ســـــــــــــؤال بـــــــــــــــــــــسيط .. لا تبخلوني من فضلكم :)

[wadoo89]

السلام عليكم ،، إخواني هذا العام ان أدرس سنة رابعة وأريد ان أكمل الدراسات العليا لكن لا أريد تخصصات فيها مسابقات .
ماهي الإختيارات التي لدي ؟؟ بمعنى أخر ماهي التخصصات التي تطلب شهادة ليسانس فقط كشرط للقبول بدون إحتساب الدورات الشاملة والإستدراكية ؟؟
وشكرا لكم

[حافظ الاختام]

www.concours-fonction-publique.gov.dz

[chahrazed-m]

اخي الدراسات العليا كما اعلم هي الماجستير والدكتوراه
والماجستير يجب اجتياز مسابقة لاتمام الدراسة في الماجستير
وحسب كل جامعة
هناك جامعات لا تضع لا شرط عدم دخول الدورة الاستدراكية ولا المعدل ولا العمر

واما عن بحثك عن اتمام دراستك في الدراسات العليا بدون مسابقة لا اظن ان هدا موجود
لان كل دراسة في الماجستير تسبقه مسابقة
الا اذا رحمونا والغو هدا الشرط وادخلونا للدراسة بشرط المعدل مثلا
بالتوفيق

[mery1200]

يا اخي مكانش تكمل الدراسات العليا بلا مسابقة بالتوفيق

[JIMI17]

و لله يا أخي لي يقرا سؤالك لا يقول إنك عايش في دزايييييييييييير شوف يا اخي الكريم : و جد روحك من ذرك كل شي متوقع في الجامعة الجزائرية من تعقيدات في الشروط و ما يسهلو والو حاول بكل جدارة إنك طلع أولا المعدل العام و ثانيا حاول إنك ما تدخلش في الامتحانات الاستدراكية و من البديهي في بلادنا أي دراسة في المجال اعالي للبحث العلمي يطلب مسابقققققققققققققققققات نتمنالك النجاح و توكل على الله

[salemdz]

يا اخت جيمي صعبت الامور على صديقنا وادوو...
يا اخي اقرأ حسب قدرتك وتاكد ان التعلم الحقيقي والصادق يوصل مباشرة الى النجاح..

[wadoo89]

يا خاوتي يعطيكم الصحة ... بصح مافهمتونيش الماجيستر باينة بلكونكور بلى مانقولو دزاير فيها باطيمات لوووووول .
الكابا على سبيل المثال ،، يدوموندو غير شهادة ليسانس برك ، بلى مسابقة .... أنا قلتلكم ولا كاين إختصاصات كيما الكابا نقدر نديرها بلى كونكور ؟؟؟
أوصح مراني عايش في الدزاييير على خاطر كرهت هاد البلاد تو سمبلومون :) ختي لعزيزة .

[wadoo89]

ممكن أجوبة الأن ’

[linda-br]

والله أاسف على كلام مثل هذا من جزائري والأدها والأمر أنه مثقف والله ما يوجد بلد مثل الجزائر في بلدان أخرى تدفع تقرا وإذا كنت فقير روح كسر لحجر استغفر ربك واعدل عن رأيك
أنصحك أن تسجل في الكفاءة المهنية للمحاماة قبل المصادقة على القانون الجديد وتصبح هي الأخرى بالمسابقة وراح تفتحلك شهيتك للدراسة واجتياز المسابقات

[linda-br]

والله أاسف على كلام مثل هذا من جزائري والأدها والأمر أنه مثقف والله ما يوجد بلد مثل الجزائر في بلدان أخرى تدفع تقرا وإذا كنت فقير روح كسر لحجر استغفر ربك واعدل عن رأيك
أنصحك أن تسجل في الكفاءة المهنية للمحاماة قبل المصادقة على القانون الجديد وتصبح هي الأخرى بالمسابقة وراح تفتحلك شهيتك للدراسة واجتياز المسابقات

[wadoo89]

والقانون الجديد زعما يطبقوه مقبل العاام الجاي ؟ على خاطر راني نقرى سنة رابعة هاد العام .
وكاين غير الكابا لي بلى كونكور ؟؟

[linda-br]

من المفروض الى غاية تنصيب المدرسة انشاء الله بالتوفيق في مشوارك الدراسي واي شيء آخر نحن في الخدمة لكن شوية إرادة وراح تلقى كل أحلامك تتحقق

[*نور الأمل*]

السلام عليكم اخي يمكن انك تواصل الدراسات العليا دون اجتياز مسابقة و ذلك يكون على مستوى جامعات اجنبية
هناك جامعة فرنسية لها مقر في الجزائر على مستوى العاصمة عنابة وهران
يمكن ان تسجل في الماستر 2 و مدة الدراسة تكون سنة واحدة و بعد ان توفق فيه يمكنك التسجيل في الدكتوراه لمدة 3 سنوات
بالتالي يمكنك مواصلة الدراسات العليا و في جامعة فرنسية و دون مسابقة
و اخي لما الخوف من المسابقة فالمسابقة ما هي الا ثقة في الله و في المعلومات و ان شاء الله توفق
فانا اجتزت المسابقة هذا العام في 3 جامعات و وفقت في جامعتين و سر نجاحي ثقتي في الله العمل الجاد
بالتوفيق

[wadoo89]

متى تنصب المدرسة الجديدة ؟؟

[wadoo89]

الأخت نوال ... هذه الجامعات أين تقع بالضبط في الجزائر ؟
لأني أقطن في البويرة لحد الساعة

[*نور الأمل*]

الأخت نوال ... هذه الجامعات أين تقع بالضبط في الجزائر ؟
لأني أقطن في البويرة لحد الساعة
اخي هذه الجامعة اسمها l université de perpignan لها مقر على مستوى عنابة و الجزائر ووهران
للاسف اخي كان عندي رقم هاتف و عنوان المقر المتواجد في العاصمة لكني اضعته سابحث عنه و ان شاء الله ساوافيك به
لكن بامكانك ان تتصل بالمفر المتواجد في عنابة و سيعطونك عنوان و رقم الهاتف بالنسبة للمقر المتواجد في العاصمة
رقم الهاتف هو :038849156
بالتوفيق اخي
لكن اعلمك ان الدراسة تكون بالغة الفرنسية و التخصصات المفتوحة بالنسبة للماستر 2 هي:
قانون اعمال، قانون خاص و علوم جنائية، قانون عام
اما الدكتوراه تكون حسب الموضوع الذي تختاره للبحث فيه
و الاساتذة : هم من الجامعة الفرنسية ماعدا المنسق فهو جزائري

[wadoo89]

شكرا لك على الإفادة والمتابعة .... شروط الدخول هو ليسانس فقط ؟ وهل هي معترف بها في الجزائر ؟

[sihem yahiaoui 0101]

السلام على الجميع،
أولا أريد أن أقول للجميع لما تقولون بأنكم تكرهون الجزاــــــْر،ماذا فعلت لكم الجزاتْر؟ صحيح هناك فيها مشاكل لكن في كل بلاد فيها مشاكل، والله أنا عندي الجزاـْـر أحلى بلاد وأجمل وأحب إلى قلبي، على الأقل كل الناس يقرؤون بلا مقابل، غني تقرأ وفقير تقرأ، ومتعرفوش قمتها ضروك حتى تتغربوا وتشوفوا، أما على سؤالك أنصحك أن تدرس هذا العام فهذا العام جد سهل ،أنا كنت تقريبا مثلك فقد دخلت دورة استدراك في السنة الثانية لأنني كنت لاعبة كرة القدم ،لكن بعدها أدركت أنه لاشئ له فاءدة أكثر من الدراسة وتركت الكرة وركزت أكثر على الدراسة وتحصلت في السنة الرابعة على معدل 13،54،ولم أدخل حتى الدورة الشاملة، وهذا المعدل ساعدني كثيرا في المسابقة، لأنه أصبح معدلي العام أكثر من 11،50، أما على الشروط فهناك الكثير من الجامعات بدون شروط، لكن الجامعة التي تكلمت عنها الأخت فعلى حد علمي فهي باهضة الثمن،

[wadoo89]

الأخت سهام ... سنة أولى دخلت راتراباج سنة ثانية كيف كيف ... سنة ثالثة سانتاس ..
يتسمى فهمت من كلامكم عندي برك الكابا وهاذ المدرسة برك لي نقدر ندخلهم بلا كونكور ..
على خاطر في نكمل نكون في عمري 21 سنة بالتمام والكمال أو مبعد نلقى لارمي تستنى فيا . مارانيش حاب نخسر عامين باطل .
نقراهم خير . ولابقيت نستنى في لي كونكور يرفدوني لارمي . ذركا فهمتوني علاه راني حاب ندير حاجة بلا كونكو ؟؟

[sihem yahiaoui 0101]

ياأخي لا تيأس فهناك الكثير من الجامعة تدخل المسابقة بلا شروط مثلا الجزاء ر تيزي وزو سطيف بليدة ...الخ برك اقرا هذا العام وانشاء الله تجيب العام ومتدخلش الإستدراك ، باه يكون عندك الوقت باه تراجع للماجستير وانشاء الله تجيبوا،لأن حتى كاب برك تقرأ أقل من عام ولازملك لارمي باه تخدم لكن لماجستير تقرأ عامين، وزيد إلى نجحت تكمل دوكتورة إنشاء الله،وثم تقدر تجوز لارمي ونفس الوقت راك مأنسكري دوكتورة، ولا بالاك يعطولك لاكارت تاعك بلا ماتفوتوا ، ياخي خرج القانون جديد واحد كي يكون كبير في العمر يعطولوا لاكارت لارمي ، والله أعلم ، وبالتوفيق إن شاء الله،برك ركز هاذا العام لأنه هناك الكثير من المواد السنة الرابعة تدخل في إمتحانات الماجستير،

[linda-br]

لم يتم تنصيبها بعد ستبقى مثل المحاكم الإدارية سابقا ويمكنكم التسجيل في أي جامعة بها تخصص الكابا وفي القريب سيتم عرض قانون المحاماة الجديد أمام البرلمان لأجل المصادقة عليه مع بعض التعديلات

[ntr30158]

السلام عليكم يأخي أنصحك بالدراسة و توسيع معارفك المتخصص فيها حسب دراستك بالجامعة و كذالك عليك بالتميز و حب تخصصك و لاخوف من المسابقات فلتكن ثقتك بالله أولا و ثق بنفسك فالماجستير قد تكون تخصصها في السنة الاولى أو الثانية مثلا تمتحن في الدستوري أو الاداري لذا فتوسيع المعارف و الاجتهاد هم سبب النجاح بينما التوفيق من عند الله سبحانه و تعالى

[*نور الأمل*]

شكرا لك على الإفادة والمتابعة .... شروط الدخول هو ليسانس فقط ؟ وهل هي معترف بها في الجزائر ؟
لا شكر على واجب الاخ الكريم
نعم شرط الدخول هو الليسانس فقط ، لكن بالنسبة للاعتراف هي ليست مدرسة خاصة و لكنها جامعة فرنسية لها فرع في الجزائر بموجب ترخيص من وزارة التعليم العالي و البحث العلمي و الشهادة التي تمنحها بالطبع معترف بها عالميا لكن اذا اردت ان تشتغل بها في الجزائر فهي كاي دبلوم اجنبي تستلزم المطابقة
و هي كما قالت الخت باهضة الثمن فالماستار يكون بمقابل 30 مليون دج و الدفع يكون كما تريد اما على دفعة واحدة او على اقساط
اما الدكتوراه كل سنة تكون بمقابل 10 ملايين دج ونفس طريقة الدفع
لكن الكابا ان شاء الله سيفتح العام القبل ان لم تتم المصادقة على قانون المحاماة
اما بشان الماجستار هناك العديد من الجامعات تفتح المسابقة دون شروط كالعاصمة عنابة
و نصيحة مني ليك: انا تخرجت العام هذا و قفلت على روحي صيف كامل و حددت الهدف تاعي و توكلت على ربي وخيبنيش اني وفقت في مسابقة الماجستار و نجحت في جامعتين و معندي لا معريفة كيما يقولوا لا والوا عنيد معريفة ربي و قرايتي برك
نقلك فوض امرك لربي سبحانه و لكاتبلك اداك هو متشغلش روح بالعام الجاي
عيش العام هذا و اجتهد مليح و تحقق نتيجة مليحة و مبع كلش ساهل
وكربي يسهلك اي تسهال مكلاه تخمم

[wadoo89]

لم يتم تنصيبها بعد ستبقى مثل المحاكم الإدارية سابقا ويمكنكم التسجيل في أي جامعة بها تخصص الكابا وفي القريب سيتم عرض قانون المحاماة الجديد أمام البرلمان لأجل المصادقة عليه مع بعض التعديلات


بصح ولا صادقو عليه ... تولي الكابا بالكونكور أنا هكدا قالولي ؟؟

[wadoo89]

لا شكر على واجب الاخ الكريم
نعم شرط الدخول هو الليسانس فقط ، لكن بالنسبة للاعتراف هي ليست مدرسة خاصة و لكنها جامعة فرنسية لها فرع في الجزائر بموجب ترخيص من وزارة التعليم العالي و البحث العلمي و الشهادة التي تمنحها بالطبع معترف بها عالميا لكن اذا اردت ان تشتغل بها في الجزائر فهي كاي دبلوم اجنبي تستلزم المطابقة
و هي كما قالت الخت باهضة الثمن فالماستار يكون بمقابل 30 مليون دج و الدفع يكون كما تريد اما على دفعة واحدة او على اقساط
اما الدكتوراه كل سنة تكون بمقابل 10 ملايين دج ونفس طريقة الدفع
لكن الكابا ان شاء الله سيفتح العام القبل ان لم تتم المصادقة على قانون المحاماة
اما بشان الماجستار هناك العديد من الجامعات تفتح المسابقة دون شروط كالعاصمة عنابة
و نصيحة مني ليك: انا تخرجت العام هذا و قفلت على روحي صيف كامل و حددت الهدف تاعي و توكلت على ربي وخيبنيش اني وفقت في مسابقة الماجستار و نجحت في جامعتين و معندي لا معريفة كيما يقولوا لا والوا عنيد معريفة ربي و قرايتي برك
نقلك فوض امرك لربي سبحانه و لكاتبلك اداك هو متشغلش روح بالعام الجاي
عيش العام هذا و اجتهد مليح و تحقق نتيجة مليحة و مبع كلش ساهل
وكربي يسهلك اي تسهال مكلاه تخمم

لكونكور لازملي نقرى بزاف والحظ تاعي هو إبرة في كومة قش هادي la vérité سيورتو في بلادنا .. يدو 10 في معلاباليش شحال صعيبة شوية .
نتي صحتلك مبروك عليك بصح ماشي تقرى برك جيب لازملك قدرة إلهية .. سافي الكابا مليحة .
بارك الله فيك ووفقك الله

[wadoo89]

ياأخي لا تيأس فهناك الكثير من الجامعة تدخل المسابقة بلا شروط مثلا الجزاء ر تيزي وزو سطيف بليدة ...الخ برك اقرا هذا العام وانشاء الله تجيب العام ومتدخلش الإستدراك ، باه يكون عندك الوقت باه تراجع للماجستير وانشاء الله تجيبوا،لأن حتى كاب برك تقرأ أقل من عام ولازملك لارمي باه تخدم لكن لماجستير تقرأ عامين، وزيد إلى نجحت تكمل دوكتورة إنشاء الله،وثم تقدر تجوز لارمي ونفس الوقت راك مأنسكري دوكتورة، ولا بالاك يعطولك لاكارت تاعك بلا ماتفوتوا ، ياخي خرج القانون جديد واحد كي يكون كبير في العمر يعطولوا لاكارت لارمي ، والله أعلم ، وبالتوفيق إن شاء الله،برك ركز هاذا العام لأنه هناك الكثير من المواد السنة الرابعة تدخل في إمتحانات الماجستير،

بارك الله فيك وفقننا الله وإياكم للأحسن .

[*نور الأمل*]

لكونكور لازملي نقرى بزاف والحظ تاعي هو إبرة في كومة قش هادي la vérité سيورتو في بلادنا .. يدو 10 في معلاباليش شحال صعيبة شوية .
نتي صحتلك مبروك عليك بصح ماشي تقرى برك جيب لازملك قدرة إلهية .. سافي الكابا مليحة .
بارك الله فيك ووفقك الله
اقرا العام هذا و ان شاء الله ما يصدقوش على القانون العام هذا
وفوض امرك لربي ترتاح و تسهل عليك
سلام بالتوفيق