يلا راني غالطة قولولي

[nouna-12]

السلام عليكم و رحمة الله تعالي و بركاته


نشكر كل اعضاء المنتدي
لان المنتدي هاد فرج علي ناس و نزع غبينة ناس و فاد ناس و انا واحدة منهم
خاصة في موضوعي اللي علي جالوا راه حارم عليا النوم الليل مع النهار و راني نقصت و شينت و الناس كامل حارت كي شافتني
علي هاد الحال لكن حتي واحد ما علابالوا واش في قلبي لاني بطبعي خجولة و ما نحكيش اسراري للناس
الا هاد المنتدي اللي فرغت فيه قلبي و فادوني فيه بزاف خواتاتي هنا اللي ما ننساش جميلهم
المهم نحكي حكايتي
انا تخطبت لواحد من مدة 9 اشهر في الاول ترددت شوية في القبول لانه اقصر مني و انا طويلة و عمري ما تخيلت
نفسي نتزوج واحد قصير عليا
اتنازلت شفت فيه الاخلاق و حسن التربية و انسان مدين مصلي ما بيه والوا بشهادة ابي و اعمامي و كل من يعرفه
المشكل مش هنا المشكل انهم منهار جاو لدارنا و شافني و باسبوع تفاهموا علي الشروط و دفعوا دراهم الشرط
ما زادوش داروا بينا
لا هو لا اهله عير مرة جات اخته و اخدت رقمي قاتلي باش لما نشري الجهاز نعرف قياسك
و هدا من ماي
من داك النهار ما جاو ما اتصلوا حتي جويلية عيطلتي و رحت قيست لبست الجهاز
لكن من يومها للان ما اتصلوا ما بانوا ما والوا
ما جاونيش في العيد الصعير ما اتصلوش لا هو لا هم
هو لم يرفع سماعة الهاتف و يسال عني يوما
بعد العيد بمدة ماتت خالته و اتصلت باخته و عظمتلها الاجر لكن من حينها ما قيمونيش تاني
و في العيد هدا تاني كيف كيف كاني لم اكن موجودة
خممت و قلت لماما خلاص راني مبطلة و قتلها تخبر بابا باش يرجع لهم دراهمهم

هل في نظركم اني تسرعت او اخطات
من ناحية التسرع شفت 9 شهور راهي مدة طويلة الناس راها تجيب فيها ولد


اعطوني رايكم برحمة والديكم
و انتوما يا رجال حابة نعرف منكم
لما واحد يخطب واحدة و ما يتصلش بيها خلاص بعد هده المدة علاش و هل ممكن يكون سبب



ما تنساوش تدعولي ربي يفرج عليا غبينتي

[النجمة القطبية]

وعليكم السلام ورحمة الله وبركاته

[selen]

من المفروض أنو في المناسبات مثل الأعياد يزوروكم ويجيبو تفقيدة كيما العادات عندنا وهكذا يكون فيه تواصل حتى ليوم العرس أما في حالتك الله أعلم أختي على كل استخيري الله و ربي يوفقك

[عطر الحب]

السلام عليكم و رحمة الله
اظن اختي الكرمة انك تسرعت قليلا....ربما كان هو من النوع الخجول جدا ....بادري انت بالا تصال به مرة و مرات و حاولي فتح مواضيع معه حتى يزول داك الحاجز الدي بينكما ....حتى لا تندمي على اي قرار تتخدينه...وربي يوفقك ان شاء الله

[الميلودي84]

والله يا اختي ان كنت انت بنفسك تتصلين به وهو لا يرد عليك بما انك خطيبته لما الهروب انا في الحقيقة اتعجب من موقف هذا الشاب يبدو انه غير مكترث ولكن هل انت سألت اخته مرة ما بال اخوك لايرد على الهاتف ولما لم تزوروننا في ايام العيد؟ وربي يهدينا ويهدي جميع المؤمنين ولا تحزني اختي واوصيك بصــــــــــــــــــــــــــــــــــلاة الاستخارة فهي منجاة لك من الكرب والهموم واسال الله فيها هذا الزوج او الخطيب وحالك معه......والسلام عليكم

[الميلودي84]

والله يــــــــــــــــــــــا عطـــــــــــــــــر اـــــــــــــــــــحب كلامك جيد لكن الحبيب يسال عن حبيبه ولا يرد عليه في الهاتف اش قولك انت يكلمك خطيبك وما تردي عليه واش يكون ظنك؟ اظن ان هذا الشخص ليس خجولا كما قلت انما وراءه امر اخر خفي يا عطر الحب كم اعجبتني تسميتك

[sidahmed2003]

يا ولدي يبالي تسرعتي شوية راكي تقولي جاو خطبو ومن بعد ما بانوش حتى جويلية جات اخت باش تدي القياس وشراولك لجهاز راهم كاين ناس الله غالب عليهم ربما نيتهم حسنة بصح التصرف ربي يجيب كيما يقولو هذاك واش حلبت فالطاس كاين ناس ما يردوش بالهم للمناسبات والاعياد والهاتف وووو كنت تشوفي باباك يسقسي على موعد العرس ثم تقدري تعرفي ونسالك هذا وليدهم الاول والا سبق وان زوجو قبلو ا

[موحbk]

يجب ان تعريفي السبب لماذا هذا التاخير تسعة اشهر لم يتصل بك هذا غريب ولا اتحاولي التفكير في الاسوء حتى تتاكدي صلي صلاة الاستخارة وادعي ربك

[nouna-12]

السلام عليكم و رحمة الله
اظن اختي الكرمة انك تسرعت قليلا....ربما كان هو من النوع الخجول جدا ....بادري انت بالا تصال به مرة و مرات و حاولي فتح مواضيع معه حتى يزول داك الحاجز الدي بينكما ....حتى لا تندمي على اي قرار تتخدينه...وربي يوفقك ان شاء الله



لسلام عليكم
انا لم اتصل به و لم يرد علي و انما ما عنديش رقمه اطلاقا

[nouna-12]

والله يا اختي ان كنت انت بنفسك تتصلين به وهو لا يرد عليك بما انك خطيبته لما الهروب انا في الحقيقة اتعجب من موقف هذا الشاب يبدو انه غير مكترث ولكن هل انت سألت اخته مرة ما بال اخوك لايرد على الهاتف ولما لم تزوروننا في ايام العيد؟ وربي يهدينا ويهدي جميع المؤمنين ولا تحزني اختي واوصيك بصــــــــــــــــــــــــــــــــــلاة الاستخارة فهي منجاة لك من الكرب والهموم واسال الله فيها هذا الزوج او الخطيب وحالك معه......والسلام عليكم



هو لم يتصل ابدا فانا غير موجود عندي رقمه

[nouna-12]

يا ولدي يبالي تسرعتي شوية راكي تقولي جاو خطبو ومن بعد ما بانوش حتى جويلية جات اخت باش تدي القياس وشراولك لجهاز راهم كاين ناس الله غالب عليهم ربما نيتهم حسنة بصح التصرف ربي يجيب كيما يقولو هذاك واش حلبت فالطاس كاين ناس ما يردوش بالهم للمناسبات والاعياد والهاتف وووو كنت تشوفي باباك يسقسي على موعد العرس ثم تقدري تعرفي ونسالك هذا وليدهم الاول والا سبق وان زوجو قبلو ا



لالا هدا مش وليدهم الاول راهم مزوجين من قبله واحد و عنده بنت

[sidahmed2003]

اذا تعاملو مع لعرسة الاولى بنفس الطريقة فلا داعي للقلق واذا كان العكس تبقى اسئلة مطروحة بصح في كل حالات خلي اتجي من عندهم وما تجيش من عندك وكيما قلتلك باباك يقدر يسقسيهم على موعد العرس وثم يبان كلش المهم راك ما خاسرة والو خلي هم يبانو على حقيقتهم راكي عند باباك معززة مكرمة وربي يوفقك للخير

[نسائم الهدى]

والله يا أختي أنا من رأيي تصبري وتستناي ممكن تكون هدي هي عقليتوا
لأنوا أنا عندي خاوتي متزوجين واحد فيهم ما اتكلّم مع خطيبتوا حتى نهار جاو عرايس
غير خويا الصغير اللي تكلّم مع خطيبته
ونزيدلك خويا واحد شرا لخطيبتوا موبايل وماكان عندها رقمه ما عندوا رقمها
والآخر شافها مرّة واحدة فقط طيلة عامين ونصف وعندما كنا نذهب عندهم في العيدين فقط لم يكن يذهب معنا لأنه خجووووول جدا وعندما كنت أريد إزعاجه كنت أذكر إسمها تصوّري كان يحمرّ وجهه ويبتسم ويخرج من البيت.
لذا يا أختي لا تفسدي حياتك ولا تستمعي لوسوسة الشيطان لعنه الله فربما يكون هو أيضا خجول مثل أخوتي

ربي يوفقك اختي لما فيه الخير
وسلاااااااااااااااااااااااااااااااام

[lili1988]

صلي الاستخارة و متتسرعيش و ربي يوفقك و يسدد خطوتك و يسر امورك

[nouna-12]

اذا تعاملو مع لعرسة الاولى بنفس الطريقة فلا داعي للقلق واذا كان العكس تبقى اسئلة مطروحة بصح في كل حالات خلي اتجي من عندهم وما تجيش من عندك وكيما قلتلك باباك يقدر يسقسيهم على موعد العرس وثم يبان كلش المهم راك ما خاسرة والو خلي هم يبانو على حقيقتهم راكي عند باباك معززة مكرمة وربي يوفقك للخير


ماعلاباليش يلا تعاملوا معاها هاك و لالا
لكن انا ما نعلافهمش مليح
و حتي اسماء خواتاتوا الاخرين ما نعرفهمش
فما بالك كيفنقدر نعرف عوايدهم و تفكيرهم

[nouna-12]

والله يا أختي أنا من رأيي تصبري وتستناي ممكن تكون هدي هي عقليتوا
لأنوا أنا عندي خاوتي متزوجين واحد فيهم ما اتكلّم مع خطيبتوا حتى نهار جاو عرايس
غير خويا الصغير اللي تكلّم مع خطيبته
ونزيدلك خويا واحد شرا لخطيبتوا موبايل وماكان عندها رقمه ما عندوا رقمها
والآخر شافها مرّة واحدة فقط طيلة عامين ونصف وعندما كنا نذهب عندهم في العيدين فقط لم يكن يذهب معنا لأنه خجووووول جدا وعندما كنت أريد إزعاجه كنت أذكر إسمها تصوّري كان يحمرّ وجهه ويبتسم ويخرج من البيت.
لذا يا أختي لا تفسدي حياتك ولا تستمعي لوسوسة الشيطان لعنه الله فربما يكون هو أيضا خجول مثل أخوتي

ربي يوفقك اختي لما فيه الخير
وسلاااااااااااااااااااااااااااااااام



يا اختي اخوتك ما كانوش يهدروا معاهم
و لكن اهلك كانوا يزوروهم في الاعياد
يعني درتولهم قيمة و بينتولهم انكم مش ناسيينهم
اما انا 9 شهور وواحد ما بان

[nouna-12]

صلي الاستخارة و متتسرعيش و ربي يوفقك و يسدد خطوتك و يسر امورك

اللهم امين
بارك الله فيكي

[زهرة الجزائر 07]

شيء محير

علاه ما تعيطيش نتي و تحكي معاه نتي؟

ولا احكي مع اختو و فهميها

[nouna-12]

شيء محير

علاه ما تعيطيش نتي و تحكي معاه نتي؟

ولا احكي مع اختو و فهميها

معاه مستحيل
ما عنديش رقمه
و خممت نحكي مع اخته لكن راني حايرة كيفاش نبدا الهدرة
يلا عندك فكرة يا اختي نوريني راسي باغي ينفجر من كثرة التخميم

[midoudr]

ناس بكري يقولك زواج ليلة تدبيرتو عام

[سحر الغروب]

اختي استخيري اولا وثانيا حوسي تفهمي علاش هاد البعد سوا منه او من عائلته

واهلك ما قالوا والو؟؟؟ ما حوسوش يفهموا؟؟؟

صراحة شي غريب.

[نسائم الهدى]

يا اختي اخوتك ما كانوش يهدروا معاهم
و لكن اهلك كانوا يزوروهم في الاعياد
يعني درتولهم قيمة و بينتولهم انكم مش ناسيينهم
اما انا 9 شهور وواحد ما بان
لالا اختي في هدي غلبتيني وعندك الحق
صح حنا كنا نروحوا لعندهم غير في العيد الصغير والعيد الكبير فقط لأنو هكدا عادتنا
ولكن ما كناش ناسيينهم
مي انت ثاني اختي عيطي لأخته وقوليلها بكل صراحة وعلاش خوك هكدا أسكو خجول أو خطبني سيف عليه
أو قولي لماماك تقول لأبيك يعيطلوا ويسقسيه صراحة علاش راكم ناسيين هدي الطفلة؟
وشوفي واش يقول
وعلى حساب ردو قرري
ربي يجيب اللي فيه الخير اختي
وسلاااااااااااااااااااااااااام

[nouna-12]

اختي استخيري اولا وثانيا حوسي تفهمي علاش هاد البعد سوا منه او من عائلته

واهلك ما قالوا والو؟؟؟ ما حوسوش يفهموا؟؟؟

صراحة شي غريب.



و الله استخرت و زدت حرت
المهم اهلي في الاول ما داواهاش في بالهم قالوا ما عندهمش سبب باش كل يوم رايحيين جايين
لكن لما طالت المدة و هدرت انا و فاتوا هادو 2 اعياد دخلتهالهم في راسهم مليح
قالولي شوفي انتي و قرري و شوفي واش يخرج عليك

[nouna-12]

لالا اختي في هدي غلبتيني وعندك الحق
صح حنا كنا نروحوا لعندهم غير في العيد الصغير والعيد الكبير فقط لأنو هكدا عادتنا
ولكن ما كناش ناسيينهم
مي انت ثاني اختي عيطي لأخته وقوليلها بكل صراحة وعلاش خوك هكدا أسكو خجول أو خطبني سيف عليه
أو قولي لماماك تقول لأبيك يعيطلوا ويسقسيه صراحة علاش راكم ناسيين هدي الطفلة؟
وشوفي واش يقول
وعلى حساب ردو قرري
ربي يجيب اللي فيه الخير اختي
وسلاااااااااااااااااااااااااام



بابا ماحبش يتصل
مي نزيد نقنع ماما تقولي يتصل باهلوا
مانعرف واش نديروا فيها

[جزايرية و أفتخر]

انا نقلك ربي يهديك و يهديه و ليش ما صليتيشي صلاة استخارة لانها تعينك على اتخاذ القرار
و على حد علمي المخطوب يكلم مخطوبته لاني نشوف في عمي هكا
صح عيدك

[nouna-12]

انا نقلك ربي يهديك و يهديه و ليش ما صليتيشي صلاة استخارة لانها تعينك على اتخاذ القرار
و على حد علمي المخطوب يكلم مخطوبته لاني نشوف في عمي هكا
صح عيدك

و الله غير صليت يا اختي
لكن شكون يسمعك هوما كامل مطنشيني و ما داينهاش فيا

[عابر بلا زاد]

الحمد لله و الصلاة و السلام على رسول الله

سؤال غاية في الأهمية؟

هل عقدتما العقد الشرعي أم ليس بعد؟

[nouna-12]

الحمد لله و الصلاة و السلام على رسول الله

سؤال غاية في الأهمية؟

هل عقدتما العقد الشرعي أم ليس بعد؟

لا ليس بعد

[عابر بلا زاد]

أرجوك يا أختاه أمهيليني بعض الوقت و سأكتب إليك بما عسى أن يفيدك إن شاء الله

يا مالك الملك يا من لا نظير له، أخلص مقالي و يسر مهماتي

[nouna-12]

أرجوك يا أختاه أمهيليني بعض الوقت و سأكتب إليك بما عسى أن يفيدك إن شاء الله

يا مالك الملك يا من لا نظير له، أخلص مقالي و يسر مهماتي



شكرا و انا في الانتظار

[nouna marwa]

يا اختي متقلقيش روحك فانا حالي كحالك فقد خطبني قريب لي وكانت الخطبة عن طريق الاهل وكان سعيد جدا فمنذ الصغر واهله يريدون خطبتي وهو موافق وبعد الخطبة انقطعت كل الاخبار فهو يرفض اي شيء قبل العقد وحتى اهله لا يتصلون وهو انسان رائع ما شاء الله لكن ............

[nouna-12]

يا اختي متقلقيش روحك فانا حالي كحالك فقد خطبني قريب لي وكانت الخطبة عن طريق الاهل وكان سعيد جدا فمنذ الصغر واهله يريدون خطبتي وهو موافق وبعد الخطبة انقطعت كل الاخبار فهو يرفض اي شيء قبل العقد وحتى اهله لا يتصلون وهو انسان رائع ما شاء الله لكن ............

يا اختي انا 9 شهور من اللامبالاة
ديري في بالك المدة طالت بزاف

[nouna marwa]

والله يا اختي لعزيزة راني حاسة بيك انا راني في طريقك انا تقريبا 3 شهور وحتى منقدرش نحبس فهو قريبي
يا اختي وش نقولك شوفي مع اختوا بالاك هو داير كيما هاك ولوكان مكانش حابك ميجهزوكش وتعرفي الجهاز مرهوش ساهل
سقسي اختوا بالاك هو من النوع الي ميحبش يحكي انت تعرفي كيفاش دايروان شاء الله ربي يهديه

[nouna marwa]

سبحان الله اسمك في المنتدى نونا واسمي نونا مروة وانت تدرسين كفاءة مهنية وانا مقبلة على ذلك ولنا نفس المشكلة
سبحان الله

["زينب"]

أختي لازم واحد من أهلك يتحرى عن الأمر و بطريقة لبقة يحاول يفهم علاش ميزوروكمش باش ما تقعديش معلقة , و ربما فقط عندهم ظروف عرقلت إتمام مراسيم الزواج
و ما يكون غير الخير حاولي تعيشي حياتك عادي و متقلقيش روحك فقط لازم تسألي عن تاريخ العرس باش تحضري نفسك

[شذا الربيع]

السلام عليكم ورحمة الله وبركاته
يا أختي الكريمة أنا نقوللك ما تتسرعيش وفي نفس الوقت نقوللك ما تسنايش أكثر من هذه المدة 9 أشهر لا اهتمام ولا أي خبر مدة طويلة على الأقل استفسري عن سبب الانقطاع أو الغيبة حتى يمكنك أن تعرفي كيف تفكري كيف تتصرفي كيف تحضري روحك
برأيي يجب أن يتصل والدك ويحاول أن يفهم الأمر أو يسأل عن موعد الزواج وإن رفض وسمح لك أنت بالاتصال بأخته وحاولي أن تفهمي منها الأمر واسأليها بصراحة لأن الأمر مهم ويجب أن يكون واضح بلا لف ولا دوران تحدثي أنت مع أخته أو والدتك مع والدته
وفقك الله لما يحب ويرضى

[sidahmed2003]

اذن الان نقولك هذه عقليتهم ما كان علاه تتقلقي كاين بزاف ناس هكذا بصح من بعد كي تروح عندهم المراة تعيش حياة سعيدة هذو باينين نوايا بزاف وناس ملاح الله غالب ما يعرفوش برك للواجب ولكن الاصل فيهم مليح ولوكان حبو يبطلو ما يزدوش يشريولك لجهاز وما يقعدوش معاك هذا المدة اصبري ربي يجازيك وان شاء الله تكوني سعيدة في بيتك هذا هو الصح والعيد الجاي تكوني مع راجلك ويخلص زوج عياد غير ما تتقلقيش وما تسمعيش خاصة لصديقات السوء والحسد

[nouna-12]

سبحان الله اسمك في المنتدى نونا واسمي نونا مروة وانت تدرسين كفاءة مهنية وانا مقبلة على ذلك ولنا نفس المشكلة
سبحان الله

سبحان الله
يا ما حلاها الصدف
لكن ما نتمنالكش تعيشي و توفتي واش راني عايشة
نتمنالك سعدك يكون خير من سعدي ان شاء الله

[nouna-12]

أختي لازم واحد من أهلك يتحرى عن الأمر و بطريقة لبقة يحاول يفهم علاش ميزوروكمش باش ما تقعديش معلقة , و ربما فقط عندهم ظروف عرقلت إتمام مراسيم الزواج
و ما يكون غير الخير حاولي تعيشي حياتك عادي و متقلقيش روحك فقط لازم تسألي عن تاريخ العرس باش تحضري نفسك



ان شاء الله يا اختي
غادي نرسل بابا يهدر معاهم

[nouna-12]

السلام عليكم ورحمة الله وبركاته
يا أختي الكريمة أنا نقوللك ما تتسرعيش وفي نفس الوقت نقوللك ما تسنايش أكثر من هذه المدة 9 أشهر لا اهتمام ولا أي خبر مدة طويلة على الأقل أنت تعرفي كيف تفكري كيف تتصرفي كيف تحضري روحك
برأيي يجب أن يتصل والدك ويحاول أن يفهم الأمر أو يسأل عن موعد الزواج وإن رفض وسمح لك أنت بالاتصال بأخته وحاولي أن تفهمي منها الأمر واسأليها بصراحة لأن الأمر مهم ويجب أن يكون واضح بلا لف ولا دوران تحدثي أنت مع أخته أو والدتك مع والدته
وفقك الله لما يحب ويرضى

هدا ما سيحصل ان شاء الله
قررت نرسلهم بابا
شكرا لكي

[nouna-12]

اذن الان نقولك هذه عقليتهم ما كان علاه تتقلقي كاين بزاف ناس هكذا بصح من بعد كي تروح عندهم المراة تعيش حياة سعيدة هذو باينين نوايا بزاف وناس ملاح الله غالب ما يعرفوش برك للواجب ولكن الاصل فيهم مليح ولوكان حبو يبطلو ما يزدوش يشريولك لجهاز وما يقعدوش معاك هذا المدة اصبري ربي يجازيك وان شاء الله تكوني سعيدة في بيتك هذا هو الصح والعيد الجاي تكوني مع راجلك ويخلص زوج عياد غير ما تتقلقيش وما تسمعيش خاصة لصديقات السوء والحسد


بارك الله فيك اخي علي رايك
و اشكرك علي النصيحة

[nouna marwa]

ان شاء الله يا رب تتحل كل امورك وتفوت عليك هذه السحابة وان شاء الله ما يكون غير الخير وباباك يفرحك ويبشرك وتلقاي بلي هوما هذا طبعهم وتتزوجي في القريب العاجل و متنسايش بشرينا ان شاء الله
اما بالنسبة ليا خليه ضارب السكات ضرك راه عاجبني حتى نكمل قرايتي امبعد نشوف
يا
رب يامجيب يا ارحم الراحمين افتح على اختنا نونا وفرج عليها عاجلا غير اجل يا اكرم الاكرمين
لا تنسي الدعاء اختي العزيزة وان شاء الله ربي يفرحك

[عابر بلا زاد]

الحمد للإله ذي الجلال، و شارع الحرام و الحلال، حمدا لمن أرسل خير مرسل إلى خير أمة بخير الملل، فعليه الله صلى و عليه الله سلما.
وبعد
أستسمحك أيتها الأخت الكريمة على صبرك علي و انتظارك لردي فعذرا ثم عذرا
و أبدأ من حيث أنهيت فأقول: اعلمي رحمني الله و إياك أنه ما دام لم يعقد العقد الشرعي فأنت مازلت في حكم الشرع أجنبية عنه و لا يجوز له مهاتفتك و التحدث إليك و لا يجوز لك الخروج معه بمفردكما كما يفعل اليوم و للأسف كثير من المسلمين. فلا يغرنك أيتها المكرمة المعززة بين أهلك ما هو عليه حال الكثير منا من الاستخفاف في هذا الباب. هذا قد يكون سبب من أهم الأسباب. و قد يمنعه الخجل كما أسلف كثير من الإخوة و الأخوات، و قد تكون هناك أسباب أخرى و لكن، مهما كانت الأسباب فهي لا يمكن أن تحول دو زيارة أهله لك في العيدين مثلا، و هذه العادة و إن كانت غير ملزمة شرعا فهي مما لا تكاد تخلو منه أي منطقة في بلادنا و هي دليل على الاهتمام و حسن النية. و إذا كان هذا الرجل ميسور الحال فعدم زيارة أهله لك قد يكون لعدة أسباب، و أحدها أن يكون بعضهم أو كثير منهم غير راضين عن هذا الزواج، و ربما تغير حالهم و عجزوا عن الإفصاح عن ذلك و قد يكون تبين لك عندما ذهبت معهم للجهاز و اختبرت مشاعرهم تجاهك و كما قال الشاعر:
لا تسألن الفتى عن خلائقه ° ° °في وجهه شاهد من الخبر

و في الأخير أدعوك إلى أن تهوني عن نفسك و تطرحي عنك هذا الهم الذي جثم على قلبك طوال هذه المدة حتى اسودت في عينيك صورة الحياة على جمالها و بريقها و ضاقت عليك الأرض بما رحبت و تمكن هذا الأمر من نفسك حتى أصبت بما أصبت. فأنصحك أولا بأن تعزمي أمرك و تقرري أحد الأمرين إما الوصل مع الكثير من الصبر أو الفصل، ثم عليك بالإستخارة، لأن الإستخارة إنما تكون بعد أن يعزم المسلم على الأمر و يقرر القيام به فإن يكن ذلك خير له يمضه الله. و إذا اخترت الأمر الثاني فإن حالهم سيتبين لك عندما ترسلين إليهم بهذا الأمر، فإذا كانت لهم أسباب مقنعة فإنك قد تعذرينهم و تعدلين عن هذا ، و أما إذا قبلوا على الفور فهو دليل على تغيرهم تجاهك و تكونين قد استرحت منهم. و في الأخير اعلمي أن ما أصابك لم يكن ليخطئك و ما أخطأك لم يكن ليصيبك فلا تتحسري على شيء في آخر المطاف سواء اخترت هذا الأمر أو ذاك
و معذرة مرة أخرى على الإطالة بما ليس فيه كثير من النفع لأنني انشغلت بما لم يكن في وسعي تأخيره و الله الموفق
و السلام

[محمد123456]

أنا نقولك صلي صلاة الإستخارة وربي يهدي خطيبك ويتصل بك

[nouna-12]

ان شاء الله يا رب تتحل كل امورك وتفوت عليك هذه السحابة وان شاء الله ما يكون غير الخير وباباك يفرحك ويبشرك وتلقاي بلي هوما هذا طبعهم وتتزوجي في القريب العاجل و متنسايش بشرينا ان شاء الله
اما بالنسبة ليا خليه ضارب السكات ضرك راه عاجبني حتى نكمل قرايتي امبعد نشوف
يا
رب يامجيب يا ارحم الراحمين افتح على اختنا نونا وفرج عليها عاجلا غير اجل يا اكرم الاكرمين
لا تنسي الدعاء اختي العزيزة وان شاء الله ربي يفرحك



بارك الله فيكي

[nouna-12]

الحمد للإله ذي الجلال، و شارع الحرام و الحلال، حمدا لمن أرسل خير مرسل إلى خير أمة بخير الملل، فعليه الله صلى و عليه الله سلما.
وبعد
أستسمحك أيتها الأخت الكريمة على صبرك علي و انتظارك لردي فعذرا ثم عذرا
و أبدأ من حيث أنهيت فأقول: اعلمي رحمني الله و إياك أنه ما دام لم يعقد العقد الشرعي فأنت مازلت في حكم الشرع أجنبية عنه و لا يجوز له مهاتفتك و التحدث إليك و لا يجوز لك الخروج معه بمفردكما كما يفعل اليوم و للأسف كثير من المسلمين. فلا يغرنك أيتها المكرمة المعززة بين أهلك ما هو عليه حال الكثير منا من الاستخفاف في هذا الباب. هذا قد يكون سبب من أهم الأسباب. و قد يمنعه الخجل كما أسلف كثير من الإخوة و الأخوات، و قد تكون هناك أسباب أخرى و لكن، مهما كانت الأسباب فهي لا يمكن أن تحول دو زيارة أهله لك في العيدين مثلا، و هذه العادة و إن كانت غير ملزمة شرعا فهي مما لا تكاد تخلو منه أي منطقة في بلادنا و هي دليل على الاهتمام و حسن النية. و إذا كان هذا الرجل ميسور الحال فعدم زيارة أهله لك قد يكون لعدة أسباب، و أحدها أن يكون بعضهم أو كثير منهم غير راضين عن هذا الزواج، و ربما تغير حالهم و عجزوا عن الإفصاح عن ذلك و قد يكون تبين لك عندما ذهبت معهم للجهاز و اختبرت مشاعرهم تجاهك و كما قال الشاعر:
لا تسألن الفتى عن خلائقه ° ° °في وجهه شاهد من الخبر

و في الأخير أدعوك إلى أن تهوني عن نفسك و تطرحي عنك هذا الهم الذي جثم على قلبك طوال هذه المدة حتى اسودت في عينيك صورة الحياة على جمالها و بريقها و ضاقت عليك الأرض بما رحبت و تمكن هذا الأمر من نفسك حتى أصبت بما أصبت. فأنصحك أولا بأن تعزمي أمرك و تقرري أحد الأمرين إما الوصل مع الكثير من الصبر أو الفصل، ثم عليك بالإستخارة، لأن الإستخارة إنما تكون بعد أن يعزم المسلم على الأمر و يقرر القيام به فإن يكن ذلك خير له يمضه الله. و إذا اخترت الأمر الثاني فإن حالهم سيتبين لك عندما ترسلين إليهم بهذا الأمر، فإذا كانت لهم أسباب مقنعة فإنك قد تعذرينهم و تعدلين عن هذا ، و أما إذا قبلوا على الفور فهو دليل على تغيرهم تجاهك و تكونين قد استرحت منهم. و في الأخير اعلمي أن ما أصابك لم يكن ليخطئك و ما أخطأك لم يكن ليصيبك فلا تتحسري على شيء في آخر المطاف سواء اخترت هذا الأمر أو ذاك
و معذرة مرة أخرى على الإطالة بما ليس فيه كثير من النفع لأنني انشغلت بما لم يكن في وسعي تأخيره و الله الموفق
و السلام





بارك الله فيك اخي
ان كلامك جميل و مريح في نفس الوقت
فشكرااااااااااااااااااااااااااااااااااا

[nouna-12]

أنا نقولك صلي صلاة الإستخارة وربي يهدي خطيبك ويتصل بك

بارك الله فيك اخي

[الماسة الحساسة]

انا نظن تسرعتي و في نفس الوقت نقول هما غلطانين على الاقل يسالو في الهاتف عليك يعيدولك ............ الخ
اختي اصبري و استخيري ربك و ربي يفتحلك ابواب الخير و يسمعك سماع الخير

[nouna-12]

انا نظن تسرعتي و في نفس الوقت نقول هما غلطانين على الاقل يسالو في الهاتف عليك يعيدولك ............ الخ
اختي اصبري و استخيري ربك و ربي يفتحلك ابواب الخير و يسمعك سماع الخير


شكرا ليك اختي هبة
ربي يخليك

[difa]

انا واحدة لوكان جيت في مكانك ندير هكدا او ثانيت راكي تاخرتي مكان حتى مبرر

[nouna-12]

انا واحدة لوكان جيت في مكانك ندير هكدا او ثانيت راكي تاخرتي مكان حتى مبرر

شكرا علي رايك اختي

[ميلار القدس]

الله يكون فالعون واش رايحة نقولك جات في بالي فكرة منعرف صالحة ولا لا لا احنا عندنا عادة العروس نهار يدوها تدي لام الزوج كسوتها ومن ضمنها تخيطيلها قندورة مليحة ادا تقدري اتصلي باختو قوليلها راني محتاجة القيس نتاع يماك ديريها سبة برك وحاولي بطريقتك تكوني خفيفة ظريفة وعرفي كيفاش تهدري معاها ومبعد ادخليلها في موضوع الزواج وكتاه ناويين واش ركم تصدرو المهم انت وشطارتك
ان شا ء الله تفرج علبك

[nouna-12]

الله يكون فالعون واش رايحة نقولك جات في بالي فكرة منعرف صالحة ولا لا لا احنا عندنا عادة العروس نهار يدوها تدي لام الزوج كسوتها ومن ضمنها تخيطيلها قندورة مليحة ادا تقدري اتصلي باختو قوليلها راني محتاجة القيس نتاع يماك ديريها سبة برك وحاولي بطريقتك تكوني خفيفة ظريفة وعرفي كيفاش تهدري معاها ومبعد ادخليلها في موضوع الزواج وكتاه ناويين واش ركم تصدرو المهم انت وشطارتك
ان شا ء الله تفرج علبك



شكرا علي اهتمامك و رايك اختي
لكن من ناحيتي خلاص برد قلبي من جيهته و طاح من عيني
الفراق احسن حل
و كل واحد و ربي يجيبله مكتوب اخر

[ميلار القدس]

شكرا علي اهتمامك و رايك اختي
لكن من ناحيتي خلاص برد قلبي من جيهته و طاح من عيني
الفراق احسن حل
و كل واحد و ربي يجيبله مكتوب اخر

لا لا انا مننصحكش ديري هكدا من رايي ديري استخارة احسن باه مرة اخرى متندميش

[nouna-12]

لا لا انا مننصحكش ديري هكدا من رايي ديري استخارة احسن باه مرة اخرى متندميش



شكرا علي نصائحك اختي و ربي يجازيك و يهنيييييك

[نسائم الهدى]

شكرا علي اهتمامك و رايك اختي
لكن من ناحيتي خلاص برد قلبي من جيهته و طاح من عيني
الفراق احسن حل
و كل واحد و ربي يجيبله مكتوب اخر
لالا اختي اتقي الله الراجل ما اغلط فيك في حتى حاجة
وعلاش تخليه هكدا بلا سبة؟
وزيد الراجل يعرفوا الراجل كيفو وباباك واعمومك يعرفوه وقالوا عليه بلي راجل مليح والحق يقال في هدا الزمان صعيب تصيبي راجل ناس ملاح غير ما تفرطيش فيه وترجعي تندمي من بعد وتقولي يا ريتني صبرت
وزيد ممكن يكون ما حبش يحكي معاك قبل ما يكون بيناتكم عقد شرعي وفي هذي عندو الحق
علاش مسكين تخليه وتبريزيه على جال حاجة والله ما تستهل
إيه صدقيني والله مل تستهل تتركي راجل وليد فاميليا على جال ما يتكلمش معاك في التيليفون أو كي ما جاوش لعندك في العياد
كبري عقلك يا أختي واستغفري وألعني بليس عليه اللعنة وما تتسرعيش
وربي يجيبلك اللي فيه الخير
ومرّة أخرى لا تتسرعي
سلااااااااااااااااااااااااااااااام

[ميمنة الجزائر]

لالا اختي اتقي الله الراجل ما اغلط فيك في حتى حاجة
وعلاش تخليه هكدا بلا سبة؟
وزيد الراجل يعرفوا الراجل كيفو وباباك واعمومك يعرفوه وقالوا عليه بلي راجل مليح والحق يقال في هدا الزمان صعيب تصيبي راجل ناس ملاح غير ما تفرطيش فيه وترجعي تندمي من بعد وتقولي يا ريتني صبرت
وزيد ممكن يكون ما حبش يحكي معاك قبل ما يكون بيناتكم عقد شرعي وفي هذي عندو الحق
علاش مسكين تخليه وتبريزيه على جال حاجة والله ما تستهل
إيه صدقيني والله مل تستهل تتركي راجل وليد فاميليا على جال ما يتكلمش معاك في التيليفون أو كي ما جاوش لعندك في العياد
كبري عقلك يا أختي واستغفري وألعني بليس عليه اللعنة وما تتسرعيش
وربي يجيبلك اللي فيه الخير
ومرّة أخرى لا تتسرعي
سلااااااااااااااااااااااااااااااام

راني مع هذا الرد انا ثاني من يوم تخطيت ما تكلمي معايا حتى يوم الدخلة ونقولك انا كمان ما جابوليش والو غير كيما نقولو

الحبات ورامي اليوم متزوجة والحمد لله وارى انو يستحي لا غير فلا تنسرعي في قرارك ولازم تكلمي اختو اذا كنت تكلميها

ليس للسؤال عليه بل لجس النبض فقطواعيدي النظر واقول لك انو قبل زواجي كانو بنات صحاباتي يقولولي بلي راهو معلابلاوش

بيك وراهن بأيهم لأقصى درجة لكن والله كلامهم كان يدخل من جهة يخرج من الاخرى لانو كلام ابي واخي الصغير كان يراه

ونقولك اذا أبوك عجبو فالرجل يعرف الرجل احسن منا النساء

يعني ربما ليس من النوع الذي يتكلم وهو مستحي لانو من النوع الذي لم يكلم بنات من قبل وهاذو راهم كائنين فلا تهمني

على من هم تخلو عن شريعتنا وربي يسرلك أمرك ويفرج عليك انشاء الله عاجلا غير اجل

[nouna-12]

لالا اختي اتقي الله الراجل ما اغلط فيك في حتى حاجة
وعلاش تخليه هكدا بلا سبة؟
وزيد الراجل يعرفوا الراجل كيفو وباباك واعمومك يعرفوه وقالوا عليه بلي راجل مليح والحق يقال في هدا الزمان صعيب تصيبي راجل ناس ملاح غير ما تفرطيش فيه وترجعي تندمي من بعد وتقولي يا ريتني صبرت
وزيد ممكن يكون ما حبش يحكي معاك قبل ما يكون بيناتكم عقد شرعي وفي هذي عندو الحق
علاش مسكين تخليه وتبريزيه على جال حاجة والله ما تستهل
إيه صدقيني والله مل تستهل تتركي راجل وليد فاميليا على جال ما يتكلمش معاك في التيليفون أو كي ما جاوش لعندك في العياد
كبري عقلك يا أختي واستغفري وألعني بليس عليه اللعنة وما تتسرعيش
وربي يجيبلك اللي فيه الخير
ومرّة أخرى لا تتسرعي
سلااااااااااااااااااااااااااااااام



يا اختي انا اللي غاضتني و ضرتني و بكاتني و حرقتلي قلبي
انهم حتي ما يسالوش عليا
من نهار جاو خطبوني
ما يسقسوا ما يقولوا حية و لا ميتة
يعني ما حوسوش عليا لا في الايام العادية و لا حتي في الاعياد كيما كامل الناس تعرف
المدة طالت و عدم الاهتمام بان
يا اختي واش خسروا كون عيطولي في العيد ما يهمش يجوا عندي غير يتصلوا و برك واش منعهم
خافوا يلا يخسروا عليا ليزينيتيما تكونش حق 20-30 دج
بصح هوما حبوا يطيحوا بيا

[ميمنة الجزائر]

يا اختي انا اللي غاضتني و ضرتني و بكاتني و حرقتلي قلبي
انهم حتي ما يسالوش عليا
من نهار جاو خطبوني
ما يسقسوا ما يقولوا حية و لا ميتة
يعني ما حوسوش عليا لا في الايام العادية و لا حتي في الاعياد كيما كامل الناس تعرف
المدة طالت و عدم الاهتمام بان
يا اختي واش خسروا كون عيطولي في العيد ما يهمش يجوا عندي غير يتصلوا و برك واش منعهم
خافوا يلا يخسروا عليا ليزينيتيما تكونش حق 20-30 دج
بصح هوما حبوا يطيحوا بيا

ما يطيحو بيك ما والو كاملتي عند أبوك وامك راكي معززة مكرمةواذا ما سالوش عليك اسالي انتي وقوليلهم

واش هاذ الغيبة لا خبر فاليرقة كيما نقولو بالعامية

وخاصة اذا عندك رقم سلفتك تتكلمي معها وجسي النبض دون ان تكلمي عن زوجك واش راهم يستناو

وربي يجيبلك الخير يا اختيوالله راني معاك وحاسة بيك لكن انشاء الله بعد الزواج يتبدل كل هذا

واريد ان اعرف أيضاً هل سألتم عنه وعن عائلته فهذا واجب على ابوك*

[nouna-12]

ما يطيحو بيك ما والو كاملتي عند أبوك وامك راكي معززة مكرمةواذا ما سالوش عليك اسالي انتي وقوليلهم

واش هاذ الغيبة لا خبر فاليرقة كيما نقولو بالعامية

وخاصة اذا عندك رقم سلفتك تتكلمي معها وجسي النبض دون ان تكلمي عن زوجك واش راهم يستناو

وربي يجيبلك الخير يا اختيوالله راني معاك وحاسة بيك لكن انشاء الله بعد الزواج يتبدل كل هذا

واريد ان اعرف أيضاً هل سألتم عنه وعن عائلته فهذا واجب على ابوك*



ااااااااااااااااه يا اختي
الحمد لله لي لقيت شكون يحسن عوني
انا و الله غير طاحو دموعي كي زدتي تكلمتي معايا درك
راني محرحرة تاع بصح
ور اهي غايضتني عمري بزااف
نقولك يا اختي انا اصلا قبلت بيه و تنازلت لانه قصير عليا و قلت ماعليش
ياك راه ولد فاميليا و باب و اعمامي سقساو عليه و كامل يشكروا فيه كلمة الصح تنقال
لكن الشء اللي داروه اهله ضرني بزاااااااف بزااااااااااف و قاسني
و الله كون غير اتصلوا يكفي و يوفي
انا مانيش من النوع المادي انا كون اتصال كي راكي او صح عيدك من عنده او من عنده
فيها عندي بركة
لكن ................. راكي عارفة الكمالة
وما نكدبش عليك راهوا طاح من قلبي

[ميمنة الجزائر]

ااااااااااااااااه يا اختي
الحمد لله لي لقيت شكون يحسن عوني
انا و الله غير طاحو دموعي كي زدتي تكلمتي معايا درك
راني محرحرة تاع بصح
ور اهي غايضتني عمري بزااف
نقولك يا اختي انا اصلا قبلت بيه و تنازلت لانه قصير عليا و قلت ماعليش
ياك راه ولد فاميليا و باب و اعمامي سقساو عليه و كامل يشكروا فيه كلمة الصح تنقال
لكن الشء اللي داروه اهله ضرني بزاااااااف بزااااااااااف و قاسني
و الله كون غير اتصلوا يكفي و يوفي
انا مانيش من النوع المادي انا كون اتصال كي راكي او صح عيدك من عنده او من عنده
فيها عندي بركة
لكن ................. راكي عارفة الكمالة
وما نكدبش عليك راهوا طاح من قلبي

كلمي اختو فقط ونحي العقيمة اللي راهي في قلبك ولا تبكي وأما انواقصر منك لا ربما راهي هي المشكل

ولربما راهو يحس بنقص لانو الرجال راهم كيما حنا وايضا راهو يهمم كيفاه يتكلم معاك وأما انو يطيح من قلبك راني قلتها من قبلك

لكن بعد الزواج تبدل كلشي واقول لك عسى ان تكرهو شيئا وهو خير لكنم وعسى ان تحبو شيئا وهو شر لكم وراني نقولك عن تجربة

لانو انا أيضاً تزوجت مثلك واقول انو اهلو ما قيمونيش خلاص لكن بعد الزواج تبدلت الحالة راهم يستناو غير اليوم الي نزولهم

وأما زوجي الحمد لله راهو من النوع اللي يستحي لانو لم تكن له اي تجربة من قبل يعني نحن متشابهان في كلشي وهو صحيح

اليوم غيور كثير ومن قبل ما سالش عليا خلاص وكامل صحاباتي كان و يقولولي بلي راهو معلابلاوش بيك خلاص وما قيمي خلاص

لكن في قرارة نفسي كنت نستنا اليوم اللي نشوفو واقول لك انو العقد المدني كان في بيتنا ولم استطع حتى ان اتكلم معاه

يعني شفتو يوم الدخلة فقطواقول قبل اسبوع من زواجنا كنت متقلبة لأقصى درجة وكنت رابحا تبطل كيما انت لكن الحمد لله أني

ما بطلتش لانو الخير يكون بعد عسر يعني الحاجة المليحة تجي من بعد مشقة فلا تحزني ولكن انت عندك رقم سلفتك.

ملمسها انت على حاجة تكون تهمك اي مثل الفستان تاع العرس او ماشابه من اتفاق وتكلمي معاها دون ان تذكري كلمة على زوجك حتى هي اللي تتكلموانشاء الله ربي يفرج عليك حنونتي وربي يسرلك أمرك انشاء اللله عاجلا غير اجل

[أبو تقي الدين]

أختي الفاضلة انا خاطب منذ شهور في الخطبة كالعادة زرت خطيبتي مع هدية قيمة ومبلغ مالي بعد التراضي والتعاجب، بعد عيد الفطر ارسلت لها عبر اختي وامي واهلي هدية تشتري لباس العيد وهدايا اخرى ولكن لم اعيد علها انا ،المهم بعد عيد الاضحى المبارك زرتها مع اهلي واعطيتها هدية العيد ومبلغ مالي لشراء ما تحتاج في العيد،لكنها سالتني لماذا لم تاتي في عيد الفطر احسست انها غاضبة مني ومن حقها لكن رؤيتي انا كانت ربما اهلها يرفضوا زيارتي ولكن كان تفكيري خاطئ ،المهم اعتذرت منها بلباقة وقبلت هي اعتذاري وارسلت لي هدية منذ ايام اسعدتني بها ،حسب رائي الناس تختلف في تفكيرها من منطلق اختلاف طباعها ،فيه ناس لا يتزاورون ولا يحبون الزيارات ربما اهله هكذا وربما هو انطوائي ،كان عليه ان يرسل هدية لتثبيت الخطبة وتهنئه من ستكون زوجته ولماذا لا يعيد عليكم في بيتكم وامام اهلك اكيد له ما يبرر كلامه ولكن ما لايبرر رايه هو موقف اهله كان عليهم ان يزورونك ويهنؤونك ويبعثون لك التحايا من عنده حتىى يؤدم بينكما .
نهاية اختاه تصوري ان هدية خطيبتي ارسلتها لي مع اخاها الاكبر منها وهذا موقف يسجل لها علاقتنا يجب ان تكون مثالية ونابعة من حب واخلاص ومودة وليس تزمت ووووو انا لو كنت مثلك لا انتظر 9 اشهر ، بعد العيد اكلم اهله وابعث لهم مالهم والسلام لا لسبب الا انهم لم يحترمونك خطيبة فكيف سيحترمونك زوجة ،وادعو لك الله ان يهبك زوجا صالحا فاهما للدين متمسك بنهج سيد المرسلين.

[nouna-12]

كلمي اختو فقط ونحي العقيمة اللي راهي في قلبك ولا تبكي وأما انواقصر منك لا ربما راهي هي المشكل

ولربما راهو يحس بنقص لانو الرجال راهم كيما حنا وايضا راهو يهمم كيفاه يتكلم معاك وأما انو يطيح من قلبك راني قلتها من قبلك

لكن بعد الزواج تبدل كلشي واقول لك عسى ان تكرهو شيئا وهو خير لكنم وعسى ان تحبو شيئا وهو شر لكم وراني نقولك عن تجربة

لانو انا أيضاً تزوجت مثلك واقول انو اهلو ما قيمونيش خلاص لكن بعد الزواج تبدلت الحالة راهم يستناو غير اليوم الي نزولهم

وأما زوجي الحمد لله راهو من النوع اللي يستحي لانو لم تكن له اي تجربة من قبل يعني نحن متشابهان في كلشي وهو صحيح

اليوم غيور كثير ومن قبل ما سالش عليا خلاص وكامل صحاباتي كان و يقولولي بلي راهو معلابلاوش بيك خلاص وما قيمي خلاص

لكن في قرارة نفسي كنت نستنا اليوم اللي نشوفو واقول لك انو العقد المدني كان في بيتنا ولم استطع حتى ان اتكلم معاه

يعني شفتو يوم الدخلة فقطواقول قبل اسبوع من زواجنا كنت متقلبة لأقصى درجة وكنت رابحا تبطل كيما انت لكن الحمد لله أني

ما بطلتش لانو الخير يكون بعد عسر يعني الحاجة المليحة تجي من بعد مشقة فلا تحزني ولكن انت عندك رقم سلفتك.

ملمسها انت على حاجة تكون تهمك اي مثل الفستان تاع العرس او ماشابه من اتفاق وتكلمي معاها دون ان تذكري كلمة على زوجك حتى هي اللي تتكلموانشاء الله ربي يفرج عليك حنونتي وربي يسرلك أمرك انشاء اللله عاجلا غير اجل











شكرا علي اهتمامك اختي و بارك الله فيكي
و ربي يخليلك زوجك

[nouna-12]

أختي الفاضلة انا خاطب منذ شهور في الخطبة كالعادة زرت خطيبتي مع هدية قيمة ومبلغ مالي بعد التراضي والتعاجب، بعد عيد الفطر ارسلت لها عبر اختي وامي واهلي هدية تشتري لباس العيد وهدايا اخرى ولكن لم اعيد علها انا ،المهم بعد عيد الاضحى المبارك زرتها مع اهلي واعطيتها هدية العيد ومبلغ مالي لشراء ما تحتاج في العيد،لكنها سالتني لماذا لم تاتي في عيد الفطر احسست انها غاضبة مني ومن حقها لكن رؤيتي انا كانت ربما اهلها يرفضوا زيارتي ولكن كان تفكيري خاطئ ،المهم اعتذرت منها بلباقة وقبلت هي اعتذاري وارسلت لي هدية منذ ايام اسعدتني بها ،حسب رائي الناس تختلف في تفكيرها من منطلق اختلاف طباعها ،فيه ناس لا يتزاورون ولا يحبون الزيارات ربما اهله هكذا وربما هو انطوائي ،كان عليه ان يرسل هدية لتثبيت الخطبة وتهنئه من ستكون زوجته ولماذا لا يعيد عليكم في بيتكم وامام اهلك اكيد له ما يبرر كلامه ولكن ما لايبرر رايه هو موقف اهله كان عليهم ان يزورونك ويهنؤونك ويبعثون لك التحايا من عنده حتىى يؤدم بينكما .
نهاية اختاه تصوري ان هدية خطيبتي ارسلتها لي مع اخاها الاكبر منها وهذا موقف يسجل لها علاقتنا يجب ان تكون مثالية ونابعة من حب واخلاص ومودة وليس تزمت ووووو انا لو كنت مثلك لا انتظر 9 اشهر ، بعد العيد اكلم اهله وابعث لهم مالهم والسلام لا لسبب الا انهم لم يحترمونك خطيبة فكيف سيحترمونك زوجة ،وادعو لك الله ان يهبك زوجا صالحا فاهما للدين متمسك بنهج سيد المرسلين.


انت راك درت الواجب يا اخي و ربي يكملكم مع بعض في الخير
نوصيك اتهلا فيها و عمرك ما تدير كيما دار خطيبي
يلزمك ديما تحسسها انك بجانبها
انا حتي واحد منهم ما دار بيا و لا قيمني
خلاص طاحوا من عيني و قلبي
كنت دايرة فيه و فيهم النية
بصح و الله ما عرفولي
و ادعيلي معاك دعوة خير

[نسائم الهدى]

أختي الفاضلة انا خاطب منذ شهور في الخطبة كالعادة زرت خطيبتي مع هدية قيمة ومبلغ مالي بعد التراضي والتعاجب، بعد عيد الفطر ارسلت لها عبر اختي وامي واهلي هدية تشتري لباس العيد وهدايا اخرى ولكن لم اعيد علها انا ،المهم بعد عيد الاضحى المبارك زرتها مع اهلي واعطيتها هدية العيد ومبلغ مالي لشراء ما تحتاج في العيد،لكنها سالتني لماذا لم تاتي في عيد الفطر احسست انها غاضبة مني ومن حقها لكن رؤيتي انا كانت ربما اهلها يرفضوا زيارتي ولكن كان تفكيري خاطئ ،المهم اعتذرت منها بلباقة وقبلت هي اعتذاري وارسلت لي هدية منذ ايام اسعدتني بها ،حسب رائي الناس تختلف في تفكيرها من منطلق اختلاف طباعها ،فيه ناس لا يتزاورون ولا يحبون الزيارات ربما اهله هكذا وربما هو انطوائي ،كان عليه ان يرسل هدية لتثبيت الخطبة وتهنئه من ستكون زوجته ولماذا لا يعيد عليكم في بيتكم وامام اهلك اكيد له ما يبرر كلامه ولكن ما لايبرر رايه هو موقف اهله كان عليهم ان يزورونك ويهنؤونك ويبعثون لك التحايا من عنده حتىى يؤدم بينكما .
نهاية اختاه تصوري ان هدية خطيبتي ارسلتها لي مع اخاها الاكبر منها وهذا موقف يسجل لها علاقتنا يجب ان تكون مثالية ونابعة من حب واخلاص ومودة وليس تزمت ووووو انا لو كنت مثلك لا انتظر 9 اشهر ، بعد العيد اكلم اهله وابعث لهم مالهم والسلام لا لسبب الا انهم لم يحترمونك خطيبة فكيف سيحترمونك زوجة ،وادعو لك الله ان يهبك زوجا صالحا فاهما للدين متمسك بنهج سيد المرسلين.
لماذا يا أخي هل كان سيد المرسلين حبيبي محمد صل الله عليه وسلم يذهب في العيد عند خطيبته؟؟؟
أم من سنّته التكلّم في الهاتف مع الخطيبة؟؟؟
يا أخي نحن نحاول تهدئة الأخت وأنت تزيدها اشتعالا؟؟؟
وأنت يا أختي
ربما هذا هو الفاهم للدين
المتمسّك بنهج سيد المرسلين
وعسى أن تكرهوا شيئا وهو خير لكم
سلاااااااااااااااااااااااام

[ميمنة الجزائر]

كلامك صح يا كريمة ارجو الاختترى ما كتبته وتبعد عنها كل شك حتى يظهر الصح

[أبو تقي الدين]

لماذا يا أخي هل كان سيد المرسلين حبيبي محمد صل الله عليه وسلم يذهب في العيد عند خطيبته؟؟؟
أم من سنّته التكلّم في الهاتف مع الخطيبة؟؟؟
يا أخي نحن نحاول تهدئة الأخت وأنت تزيدها اشتعالا؟؟؟
وأنت يا أختي
ربما هذا هو الفاهم للدين
المتمسّك بنهج سيد المرسلين
وعسى أن تكرهوا شيئا وهو خير لكم
سلاااااااااااااااااااااااام أولا انت لست وصية عني واهتمي بنفسك اولا ، الفتاة طلبت الراي وانا من منطلق الاخوة في الدين نصحتها وتصورتها بمثابة اختي ، انا خاطب ولحد الساعة لم اكلم خطيبتي في الهاتف واكلمها عبر ابنة اختي تدرس معها، انا قلت كان ينبغي ان تهدي لها اخته هدية في العيد لتثبيت الخطبة ، انا من ولاية الوادي ومن عادتنا اذا لم يزر اهل الخطيب مخطوبتهم في العيد يعني ان الخطبة بطلت ولتبحث الخطيبة عن رجل آخر، من حق الخطيبة ان تحترم وهذا لكيانها وامام اهلها وصديقاتها وهذا اصبح عرفا ، لماذا لا تزور ام الخطيب من ستخطبها انا امي تزورها وخطيبتي تقبل يد امي احتراما وليس نفاقا ،وهذا امر مستحسن وفي العيد كلمت خطيبتي ومع اختي محرما في صحن بيتهم ولعلمك ابوها هو امام مسجد ومدرس واستاذ وانا استاذ وحافظ لكتاب الله وولا احتاج الى نصائحك وتهكماتك التي تبين تنطع وتزمت وفرض رايك علي ونصبتي نفسك ناطقة باسم الحق وباسم الدين واكرر دعوتي اللهم ارزقنا زوجا صالحا فاهما للدين وسالك لنهج سيد المرسلين واللهم ابعد عني شر المتهكمين المستهزئين الذين يدعون الفهم في الدين.
وعليكم السلام ورحمة الله وبركاته

[نسائم الهدى]

أولا انت لست وصية عني واهتمي بنفسك اولا ، الفتاة طلبت الراي وانا من منطلق الاخوة في الدين نصحتها وتصورتها بمثابة اختي ، انا خاطب ولحد الساعة لم اكلم خطيبتي في الهاتف واكلمها عبر ابنة اختي تدرس معها، انا قلت كان ينبغي ان تهدي لها اخته هدية في العيد لتثبيت الخطبة ، انا من ولاية الوادي ومن عادتنا اذا لم يزر اهل الخطيب مخطوبتهم في العيد يعني ان الخطبة بطلت ولتبحث الخطيبة عن رجل آخر، من حق الخطيبة ان تحترم وهذا لكيانها وامام اهلها وصديقاتها وهذا اصبح عرفا ، لماذا لا تزور ام الخطيب من ستخطبها انا امي تزورها وخطيبتي تقبل يد امي احتراما وليس نفاقا ،وهذا امر مستحسن وفي العيد كلمت خطيبتي ومع اختي محرما في صحن بيتهم ولعلمك ابوها هو امام مسجد ومدرس واستاذ وانا استاذ وحافظ لكتاب الله وولا احتاج الى نصائحك وتهكماتك التي تبين تنطع وتزمت وفرض رايك علي ونصبتي نفسك ناطقة باسم الحق وباسم الدين واكرر دعوتي اللهم ارزقنا زوجا صالحا فاهما للدين وسالك لنهج سيد المرسلين واللهم ابعد عني شر المتهكمين المستهزئين الذين يدعون الفهم في الدين.
وعليكم السلام ورحمة الله وبركاته
أولا يا أستاذ أنا لم أتهمك ولم أنصّب نفسي وصيّة عليك
ثانيا هذه عادتكم في بيتكم وليست عادة أهل بيت خطيب الأخت
ثالثا ليس من حقك أن تقول لها اتركيه وافسخي الخطبة وتدعوا لها بزوج آخر
رابعا لو لم يكونوا يريدونها زوجة لإبنهم لما اشترو لها الجهاز أم أنهم يهوون تبذير الأموال؟
خامسا أقولها لك وبكل روح رياضية الإختلاف في الرأي لا يفسد للودّ قضية يا أستاذ

سلاااااااااااااااااااااااااااااااام

[أبو تقي الدين]

أولا يا أستاذ أنا لم أتهمك ولم أنصّب نفسي وصيّة عليك
ثانيا هذه عادتكم في بيتكم وليست عادة أهل بيت خطيب الأخت
ثالثا ليس من حقك أن تقول لها اتركيه وافسخي الخطبة وتدعوا لها بزوج آخر
رابعا لو لم يكونوا يريدونها زوجة لإبنهم لما اشترو لها الجهاز أم أنهم يهوون تبذير الأموال؟
خامسا أقولها لك وبكل روح رياضية الإختلاف في الرأي لا يفسد للودّ قضية يا أستاذ

سلاااااااااااااااااااااااااااااااام

أولا : قلت انك لم تتهميني وان قلت تهكمت اي سخرت واللفظ موجود كتبتي هذا هو الفاهم للدين والقصد علي وايضا اتهمتيني باني قلت لها ينبغي ان يكلمك بالهاتف وانا لم اقل ذلك وكان اولى اطبقه على نفسي واكلم خطيبتي ومن هنا قلت انت لست وصية عني اي عن طريقة تفكيري لاني قلت رأيا وانا حر فيه والاخت تختار ما تشاء والامر يعود اليها .
تفضلتي بان لا احكم بما هو عادة في بتي وانتي من حقك ان تنصحي بما هو في بيتكم هل بيتكم افضل من بيتنا واجمل منه حتى تفتي بما في منزلكم ،طبعا اذا كان البيت اصبح محلا للفتوى عندكم سبحان الله.
ثالثا قلتي انه ليس من حقك ان تقول لها اتركيه يا للعجب الاخت طرحت قضيتها وانا نصحتها هل تحجرين على رأيي وتدعين انك على صواب وانا مخطئ ، انت لست وصية عني وعن رأيي وانا انصح من خلال تجارب اعرفها ولا داعي لسردها لكن ما اود ايصاله لكم ان الفضاء للجميع ولا يوجد احد منا ناطق باسم الحق وباسم الدين حتى يفرض رأيه عن غيره ، هذه دكتاتورية تعصبية مستبدة رافضة للآخر.
اخيرا انت اجنبية عني وانا اجنبي عنك واكلمك بواسطة الانترنت هل يجوز ان تكلم الاخت خطيبها عبر الانترنت ام حرام ولم يعمله الصحابة ولم يفعله سيدنا محمد ؟ انا لا اجوز ولا احرم ولا احلل لكن طرحت وجهة نظري والاخت تقبلتها بكل لباقة واستغربت تهجمك علي ومن دون على الاقل اي فهم لكلامي ولا احترام لوجهة نظري ولا ادراك لنصيحتي
ختاما قال رئيس تونس الراحل بورقيبة قلنا كليمة اي كلمة بتنا اي نمنا في ظليمة اي ظلام دامس والقصة معروفة اما انا قلت نصيحة تعرضت لوابل من التهكم منكم وفي الاخير تقولي الاختلاف لا يفسد من الود قضية سامحكم الله والسلام وان شئتم اتنازل عن نصيحتي وكفا الله المؤمنين شر القتال

[nouna-12]

اشكركم علي ارائكم
لكن و الله سامحوني عن سوء لتفاهم الدي حصل بينكما
فلكل رايه و اختلاف الاراء لا يفسد للود قضية
فعدرا منكما

[ميمنة الجزائر]

اشكركم علي ارائكم
لكن و الله سامحوني عن سوء لتفاهم الدي حصل بينكما
فلكل رايه و اختلاف الاراء لا يفسد للود قضية
فعدرا منكما
ها رايتي حبيببتي انك تعني لنا كثيرا وانك عزيزة علينا

فانظري اكثر فيما انت عليه واستخيري ربك لانو لا خاب من استخار

وانشاء الله تسعدي في زواجك اكثر من خطوبتك لانو الخطبة ليست هي الصح بل الزواج هو الحقيقة

وربي يفرج عنك حبيتي

[nouna-12]

ها رايتي حبيببتي انك تعني لنا كثيرا وانك عزيزة علينا

فانظري اكثر فيما انت عليه واستخيري ربك لانو لا خاب من استخار

وانشاء الله تسعدي في زواجك اكثر من خطوبتك لانو الخطبة ليست هي الصح بل الزواج هو الحقيقة

وربي يفرج عنك حبيتي


مشكورة اختي ربي يخليكم ليا
لوكان ما نتوما كون هبلت
ربي يجازيكم كل خير

[ميمنة الجزائر]

مشكورة اختيربي يخليكم ليا
لوكان ما نتوما كون هبلت
ربي يجازيكم كل خير

انشاء الله تكوني هداتي وهدا بالك

استخيرس كثيرا حبيبتي واللهما خاب من استخار

ولا تكتفي بمرة بل مرات حبيبتي حتى يفرج عنك انشاء الله لانو اللله هو المفرج

سلام حبيبتي

[nouna-12]

انشاء الله تكوني هداتي وهدا بالك

استخيرس كثيرا حبيبتي واللهما خاب من استخار

ولا تكتفي بمرة بل مرات حبيبتي حتى يفرج عنك انشاء الله لانو اللله هو المفرج

سلام حبيبتي




و الله يا اختي من اللي تازم حالتي و قبلها كنت نصلي الاستخارة مرات
لكن هده الايام الاخيرة راني كثرت و في كل صلاة
و يلا كملنا نعرف بلي هو مكتوبي و ما عندي ماندير
و يلا تفارقنا مانندمش علي شئ لانه هو اللي ما داهاش فيا
و نتاكد بلي هده اسباب
و مانبقاش نادمة عليه
و ما نقارنش كلامه مع اخر يلا كتب ربي
الحمد لله علي كل حال
و انتي يا اختي تانيك بارك الله فيك و ما تنسايش تدعيلي كل ما تفكرتيني

[ميمنة الجزائر]

و الله يا اختي من اللي تازم حالتي و قبلها كنت نصلي الاستخارة مرات
لكن هده الايام الاخيرة راني كثرت و في كل صلاة
و يلا كملنا نعرف بلي هو مكتوبي و ما عندي ماندير
و يلا تفارقنا مانندمش علي شئ لانه هو اللي ما داهاش فيا
و نتاكد بلي هده اسباب
و مانبقاش نادمة عليه
و ما نقارنش كلامه مع اخر يلا كتب ربي
الحمد لله علي كل حال
و انتي يا اختي تانيك بارك الله فيك و ما تنسايش تدعيلي كل ما تفكرتيني

انشاء الله حبيبتي اذا صليت راني ندعيلك بصح واش من اسم لكي اقدر اقوله عند صلاتي

وربي يفرج عليك حبيبتي

[ميمنة الجزائر]

احذفي اسمك انشاء الله يكون ما اردته حبيبتي

[nouna-12]

احذفي اسمك انشاء الله يكون ما اردته حبيبتي



بارك الله فيكي اختي

[زهير بوعلي]

سؤال لك اختي الكريمة: هل أنت مقتنعة بهذا الشخص كزوج لك تمام الاقتناع؟ ارجو منك الإجابة الصريحة، لأنه على اساسها سيتحدد القرار الذي يجب أن تتخذيه...

[abderrahmane.b]

السلام عليكم و رحمة الله تعالي و بركاته


نشكر كل اعضاء المنتدي
لان المنتدي هاد فرج علي ناس و نزع غبينة ناس و فاد ناس و انا واحدة منهم
خاصة في موضوعي اللي علي جالوا راه حارم عليا النوم الليل مع النهار و راني نقصت و شينت و الناس كامل حارت كي شافتني
علي هاد الحال لكن حتي واحد ما علابالوا واش في قلبي لاني بطبعي خجولة و ما نحكيش اسراري للناس
الا هاد المنتدي اللي فرغت فيه قلبي و فادوني فيه بزاف خواتاتي هنا اللي ما ننساش جميلهم
المهم نحكي حكايتي
انا تخطبت لواحد من مدة 9 اشهر في الاول ترددت شوية في القبول لانه اقصر مني و انا طويلة و عمري ما تخيلت
نفسي نتزوج واحد قصير عليا
اتنازلت شفت فيه الاخلاق و حسن التربية و انسان مدين مصلي ما بيه والوا بشهادة ابي و اعمامي و كل من يعرفه
المشكل مش هنا المشكل انهم منهار جاو لدارنا و شافني و باسبوع تفاهموا علي الشروط و دفعوا دراهم الشرط
ما زادوش داروا بينا
لا هو لا اهله عير مرة جات اخته و اخدت رقمي قاتلي باش لما نشري الجهاز نعرف قياسك
و هدا من ماي
من داك النهار ما جاو ما اتصلوا حتي جويلية عيطلتي و رحت قيست لبست الجهاز
لكن من يومها للان ما اتصلوا ما بانوا ما والوا
ما جاونيش في العيد الصعير ما اتصلوش لا هو لا هم
هو لم يرفع سماعة الهاتف و يسال عني يوما
بعد العيد بمدة ماتت خالته و اتصلت باخته و عظمتلها الاجر لكن من حينها ما قيمونيش تاني
و في العيد هدا تاني كيف كيف كاني لم اكن موجودة
خممت و قلت لماما خلاص راني مبطلة و قتلها تخبر بابا باش يرجع لهم دراهمهم

هل في نظركم اني تسرعت او اخطات
من ناحية التسرع شفت 9 شهور راهي مدة طويلة الناس راها تجيب فيها ولد


اعطوني رايكم برحمة والديكم
و انتوما يا رجال حابة نعرف منكم
لما واحد يخطب واحدة و ما يتصلش بيها خلاص بعد هده المدة علاش و هل ممكن يكون سبب



ما تنساوش تدعولي ربي يفرج عليا غبينتي
السلام عليكم
انا حسب رايي يا اختي نونة تسرعت بعض الشئ لانه كما يقال التمس لاخيك اربعين عذرا اي بمعنى انك لم تسمعي منهم سبب هذا التحفظ اتجاهك
ربما لديهم امور عائاية مستعصية خلاتهم ما يتصلوش بيك او غير ذلك
وكان الاجدر بك ان تقولي لاهلك ان يسالوا عن سبب هذا الانقطاع وبعدها تتخذين القرار ويكون الحق معك 100 بالمئة
ونسال الله التوفيق وان يصلح امورك

[ROMAISSA B1]

انا من رايي يا اختي ان يتصل الوالد او الاخ ويستفسر عن الامر واذا عرف السبب بطل العجب وان كان هنا ك نصيب ومكتوب بيناتكم راح يجي لامحال كاين ناس قعدو اكثر من9 اشهر وهما علي علاقة بيهم دون رابط زيدي اصبري شوية ولي فيه الخير يجيبو ربي وعسي ان تكره شيء وهو خير لكم :mh31: