش تتكيف بزاف نورمالمو ...يعني تقدر تحبسو مدام راك اتخمم هكذا وانحييك على تفكيرك...بصح قولي اشعال راك تضرب فالنهار من قارو؟

[(~ ..أســـامة .. ~ )]

السلام عليكم خويا العزيز ...

اولا احييك على الشخصية القوية و تفكيرك المميز .......... يا رب و لو كل شبابنا يفكرون مثلك

لعلك علمت ان التدخين طريق مختصر للانحراف و المخدرات ... الحمد الله لربي هدااااك


الاخوان و الاخوات كفووووو و.....وفوووو باجوبتهم


لكن سوف اضيف لك بعض الطرق ربما تساعدك

طريقة معنوية مجربة ...

عندما تحتاج للتدخين امسك السيجارة بيدك أو فى فمك دون أن تشعلها وانشغل عنها بأى عمل ااااااخر لاطول فترة وبالتالي تقلل عدد السجائر المستهلك يوميااااااااااا الى أن تتوقف عن قناعة وقد تأخذ زمن طويل................


طريقة عملية ربما تساعدك


شوووف حضر كاس من عصير الطماطم المهروس والمصفى يدوياًاااااااااا

حتى متفقدش الطماطم بعض عناصرهاااااااا قبل كل وجبة ........

ومن بعد الوجبة دير كاس من عصير الجزر الطازج ......... كاروتااااا :19:

يتم تناول الوصفة لمدة شهر كامل .......................

بعدها رايح تبدا تحس تلقائياً بكراهيتك للتدخين...........

نقولك علااااااااااش لاخطرش الطماطم تحتوي على نسبة نيكوتين فيتشبع الجسم منه

وهذا النيكوتين لا يدمن الجسم عليه أبداً ...................




و كااين بعض الادوية .........


مثل ملصقات النيكوتييييين و علكة النيكوتييين ...... لا تحتاج لاستشارة طبيب


و كاين ادوية لازم تستشير الطبيب اولا و اشهرها (Bupropion) ....


http://news.bbc.co.uk/olmedia/805000/images/_806253_zyban_two300.jpg


شوف الصورة و سقسي على هذا الدواء الكثير من المجربين نصحواا به




و الطريقة التي انصحك بهاا بشدة داوم على السواااااااااك و والفوووووووو و الله يساااعدك بطريقة عجيبة




و كاين بعض النصائح لازم تــاخد بهم ... لانها مكملات لكل علاج

بدل الأصدقاء المدخنين بصحااااب اخرين ............. بدل الروتين اليومي ... عمر اوقات فراغك برياضة مثلا كمال الاجسام ......... حبس القهوة على الخوى ............ و متخليش علبة السجائر في جيبك و كذالك الولاعة ....



و في الاخير عليك ان تقول

أعوذ بالله من الشيطان الرجيم
الحمد لله الذي أذهب عني الخبث والخبائث



ربي يكون معااك اخي

[نجمة ساطعة]

بالعكس المتدرج يصل إلى سيجارة في اليوم ثم ينتكس الأفضل هو دفعة واحدة وتغيير كل ما يربطك بالتدخين - الفراغ..المقهى..الخروج إلى الدراسة قبل الوقت ووووو...


ما اعلمه ان التدخين به مادة النيكوتين و هي مادة ادمن عليها الجسم
فلما يتركها مرة واحد تسبب اضرار للجسم والله اعلم

[karim.dz]

شوف اخي الفاضل مشكلة التدخين مشكلة نفسية بالدرجة الاولى ....
يعني اذا درت في بالك تتوقف عن التدخين ستتوقف واذا تحججت بالارادة كما يفعل الكثيرون فانك لن تتوقف عنه بل ستزيد منه ....
وانت راك 19 سنة يعني ماعندكش بزاف ملي بديتو يعني تقدر تبطلو
كاين يدخنو علبتين فالنهار ...بصح نهار حبو يحبسوه حبسوه ....

[أستاذ متربص 17]

دخن كما تريد ما زلت صغيرا في السن
لكن عليك تحمل العواقب فقط السرطان وما إلى ذلك
أنت لا تريد النصيحة أنت فقط تريد الترويح عن نفسك

[simran]

أعرف أن الاقلاع عن التدخين صعب للمدمن غليه لكن ان كان هذا مرادك و هدفك فالارادة و الايمان هما العاملان اللذان سيساعدانك
في ذلك ثق بنفسك أخي ولا تستسلم له لأنه سيلأخذك الى عالم الأموات
بعيد الشر عليك انشاء الله ميصيبك حتى أذى لكن بعد ترك التدخين

[wassila_ai]

نعرف واحد كي مرض بسرطان الحنجرة بسبب التدخين ربي يعافينا واياك


اتخلى عليه ونصحو الطبيب قالو كل ماتجيك رغبة في التدخين امضغ الشوينغوم يعني العلك


وصح الراجل هداك الحمدالله حالتو الصحية مستقرة وديما نشوفو يمضغ فلعلك

جربها علها تكون نافعة

وربي معاك نشالله

نشاركك الرأي أختي نور الهدى هدا هو الحل لي كنت نقولو للأخ أنو عندما تاتيه الرغبة في التدخين يستعمل بدالو العلك لان هدا ما كان يفعل والدي و الحمد لله أقلع عن التدخين تقريبا مند 4 سنوات و الحمد لله
المهم انك انت تكون عندك رغبة في الإقلاع الأن راح تجيك صعيبة في الأيام الأولة لكن مع مرور الوقت سوف تتعود
و أحسن شيء انك دائما تتبع معك العلك بدل الدخان

[abdel02]

داوم على الرياضة....تجنب المدخنين...تفكر ان التدخين حرام...بدل من ان تنفق 100دج على التدخين اشريها حوايج تزيدهم في صحتك...مين تضربلك في قارو اضرب حبة شوينغوم حار...ربي يسهل

[GUERKADER]

شوف خو أنا ما كثرش عليك بحوايج ما كش حاب تسمعها كما ارادة وما ارادة...ندخل عمليا مباشرة وجربوها الكثير وبطلو دخان .....شوف الحاجة لوولى بطل القهوة الكحلى و متقصرش بزاف في القهاوي ومع جماعة الدخان و زيد اشري ساشية علك أمين من الجروسيس وعمر جيوبك ونتا خارج ومضق تروح حلاوة نتاع وحدة طيشها ودير في فمك لخرى........واستمر على هذي الحالة وشوف لاما بطلتوش...والحاجة الثانية وهي الضربة القاضية...واضب على الصلاة في المسجد و في الصف الاول وبما في ذلك صلاة الفجر ..وهذي مجربة وناس بطلت عليها حاجات كبار مثل الزنى وشرب الخمر وعادة السرية وغيرها.....لأن الصلاة تنهى عن الفحشاء والمنكر....وموفق انشاء الله