حلوياتي للنفاس

[بنت الطيب]

السلام عليكن أخواتي:1:
هذه مجموعة من الحلويات صنعتها لنفاسي وربي يحفظ ابني قولوا آمين
أتمنى تعطوني رأيكم أخواتي:D

المقروظ بطريقتي الخاصة
http://i40.tinypic.com/30k7hpx.jpg

http://i42.tinypic.com/29v0wao.jpg

الطريقة
2كيلات سميد متوسط+كيلة فرينة +كيلة سمن ذايب أو زبدة ويتبل بماء الزهر والتشكيل بالطريقة المعهودة أو مثل الصور

كعيكعات مسكرين

http://i43.tinypic.com/2nm2hxg.jpg

الطريقة
للعجينة : 3كيلات فرينة+كيلة زبدة+شوية ملح+ماء الزهر
الحشو :2كيلات لوز+كيلة سكر + ماء الزهر
نشكل كعيكعات محشية ولما تطيب نرمدها في الزهر ثم السكرالناعم

قاطو بيمو من المنتدى والتزيين لأخت وضعت وصفة بحلوة الترك

http://i42.tinypic.com/2w6gs4j.jpg

الوصفة موجودة في المنتدى للاخت أسيل وطبقتها الكثير من الأخوات

قاطو ما يطيبش بعجينة اللوز التجارية

http://i43.tinypic.com/330rclv.jpg

قنيدلات بطريقة جديدة
http://i40.tinypic.com/16k9dl0.jpg

قاطو الكنديين
http://i41.tinypic.com/6jngwm.jpg

الطريقة
3 علب ماجور شوكولا مرحي + 250غ زبدة ذائبة نطرحها في مول متوسط الحجم ونحطها في الفرن 10د بعدها نفرغ عليها الخليط التالي : علبة نستلي وكمية من جوز الهند والكاوكاو للحصول على مزيج طري ونردها مرة أخرى للفرن مدة 10 لما تبرد تماما نصب فوقها الشوكولا الذائبة ونزينها بالشوكولا البيضاء.
أتمنى نكون أفدتكم

[linat]

allahe ybareke rabi yahafdak wa yah fade bebe ya rabe

[linat]

ya3tik saha a3tili la resete rabi yahafdak

[janino]

والله روعة ربى يحفظ البيبى و الشفاء ليك باش تعطينا الوصفات الف مبروك

[HADIL146]

ربي يحفظولك ويكبر ويولي راجل
القاطو شفناه وعجبنا بزاف بصح غادي نتعبوك وتقولينا الطرق اللي درتوهم

[بنت الطيب]

الله يبارك فيكم حبيباتي وأكيد الوصفات جايين في الأيام القادمة

[linat]

قاطو الكنديين قاطو بيمو قنيدلات بطريقة جديدة المقروظ قاطو ما يطيبش madili les resetes

[sarsora777]

الف مبروك اختي يتربى في عزك وربي يحفظو
الله يبارك القاطوات هايلين يحمرو الوجه

[yousra26]

ربي يشفيك نشاء الله شكرااااااااااااااا هايلين

[بنت عين وسارة]

مبروك المزيود يعطيك الصحة قاطوك هايل

[ام احمد الغالي]

ربي يشفيك ومبروك المزيود والله يجعله من الصالحين ومن البارين والله يحفظه يا رب

[lili1988]

بارك الله فيك

[اية الرحمن1988]

الله يبارك عليك يا أختي يهبلو عجبوني بزاف
ربي يسهلك ان شاء الله

[ام خديجة1]

مبروك عليك ما زاد عندك اختي بنت الطيب وحلوياتك روعة

[bassamat]

الف الف مبروك قاطوواتك باهيين لعقوبة كى ديريلو تع عرسو

[OU SS AMA]

إلى من اختارها الله لتحمل روحاً بين أحشائها تخرج إلى الحياة تسبح الله ... و تسجد له ... إلى أختي الحبيبة بنت الطيب حفظك الله أقول لكِ ... بارك الله في الموهوب و شكرتِ الواهب و رزقكِ الله بره و بلغ أشده فأعانك الله على شكر هذا العطاء عبر تربية سليمة تكون إحقاقاً للوفاء بعهد الله ...
اللهم اجعله من الصالحين المصلحين البارين بوالديهم ..حلوياتك جد جميلة لا تبخلي علينا بالوصفات

[عضوية تحت المراقبة]

بارك الله فيك وفي البيبي ان شاء الله لقاطو عرسه

[بنت الطيب]

بارك الله فيكم أخواتي وشكرا جزيلا عاى الآراء الطيبة وأكيد الوصفات في طريقها إليكن في أقرب وقت

[مدرسة حواء]

يعطيك الصحة

[ماما ليث]

هايلين يا اختي يعطيك الصح ماشا الله

[linat]

mattawliche alina bi les resetes rana nastanawe bay

[mimicha1977]

مبروك المزيود يعطيك الصحة قاطوك هايل تسلم ايدك

[بنت الطيب]

ربي يحفظكم أخواتي على الدعوات الطيبة

[miri_27]

يعطيك ألف عافية و بالبراكة على المولود يتربى في عز والديه و ربي يحفظلك صحتك

[linat]

warhi (http://www.djelfa.info/vb/member.php?u=210495) les resete rana nastanaw beh njarbouhom

[HADIL146]

حبيبتي انا القاطو راه هبلني وراني نسنى في الروسات نتاوعو باش نطبقوا من فضلك

[مشكاة الهدى]

هايلين يعطيك الصحة لو ممكن وصفة القاطو تاع الشكولا الاخير وطريقة التحضير من فضلك
بالشفاء ليك عزيزتي

[صفاء البحر]

الحمد الله على سلالك تربي بالصحة و الهناء و يعطيك الصحة على هاد الطاولة الي تهبل

[yasser17]

:19:انشاء الله تقومي بالسلاما ويعطيك الصجة يا فحلة:mh31:

[linat]

warhi les resete r

[لبيبة الجزائرية]

مبرووووووووك المزيود يتربي في عزك والحلويات هايلة يعطيك الصحة

[linat]

ayna les resetes

[بنت الطيب]

أخواتي لكل من طلبت الوصفات لقد كتبتها لكن وأي استفسار أنا رهن الإشارة وآسفة على التأخير

[linat]

wine ktabtiha

[بنت الطيب]

روحي أختي لأول الصفحة في هاد الموضوع بعد

[linat]

mercie pour les resetes rabi yahafdak

[sofiane2075]

ما شاء الله ربي يفومك بالسلامة ان شاء الله مبروك المولود يتربى في عزكم ان شاء الله ربي يحفظه و يكون من الصالحين و القاطو متقون ربي يبارك ربي يخليك و تديريلو في عرسو ان شاء الله

[linat]

مرحبا اختي عندي سؤال بالنسبة للمقروط .طيبيه في لمول ولا لا وشكرا

[بنت الطيب]

طيبيه عادي كيما المقروظ تاع الكوشة في بلاطو

[لميس اميرة]

روعة يعطيك الصحة



من فضلك اعطيني وصفة قاطو الوردة لي ما يطيبش بعجينة التزيين التجارية